Eru snjóflóð kaldhæðni?

Já líklegast, kaldhæðin og stórhættuleg, væri þá ekki
bara flott að leyfa þeirri kaldhæðni að fljóta fram þar
sem hún fellur, og byrja á göngum, ég skil ekki þá
forustusauði sem fara ófæruleiðina, þeir hefðu fyrir löngu
átt að vera búnir að ákveða færu leiðina, það eru göng.
Nei endilega að fara beint í sjálfshelduna og þurfa síðan
að láta bjarga sér með miklum tilkostnaði.
Kallast þetta vitsmuna-vöntun eða hvað?

Sjáið nú bara Óshlíðina, hvað er hún búin að kosta í
öryggisaðgerðum og ekkert virðist duga.
Þar þurfa að koma göng og bæði þessi göng eru
bráðnauðsynleg núna, helst í gær.

Er ekki búið að gerast nóg þarna fyrir vestan?
                       Góðar stundir.

Kaldhæðni snjóflóðanna

Fyrir svefninn.

Tveir eiginmenn, Grímur og Guðni, voru í alvarlegum hugleiðingum
um hjónabandið.
>> það er ekki síður hægt að verða leiður á hjónabandinu en öðru.
það er svo sem eins og að vera altaf að spila sömu gramofónplötuna,<<
sagði Grímur. >> Já, og meira að segja altaf sömu megin,<<
bætti Guðni við.

Pilsamerin.

            Henni ber að hrósa spart,
            hún er sver í fangi.
            Pilsamerin, vökur vart,
            vixluð er í gangi.

Maður nokkur átti stygglynda konu, og var hún allmiklu eldri en hann.
Í orðastað eiginmannsins kvað Þorsteinn Magnússon frá Gilhaga:

           Kalt er ástarþelið þitt.
           þó ei framar vonum:
           það er illt að eiga sitt
           undir haustveðronum.

                               Góða nótt.

Fékk hann bara 2 mánuði?

Ræfilsdruslan, hvað hann hefur átt bágt,
hún sló hann fyrst, Það þoldi ekki karlanginn, 
og sló hana sundur og saman.
Svo fær hann bara tvo mánuði, hlægilegt.

Skilorðsbundið fangelsi fyrir árás á eiginkonu

Það heyrist afar sjaldan, verðvitund neytenda.

Örlygur Hnefill Örlygsson, ritaði smá pistil
í fréttablaðið, Stuð milli stríða.
Fyrsta skrefið að lægra vöruverði er ekki skattalækkun
eða upptaka evrunnar, heldur, verðvitund neytandans.

Er hættur að láta bjóða sér hvað sem er.
Ætlaði að kaupa sér úlpu, en missti áhugann er
hann leit verðið augum, 35 þúsund krónur.
já það er nefnilega það, munar ekki um það.
síðast liðið haust fór hann til Íran og keypti sér
Diesel gallabuxur á 1.800 krónur.
Ég er nú ekki hissa á að honum ógni því að ég veit
að þær kosta upp í 18 þúsund krónur á Íslandi.

Þessu er maður búin að taka þátt í meira og minna í
áraraðir, en samt ekki alveg, spurningin er alltaf sú ,
í hvað villtu eyða þínum peningum?
Hvað ætlar þú að gera í því?  Jú við ráðum því,
ekki eitthvað fólk út í bæ sem lítur niður á allt og alla
ef það er ekki klætt eins og því finnst að allir ættu að
vera klæddir.
Verst kemur þetta niður á börnum þessa lands.
Börnin láta vaða það sem þau heyra heima hjá sér.

Tökum í taumana og látum föt ekki ráða yfir okkur.
kæru neytendur hafið verðvitund!
kaupið ekki bara hvað sem það kostar.

Hefur hann ekki frelsi til að???

Ég segi nú bara til hamingju Dagur ef þú
ákveður að taka að þér að þjálfa austurríska
handbolta stráka.
Ég hélt að allir hefðu frelsi til þess að taka þeirri
vinnu sem þeim þóknaðist.
Er einhverjum illa við það frelsi?
Vill einhver láta hefta sig, bara af því að?

Dagur að taka við þjálfun austurríska landsliðsins

Fréttir af bílslysum.

Í gær 28-02 urðu tvö umferðaróhöpp við Eyjafjörð.
Sagt er í fréttinni að 9 hafi slasast, 7 í öðru óhappinu,
en tveir í hinu, en ekki er talið að neinn hafi slasast
alvarlega.
Er ekki möguleiki að taka upp fréttaflutning,
sem væri á hlutlausum nótum eins og,:
,, ekki er vitað en, hvort menn hafi slasast."

Þegar þú heyrir að ekki hafi orðið slys á fólki,
þá anda allir léttar, og sér í lagi ættingjar og vinir.
Síðan kemur áfallið, Einn slasaðist illa, og hinir
hvað veit maður, ekki neitt,
því þó það sjáist ekki utan á fólki
þá getur það hafa skaðast bæði á sál og líkama.
Þetta er sárt fyrir alla sem þekkja til og sendi ég
ungu stúlkunni sem slasaðist, þeim sem voru með henni,
og öllum sem varðar um málið kærleikskveðjur.
                 Einni sem er ekki sama.

Fyrir svefninn.

Í Hvammi í Vatnsdal er stórt steinhús
og gengið upp háar tröppur, handriðalausar.
Einhverju sinni kom karl einn úr sveitinni
þangað í kynnisför.
Þetta var að vetrarlagi og svell mikið á tröppunum
og flughált. þegar karl er að fara aftur, rennur hann
á hálkunni og stingst á höfuðið beint fram af tröppunum.
Eitthvað af heimafólki hafði fylgt honum til dyra
og varð því mjög bilt við þessa sjón,
taldi víst að karlinn hefði stór-slasast.
En hann stóð upp eins og ekkert væri, og spurði þá fólkið
hvort hann hefði ekki meitt sig voðalega.
>> nei, nei,<< sagði karl, >> það vildi mér til ,
að ég kom á höfuðið.<<


Prestur einn á Vestfjörðum var að jarða fyrirrennara sinn.
þegar líkmennirnir voru að láta kistuna síga ofan í gröfina,
heyrðist þung stuna og virtist hljóð þetta koma úr kistunni.
Prestur hallar sér þá að líkmönnunum og hvíslar að þeim:
>> Blessaðir, ansið þið honum ekki, piltar.<<

                                        Góða nótt.

Áhyggjuefni! vita þessir menn hvað það er?

Magnað að láta þetta út úr sér. 
Áhyggjuefni segir samgönguráðherra,
hef ekki trú á því,  þetta þarf ekki að taka svona langan tíma,
eftir hverju eru þeir að bíða? Fleiri dauðaslysum eða hvað,
er ekki komið nóg af slysum, tjónum og öðrum áföllum.
Maður getur alveg brjálast úr reiði þegar er verið að tala
um svona eins og því miður hefur þetta og hitt tafið
fyrir þessu og hinu.

Vegagerðin á Íslandi er bara til skammar.
Það er alltaf verið að vinna fyrir aftan bossann á sér.
Ein ofsareið, en vonandi lýður þeim vel ráðamönnum
þessa lands.
                              Góðar stundir.

Kristján: Ástandið á Reykjanesbraut áhyggjuefni

Nú eru þær að koma þessar elskur.

Ég var nú búin að ympra á því að dóttir mín
væri að flytja til Húsavíkur.
Núna er þetta orðið að veruleika, Íris mín er að
koma með Báru Dísina mína, sem er níu ára,
þær flytja 14 mars.  Búin að kaupa sér yndislega íbúð í holtunum
með útsýni yfir SKJÁLFANDANN og kinnafjöllin,
það gerist ekki fallegra.
Hróbjartur minn sonur Írisar verður hjá pabba sínum,
og munu þeir búa í Hafnafirði,
en Hróbjartur sem er 14 ára ætlar að klára skólann
í Garðabæ.
Þá eiga þær allar þrjár heima hér á Húsavík dætur mínar,
 Dóra mín er að vinna á Laugum og snúllurnar mínar
eru í framhaldsskóla þar, en þær koma í heimsókn
flestar helgar.
Þá á ég bara eftir að fá soninn til að koma til okkar, en
hann ætlar nú ekki að búa á einhverju krummaskuði.
Talandi um krummaskuð, hann býr í Innri Njarðvík

Samkynhneigðir varaðir við því að fara til Serbíu.

Serbía verður að bera ábyrgð á öllu því
frábæra fólki sem heimsækja landið vegna Erouvisíon,
Það á ekki að skipta neinu máli hvort fólk er
samkynhneigt eða gagnkynhneigt, og svo er
alltaf talað um; "og annað hinsegin fólk,"
Fyrirgefið mér fáviskuna, á ég kannski að vita það,
að fólk sé eitthvað hinsegin, nei ég bara hugsa aldrei svoleiðis.
Fólk er bara fólk fyrir mér, sama hvaða kynhneigð það hefur.
Vona ég svo sannarlega að Serbía taki til í sínum ranni
og verndi þá sem inn í landið koma.
En getur einhver upplýst mig um, af hverju Gay Pride
dagar eru kallaðir hinsegin dagar???
Ég hefði viljað kalla þessa daga, Hátíð Ársins.
því það er hún svo sannarlega.
                                     Góðar stundir.

Samkynhneigðir varaðir við því að fara til Serbíu

Manni verður alltaf illt við.

Já einhvernvegin verður manni illt við,
þegar fréttir berast af slysum.
Því oftar en ekki, þó svo að sagt sé að fólk
hafi lítið sem ekkert slasast,
þá hefur annað oft á tíðum komið í ljós.
Ég sendi þessu fólki góðar óskir um bata
bæði á sál og líkama.
                     Góðar stundir.

Níu fluttir á slysadeild eftir tvö umferðarslys

Fyrir svefninn.

Jón smiður á Seljum var hugmaður mikill.
Eitt sinn er hann var að smiðum með
Guðjóni syni sínum, kallaði hann til hans:
>> heyrðu Gulli, Náðu í >> treitommu<<
og hafðu hana langa.<<

Páll í Svínhaga, alþekktur hugmaður,
var að lýsa því, þegar hann var að búa
sig að heiman í skyndi, og lauk því með
þessum orðum:
>> Og seinast hljóp ég í jakkann og hattinn.<<

                  Meyjarhrós

                           Fagurt hrós fyrir það eitt
                           fær sú meyjan hreina,
                           að hún tekur aldrei neitt
                           annarra þörf til greina.
                                              
                                       Þorsteinn Magnússon.

                                                        Góða nótt.

Var að rifja upp svona ýmislegt.

þegar ég byrjaði að búa árið 1961, fluttist ég fljótlega út á land,
Þá sigldu strandferðaskipin hringinn í kringum landið okkar,
sumstaðar voru ekki hafnir nógu stórar til að taka þau upp að,
þannig að flytja þurfti allt með bátum í land.

Eitt að því sem var afar bagalegt fyrir borgarpíu eins og mig,
það var ekkert bakarí á staðnum ,
og yfirleitt er brauðin komu með skipinu voru þau mygluð,
það var ekki um annað að gera en að baka brauð,
og það gerði maður, ásamt því að baka kökur,
og oft á tíðum vandræði, en alltaf bjargaðist þetta
þangað til maður var orðin útskrifaður í þeirri grein.
Hafði líka haft besta kennara í heimi sem var mamma mín.

Þarna var ég með Dóru mína litla, og þetta var þroskandi tími
fyrir mig. Ég lærði að það var til Gróa á leiti, og gat hún verið
baneitruð, ég lærði líka fljótt og vel að hunsa hana Gróu.

Var þetta góður tími, það var farið á skíði og skauta
yfir veturinn, Ekki hreyfði maður bíl,
því þarna var ekki  neitt um það að ryðja vegi og maður fór á skíðum
niður í kaupfélag, gaman gaman.
á sumrin var synt í vötnum og ám, og farið í skemmtiferðir út um allt.
Lærdómsríkt í alla staði.

þetta rifjaðist upp fyrir mér í gær er ég var að kaupa í
brauðbaksturinn.
Líka það að fólk er síkvartandi um alla skapaða hluti
þú getur komist í búð, alla daga, og kemst allra þinna ferða,
því það er búið að ryðja alla vegi um leið og þú vaknar.
og núna ilmar húsið hjá mér af brauðangann á morgun verður
það rúgbrauðið, síðan set ég í frystiskápinn og á alltaf
til brauð.
Þetta var smá upprifjun.

Bara ennþá að gera sig breiða á Íslandi.

Danir gera það ekki endasleppt,
ennþá að gera sig breiða gagnvart landi voru. 
Þeir halda að þeir verði ríkir á því að halda að sér
höndum og vera ætíð í sömu afturhalds-stefnunni,
helst að hafa það bara notalegt og gera sem minnst.
Vilja enga útrás eða breytingar, en þeim tekst ekki að
útiloka okkur,
við erum ekki þeirra þegnar lengur,
það hlýtur að vera það sem þeir halda, að þeir ráði.

Minnir mig svolítið á suma hér heima sem vilja ráða of miklu.

Við förum samt áfram til Danaveldis því það er virkilega
skemmtilegt.
                         Góðar stundir.

Nordea: Varað við Íslandi

Þetta var sko kona sem var rekin.

Hefði þetta verið karlmaður sem lék í klámmynd,
hefði nokkuð verið gert í því???
Hún misnotaði einkennisbúning sinn, en hann
gerði það ekki, með því að vera klámfíkill, af hverju
var hann ekki rekinn fyrir að horfa á myndbandið.
Flott er að hún skuli fá nóga vinnu við þennan
iðnað, löggan getur þá gefið hvor öðrum
klám myndbönd í jólagjöf, og svo skiptast þeir bara á
myndum. Afburða ógeðslegt.

Lögreglukona rekin fyrir að leika í klámmynd

Hver keypti veigarnar?

Það hlýtur að koma meira í kjölfarið,
þeir sem þáðu veigarnar, hvað með þá?
Bera þeir ekki ábyrgð á sjálfum sér, ekki var
víninu neitt ofan í þau.

Keypti formaður skólanefndar  veigarnar? 
Átti hann einn að bera ábyrgð á siðferði  ferðarinnar?

Fróðlegt verður að fylgjast með hvernig skólameistari
tekur frekar á þessu máli.

Þegar þetta gerðist á Ísafirði, var þeim vikið í viku
úr skólanum, sem drukku áfengi.

Ekki er ég hlynnt víndrykkju ungs fólks, þarna hafa trúlega verið
16 ára ungmenni með í för, og það segir sig sjálft að það er
ekki löglegt að þau drekki vín.

Það sem mig langar til að fá svar við,
hvort formaðurinn þurfi einn að axla ábyrgð???.
                            Góðar stundir.

 

Sagði af sér formennsku að beiðni skólameistara

Fyrir svefninn.

Guðmundur og sr. Einar voru einu sinni saman
á ferðalagi.
Sr. Einar segir þá: >> Ef fjandinn hitti okkur nú,
hvorn heldur þú að hann tæki fyrst?<<
>> Og sjálfsagt mig, hann er alltaf viss um þig,<<
svaraði Guðmundur.

Sr. Guðmundur var kvenhollur maður talinn.
Kristín kona hans var búkona mikil og kvenna nískust.
Einu sinni kemur frú Kristín að manni sínum í faðmlögum
við eina af vinnukonum sínum.
Hún verður ókvæða við, sem vonlegt var,
en prestur segir rólega:
>> Þetta eru nú launin hennar, góða mín.<<

                                       Góða nótt.

Sérkennilegur dagur.

Vaknaði að vanda eldsnemma í morgunn,
þegar ég settist að tölvunni,
kom yfir mig leiði og sorg yfir því að til skuli
vera fólk sem vísvitandi niðurlægir og mokar yfir aðra,
menn farnir að etja saman á minni síðu.
Það verða nú bara allir að virða mér það til vorkunnar,
að þessu á ég ekki að venjast, og hugnast það eigi heldur.
Eftir ráðleggingar frá góðum bloggara lokaði ég fyrir
þennan ósóma, kunni nú samt ekki að eyða athugasemdum
svo ég hringdi í þessar elskur á mbl.is og þeir kenndu mér
þetta á svipstundu, eins að setja óæskilega menn á bannlista.
svo þetta er afgreitt mál að þessu sinni, samt ergilegt að
þurfa að standa í þessu.
Maður hefur nú lent í að skiptast á skoðunum, það er bara
skemmtilegt að etja saman á þeim nótunum.
En þetta var miður skemmtilegt.

Draumaheimur sósíalísmans, hvaða heimur er það?

                     Að gefnu tilefni.
Ég er alfarið hlynnt því að bloggað sé um öll
þau mál sem snerta þjóðfélagið og þar með okkur,
þegna þessa lands.
Td. eins og ofbeldismál og mörg önnur mál,
einnig dóma í slíkum málum.
Þakka ég því Morgunblaðinu fyrir að veita okkur
aðgang að því sem er að gerast, dags daglega
svo að við getum fjallað um það.
Einn sem kommentaði fannst það ósmekklegt að
mbl.is leyfði blogg á svona mál.

Ég bloggaði í gær um manninn sem var dæmdur fyrir
að hafa barnakláms-myndir í tölvunni sinni.
Fyrirsögnin var. Er talið að hann lagist með aldrinum?

Ekki lel ég mig vera sérfræðing í hvorki einu né neinu
þótt ég telji mig ansi góða í mörgu, þó ég segi sjálf frá.
Sérkennilegt, og hugnast mér eigi, er fólk kemur inn á
síðuna hjá manni, þekkir mann ekki neitt,
leggur orð, greind og skoðanir manni til handa.
Eins og; að maður sé sérfræðingur,
að maður líti þannig á málin að morðingjar geti ekki lagast
með aldrinum og að geðklofi geti ekki leitað sér hjálpar.
" Og svo kom nú rúsínan í pylsuendanum."

þið þessir réttvísu og sanngjörnu eruð fljót að dæma þá
sem ekki passa inn í þennan frjálsa draumaheim sósíalisma.
Ég spyr hvað er draumaheimur sósíalismann?
Og hvar eiga menn sem eru annaðhvort barnaperfertar
eða barnaníðingar að passa inn?

Afar hagkvæmt er fyrir þann sem kommentaði þetta á minni síðu,
lokaði sinni síðu, 18-02-2008.
En hann getur komið inn á annarra síður til að tala um eitthvað
sem hann veit ekkert um.
Guð hjálpi þessum manni.
                                         Góðar stundir.

Er fólk hvergi hult?

Já ég segi er fólk hvergi hult, það er nefnilega þannig
að bæði karlmenn ok konur lenda í þessu ógeði.
Svona glæpir eru búnir að viðgangast, æði lengi í
flestöllum löndum í kringum okkur.
Allmörg þessara mála komast aldrei upp,
vegna þess að þeir sem verða fyrir þessu, eru ekki
meðvituð um hvað gerist.
Það er eins gott að allir séu með augun opin og láti vita
ef þeir sjá eitthvað gruggugt við framgöngu manna.
Það stoppar þetta engin betur en fólkið sjálft.

Svo skil ég ekki, hvað hafa menn út úr þessu,
eru þeir kannski svona ljótir að engin vilji þá
eða hvað?

Grunaðir um að hafa sett lyf í drykki