Morgunnöll.

Vaknaði klukkan sex í morgun, sá að hundurinn hringaði sig
til fóta að vanda, Gísli svaf við hliðina á mér að vanda og
hvað er svo meira að vanda? Jú að ég teygði úr mér svona
rétt til að fá blóðið til að streyma, sá við hliðina á mér gerði
eins, herma eftir Nei nei bara láta vita af sér, og svo hvað?
segjum eigi frá því.

Núna klukkan níu er ég að fara í þjálfun síðan ætla ég að
reyna að komast inn í Apótekið, trúlega tekst það hann
þessi elska sem ég hef afnot af ekur alveg upp að dyrum
svo ég get bara labbað beint inn," LÚXUS" enda er hann
þessi elska lúxus og kann ég svo undurvel að meta hann.

Trúlega legg ég mig aðeins um miðjan daginn því svo koma
englarnir mínir, þær mæðgur frá Laugum í kvöld.
Það verður haldið upp á afmæli um helgina hjá Millu minni.

 Annað kvöld verður kjúklingaveisla o la míó míó, alveg
upp á gamla mátann, heilsteiktir með smjörsteiktum
papriku kartöflum, rjómasveppasósu og sallati.
Eftirmaturinn verður að vali systra.

Held bara að ég sé betri í dag en í gær og það gerið kanillinn,
hunangið, Chillý teð, Turmedik og sólhattur.

Eigið góðan dag
Milla

Fyrir svefninn, smá röfl.

Hef nú eigi heyrt aðra eins vitleysu, heldur þessi gaur að
það sé þetta sem við þurfum ein matvörubúðin í viðbót?
Ekki aldeilis við höfum Bónus, Nettó, Kaskó og krónuna
svo eitthvað sé upptalið.

Ég fyrir mína parta versla í Kaskó því ég bý á Húsavík, en
nota hvert tækifæri til að versla í Bónus á Akureyri.

Hvað vinnur þessi maður, er hann bara í því að undirbúa
einhverja verslun, hann hlýtur að hafa haft sterkt stofnfé
ef hann vinnur ekkert með þessu. Fyrirgefið þetta vekur
bara undrun mína.

Annars kemur mér þetta ekkert við að öðru leit en því að
á Íslandi bý ég og vill ekki að þær verslanir sem fyrir eru
fari á hausinn vegna þess að einhver gaur opnar búð sem
örugglega allt of margir freistast til að kíkja í, við erum svo
hrikalega nýungagjörn, en aldrei mun ég stiga fæti þarna
inn, það er að segja ef hann getur fjármagnað þetta.

                **************************

Annars er ég bara góð kemur í ljós í fyrramálið hvort þetta
kvef fer á verri veginn eða betri, ég segi betri veginn.

Góða nótt kæru landar

Jón Gerald kynnir Smart Kaup

Hugleiðingar dagsins.

Sko þegar allt hringsnýst í hausnum á manni af þessu
kvefi, tala ekki um er ofan á bætast allar þessar útþynntu
fréttir, þá kemur bara hugleiðing.

                       ************************

Danski herinn hikar í samstarfinu, eruð þið undrandi á því
þeir eru ekki vanir svona rugli þar sem er eitt í dag og annað
á morgun. Kippið þessu nú í lag blessaðir ráðamenn áður en
hlegið verður frekar að rugli Íslendinga.

Vona ég svo innilega að ekki komi til að þessi skip þurfi að
koma til hjálpar vegna snjóflóða eða annarra ógna á
Vestfjörðum.

                     ************************

Fjölmargir standa sig vel, en aðrir eiga í erfiðleikum, það er
vitað mál og verður að hjálpa þeim.
Það er verið að tala um að hjálpa öllum og miðast það bara
við þá sem eiga fasteign bæði fasta og á hjólum.
ekki hef ég heyrt að það eigi að hjálpa þeim sem í vandræðum
eru sem ekki eiga fasteign, þeir geta bara farið á kaldann klaka
því eigi hafa þeir efni á að borga af sínu.
hvenær skildi það síast inn hjá þessum háu herrum sem eigi er
annað hægt en að hafa vorkunnsemi fyrir því þeir eiga sko bágt.

Séreignalífeyrissjóðurinn sem samþykkt var að borga fólki út,
má deila um aðferðir í því máli, er bara alls ekki í startholunum 
að borgast út, ríkið er eigi tilbúið með pappíra þar að lútandi.
Mikið er ég fegin að ég náði því aldrei að safna í svoleiðis sjóð.

Skondið finnst mér er talað er niður til fólks og sagt að það
standi sig vel. Sagt er við fólk, þú stendur þig vel, Hægan,
er það ekki það sem allir reyna að gera, ef þarf að hrósa
fólki fyrir að vinna vinnuna sína hvort sem það er á
vinnustað eða heimilinu sínu, má bara segja þetta gengur
vel.
Mest niðrandi setning sem ég veit um er setningin:
" Þú stendur þig ekki nógu vel"

Svo er annað í sambandi við það sem sagt er að margir
standi sig vel, af hverju hefur fólk tækifæri til að láta málin
ganga upp hjá sér?
Jú að því að það hefur vinnu, Takið eftir VINNU.

Vinna er það sem þarf plús það að koma heimilum á núll
punktinn svo að hægt sé að regulera heimilisreksturinn rétt.

Hvað er eiginlega að þessum mönnum, það kemur þeim á
óvart hvað staðan er í raun betri en þeir töldu.

Hún er ekkert betri þó einhver reiknilíkön drulli út úr sér að
sumir "STANDI SIG VEL"

              *************************

Ekki er ég nú hissa að Þingstörfin þenjist út, Nú er svo mikið
að gera í að útunga þessu og hinu því þeir hafa bara ekkert
verið að gera annað en að læra að sitja stólanna sína og bara
að venjast því að vera í stjórn.

           ***************************

Allir tala um að maður eigi þann rétt að fara á kjörstað og er það
mikið rétt, en við eigum einnig hinn réttin að sitja heima og andmæla
þessu batteríi öllu saman, það viðkemur ekki því hvar í tíkinni þú ert
Núna er bara ekki hægt annað en að vera óánægður.
Hvet ég alla þá sem eru óánægðir að gera slíkt.

          ***************************

Eigið svo góðan dag í dag sem alla daga
Milla

Fyrir svefninn.

Þegar ég vaknaði í morgun hringdi ég og ætlaði að tala
við litla ljósið sem er orðin stóra ljósið núna, hún var ekki
vöknuð. Milla hringdi svo er hún vaknaði og amma söng
afmælissönginn fyrir hana talaði svo smá við hana, hún
tjáði mér síðan að nú gæti ég kallað hana stóra ljósið mitt.
Ég sagðist myndi gera það.
Þær mæðgur komu svo hingað í kaffi í dag, höfðu með sér
meðlæti úr bakaríinu.
Það var nefnilega verið að ryðja heima hjá þeim og eigi komust
þær fyrir skafli sem var fyrir innkeyrslunni.


Þetta er stóra ljósið hún Aþena Marey.

En dagurinn byrjaði nú með því að þær komu til mín að vanda
vinkonur mínar þrjár, þær koma alltaf snemma eða um 12 því
þær fara síðan í leikfimi 14.30.

Það er svo gaman hjá okkur handavinnan flýgur upp og
munnurinn þjálfast afar vel.

Ég er að farast úr kvefi, hélt nú kannski að ég hefði bara misst
röddina á laugardaginn, en annað kom í ljós bara þrælslöpp og
má nú ekki við því.
Ætla að fá mér göróttan drukk og síðan upp í mitt yndislega rúm.
hef ég sagt ykkur að ég elska svona kodda, blúndur og dúll
sofna með þetta í kringum mig, síðan er allt komið á gólfið er ég
vakna, svo er ég svo gamaldags að ég sef með dúnsæng og þegar
ég er eitthvað slöpp þá fer ég í hvíta kanínu-ullarsokka, en næstum
ber að öðru leiti nú er ég búin að segja frá því.

Góða nóttkæru vinir og þið hin einnig

Frábært í alla staði.

Borgarstjórinn í Reykjavík ætlar ekki að láta miðborgina breytast í draugahverfi þrátt fyrir kreppu. Gömlu húsin neðst á Laugavegi og húsin á horni Lækjargötu og Austurstrætis verða endurbyggð á þessu ári. Útivistarsvæði og auðir verslunargluggar á Laugavegi fá andlitslyftingu

Þetta eru alveg frábærar fréttir og vona ég svo sannarlega
að ekkert bakslag komi í þessar framkvæmdir.

Þetta skapar vinnu fyrir marga og þetta er einnig svo yfirmáta
skemmtileg uppbygging og eins og Hanna Birna segir þá á ekki
að láta miðborgina drabbast niður þó kreppu ástand sé.

Það verður gaman að labba niður Laugarveg, bankastræti og
niður í Austurstræti er þessar framkvæmdir verða búnar.

Hanna Birna það má ekki gleyma þeim sem minna mega sín.

Miðborgin fær andlitslyftingu

Tilneydd segja sumir.

Nei hún er ekki tilneydd, ef hún gefur kost á sér þá er
það á hennar eigin forsendum.
Jóhanna er baráttu kona mikil og fylgin sjálfri sér, svo
mikið að til óefna getur orðið.
Nema eins og mér hefur nú fundist á undanförnu, að
tali hún orðið eins og hinir pólitíkusarnir sem skilja bara
ekkert í framkomu þessa eða hins.

Nei ég er ekki að segja þetta af því að ég sé að setja út
á þessa mætu konu, en allir geta nú breyst.


Kom ég aðeins inn á vanda heimilanna í gærkveldi, ekki er
nú mikið verið að gera til þess að bjarga þeim, allavega
ekki sem ég hef orðið vör við.
Margt og mikið á eftir að gera, vonum bara að það verði hægt
að gera það sem þarf þá meina ég raunverulegar aðgerðir til
að bjarga öllu fólki ekki bara þeim sem eiga íbúð.
Besta lausnin er auðvitað að allir fái vinni.

Eigið góðan dag.

Beðið eftir Jóhönnu

Fyrir svefninn, en þeir sem ekki eiga hús.

Ríkisstjórn samþykkti í morgun að hámarksupphæð greiddra vaxtabóta og viðmiðunarfjárhæð vaxtabóta verði hækkuð um 25%. Jóhanna Sigurðardóttir forsætisráðherra greindi frá því á fréttamannafundi að komið er í ljós að 14 þúsund heimil eru með neikvæða eiginfjárstöðu.

Langar til að vita hvað á að gera fyrir þá sem eiga ekki
húsnæði,  eru láglaunafólk og er í alvarlegum kröggum.
Vextir eru að sliga fólk og hið háa matarverð, launin duga
ekki fyrir mat hvað þá einhverju öðru.
Hvað á að gera fyrir það fólk, fólk sem á engan séreignasjóð
eða neitt annað en basl ofan á basl.

Langar til að vita hvað upphæðin er há sem reiknuð er út af
Hagstofu Íslands og er talin eðlileg til að lifa af.
Hér er fólk með 130-160.000 á mánuði á það að vera nóg?
nei ég er víst svo græn að ég hélt að maður þyrfti meira.

Góða nótt.

Vaxtabætur hækka um 25%

VÁ! Sjáið þetta hús?

Sko þetta hús mundi ég kaupa á X tíma ef ég ætti
pening. þetta er með fallegri húsum sem til eru og
ekki skemmir staðurinn.

 

 

Höfuðstöðvar Baugs á Íslandi Árni Sæberg

// Viðskipti | mbl.is | 10.3.2009 | 11:53

Baugur: Segja fullyrðingar banka rangar

Forstjóri og aðstoðarforstjóri Baugs Group segja það rangt hjá fulltrúum Glitnis og Íslandsbanka að halda því fram að stjórnendur Baugs hafi meðvitað blekkt kröfuhafa Baugs Group og lagt fram villandi upplýsingar. Segjast þeir ekki skorast undan því að ræða opinskátt um fjárhagsstöðu og málefni Baugs

Hef sko ekkert vit á þessu rugli, en mundi nú alveg
vera til í að einhver innleiddi mig í málið.

Fá nokkra myndarlega menn/konur til úrskýringa og
þeir sem segja aðra ljúga upp á sig sitji fyrir svörum.

Það yrði flottur þáttur.

Baugur: Segja fullyrðingar rangar

Eigi skuluð þið hneykslast elskurnar.

Íbúðalánasjóður átti miljarða hjá Straumi

Íbúðalánasjóður var langstærsti innstæðueigandi í fjárfestingarbankanum Straumi, sem yfirtekinn var af Fjármálaeftirlitinu í gærmorgun. „Ég gef það ekki upp nákvæmlega, enda erum við ekki vön að gera það, en þetta skiptir milljörðum," segir Guðmundur Bjarnason, forstjóri sjóðsins. Mögulegt tap ríkisins vegna innstæðna í Straumi gæti því orðið tilfinnanlegt, hvar í ríkisreikningum sem það hafnar á endanum, dugi eignir ekki fyrir innstæðum.

„Samkvæmt áhættustýringu ber okkur að hafa til reiðu ákveðið fjármagn til að svara skuldbindingum sjóðsins vegna afborgana af okkar lánum og eins fyrir væntanleg útlán. Þetta lausafé ávöxtum við á markaði, í fjármálastofnunum, með ríkisbréfum eða í seðlabanka eftir atvikum. Hluti af því var í Straumi. Þar áttum við hagsmuna að gæta," segir Guðmundur.

Hvað skyldi þetta gera? jú örugglega eitthvað á þá leið:
" Því miður þá verður að hætta við ??????????."
Sko við bara vissum ekkert um þetta, (kjaftæði)

Þeir koma alltaf af fjöllum, blessaðir.

Heimildir herma að lífeyrissjóðir hafi einnig verið stórir innstæðueigendur í Straumi, en ekki náðist í forsvarsmenn landssamtaka þeirra í gærkvöldi til að staðfesta það. Hjá starfsmönnum Straums var borið við bankaleynd um hverjir væru í hópi innstæðueigenda, en kunnugir segja ÍLS hafa verið langstærstan þeirra. Reynir Vignir, formaður skilanefndar Straums, segir að verið sé að taka upplýsingar um þetta saman fyrir nefndina. Hann vildi ekki tjá sig frekar um þetta í gærkvöldi

Vitið hvað mér dettur í hug, jú það sem ég hef verið að
hugsa um í þó nokkurn tíma undanfarið.
Tölvuleikir, hef verið að skoða þá þetta er rosa spennandi
mikil ósköp, maður safnar þessu og hinu og verður ríkur á
nóginuuuuuuuuu, bara að syngja það.
Þeir eru svo sætir og góðir margir hverjir þessara leikja, þú
græðir svo og svo mikið ef þú gerir eitt og annað og ert stillt
og ekkert kemur fyrir hjá þér, mörg gull eða einhvern annan
gjaldmiðil færðu ef svo er.
Nú allt í einu átt þú fyrir húsi og svo öðru sem þú legir út og
þarft bara ekkert að vinna frekar en þú villt.
Síðan er það sko ef þú gefur mér þá hjálpa ég þér og öfugt.
Dadaradadada er búin að eignast snekkju, bíla, hús, verslanir
er orðin svo vel kynnt að ég fékk bara biljarða í vasan til að
kaupa allt sem mig langaði í, ligga ligga lá, Jejeje.
'Eg veit ég hljóma kolkreisý, en hafið þið skoðað þessa leiki?

Mér detta þeir alltaf í hug þessa daganna er blauta tuskan
skellur í andlitið á mér trekk í trekk.
Skildu þessir ráðamenn okkar hafa iðkað mikið þessa leiki.
Mér skilst að fólk sé látið í meðferð við kvilla þessum.

Íbúðalánasjóður átti milljarða hjá Straumi

Fyrir svefninn.

En ég er ekki farin að sofa samt strax, Nei nei.
Langar að hafa þetta myndablogg í kvöld.

Litla ljósið mitt að  sýna griplurnar sem Guðrún Emilía
heklaði og setti þennan líka flotta dúsk á.



Hér eru einar bleikar sem Sigrún Lea prjónaði, svo eru
táneglurnar í stíl.



Þetta er boðskortið í tíu ára afmæli Viktoríu Ósk
búin að reyna að stækka hana meir en tekst ekki.

Það er sama með þessa mynd get ekki stækkað hana meir
en trúlega er það vegna þess að ég stal þeim af facebokk
hjá tengdasyninum.
Themað í afmælinu var rock thema og allt hið glæsilegasta
að vanda hjá henni Millu minni.



Þetta er Guðrún Emilía mín þessi elska.

 

Og þetta er Sigrún Lea þessi elska.

Þær voru nefnilega allar hér þessa helgi og það var mikið
prjónað, heklað, hlegið og brallað.



Þetta er eldhúsglugginn hjá mér. Geðslegt.



Og þetta er út um stofugluggann þið sjáið að ekki er útsýnið mikið.



tekin út héðan að framan, sú sem á jeppann þarna komst ekki
á honum í vinnuna í morgunn og það er ekki búið að moka hjá
okkur, vonandi verður það í kvöld.

Jæja er ekki komið nóg í bili.

Góða nótt kæru vinir

Guð hvað ég hef verið græn.

Sko ekki framsóknargræn heldur saklaus/græn, það er
reginmunur á því.
Get svarið að ég hélt að þessir menn væru svo heiðarlegir
og allir hinir einnig, nenni nú ekki að byrja að telja þá upp,
það yrði langur listi manna sem bæði ég og margir aðrir
trúðu á.
Eigi er það nú neitt skrítið að við hinn sótsvarti almúgi trúi
er forsætisráðuneytið trúði að þeir væru með eftirlitið undir
stjórn Seðlabankans í lagi allir brugðust þeir sem áttu að
veita strangt eftirlit með bönkunum.

Hvað kemur svo upp úr skítnum, menn hafa bara verið að
leika sér, sko ekki með hundruðir af miljónum heldur með
þúsundir af miljörðum sem þeir áttu ekkert í og það var
bara sagt gerið svo vel elskurnar kaupið bara snekkjur,
flugvélar og hvað eina sem ykkur dettur í hug.

Og svona hefur fjármálaóreiðan verið á öllum sviðum
í tuga ára.
drullist út úr glerhúsunum og sjáið raunveruleikann bæði
ríkisstjórn og aðrir þeir sem hlut eig að máli.

Fjandinn hafi það maður er búin að fá hvert kjaftshöggið á
fætur öðru síðan í okt. og ætíð taldi maður vera skýringar
á þessu og hinu, en nú og fyrir löngu er miklu meir en nóg
komið.
Við viljum peningana heim og við viljum lifa mannsæmandi lífi
og ekki borga sora skuldir óreiðimanna.

Ríkið tekur Straum yfir

Þvottavélin hvað?

Ég má nú til að koma inn á þessa frétt þó síðan í gær sé.
Tel ég nú að eigi sé hægt að setja ástæður fyrir frelsi
kvenna undir einn hatt.

Fékk ég til dæmis mína fyrstu þvottavél 1962,þá ekki
sjálfvirka en rosa flotta, ekki sauð hún tauið, þvottapott
varð að nota einnig, fyrir utan að manni var kennt að
leggja í bleyti fyrst, síðan var skolað í bala.

Aldrei þótti mér neitt leiðinlegt að þvo þvottana, en að
vaska upp fannst mér hræðilega ömurleg vinna, þó
uppvöskunarvél ég eigi hafi fengið fyrr en nú fyrir3 árum.

Sjálfvirka þvotta vél fékk ég 1971 og þá einnig strau vél,
þvílíkur lúxus, en það veitti mér ekkert frelsi.

Það er misjafnt hvað konur hver fyrir sig kalla frelsi, ég
taldi það frelsi er ég fór ein til Reykjavíkur á til dæmis
kvennafrídaginn eða bara til að fara í búðir, sýna sig og
sjá aðra, en auðvitað gat maður þetta ekki alltaf það
voru börn og heimili sem þurfti að taka tillit til sem maður
að sjálfsögðu verður að gera og ekki sá ég eftir þeim
tíma elskandi börnin mín heitara en allt annað.

Frelsi tel ég vera mest í því fólgið er þú sjálf tekur að
skarið og stjórnar þínu lífi, það er frelsi er engin er með
kröfur á þig umfram bara þær sem eðlilegar eru, en aldrei
þarf að ræða um, þær bara flæða með í lífinu.
Maður finnur friðinn og hamingjuna.
þetta er að mínu mati frelsi.

Þvottavélin frelsaði konur

Fyrir svefninn.

Vitið að það er svo margt að gerast að dagurinn er á
enda áður en maður veit af.
Talið að stjórnmálin séu í góðri endurnýjun, en betur
má ef duga skal.

Viðhorf gamla tímans.

Upp var ég fæddur og alinn á sveit,
aldrei bóklega fræðslu leit,
en margt um kálfa og kýr ég veit,
kapla og sauðahjörð,
kenni hvort moldin er köld eða heit,
kostarýr eða mjúk og feit,
mói eða mýrarjörð.

Rakað hef ég og reyrt í bönd,
rutt og grafið með styrkri hönd.
veggi hlaðið og veitt á lönd.
vann á meðan ég gat.
Lögmál nam ég á lífsins strönd:
Leggðu fram þína krafta og önd.
Fyrir það færðu mat.

Löngum hafði ég lítið kaup,
lærði að forðast mas og raup,
aldrei þó fyrir krónum kraup,
en kindum fjölgaði skjótt.
Á hjörðinni minni var hornahlaup,
hrúga af gulli í skaut mér draup
hverja níundu nótt.

Ástundun gefur auðsins mátt.
án þess að nota plötuslátt,
hagsýni getur í húmi og nótt
hyggindaljósin kveikt.
Ég vann af kappi en hafði ei hátt,
hirti í kyrrþey margt, sem var smátt
og fávísir menn höfðu fleygt.

 

Bjargálna er ég og betur þó,
björgin var sótt með herfi og plóg,
er breyttu í akur mýri og mó
og moldinni gáfu kraft.
Þeir fiska aðeins sem fara á sjó.
farsæld það aldrei neinum bjó
að kveina og nota kjaft.

Öldin nýja af öfgum rauð,
orkurúin og viljasnauð,
hótar byltingu, heimtar brauð,
hatar iðni og þrótt.
Segir ég hafi með svikum auð,
sem og ríkjandi lögmál brauð,
í sveita annarra sótt.

Ég segi og skrifa mitt er mitt,
maður hver á að hirða sitt,
og ekki hefi ég ágirnst þitt
eða lifað á krít.
Við samviskuna er sál mín kvitt,
og silfrinu steypi ég heldur í pytt
en heimskingjans botnlausu hít.

Ólafur Jónsson.

Góða nótt kæru vinir

þetta kom á óvart.

Var einmitt að horfa á viðtalið hjá Sigmari við Ingibjörgu
og var að dáðst að henni fyrir dugnaðinn.

Megir þú Ingibjörg Sólrún Gísladóttir fá heilsuna aftur, svo
þú getir komið aftur og einnig notið lífsins með þínu fólki.
Ljós og kærleik sendi ég þér og þínum
Milla.

Ingibjörg Sólrún hættir

Hugleiðing á sunnudagsmorgni.

Hef nú eigi heyrt það vitlausara, bílar í farbann, kona
sem ætlar til Noregs með Norðrænu á vit nýrra atvinnu
fær ekki að fara með bílinn sinn úr landi, bíllinn er 3 ára
og hefur hún aldrei verið í skuld með hann, á eftir að
borga í þrjú ár og þeir, það er Tryggingarnar vilja ekki
leifa bílnum að fara úr landi, ræfillinn er kyrrsettur þó
hann hafi aldrei gert neitt af sér.
Datt í hug alla þá sem fara í sumarfrí á sama hátt og
með bíla áláni, er það þá heldur ekki hægt?
Vitið hef bara aldrei heyrt það asnalegra.

Jæja ég sit hér og er ég horfi út um gluggann það sem ég
sé er bara í næsta hús, það er stórhríð, rok og ekki neinum
út sigandi, en man ég það nú verra er yngri ég var þá var sko
hægt að tala um óveður, þetta eru svo sem engin veður í dag.
Undanskil þó fjallvegi.

það sem gleður mig mest í dag er að lesa um alla þá sem sátu
þing í góðærinu,  hruninu og svo núna sem á að heita einhver
gæðastjórnun og hjálp í þessu og hinu sem engin sem minna
mega sín verður var við.
Flest þetta yndislega fólk ætlar að sitja áfram búið að raða á lista
eða kjósa í prófkjöri svo eru allir bara undur ánægðir með úrslit
þeir munu bæta sig núna þessir menn.
Talað er um sóknarfæri í mínu kjördæmi, hægan var ekki búið að
sjá þau áður?
Gaman verður að tala saman eftir 4 ár, því ég verð nú bara að
viðurkenna að ég treysti ekki neinum  flokkum til þeirra verka
sem þarf að leysa núna. Getur einhver sannfært mig?

Gleðilegt er einnig að Barbie er 50 ára í dag, hugsið ykkur og
hún er en jafn vinsæl.
Dætur mínar léku sér við Barbie síðan eru barnabörnin að því núna.
Frábært til hamingju Barbie.

Jæja nú er það sjæninginn, maður getur ekki setið svona
í allan dag.
Knús á línuna
Milla

Fyrir svefninn.

Dagur er að kvöldi kominn búið að borða, sneiða rúgbrauðið
og það komið í frystiskápinn.
Hér er búið að vera mikið fjör í dag, var með fatakynningu
og einnig kom Ósk og var hún að kynna grafin ufsa og sósu
sem hún gerir sjálf, ristað brauð hafði hún með, þetta er
betra en grafin lax.
Gísli minn var í því að hella á kaffi og uppvarta okkur, eins og
ég hef sagt áður þá veit ég ekki hvernig ég færi að án hans.

Við fórum að tala um hollustu og allskonar aðferðir til að grenna
sig, eins og allir vita þá er sú aðferð bara til í okkar heilabúi.
Þar byrjar allt það sem við viljum gera.

Spurningin er bara sú: ,, hvort vill maður gera eitthvað í sínum
málum og hafa það gott í ellinni eða gera ekki neitt og enda í
hjólastólnum á elliheimili?"
Okkar er valið.

Ferðalagið.

Ég get ekki sagt þér hve leiðin er löng.
Ég las engin rastarmerki.
Mér fannst hún sem barni bæjargöng,
er býst það um nótt frá verki.

En ef til vill var hún engu lík
og einstæð af sorg og gleði
Ég lifi upp oft þá undraferð,
er andvaka ligg á beði.

Ólafur Jónsson

Góða nótt

Gleymi bara að blogga.

Það er svo mikið að gera hjá mér í dag að ég gleymdi bara
að blogga, shitt er nú ekki í lagi, sko svaf til 8 í morgun
og er eiginlega búin að vera á fullu síðan.
Vona að það verði fullt hús hjá mér í dag ekki í pókernum
heldur á kynningunni.
Læt heyra í mér

Fyrir svefninn.

Klukkan tvö sótti afi litla ljósið á leikskólann, nú verður
maður að fara að passa sig, hún verður 5 ára 11/3 og
þá segist hún verða stór og amma þá máttu kalla mig
stóra ljósið þitt.
Ljósálfurinn minn á afmæli 10/3 og verður hún 10 ára
tíminn er svo fljótur að lýða að það verður búið að gifta
þær allar áður en maður snýr sér við.
Viktoría Ósk sem er ljósálfurinn ætlar að halda vinapartíið
á morgunn, en um næstu helgi verður svo fullorðinsafmælið.
Og það er sko ekkert smá veislurnar hjá henni dóttir minni.

Við bökuðum vöfflur í dag og hún vildi fá súkkulaði á þær. nú
auðvitað fékk hún brætt suðusúkkulaði og rjóma, en látið
ekki líða yfir ykkur, fyrst vildi hún samloku með mysing og
kavíar sko saman þetta er hennar uppáhald.

Hún fór heim um sexleitið, ætlaði að koma aftur og sofa hjá
okkur, en trúlega hafa þau stoppað það af vegna anna hjá
ömmu á morgun, en ég verð með fullt hús af konum hér á
kynningu á gröfnum ufsa og einnig á fötum, góð samsetning
og afar skemmtileg.
Hlakka svo til, bara að gera eitthvað annað en að hanga yfir
hækjunni.

Jæja verð víst að fara að athuga með rúgbrauðið, en trúlega
er  Gísli minn búin að þessu eins og öllu öðru sem þarf að gera.
það er ekki hægt að skera það fyrr en á morgun.

Bergnuminn.

Ég var einn í illskuhríðum
úti á fjallagjögrum.
Bar mig þá að völlum víðum,
völlum grænum, fögrum.

Þar var sumar, sólskin, hiti,
sveigði blærinn stráin,
gleymdi ég bæði gætni og viti,
greip mig hlýjuþráin.

Hljóp ég gálaus eins og óður,
engu náði skeyta.
Seg þú, vinur, minni móður:
mín skal enginn leita.

   Sigurður Jónsson
              Frá Brún.

Góða nótt kæru vinir

Auðvitað er hún of feit, heil 57 kíló.

Jerímías hún á nú bara alls ekki heima í bransanum, of feit
fyrir venjulegar tískusýningar og ekki nógu feit fyrir fitu bollu
sýningar, veit nú allt um það, hef sýnt sjálf þá var ég um 105
kíló hvað skyldu þeir segja við því, vitleysingarnir þarna úti.
hef ekki vitað annað eins og þetta rugl.

              ********************************

Annars er ég bara góð, fór í þjálfun í morgun heim og drukkum
kaffi og fengum okkur brauð sem ég bakaði í gær.
Sneiddum það svo niður í brauðhnífnum og settum í frysti.
Nú er rúgbrauðið í ofninum og verður tilbúið í kvöld.

Eigið góðan dag í dag sem alla daga, bæði feitir og grannir.
Milla.

Neitar því að vera of feit

Fyrir svefninn.

Hef oft leitt hugann að því er ég var að ala upp yngri
börnin mín, þá bjuggum við í okkar húsi sem var rétt
handan við skólann. Nú þau uxu úr grasi og byrjuðu í
skólanum og þekkti maður næstum öll börn sem í hann
gengu.
Stundum heyrði maður barn gráta, fór út að athuga það,
nú maður gaf kex og þurrkaði tár, spurði hvað hefði gerst
svarið var, "ekkert", en hvað skyldi hafa verið að?
Eins með börn sem voru mikil fyrir sér þau voru talin óþekk.

Aldrei var athugað með hvort eitthvað væri að, hvort barnið
væri ADHD, heyrnasker, heyrnablint eða bara allt sem gat verið
að sem engin virtist hafa vit á að huga að.

Þetta er bara hugleiðing.

Skylduliðið.

Börnin hugsa um brúður
og breiða á þær lín,
og ég er eins og annað barn
og elska hrossin mín.

Þau eru af öllum stærðum,
með ýmis konar lit.
En umhyggju mína þurfa þau
og þiggja mitt litla vit.

Og sum eru góð og gömul,
en gárungatetur hin.
En svo er gamalt ekkert né ungt,
að eigi ekki mig fyrir vin.

                  Sigurður Jónsson
                          Frá Brún

Góða nótt kæru vinir