Fær hann að koma til baka?

Maður spyr sig bara þessara spurninga, eftir því sem
hefur hermst þá endurtala gjörðir sig ævilega.


Ekki ætla ég að dæma það sem á undan er gengið,
viðkvæmt er málið, en það er það aðallega fyrir þær
stúlkur sem urðu fyrir þessu.

Vitið ég á ekki til orð, en vona að guð eigi það.

 

Sóknarprestur sýknaður

Hva! Hva! hvað er að gerast?

Eftirlitsmenn fari til Íslands

Eftir Kristján Jónsson [e-mail]

Sendinefnd Öryggis- og samvinnustofnunar Evrópu, ÖSE, sem var hér á landi fyrr í mánuðinum, mælir með því í skýrslu sinni að stofnunin sendi eftirlitsmenn til að fylgjast með alþingiskosningunum hér á landi 25. apríl.

Maður hrekkur bara í kút, eftirlitsmenn til Íslands, erum
við í þeim hópi nú að alþjóðasamfélagið þarf að fylgjast
með okkur. það er eins gott ef svo er að vegalengdirnar
eru eigi eins langar og fyrir 100 árum eða svo er menn
fóru og komu eftir marga mánuði aftur með einhverja
skipan frá kóngi vorum, sem þá var.
Á meðan gátu þeir óheiðarlegu orðið ríkari, já og á hverju,
Jú skrælingunum sem þeir réðu yfir.

Í skýrslunni segir að þau mál, sem helst þurfi að gæta að séu kosningalöggjöfin og hugsanlegar breytingar á henni, þ.e. persónukjör, einnig er fjallað um utankjörstaðaatkvæðagreiðslu, misjafnt vægi atkvæða og fjölmiðla og eignarhald á þeim.

Já ekki vanþörf á " Trúlega ekki"

Loks er fjallað um aðgang eftirlitsmanna, innlendra sem erlendra, sagt að reglur um hann virðist ekki vera algerlega í samræmi við samþykktir ÖSE frá 1990.

Þá er að kippa því í liðinn, eigi erum við þekkt fyrir að
fara eftir lögum og reglu, fyrr en neyðumst til.

Sagt er í skýrslunni að rætt hafi verið hvort þingið mætti halda áfram störfum eftir að búið væri að leysa það upp. „Tekið er fram í stjórnarskránni að umboð þingmanna sé gilt fram að kjördegi. Sumir flokkarnir álíta að með þetta ákvæði í huga eigi þingið að halda áfram að starfa eins lengi og hægt er til þess að taka á efnahagsvandanum."

Auðvitað áttu bara að vera kosningar í haust svo tími
væri til að undirbúa þær svo öllum líkaði og að leysa
vandamál þjóðarbúsins sem best.

Sagt er að talsmenn nýrra framboða hafi bent á að stuttur fyrirvari geri þeim erfiðara um vik en stóru flokkunum að skipuleggja sig og heyja baráttu sína. En almenningur virðist almennt treysta því að framkvæmd kosninga á Íslandi sé trúverðug. Lagaumhverfið virðist vera með hætti að það ýti undir lýðræðislega framkvæmd kosninga

Sagt er að nýir sópar sópi best, svo líklegast er
þeim þá bara kastað fyrir björg, þannig að eigi
tækifæri fái.

Eftirlitsmenn fari til Íslands

Lætur ganga á eftir sér.

Er eiginlega ekkert hissa hún gerir sér grein fyrir því
að um erfiðan róður verður að etja, fari hún í ríkisstjórn,
sem er að sjálfsögðu alls ekki sjálfgefið.

Hitt er svo aftur annað mál að hvern eiga þeir hæfari en
Jóhönnu, eigi er hægt að neita fyrir það að mesta og
fróðasta reynslan kemur frá þeim bæ.

Hálfgerður glundroði mundi verða ef hún færi ekki í
formanninn.
Með fullri virðingu fyrir öðrum í flokknum og tel ég mæta
menn og konur vera þar eins og í öðrum flokkum, en
engin hefur sýnt neina formannshæfileika að mínu mati.

Eini maðurinn sem ég hef séð fyrir mér sem formannsefni
með bein í nefinu, er Benedikt Sigurðarson framkvæmdastjóri
Búseta á Akureyri.
Maður sem skilur og stendur á sínu það þarf svoleiðis menn
í pólitík í dag.

Svo er það með þessa endurnýjun sem talað hefur verið um
að fólk vildi sjá, eigi er ég farin að sjá að fólk hafi meint
nokkuð með því, enda unga og ferska fólkinu ýtt út í kuldann
í öllum flokkum.

Vonum það besta fyrir land og þjóð.

Biðin eftir Jóhönnu á enda

Fyrir svefninn.

Í dag var góður hópur vinkvenna hjá mér, við hittumst
einu sinni í viku á miðvikudögum.
Sumum finnst einkennilegt að hafa svona saumaklúbb
á miðjum degi, en hvað er svo sem að því, þá er birtan best.
Það er rætt um lífið og tilveruna, börnin og bara allt sem okkur
dettur í hug, og það verður að kæta okkur.
Ljósin mín komu í pössun klukkan 14.00 Milla mín var að fara
að vinna.

Ég kem með Bergbúann þó eigi sé komið sumar.

Bergbúi.

Ég sat við ána um sumarkvöld,
þar svartur hamar stár,
en fram af berginu lindin lét
liðast silfurhár.

þá út úr bjarginu andi gekk,
yfir hann lindin féll,
eins og slæða af geislum gerð,
--glitrandi silfurpell.

Á bak við sýnina hrjúfur, hár
hamarinn dökki gein.
Þetta var eins og marmaramynd
mótuð í svartan stein.

Og út úr hamrinum hvíslaði rödd,
hrynjandi mjúkt og dátt:
Allt er þrungið af anda guðs,
alheimsins trú og mátt.

Ef skynjarðu anda hins háa bergs,
bæði hans auð og nekt,
þú finnur, að öll er orka lífs
af einni og sömu slekt.

Í leiðslu sá ég um ljósa sýn
luktist klettur blár,
en niður hamarinn lindin lét
liðandi silfurhár.

Ólafur Jónsson
Fjöllin Blá 1947.

Góða nótt kæru vinir

Kristján Þór áfram nú.

Þetta verður bara frábært hjá þér Kristján Þór, það er alveg
nauðsynlegt að hrista upp í forystunni, þú verður góður formaður
og Þorgerður Katrín sem varaformaður, hún er búin að gera
frábæra hluti og mundi halda því áfram.
Svo leiðis mundi ég vilja sjá flokkinn.

Kristján Þór íhugar framboð

Fagna þessari konu.

Það er óskandi að það verði hægt að ná fram sannleikanum
í þessum málum.
Hverjir tóku þátt og hverjir ekki.
Við viljum ekki borga fyrir leikaraskap annarra manna og
kvenna.

Og ekki er nú hægt að lýsa þeirri hneykslan sem í mér býr
við að lesa um það hvernig ætlunin var að tækla þessi mál.
Engin á landinu okkar er fær um það, en samt átti einhver
maður einn á bát að ráða við það.
Aumingja hann.

Það er eins og sagt er maður fær tuskuna í andlitið á
hverjum degi.

Eva Joly hreinsar út á Íslandi

Viðbót við færsluna mikið var.

Langar til að bæta við nokkrum atriðum sem ég var eiginlega
of þreytt til að tala um í gærkveldi.

Allir vita það að vændi, barnaklám og klám af öllum toga
hættir aldrei, það verður alltaf til.
Einnig vitum við að klám tengist víni, dópi og öfugt og við
munum aldrei að fullu getað aftrað því.

Þessi lög eru nauðsynlegur og góður liður í því að geta náð
til þeirra sem stunda kaup á klámi.

Hef nú oft talað um þetta áður, en það erum við foreldrar,
ömmur, afar, leikskólakennarar, kennarar og allir þeir sem
koma að uppeldi barnanna okkar sem þurfa að hjálpast að
við að ala börnin upp í góðum gildum, hvað sé rétt og rangt.

Mikið hefur til dæmis borið á virðingaleysi í tali barna og það
er miður því barn sem sýnir öðrum virðingaleysi ber ekki virðingu
fyrir sjálfum sér, þetta þarf að laga.
Einnig er afar brýnt að ala börnin upp þannig að allt þetta sé
ekki eins og kennsla heldur að það sé bara liður í lífinu rétt eins
og að bursta tennurnar, borða, klæða sig og umfram allt að sýna
þeim kærleikann því ef þau ekki fá hann þá leita þau eftir honum
í hinum ýmsu myndum.

Eigið góðan dag í dag.

Og ég spyr af hverju ekki fyrir margt löngu, var einhverjum
hagur í að hafa þetta svona?

Fyrirgefið það er von að maður spyrji, búið að taka of mörg
ár að setja þessi lög.

 

Til stendur að breyta almennum hegningarlögum þannig að kaup á vændi verði gert refsivert. mbl.is/Árni Torfason

// Innlent | mbl.is | 17.3.2009 | 15:03

Kaup á vændi verði refsiverð

Í nýrri aðgerðaáætlun gegn mansali, sem ríkisstjórn Íslands samþykkti í dag, eru lagðar til aðgerðir sem miða að því að sækja gerendur til saka, auka aðstoð við þolendur og tryggja vernd þeirra. Þá stendur til að breyta almennum hegningarlögum þannig að kaup á vændi verði gert refsivert.

Einnig á að girða fyrir undanþágumöguleika í lögum um veitingastaði, gististaði og skemmtanahald fyrir nektarstaði þannig að lögin banni alfarið starfsemi nektarstaða. Þá verða siðareglur settar fyrir Stjórnarráðið og opinberar stofnanir sem fela í sér skýlaust bann við kaupum á kynlífsþjónustu. 

Talað er um að þessi lög færi málið neðanjarðar, en það er
ekki endalaust hægt að skýla sér á bak við það.
Ef eftirlitið með þessu er gott ef stúlkur vita að þær geta
fengið hjálp þá hlýtur þetta að minnka þó við vitum að ætíð
verði þetta til því miður.
Vonum það besta.

Góða nótt

Kaup á vændi verði refsivert

Maður fær alltaf sting í hjartað.

Já það er það sem maður fær þó ég viti að vinir mínir
fyrir vestan séu bara brattir, en þá elskurnar mínar
farið varlega hvar sem þið eruð þarna á ferð.
Ljós og kærleik til ykkar allra
Milla.

Hús rýmd í Bolungarvík

Kom í ljós, sem allir vissu.

Kristján G. Gunnarsson, formaður Starfsgreinasambandsins. mbl.is/Ómar

// Innlent | Morgunblaðið | 17.3.2009 | 05:30

Launamálin endurmetin.

„Þetta neyðir okkur til að endurmeta þá ákvörðun að fresta endurskoðun kjarasamninga, því það er greinilega meiri innistæða fyrir hendi heldur en upp var gefin, a.m.k. í þessari starfsgrein," segir Kristján Gunnarsson, formaður Starfsgreinasambands Íslands (SGS), um þá ákvörðun stjórnar HB Granda að greiða hluthöfum 8% arð. Segir Kristján ljóst að þessi ákvörðun verði rædd á formannafundi SGS nk. fimmtudag.

Verkalýðsforystan hefur brugðist illa við fréttunum af fyrirhugaðri arðgreiðslu. Þannig skorar Efling-stéttarfélag á stjórn HB Granda, í ljósi arðgreiðslna til hluthafa og yfirlýsinga um að fyrirtækið standi vel rekstrarlega, að taka umsvifalaust ákvörðun um að launahækkun til starfsmanna Granda hf. komi þegar í stað til framkvæmda.

Þið vissuð þetta allan tímann, held að þið ættuð að drekka
minna kaffi elskurnar og vinna fyrir þá sem borga ykkur laun
það er fólkið í félögunum.
Það átti aldrei að gefa það eftir að fara í hærri launakröfur.
Hverjir eru að gefa mest eftir í þjóðfélaginu, það er verkafólkið
lægst launaða fólkið og það vinnur mest per stund fyrir skítalaun.

Setur allt á annan endann

Að sögn Kristjáns kemur ákvörðun stjórnar HB Granda einkennilega fyrir sjónir þegar blekið sé ekki þornað á þeim pappírum þar sem beðist var undan launahækkunum til handa verkafólki. „Ef menn hafa svigrúm til þess að greiða sér ríflegan arð miðað við ástandið í þjóðfélaginu, þá er svigrúm til launahækkana hjá fiskverkafólki, sem á þær svo sannarlega skilið," segir Kristján og bendir á að fiskverkafólk hafi á síðustu mánuðum spýtt í lófana til þess að afla eftirsóttra gjaldeyristekna fyrir landið. „Ég ætla rétt að vona að stjórn Granda sjái að sér og kippi málinu í liðinn áður en þeir setja hér þjóðfélagið á annan endann.

Það á ekkert að bíða eftir því að þeir kippi málunum í lag
því það verður ekki gert.
Bara setja á hærri laun og það strax, ekkert fjandans
fjas um það.
Það er sama hvenær maður fer út í búð maður hrekkur í kút
þó maður sé ekki að kaupa neitt nema það bráðnauðsynlegasta.
Sumir geta ekki keypt neitt.

Launamálin endurmetin

Fyrir svefninn.

Það er nú ekki einleikið stundum hvernig maður allt í
einu fer í stuð, ég meina tiltektarstuð.
Gísli minn þessi elska fór í það í morgun að skipta á
rúminu okkar, síðan einnig í gestaherberginu
þær voru eins og allir vita hér um helgina.
Nú þá fór ég einnig í stuð fór fyrst í sjæningu, O My
þegar ég skrúfaði frá sturtunni eins og ég er vön úðaðist
allt út á gólf ég flýtti mér á mínum flotta hraða að koma mér
inn í klefann og loka hurðinni, en við erum nefnilega með
svona sturtuklefa sem opnast allur út að framan svo mikið
flóð myndaðist áður en ég náði að loka, kallaði á bjargvættinn
hann kom og þurrkaði upp.
Þegar ég var búin að sjæna mig tók ég baðið í gegn,
síðan tölvuverið og er hann var búin að setja hreint á rúmið
pússaði ég allt þar inni, róbótinn var látinn ganga endalaust
og ekki veitti nú af eftir helgina.

Þvottavélin og þurrkarinn gengu non stopp nú við fengum okkur
kaffi og brauð þarna á milli einhvern tímann og ég þurfti náttúrlega
að setjast niður á milli til hvíldar.
Vaskahúsið var tekið vélarnar þrifnar og allt pússað og sjænað
þvegið í kring í eldhúsinu, þá var ákveðið að geyma restina þangað
til á morgun, sem er þá að róbóta stofu eldhús og holið.

Gleymi að segja að ég setti í Systrabrauð, uppskrift sem ég fékk hjá
góðri vinkonu í ofninn, það er æði gott þetta brauð.

Milla hringdi um klukkan 15.00 og sagði að ein lítil væri á leiðinni
hún hefði farið í 5 ára sprautu og skoðun um morguninn og væri
slöpp í hendinni. Milla var að fara að vinna til  Klukkan 18.00
þær komu svo hún og Viktoría Ósk og við borðuðum saman
piparsteiktan Steinbít með blómkáli, lauk og smurosti yfir
og að ógleymdum kartöflum, bara gott.

Nú þannig að dagurinn í dag er búin að vera góður eins og
reyndar allir mínir dagar, bara gleði og hamingja.
Vitið það er svo auðvelt að vera hamingjusamur, það er
bara að meta það sem maður á og njóta þess, vera ekki
að ambrast út í það sem ekkert er, eins og t.d. smá verki.

Góða nótt kæru vinir og sérstaklega þeir sem eru í
gleðibankanum.

Geta svona skrímsli orðið til.

Óhugnaðurinn er svo mikill í þessum manni að engin
orð fá honum líst.
Hvernig í ósköpunum gat hann komist upp með þetta
í öll þessi ár, það hljóta að hafa verið einhverjir sem vissu
um þennan glæp.

Dauðadómur er of vægur fyrir svona mann, í fangelsi með hann
þar verður séð fyrir honum.

Fyrirgefið mér er orðið illt.

„Notaði hana eins og leikfang“

Til hamingju Kristján þór Júlíusson.

Kristján Þór Júlíusson. mbl.is/Ómar

// Innlent | mbl.is | 15.3.2009 | 17:06

Kristján leiðir í NA-kjördæmi

Kristján Þór Júlíusson, alþingismaður, leiðir lista Sjálfstæðisflokksins í Norðausturkjördæmi í kosningunum 25. apríl. Talningu í prófkjöri flokksins er lokið. Tryggvi Þór Herbertsson er í öðru sæti og Arnbjörg Sveinsdóttir í því þryðja.

 

Já ég hefði viljað sjá unga fólkið ofar, en þeir koma bara
betur inn seinna.

Nota hér tækifærið til að óska þeim sem leiða aðra flokka í
kjördæminu til hamingju, eins og Birkir Jón, Steingrími J
og Kristjáni Möller.
Á svo ekki eftir að bætast við?
Vona bara að þessir menn eigi eftir að bæta allt það sem bæta þarf
og þá meina ég það, það gæti þá kannski orðið möguleiki að ég færi
að kjósa eftir 4 ár.
Ég er nefnilega ekki með gullfiskaminni.
                   Góðar stundir.

Kristján leiðir í NA-kjördæmi

Fyrir svefninn, allir eru betri en ég "sko" í mörgu

Ég er alltaf í boltanum, ekki í símanum þoli hann ekki,
aldrei á msn-inu kann nú ekkert á það og ef ég þarf
nauðsynlega að senda skilaboð þá er í í klukkutíma að
framkvæma þann gjörning, eigi að baknaga eða
skíta út.
Kann ekkert að gera við bíla, eða neitt í útistandi og
af hverju ætt ég svo sem að kunna það?

Kann að elda, baka, halda veislur, taka vel á móti fólki,
tala vel um fólk sérstaklega elska ég börnin mín sem ég
kalla hinum ýmsu nöfnum, eins og ljósálfinn, ljósið og
englana mína. Aldrei hef ég orðið vör við að ég væri óvinsæl,
lygin, ómerkileg eða illa liðin. kannski er það vegna þess að
ég er svo útsmogin persóna aðrir verða víst að dæma um það.

Kann að sauma, kenni Harðangur og klaustur, það er ævaforn
saumur, hef kennt föndur af hinu ýmsu tagi í áraraðir og hef
svo gaman að því.
Gædd er ég þeim eiginleika að taka ekki til mín það sem ég ekki á
en ef ég á það þá fer það í ferlis-athugun.

Ykkur kann að undra þessa upptalningu hjá mér hún er nefnilega til
þess að segja fólki að það hefur enga þýðingu að sletta í kringum mig
sletturnar detta bara í gólfið.

Vonandi lýður öllum vel þó þeir lesi þetta, ekki illa meint.
Ég er farin í afmæli til Ljósálfsins míns og stóra ljóssins.
og þær mæðgur englarnir mínir frá Laugum eru þegar farnar
til þeirra.
Sjáumst.
Milla.

Bæti hér við smá úr afmælinu í því voru við ömmurnar ég og Ósk
Dadda langamma, Ásgeir og Elsa með Óskar sinn frá Kópaskeri,
Hjalti karl frændi varð eftir er krakkarnir fóru öll heim kl 16.
því hann er svo góður frændi þau eru jafn gömul og ætla að giftast
er stór verða, verður gaman að minna þau á, eftir nokkur ár.
Nú ekki má gleyma Alla besta frænda og Gísla afa, Dóru frænku,
Tvíburunum, Björgu frænku og Neró.
Það voru fylltar lefsur, rækjusalat og kex, brúnterta með rjóma
marengsterta alveg æðisleg og það var sko borðað vel.

Það er alltaf gaman í þessum afmælum er allt fullorðna fólkið
kemur saman og spjallar um allt milli himins og jarðar.
til dæmis ættfræði, hagyrðingamót, skólamál og eiginlega bara nefnið það.

Gísli minn var að koma frá því að aka þeim fram í Lauga, englunum mínum.

Góða nótt kæru vinir

Hann er þó að selja þessa hluti.

Hvað er að fólki  að láta svona við strákinn, er nokkuð
búið að dæma hann? Bara smá spurning, verðum við ekki
bara að vera stillt þangað til að búið er að,
sko dæma manninn.

Mundi alveg vilja eiga svona flugvél, hugsið ykkur muninn
maður gæti bara gert allt sem hugurinn girndist á meðan
á flugi stæði, spennandi

Það er talað um að íslendingar séu að borga fyrir nokkra
glæpamenn  vel útsmogna og samviskulausa útrásavíkinga,
en ansi er ég nú hrædd um að eftir eigi að koma í ljós að fleiri
eru þeir, en við teljum í dag sem borga þurfum fyrir.

En munar mig nokkuð um að borga eitthvað fyrir þessa gæja
ég á nóg af peningum, ég er sko öryrki þið skiljið.

Svo kemmst aldrei upp um hina raunverulegu glæpamenn,
þeir eru nú duglegir að fela sínar slóðir og þagga niður
mál sem eigi henntar þeim að komist í hámæli, eins og
Geirfinnsmálið til dæmis.
Svona mál eru til út um allann heim.

Og ekki gátu nokkrir sætir strákar gert þetta einir, eða er það?
Nú ef ekki kemmst upp um hina þá borgum við bara fyrir þessa sætu
er það ekki bara gott fólk?

Allavega verður þetta spennandi framhaldssaga því þetta er rétt að byrja.

Jón Ásgeir selur snekkju og flugvél

Fyrir svefninn.

Hér er búið að vera afar skemmtilegt í dag, nú allir fóru í
bað og tiltekt síðan fóru mæðgur með afa í búðirnar.
komu heim, borðuðum og dóluðum.

Dóra mín tók allt í einu upp á því að búa til snjóhús í stóra
skaflinum sem myndast hefur á pallinum á bak við hús.
Hún var sko ánægð stóra ljósið mitt hún Aþena Marey,
Ljósálfurinn minn Viktoría Ósk var ekki því hún var heima að
laga til í herberginu sínu. Milla kom svo og fór með hana heim
til að laga til í sínu herbergi og Viktoría varð eftir því henni
langaði til að sullast í pottunum með okkur, hún er afar góð í því.

Nú við borðuðum síðan saman það var kjúklingaveisla og nammi
á eftir.
Mæðgur farnar heim og englarnir mínir fóru með til að hjálpa Millu
með eitthvað í sambandi við morgundaginn.
Veislan fyrir þá eldri hefst klukkan 16.00 og það verður sko flott
að vanda hjá henni Millu minni, hún er snillingur í veizluhaldi.
að vanda hjá Millu minni.

Vona að öllum líði vel.

Góða nótt

Ekki eina tilfellið.

Sló barn utan undir

Eftir Önnu Sigríði Einarsdóttur [e-mail]

Illmögulegt virðist vera að víkja ófaglærðum leikskólastarfsmanni úr starfi þó að þrívegis hafi sést til hans slá tæplega fimm ára dreng. Starfsmaðurinn sjálfur viðurkennir einungis að hafa slegið barnið einu sinni.

Einu sinni er einu sinni of oft, lærðir leikskólakennarar
eiga að kunna tökin og höndla börn þó erfið séu.
Hvernig getur þessi kona verið í starfi eftir svona nokkuð?
É mundi skammast mín svo mikið að burt mundi fara.

„Mér finnst óforskammað að barnið sé ekki öruggt í opinberri stofnun eins og leikskóla. Ég tel líka að starfsmaðurinn hafi brotið bæði starfmanna- og barnaverndarlög," segir móðir drengsins, Ólöf Ásta Karlsdóttir.

Það er rétt hjá móður barnsins þessi leikskólakennari
hefur brotið lög og því miður er þetta búið að þekkjast í
skólum og leikskólum þessa lands í tuga ára.
Ofbeldi fer fram í felum og svo er hótað ef sagt er frá.

Hún segir son sinn skapstóran en ekki hafa átt við hegðunarvandamál að stríða fyrr en nú í haust, eftir að starfsmaðurinn var ráðinn. Er leið á haustið var hún alvarlega farin hugleiða að leita sálfræðiaðstoðar fyrir barnið en telur nú tengsl þarna á milli. „21. janúar hafði leikskólastjóri samband við mig og tilkynnti að sést hefði til starfsmannsins slá barnið utan undir."

Frábær leikskólakennari að segja frá en ekki hylma yfir.

Ólöf Ásta segist strax eftir að hafa fengið þetta staðfest hjá syni sínum hafa krafist uppsagnar starfsmannsins. Það virðist hins vegar vera allt annað en auðvelt.

Á ekki til orð yfir þvílíka vitleysu að það sé ekki hægt að víkja
konunni úr starfi, hún braut lög.

En það segir í fréttinni að það sé verið að vinna í þessu
máli. Vonandi tekur það ekki langan tíma.

Ef eitthvað gerir mig reiða er það ofbeldi á saklausum börnum
sem jafnvel þora ekkert að segja.

Eigið góðan dag í dag
Milla.

Sló barn utan undir

Fyrir svefninn.

Aldrei komst ég í stuð til að leggja mig enda bara allt
í lagi því ég er svo hress eins og allir vita.

Seinnipartinn kom Milla með stóra ljósið mitt og hún
bankaði í gluggann hjá ömmu ég opnaði dyrnar og
eitthvað var nú að því hún var í því að faðma okkur, afi
lagði sig þessi elska þreyttur eftir daginn, eigi undarlegt
hafandi vakað síðan 5.30 í morgunn.

Nú við tókum saman einn tölvuleik meira segja ég gat hann
svo léttur var leikurinn, eitthvað var að svo ég spurði hvort við
ættum að koma að spila og fá okkur að drekka, já gerum það.

Mamma hennar hringdi síðan um sexleitið og þá kom skýringin
hún hafði verið smá óþekk í sambandi við skíðin, en þar þarf að
hlýða. Ég spurði svo og fékk svör svo grét hún svolítið og vildi
til mömmu afi ók henni um leið og hann fór að sækja mæðgur
fram í Lauga.

Svo vona ég að allir passi vel upp á sig í þessu óveðri sem geisa
á yfir landið okkar eina ferðina enn.
Verið heima hjá ykkur nema þeir sem verða að yfirgefa húsin sín
vegna snjóflóðahættu.

Góða nótt svona er þið farið að sofa

Hamfarir sem hefðu ekki átt að gerast.

Ég veit um stað þar sem ekki þótti ráðlegt að grafa
eða skipta um jarðveg vegna hættu á hruni og þá var
það ekki gert, þar var gripið til annarra ráða.
hefði ekki verið hægt að gera það þarna, en allt fór
vel og guð veri með þessu fólki öllu saman.

Sendi ykkur ljós og kærleik.

Sjö bjargað í Noregi

Þær standa saman konur á þingi.

Katrín Jakobsdóttir menntamálaráðherra segir nýja stjórnarskrárnefnd stríða gegn anda jafnréttislaga og vill að þingflokkarnir endurskoði tilnefningar í nefndina, þar sem sitja nú átta karlar og ein kona. Konur úr öllum flokkum taka undir þessa kröfu.

Flott að þær skulu standa saman konur sama í hvaða
flokki sem þær eru.
Það er að sjálfsögðu fyrir neðan allar hellur að karlremban
skuli halda áfram bara eins og þeir séu einir í heiminum.

Ragnheiður Ríkharðsdóttir þingmaður Sjálfstæðisflokks segir þetta senda skilaboð um ójafnræði milli karla og kvenna. Það þurfi að breyta viðhorfum í þessu máli eins og öðrum. Katrín Júlíusdóttir þingmaður Samfylkingarinnar segir karla hafa skrifað gömlu stjórnarskrána og nú sé komið að konunum.

Já þeir gerðu það svo sannarlega og það er komið að
konunum. við erum alveg jafn færar og þeir, ef ekki betri.

Flokkarnir tilnefndu sjálfir í nefndina, Sjálfstæðisflokkurinn valdi fjóra karla, Samfylkingin tvo, Vinstri grænir einn, Frjálslyndir einn en Framsóknarflokkurinn skipaði Valgerði Sveirrsdóttur sem er því ein kvenna í nefndinni.

Þetta var sko alveg eftir öllum reglum eða hitt þó heldur.
Framsókn ætlar sér lengra en nef þess nær í komandi
kosningum, tilnefnir því konu.
Hinir hugsa ekkert og tilnefna því bara karlmenn, ja hérna
þvílíkir karlmenn.

Þingkonur mótmæla karlanefnd

Þetta líkar mér.

Halldór Halldórsson bæjarstjóri Ísafjarðarbæjar mbl.i dag.

//

Halda verður áfram að lækka launakostnaðinn

Halldór Halldórsson, formaður Sambands íslenskra sveitarfélaga, sagði í setningarræðu sinni í morgun á landsþingi sambandsins að halda yrði áfram að lækka launakostnað. Formaðurinn er mótfallinn skattahækkunum.

Maðurinn talar eins og mér líkar, ekki að það komi
málinu við hvað mér líkar og ekki líkar, en það er svo
hárrétt að skattahækkanir pína bara landann.

Hann sagði alla starfsmenn sveitarfélaga hafa lent í kaupmáttarrýrnun eins og aðrir launþegar en margir hefðu aukið við þá rýrnun með því að taka á sig beinar launalækkanir. „Við höfum ekki gengið þann veg til enda," sagði formaðurinn.

Það er bara hið besta mál það er ef þeir fá ekki tekjur
frá öðrum sprettum.

Hann kvaðst telja að varlega þyrfti að fara í skattahækkunum þar sem rauntekjur fólks hefðu minnkað mikið. „Við verðum að grípa til ráðstafana sem örva atvinnulífið og þær ráðstafanir felast ekki í aukinni skattheimtu af hálfu hins opinbera.

Þarna er komið inn á það sem er mest um vert og gerir í raun
mest fyrir fólkið okkar það er vinna, vinna og aftur vinna.
Enga skattpíningu af neinu tagi meir, það er bara alröng stefna.

Halda verður áfram að lækka launakostnaðinn