Dagurinn í dag.

Fór nú ekki á fætur fyrr en kl. 8 í morgunn,
Dóra vaknaði um 9 leitið, síðan voru Þær vaktar
ætluðu að hjálpa Millu Jr. að undirbúa veisluna fyrir
morgundaginn.
Fórum fyrst að versla og Íris kom með gaman fyrir hana að versla
það sem henni vantaði svona til að byrja með.
Síðan fórum við í Húsasmiðjuna, hún keypti málningu og allt
mögulegt sem vantaði til standsetningar á íbúðinni.
Allir fóru eitthvað að vesenast svo ég notaði tímann til að hvíla mig.
Borðuðum öll saman hjá gamla settinu í kvöld.
Ég var með kjúlla með frönskum, grjónum, salati og köldum sósum.
Kaffi og ís á eftir.
Dóra og Íris fóru síðan að mála hjá henni og Milla og Ingimar
heim að klára að útbúa veisluna á morgun,
þetta er alltaf eins og fermingarveisla hjá þeim.
Hlakka til nammý namm.

Með gleði og trú í hjarta.

Það er að koma helgi, og síðan koma Páskar.
Og allt verður iðandi í lífi, gleði og kærleika,                                                 
allavega á mínu heimili.
Í gærkveldi fékk ég staðfest, það sem ég reyndar
vissi, þegar Bára Dís kom þá féll hún strax inn í barnahópinn
eins og þau hefðu aldrei skilið.
Þetta hefur alltaf verið svona með ljósálfana mína alla saman
þegar þau hittast, verða þau ein heild, þau falla saman inn í eitt munstur
og leika, tala og gera saman hvað sem þeim dettur í hug.´

Veit ég vel að það er viðkvæmni í mér þessa dagana,
en ég leyfi mér það bara.

                                                            Hér fáið þið eitt ljóð
                                                            sem fer vel að huga mér í dag.
  

                                 RÓMANTÍK.

                       Skal ég líkja þér við sumardag?
                       Eða saklaust blómálfalag?
                       Eða vonina og vorsins myndir?
                       Eða viskuna og tærar lindir?

                       Þú sem berð birtu hlýja
                       bón um framtíð nýja,
                       ert miklu fallegri en sú helga mynd
                       er af miskunn bræðir frosna lind.

                       Lokkar þínir sem niðdimm nótt
                       niður rífa mína elju sótt.
                       Andlit sem engli hæfir
                       andar blítt og svæfir.

                       Fingur þínir fjaður léttir
                       fætur þínir ógnar nettir
                       prýða heimsins ljúfu hljóð
                       og hann er semur nætur ljóð.

                                             Arnoddur Magnús Valdimarsson.

                                                

Fyrir svefninn.

Ljóð úr bókinni Rómantík, eftir Arnodd Magnús Valdimarsson.
Höfundur gaf út ljóðabókina 1994.

                    LÍFSHLAUP.

              Kertaljós og litrík klæði
              leiðast hönd í hönd.
              Ástin og ástarkvæði
              engin halda bönd.

              Rósir og rósavín 
              rita ástarsögu beggja.
              Dúkar og látlaust lín
              leynast á milli veggja.

              Hringur og hjónaband
              heilög athöfn er.
              Barn og bleyjustand
              bæta mannsins kver.

              Það eflir dygð og dáð
              að dvelja barni sínu hjá.
              Það er bæði skrifað og skráð
              að sundurleysi myndar gjá.

              Svo verðum við gömul og þreytt
              viljum hvorki sofa né vaka.
              Allt er farið og allt er breytt,
              allt nema dauðans aftaka.

              Síðan syrgja synir og dætur,
              sársaukans tár sem höf.
              En þeir dauðu þegja og bíða nætur,
              þegar hátíð verður í hverri gröf.

                       Góða nótt.

             
             

Dagurinn í dag.

Ætlaði í þjálfun í morgun, en nei í fyrsta skipti var
bara ófært allir bílar fastir, svo ég sló þessu bara af.
um hádegið fóru allir sem gátu að losa bílinn sem kom
með dótið hennar Írisar og setja það inn í hús.
þá fór ég og lagði mig, þar sem ég er búin að vera
með ljótuna þá hef ég ekki verið upp á marga fiska.
Svaf í allan dag. Fórum síðan til Millu Jr.þar borðuðum
við saman Íris kom um átta leitið, kalla það bara gott,
hún fór um eitt leitið úr Reykjavík.
Boðuðum pissu og kaffi og tertu á eftir.
Við gamla settið erum komin heim meðan hinir eru að
fylgja Írisi og Báru Dís eftir inn í nýja heimilið þeirra.

Núna verða annasamir dagar framundan þannig að
þið fyrirgefið mér ef ég kommenta ekki mikið hjá ykkur.

Sendi ykkur öllum kærleik og ljós.
Kveðjur Milla.

Svona á að vinna, láta það gerast.

Til hamingju Suðurnesjamenn,
það er ekki frá því að maður finni til stolts þó
maður sé brottflutt, þetta eru vinnubrögð að mínu
sem höfða til mín, láta bara verkin tala og það eins
fljótt og hægt er.
Gangi ykkur vel og megi allt styðja við að þetta verk
vinnist stórslysalaust.

                                        Góðar stundir.

Framkvæmdir hafnar í Helguvík

Fóðraða hundaól! Leðursvipu! Ó MY.

Greyin ef þeim leiðist svona mikið í USA þá er
þetta nú skiljanlegt, þurfa að bæta sér þetta upp í
kynlífinu.Og ætlar bara að fara að læra eldamennsku
ástarlífsins, ekki amalegt, getur nú verið kynæsandi
að nota eldhúsið til salíbunuferðar
Ekki spurning, þegar ég hugsa um það.

Við gætum kannski fengið svona fréttir af frægu fólki
hér heima, ekki alltaf þessi Beckham liði, fer nú að verða
svolítið þreytandi að lesa um hvernig þau,
eða hann greyið reynir að koma sér til við ísklumpinn.
Og ég sem ætlaði ekki að blogga um svona lið,
Það er bara ekkert í blöðunum nema BECKHAM.

Heimsóttu kynlífsbúð í Hollywood

Fyrir svefninn.

Strákur einn vann að því að snúa við brauðum í
Bernhöftsbakaríi hér í Reykjavík.
Ekki var hann neinn vitsmunamaður, en gat þó oft
komizt hnyttilega að orði.
þetta var í þá daga, þegar efnaðar konur voru að
taka upp danskan búning í stað hins Íslenska.
Eitt sinn var strákur þessi niðri á bryggju,
og var honum þá gefin hlýri.
Hélt hann nú heimleiðis með fiskinn og dró hann
á eftir sér. hann mætir þá skipstjórakonu,
sem hann þekkir, og er nýkomin á danskan búning.
,, Hvaða fisk ertu þarna með?" spyr konan.
,, Það er ýsa á dönskum búning", svaraði strákur.


Gamall maður gekk niður að höfn og sá tvær stúlkur
sitja á viðarbunka.
Hann spurði stúlkurnar hvað þær væru að gera.
Þær snéru upp á sig og sögðust vera að veiða.
,, Já og sitjið á beitunni!" sagði karl.

                                           Góða nótt

Til bráðabirgða. Á ekki til orð.

Skúrarnir á Reykjavíkurflugvelli hafa held ég
næstum alltaf verið til bráðabirgða, að ég held.
Ég man nú eftir skúrunum sem byggðir voru þegar
Loftleiðir hófu sitt flug,
held næstum að þeir hafi verið flottaði en flugstöðin
er nú á Reykjavíkurflugvelli.
Ekki vantaði að hún væri flott þegar hún var byggð upphaflega,
en síðan er búið að bæta við hana endalaust og er hún vægast sagt
afar fráhrindandi og Íslandi til skammar.

Er ekki nokkur leið til að taka þá ákvörðun sem þarf til að eyða
þeirri óvissu og ófremdarástandi sem nú ríkir.

Í mínum huga á flugvöllurinn að vera á þessu svæði, setja brautir út í sjó
og halda víðsýni yfir miðju þessa svæðis, ekki að kaffæra þennan
yndislega reit í hjarta borgarinnar með einhverjum steinblokkum.
                                       Góðar stundir.

Vandræðaástand í Vatnsmýri

Er verið að koma út úr moldarkofunum?

Það er mikið, að misrétti við konur sé að breytast.
Hef aldrei getað skilið það að allar konur megi ekki
fara í tæknifrjóvgun, og þó þær megi í dag ættleiða barn þá
var það nú ekki hér fyrir svo margt löngu síðan.

Hver er munurinn að mega ættleiða barn, eða fara í
tæknifrjóvgun og hver er munurinn á því að konur fái
tæknifrjóvgun og eignist sitt yndislega langþráða barn
sem konan hugsar um af mikilli ástúð, og gefur barninu
allt sem það þarf,
eða manninum sem setur niður afkvæmi sín
út um allt og sinnir þeim sama og ekki neitt eða ekki neitt.

Þær konur sem lenda í því að eignast börn á þennan hátt,
þurfa að hugsa um þau oft á tíðum einar.

Það er sama hvernig blessuð börnin koma þau eru ætíð mikill
ljósgeisli.
Allar konur eiga sama rétt.
                                            Góðar stundir.

Einhleypar konur í tæknifrjóvgun

Fyrir svefninn.

Lögregluþjónn var á gangi og sá drukkinn mann
vera að stríða við að koma lykli í skráargatið á
útidyrahurðinni að húsi sínu.
,, get ég hjálpað þér?" spyr lögregluþjónninn.
,, Já", segir maðurinn. ,, Gerðu svo vel og styddu
húsið, meðan ég kem lyklinum í".

Þorleifur ríki á Háeyri blótaði aldrei.
Einu sinni segir maður við hann:
,, Heldurðu að það sé synd að blóta?"
,, Ekki veit ég það", segir Þorleifur,
,, en mér þykir vissara að gera það ekki".

SR. Oddgeir í Vestmannaeyjum var mjög barngóður.
Hann ól upp dótturson sinn og sá ekki sólina fyrir honum.
SR. Oddgeiri þótti gott í staupinu, og gaf hann stundum
dóttursyni sýnum að bragða áfengi, þegar hann fór með það,
en drengurinn var þá sex ára.
Sigurður slembir sagði útgefanda þessa rits eftirfarandi sögu.
SR. Oddgeir sat að drykkju heima hjá Sigurði
og var orðin þéttkenndur.
hann fer þá að tala um dótturson sinn og hælir honum mjög.
Að endingu segir hann:
,, Svo er hann svo góður við vín".

                                          Góða nótt

Ja hérna hundar og kynlíf, í sama garði.

Er ekki bara hægt að komast að þegjandi samkomulagi
um svæðisskiptingu í Garðinum, hva þetta er nú bara á kvöldin
og nóttinni, sem má gera do do,
Engin er með hundinn úti á nóttunni, nema að það sé líka verið
að dúlla sér, þá er bara hægt að binda hundinn við næsta tré.
hann stendur bara vaktina.

Annars er þetta mjög huggulegt, hundarnir á kvöldin að gera þarfir sínar.
Sumir þrífa ekki vel eftir þá. "Geðslegt".

Síðan koma náttúruunnendurnir og dúlla sér við sitt áhugamál,
sem sagt að stunda kynlíf úti í guðs grænni náttúrunni.
kannski þeir hafi með sér teppi, nei varla,
þá er þetta ekki náttúruvænt kynlíf.

það væri nú ansi sneddý að drífa sig til Ams. næsta haust.

Kynlíf leyft, ekki hundar

Kalka!? nei ég er ekki farin að kalka.

Það var nefnilega þannig að í gær sagði ég í kommenti
frá því að Ljósálfarnir mínir hér á Húsavík ættu afmæli,
sú eldri 10 mars en sú yngri 11 mars.
Síðan fór sú gamla (Unga) á flug í frásagnargleðinni.

Fór að segja að ég hefði verið viðstödd þegar þær fæddust
Milla dætur. Einnig þegar tvíburarnir mínir fæddust,
dætur Dóru minnar, og þegar Hróbjartur minn fæddist
sonur Írisar.
Hætti svo bara að segja frá eins og ég ætti bara þessi
fimm barnabörn.
Kviknaði á perunni í morgun, ég á fjögur í viðbót.
Ákvað að bæta við, svo engum sárnaði við ömmu sína.

Fúsi og Solla eiga Kamillu sól sem er 11 ára og ég get alveg
sagt ykkur án þess að blikna að hún hefur alla góða kosti
frá mér, T.d. stjórnsemi, allt á sínum stað, þarf að vita um allt sem gerist
og hvað er í matinn hverju sinni, og hvort að allt sé til í þann rétt
sem á að elda, frábært segir amman.
Síðan eiga þau Viktor Mána sem er bara flottastur.
Sölvi Steinn er yngstur og yngsta barnabarnið mitt, algjör knúsbolti.
Ekki var ég viðstödd fæðingu þeirra, en fór fljótlega suður eftir að þau fæddust.

Íris mín á svo Báru Dísina og ég ætlaði að vera viðstödd þá fæðingu, en henni
datt í hug að koma í heiminn á gamlársdag, afmælisdaginn hennar mömmu minnar
og varð hún 75 ára þennan dag og var veisla um daginn í sal úti í bæ.
Um kvöldið vorum við búin að bjóða fullt af fólki heim til Írisar í Kalkún og var
ekki hægt að hætta við það, því maturinn var tilbúin er við komum frá
mömmu, bara eftir að brúna og laga sósuna.

Það var nú eins gott að til var matur því  Íris var svo svöng að farið var með
mat handa þeim suður í Keflavík. Hún kom svo heim á nýársdag með
prinsessuna sína.
                               Takk fyrir mig englarnir mínir.

Fyrir svefninn.

Guðmundur Kíkir var Skaftfellingur að uppruna.
Hann var kunnur fyrir orðkynngi og talaði kjarnmikið
mál. Einhvern tíman sagði hann svo frá:
,, Einu sinni réðst ég hjá þeim mikla manni, Hákoni
ríka á Stafnesi. Svo þegar róðrar hófust,
þá tók hann grjótharðan leðurbambara, fékk mér og sagði
við einn norðlenskan bolta mikinn: ,, Hjálpaðu manninum", --
og hann gerði það rækilega.
Svo þegar á miðin kom og rennt var færum, dró óvinurinn fyrstur
fisk,-- ég meina Hákon-- lagði hann á bitann og sagði:
þekkir þú þennan, Guðmundur?"-- Kvað ég svo vera,
því hann var einsýnn eins og ég, en sá var munurinn,
að ég var blindur borinn, en fiskurinn hafði orðið blindur að áfalli.
En þegar í land kom, tók ég pjönkur mínar og vildi ekki lengur sitja
undir háðglósum þess meinrætna manns".

 

Guðmundur Kíkir var sjóhræddur. einu sinni fór hann
Eyrarbakka til Reykjavíkur á opnu skipi.
þegar skipið nálgast reykjanesröst, fer Guðmundur að ókyrrast
og segir: ,, Ég á óvin á leið minni".
,, Hver er það spyr einn hásetinn.
,, Það er Reykjanesröst, sú heljarpussa",
Svaraði Guðmundur.

Guðmundur Kíkir var oft langdvölum hjá Jóni á Ægisíðu.
Jón skrifaði ættartölubækur, en Guðmundur var fróður um ættir,
sérstaklega í Skaftafellssýslu, en þaðan var einn ættliður Jóns.
Einu sinni hafði Guðmundur dvalist mánaðar tíma á Ægisíðu.
þegar hann svo kemur á næsta bæ, segir hann:
,, Ég er orðin hundleiður á karlaumingjanum, honum Jóni.--
Hann er alltaf að spyrja mig".

                                                 Góða nótt.

Afmælisdagar. Gaman, gaman!!!

Það er nú svo yndislegt að ljósálfurinn minn hún
Viktoría Ósk varð 9 ára í gær, en það á ekki að
halda upp á það fyrr en um næstu helgi, þá verður
hinn Ljósálfurinn minn fluttur hingað og hún heitir
Bára Dís þær eru miklar vinkonur.
Þær mæðgur Íris mín og Bára Dís eru að koma alkomnar
hingað á föstudaginn kemur, og ég hlakka afar mikið til.
En í dag á litla ljósið hún Aþena Marey mín afmæli,
hún er 4 ára í dag og eru leikskólabörnin í afmæli hjá henni núna.
síðan um helgina verður svona ömmur og afar og svoleiðis öldungar.
En þessu litla ljósi mínu finnst amma ekki gömul þegar hún á að dansa
með henni eftir Latabæjar myndböndunum, ó Guð það getur tekið á,
því ég verð að gera allt, nema slepp við spíkat, eins gott
en ekki sé ég eftir því að hafa flutt hingað,
þær eru búnar að gefa mér ómælda gleði þessir englar
ásamt elsku tvíburunum mínum, og svo kemur Íris með Báru Dís.
Ég er afar lánsöm kona, þakka ég Guði fyrir að gefa mér þann
þroska að kunna að njóta fjölskyldu minnar.

Ekkert er nú yndislegra en að hafa barn á brjósti, EN.

Nú mega konur drekka  vín og áfengi í hófi,
hvað er hóf hjá þeim sem lokar á að það hafi drukkið fyrsta
og annað glasið?.

Hef nú ekki heyrt vitlausara, veit ekki betur en að þegar maður
var með börnin á brjósti og borðaði eitthvað óæskilegt, fengu
þau litlu skinnin niðurgang.

það á kannski annað við um alkóhól, ekki veit ég,
en til hvers þarf að vera að drekka er þessi litlu skinn eru
þurfandi fyrir 100% athygli frá móðurinni?.

Í lagi að drekka vín með barn á brjósti

Bloggið nýasta vopnið.

Ég ætla ekki að rengja það, þetta hjálpar fólki
engin spurning, síðan ég byrjaði að blogga fyrir vel
rúmu ári síðan hef ég komist að því að þetta er stórkostlegur
miðill til að miðla, hjálpa, styrkja, og losa um hnúta og leita
eftir hjálp þó maður sé ekki þunglyndur, þá eiga mennirnir mörg
önnur böl að bera.
Tek hjartanlega undir það sem Jens Gud. segir.
Höldum áfram á sömu braut.
                                                    Góðar stundir.

Blogg gegn þunglyndi

Viðurstyggilegir aumingjar.

Já viðurstyggilegir, aumingjar, ræflar, karlrembu-egóista,
sem troða niður í svaðið alla virðingu fyrir konum.
Hvað er hægt að segja annað um svona menn?
Það sem ég mundi vilja segja er ekki prenthæft, "fjandinn hafi það"
Það er ekki í lagi!!! Fimm karlar á tippinu, notfærandi sér unga stúlku,
sem er ósjálfbjarga, jafnvel vegna byrlunar á einhverri ólyfjan.
Hún getur ekki verið lífleg í gjörningnum aumingja stúlkan.
Eru þeir þá eins og kanínurnar, hoppa og búið.
Minnir mig á bíómynd sem ég sá fyrir mörgum árum,
hún gerðist í stríðinu þar sem stúlka var tekin úr fangabúðunum
síðan biðu hermennirnir í röðum, þarf ekki að lýsa því nánar.
Eitt er víst að búið er að eyðileggja líf einnar mannveru enn.

Fimm grunaðir um að hafa nauðgað stúlku

Fyrir svefninn.

Siggi litli sat í kennslustund í skólanum og hélt
hendinni laumulega fyrir munninum.
Kennslukonan kallaði höstuglega til hans og sagði:
,, Hvað ertu með upp í þér, Siggi? komdu strax með það!"
,, Það er tannpína", svaraði Siggi.

Jón kennari spurði Pétur litla, 7 ára gamlan strák,
hvað hann langaði mest til að gera,
þegar hann væri orðin stór.
,, Að þvo henni mömmu bak við eyrun", svaraði Pétur.

 

Faðir Gústa sagði við hann:
,, Skelfing ertu heimskur, Gústi!
Ekki var ég nærri því jafn heimskur á þínum aldri".
,, Jæja svaraði Gústi. ,, Hvað varstu orðin gamall þá?"

                                               Góða nótt

Flott mynd eða þannig.

Hvernig stendur á því að lyf eru ódýrari í Færeyjum
en á Íslandi?
Af hverju er ekki hægt að gera jafngóða samninga fyrir
vora þjóð?, eins og Færeyingar gera fyrir sína þjóð.
Er nú alveg hætt að skilja þetta rugl, svo ég tali nú ekki
um lyfjaleysið sem hrjáð hefur landið, ja síðan síðast-liðið haust.
Hvað veldur? starfsfólki í Apótekum er sagt að segja,
að þetta sé vegna þess að við séum svo fámenn þjóð,
HALLÓ!. Við erum ekki hálfvitar!!! 
Hvað með frændur okkar Færeyingana,
Fá þeir svona góða samninga út á fólksfjöldann,?
eða eru okkar menn svona lélegir?.
Verð að segja: ,, Til hamingju Færeyingar með allt sem þið hafið
áorkað í gegnum árin, þið eruð frábær og glæsileg þjóð,
og afar skemmtileg heim að sækja".
Ingibjörg mætti hafa meir reisn yfir sér,
á þessari mynd er eins og hún sé að detta út á hlið.
Hún er nú einu sinni utanríkisráðherra.

Lyf flutt inn frá Færeyjum?

Samþykktir með 88% greiddra atkvæða.

Var svo vitlaus eina ferðina enn að halda að menn
mundu nú fara að rísa upp á afturlappirnar og segja nei.
En áfram vill fólk láta níðast á sér.
Launahækkunin er löngu horfin í hækkunarhítina svo minna
en ekkert er eftir og þetta hefur ætíð verið svona.
Síðan byrjar vælið og skælið yfir þessu og hinu, en hverjum
var að kenna að ekki fór betur?,
jú launafólkinu sjálfu, það trúir öllu endalaust og trúir á
alla nema sjálfan sig.
Ég hef nú bara skömm á þessu.

SA samþykkja kjarasamninga