Letidagur.

Og það er sko í lagi, ekki þurfum við að gefa börnum að borða eða neitt slíkt. Fórum nú samt á fætur í morgunmat og sjæningu, eigi gleymdi ég að fara aðeins inn á bloggið og facebokk, en bloggið hjá mér er eitthvað skrítið það koma ekki inn myndir og eða bannerinn fyrir ofan komenntin þeir halda hjá blogginu að þetta sé lélegt samband hjá internetinu, en hef nú ekki trú á því, mun tékka á því á morgun.

Undir hádegið komu þau Ásgerður og Finnur, en þau voru á tjaldstæðinu hér í nótt, fengum okkur hádegissnarl og spjölluðum, aðallega um gamla daga, mér finnst það svo skemmtilegt.

Þegar þau fóru lagðist Gísli minn í tölvuna og ég settist hér fyrir aftan hann og fór að sauma, og haldið ekki að ég hafi klárað engla sem ég var að gera í harðangur og klaustur, þeir eru yndislegir, á bara eftir að þvo og lakklíma. Ég tala um letidag vegna þess að þessi saumaskapur sem ekki er fljótgerður er sú mesta afslöppun sem ég fæ.

Við gamla settið sem alltaf erum með góðan mat og vorum með glæsilegt í grillinu í gær, fengum okkur bara pulsur í kvöldmatinn, nenntum ekki að elda, en eigum alltaf til pulsur að grípa í þó óþveri sé og mér er orðið hálf illt í maganum.

Fórum yfir byrgðir í kistunni í gær, og komst ég að því að tími er komin á kæfugerð, búið að safnast fyrir afgangsbitar, skólinn að byrja og þá er not fyrir kæfu.

Síðan þarf að sulta rabbbara, þarf einnig að gera chillý-hlaup, en byrja á kæfunni á morgun ef heilsan er góð, Gísli minn hjálpar mér að sjálfsögðu.

Góða nótt kæru vinir og líka allir hinir.
Milla

Frábær dagur.

Það var grillveisla í dag, hún var haldin að Laugum og fékk Dóra leifi til að vera niður við Vallarhúsið. Blogghópurinn hér norðan heiða, var að hittast og grilla saman, en venjulega hittumst við  svona yfir vetrartímann einu sinni í mánuði.
Dagurinn var frábær í alla staði og hér koma nokkrar myndir.



Við hittumst fyrst uppi hjá Dóru og fengum okkur kaffi.
þetta eru vinirnir Helgi sonur Unnar Maríu, Dóra og Neró.

Þetta erum víð nýuppgötvuðu frænkurnar Unnur María og ég



Ásgerður, Anna Guðný og Erna. Flottar.



Guðrún Emilía, sætasta ömmu sinnar.



Sigrún Lea sætasta ömmu sinnar, enda eru þær alveg eins.
Þær eru með tölvurnar frammi á gangi þar sem þær búa.

Hér sjáum við hópinn að mestu nema strákana, þeir voru bara
út á velli að leika sér, það er nú ekki amalegt að una sér í þessu
fagra umhverfi.

Það vakti mikla athygli þetta hýsalín sem hún Ásgerður bar utan á sér,
en reyndist vera þessi líka flotti hlífðarpoki.

Góða nótt kæru vinir og takk fyrir daginn.

Milla

Til hamingju austur Húnvetningar.

Ja hérna maður hefur bara eiginlega ekkert heyrt um þessa staðsetningu á gagnaveri, en frábært og aftur til hamingju.
Vakna hjá mér spurningar, kemur þá ekki gagnaver á Suðurnesjum, eða er þetta viðbót við það?
Kemur kannski gagnaver einnig á Bakka við Húsavík, eða hvernig líður atvinnuuppbyggingu þar?
Jæja þetta eru nú bara svona forvitnis-spurningar, þetta kemur allt í ljós, sko hvort gagnaverin verði eins og refabúin hér á árum áður, nei þetta var nú djók.

Fagna allri vinnu sem kemur, það er hún sem kemur lífi aftur í allt gangverkið, sem eru við.
Það þarf bara að hugsa um alla landshluta.

Góða helgi.

 

Talið líklegast að risavaxið gagnaver rísi á Blönduósi

Capsicum Annuum.

 

Svona plöntu af náttskuggaætt  fékk ég gefins í dag, hún heitir
Capsium annuum og er það samnefnari yfir allar tegundir af paprikum
og Chilli, ekki gat ég fundið neitt um af hverju, nema að þeir hefðu þróað
þessa tegund áfram, hversu lengi veit ég ekki.
Eitt veit ég að þetta er ómyssandi krydd í matinn.

Paprika (Capsicum annuum L.) er af náttskuggaætt (Solanaceae). Af öðrum nytjaplöntum úr sömu ætt má t.d. nefna kartöflur, tómat og eggaldin.   Algengustu afbrigði hér á landi eru Ferrari sem er gefur græn aldin sem verða rauð þegar þau eru fullþroskuð, Bossanova sem gefur aldin sem fullþroskuð verða gul en eru græn fyrst og Boogie en aldin þess afbrigðis verða appelsínugul þegar þau eru fullþroskuð.

Googlaði á þetta hér að ofan, og að neðan

 Sjáið hvað þetta er girnilegt þetta eru flestar þær tegundir sem
ræktaðar eru  undir nafninu Chilli eins og við köllum það, ég hef keypt
mitt beint af bónda og er það náttúrlega það besta.

Í Capsicum annuum er mikil hollusta og lækningamáttur, kem kannski með
það síðar.



Mynd frá Indlandi.

Indverskur matur er þekktastur fyrir hve kryddaður hann er. Indland er ákaflega auðugt af kryddtegundum og nær ótæmandi möguleikar eru á samsetningu kryddblanda. Meðal helstu kryddtegunda í indverskri matargerð má nefna túrmerik, broddkúmen (e. Cumin), kórianderfræ, chili-pipar, negul, kanil, fennelfræ, sinnepsfræ og engifer. Styrkur kryddblöndunnar fer að mestu leyti eftir chili-magni.

Googlaði þetta einnig.

Bara að segja ykkur að ég nota mikið þessi krydd og þau eru bara
toppurinn í matartilbúningnum.
Yfirleitt er ég með blöndu af kryddi og dassa yfir salatið og matinn
allan, því ég vil hafa hann sterkan.

Farið vel með ykkur.

 

Súperkonan ég

Já ég er það sko súperkona, sko í morgun ætlaði ég að vera svo dugleg, en komst ekki í sjæninguna fyrr en um 10 leitið, síðan hringdi ein vinkona mín og þið vitið nú hvernig það er ef maður talar sjaldan saman þá vill það enda í 2 tímum eða svo, jæja en samtalið var yndislegt.

Gísli minn var búin að klára gólfin, tók meira að segja fram vélarnar í vaskahúsinu, og einnig frystikistuna og frystiskápinn í kompunni, veitti nú ekki af, og þegar þessi elska var búinn setti hann í könnuna og ristaði brauð og þá akkúrat kom ég fram.

Við fengum okkur kaffi og brauð, enda var klukkan hálf eitt, fórum síðan upp í Tryggingarumboð hér í bæ, Gísli þurfti að tilkynna lækkun á lífeyrissjóðnum sínum og græddi heilmikið á því, þið vitið.

Og viti menn ég svona rétt í leiðinni athugaði hvað ég mundi fá í ellistyrk, því nú er sú gamla að fara á hann í desember. Ég lækka ekki neitt hjá Tryggingastofnun, en trúlaga eitthvað hjá lífeyrissjóðunum, ætla nú ekki að hafa áhyggjur af því núna.
Fórum síðan í búðir, mig vantaði svona ýmislegt, bæði til heimilisins og fyrir mig persónulega eins og gloss, vax í hárið og sitt af hverju.

keypti mér líka reykelsi, svona til að hreinsa húsið frá öllu leiðinlegu.
Milla mín og Aþena Marey voru hjá okkur í súpu og brauði, en Viktoría Ósk fór með vinkonu sinni og hennar fólki út í Flatey á Skjálfanda.
Milla fór í vinnu eftir mat svo ljósið sefur hjá okkur í nótt.

Er að byrja í sjúkraþjálfun á morgun eftir 5 vikna sumarfrí, hlakka til að byrja aftur.
Kærleik til ykkar allra
Milla

Ljótt að sjá.

Er ekki í lagi með suma, ég meina sko að aka bara næstum inn í Hamraborg bestu sjoppu á landinu.
Bíllinn á að stoppa fyrir framan gangstétt, svo það hefur aldeilis verið trukk sem bensíngjöfin fékk að fara upp á, og yfir gangstéttina, kannski var hann að leggja áherslu á eitthvað.

Jæja elskurnar mínar á Ísafirði, þið látið bara gera við í hvellinum, tryggingarnar borga.

Kveðjur til ykkar í Hamraborg
Milla.

Ók á verslun

Léttar aukafréttir.

Þetta er nú með eindæmum ruglað, ekki friður neinsstaðar, jæja hann Jón Jóns sem er forstjóri í fyrirtæki mínu, sem heitir Eftirhermu-pistlar, mjög vel rekið, skipulagt og með góða innkomu, þess vegna skil ég ekki af hverju ríkið yfirtók það og setti í rannsókn, nú þess vegna verð ég að setja Jón yfir í fyrirtæki mínu sem heitir Útrás í kjaftasögum og rógburði, hann verður fínn þar.

Viti menn, þeir tóku hann af mér og skipuðu hann í skilanefnd  Eftirhermu-pistla.
Þá er að setja Siggu Jóns yfir í staðinn fyrir Jón Jóns í  Útrás og kjaftasögum, henni mun ganga vel þar.  Náttúrlega er ég stjórnarformaður í mínum fyrirtækjum, sem er allt í lagi á meðan ríkið er að rannsaka þau, því þeir tóku rétt í þessu til rannsóknar, Útrás og kjaftasögur, en Sigga Jóns kemur bara með mér í litla fyrirtækið sem ég á, það heitir Að búa til yfirmok, það er svona skítur sem mokaður er yfir almúgann, það fyrirtæki skilar einna mest í innkomu, því þið getið ekki ímyndað ykkur hvað margir falast eftir slíkri þjónustu og er ég bara á fullu í því að skipa fyrir og stjórna, hver á að fá, hvaða yfirmok í dag.

Ríkið var að hringja í Siggu Jóns og skipa hana í skilanefnd hjá Útrás og kjaftasögum, og tjáðu henni í leiðinni að þeir væru að yfirtaka, Að búa til yfirmok, nú þá er ég orðin ein eftir með nokkrar undirtyllur, en verð ekki í vandræðum fer bara að stunda svarta vinnu, eftirspurnin er þvílík eftir öllum þessum sora að eiginlega hlægilegt er.

Mest hissa er ég á að fólk skuli ekki getað bara komið hreint fram, sagt sannleikann og hætta þessum feluleik, nei endilega nota lygina og yfirmokið. Fela sig á bak við önnur nöfn og láta aðra bera ábyrgðina á sínum gjörðum.

Ja hérna ríkið var að hringja og skipa mig fyrir öllum skilanefndunum, fyrir það fæ ég góðan pening svo ég mun sinna því starfi í aukavinnu.

 Góða nótt og sofið rótt.

Saga dagsins í dag.

Víð sváfum nú bara til átta í morgunn, kannski eðlilegt eftir hrakfarir gærdagsins, en ég segi frá þeim á facebokk.
Nú eftir sjæningu og morgunmat byrjuðum við að undirbúa daginn, en þau voru að koma Fúsi minn og Solla með englana mína, sem eru þrír, þau voru að koma af Króksmótinu, en voru með íbúð á Akureyri. Gísli fór um hádegið að ná í Dóru og englana mína fram í Lauga, síðan komu Milla og englarnir mínir þar, sko ég á marga engla og voru 7 af þeim hjá mér í dag ásamt Ingu mömmu Sollu og Bjarna manni hennar, sem eru góðir vinir okkar, Ingu þekkti ég áður en börnin okkar náðu saman, við vorum báðar upp í flugstöð og er Inga enn að vinna í Fríhöfninni.

Nú eins og gengur er fólk kemur út á land þá þarf að fara í búðir og það gerðu þær svo sannarlega og mikið var verslað, enda útsölur á fullu og haustvörurnar komnar að einhverju leiti.

Matur er mannsins meginn eins og þar stendur ritað og borðuðum við afbragðs kvöldmat, það voru steikt læri, krydduð með Ítölsku kryddi frá nomu, kartöflusalat með sólþurrkuðum tómötum, rauðlauk, papriku, salti og pipar bleytt vel í með sesamolíu, síðan var ferskt salat úr garðinum hjá mér í því var hvítur laukur, steiktir sveppir, plómur, gullostur vel þroskaður, tómatar sem búið var að taka gumsið innanúr, salt og pipar og ekki má gleyma sósunni sem var bara æði að vanda, þá steiki ég sveppina úr smjöri set síðan teninga og paprikukrydd vel af því þykki smá með sósuþykkni.
Á eftir var eðalkaffi frá Kaffitár með heimalagaðri marengs tertu, á milli voru ferskjur, kókósbollur, rólló og þið getið bara ímyndað ykkur hvað þetta allt hefur verið gott.

Maður verður einnig að taka vel á móti fjölskyldunni sinni því við fáum ævilega topp móttökur er við komum í Njarðvíkurnar og Keflavíkina, enda þekkir maður helminginn af Suðurnesjabúum og æðislegt að hittast og rifja upp gamlar minningar.
Við erum líka nýbúin að vera hjá þeim og það var æði.

Þau fóru svo öll Fram í Lauga með Dóru og ætluðu síðan til Akureyrar og heim á morgunn.
Takk elskurnar mínar fyrir að vera til, ég elska ykkur öll.

Og nú erum við gamla settið að dólast, uppþvottavélin búin að þvo tvisvar, mér heyrist Gísli vera að setja dúkinn á borðstofuborðið sem hann setti þvottavélina áðan, gott að vera með svona flauils dúka ekkert að strauja og svo er það líka smart.

Jæja er hætt í bili og góða nótt allir
ættingjar og vinir.
Milla

 

Hvað gerir hvað að verkum.

Hef oft leitt hugann að því hvernig sumt fólk er, það er hreinlega ekki í okkar heimi, egóið er svo mikið að það nær aldrei ofar en eitthvað vist, það versta við þessar persónur að þær telja allt sem þær gera vera rétt og fullkomið.

Hef oft hugsað,og ég tel að á hverri mannsæfi fæðist fjöldin allur af fólki sem mun aldrei ná fullkomnun í þroska og þar af leiðandi ekki í velgengni, ást eða hverju því sem þarf  til fullnægingar í lífinu.
Ætli þetta sé uppeldi að kenna, nei ég tel það ekki vera, þó ég vilji ekki alhæfa neitt um það, hreinlega að því að ég hef ekki vit til þess, en skoðið suma systkinahópa öll nema eitt  eru með venjulega hugsun, þetta eina er svona eins og ég er að tala um, bara allt öðruvísi.

Skal stíft tekið fram að ég er ekki að tala umþá sem eru með skerðingu á einhvern hátt.

Þarna gæti komið til á ungaaldri, ótti, ástleysi, óöryggi sem allt skapar lágt sjálfsmat, fólk fer að reyna í einfeldni sinni að vera meiri en aðrir, þegar fólk geri það kemur það ætíð í bakið á fólki.
Ef við tölum bara um okkar tíma fólk sem aktar svona þá teljum við okkur hafa orðið vel fyrir barðinu á því og er það mikið rétt.

Þessi hópur fólks sem um ræðir fær sýnar fullnægingar út úr: ,, mikilmennsku, barsmíðum, kynlífi,að verða ríkir á kostnað annarra,fer út í að svífast engis því þetta fólk telur sig vera fullkomið og skilur ekkert í útásetningum fólks, ekki ætlar það að skaða neinn,það veit bara ekki betur.

Þeir sem verða ríkir og eru á hærra plani, verða samt ríkir á löglegan kostnað annarra.
Þú stofnar fyrirtæki og verður ríkur á hagstæðum samningum og því lága kaupi sem vinnumaðurinn hefur, en án hans gætir þú ekki orðið ríkur. Er það ekki vist siðleysi?
Þannig að það er afar teygjanlegt hugtak á hverju menn verða ríkir, enda ætla ég ekki út í þá sálma hér, og er ekki að mæla neinum bót.

Ég veit um fólk sem er bara ríkt af sjálfum sér og hvað það hefur fram að færa til annarra, selja sína visku, en þroskast aldrei upp úr því plani sem það er á, akkúrat vegna þess að allt er rétt sem það gerir og segir, þar af leiðandi fullkomið. Get sagt ykkur að það er ekki mikið hægt að ræða við svona fólk, það kann bara að ræða um sjálfan sig, frekar leiðinlegt.

Ég er víst að tala um þá sem einu orði kallast siðblindir, en þeir vita bara ekki betur.
Og eitt er á tæru að við vitum ekki endanlega hvernig allt fer.

Ætla einnig að segja að við erum ekki dómarar.
Látum okkur líða vel með það sem við segjum.
Tökum létt á málum, við breytum engu.

Kærleik til ykkar allra.
Milla

Til hamingju með daginn.

Lögreglan á höfuðborgarsvæðinu áætlar að þátttakendur í Gleðigöngunni í ár séu ekki færri en í fyrra. Það þýðir að a.m.k. 70-80 þúsund manns hafi tekið þátt.

Þetta eru æðislegar fréttir fjöldinn er þetta mikill þrátt fyrir
allt sem um er að vera úti á landi.

Stærsta gangan til þessa

„Þetta er stærsta gangan til þessa hvað varðar fjölda skipulagðra atriða, en þau eru alls 35 talsins. Það segir manni að Reykvíkingar hafa ekki gefist upp á Hinsegin dögum og Hinsegin dagar hafa heldur ekki gefist upp á Reykjavík þó þeir séu nú haldnir í ellefta sinn," segir Heimir Már Pétursson, framkvæmdastjóri Hinsegin daga þegar blaðamaður mbl.is náðu tali af honum rétt fyrir klukkan tvö í dag. 

 Flottar myndir hér að ofan.

Hann var þá staddur á Hlemmi þaðan sem gangan lagði af stað kl. 14 og sagði nokkur þúsund manns þegar vera mætta.  Alls tóku 70-80 þúsund manns þátt í göngunni í fyrra og segist Heimir verða mjög sáttur ef svipaður fjöldi mæti aftur í ár. Spurður hvort hann óttist að örfáir rigningadropar geti dregið úr aðsókninni svarar Heimir því neitandi og bætir við: „Það er ekkert af veðrinu eins og er. En ef hann fer að rigna þá segjum við bara eins og Helgi Björns: „Mér finnst rigningin góð" og látum hana ekki setja strik í reikninginn," segir Heimir. Bendir hann á að eitt árið þegar gangan fór fram í úrhellis rigningu hafi engu að síður 25 þúsund manns mætt.

Það skiptir ekki máli þó rigni, fólk hefur gaman og skemmtir
sér vel og þá er allt í lagi.
Aftur til hamingju.

„Stærsta gangan til þessa“

Það er stríðnisálfur í tölvunni minni.

Síðan í fyrradag hafa myndir og albúmin mín flöktað út og inn, er ég ekki að skilja þessa hegðun.
Veit einhver hvað er að gerast, eru sætu strákarnir hjá moggablogginu eitthvað að vesenast eða hvað? Allavega er þetta þreytandi, myndirnar detta út í tíma og ótíma.
Jæja hvað með það get ekki fengið neinn um helgina til að líta á þetta.

Ég las fyrir litla ljósið í gærkveldi og þá var klukkan orðin 11 svo ekki er nú amma gæfuleg barnapía,
sofnaði svo sjálf í öllum fötunum, vaknaði undir morgun, en sofnaði bara aftur og reis síðan úr rekkju  rúmlega átta, afi rétt á eftir mér, en Ljósið var að koma fram og situr núna að horfa á skrípó með Neró,
Þau eru miklir vinir.
Vitið, bráðum kallar hún, ég er svöng og þá vill hún fá þjónustu og fær hana að sjálfsögðu

Á eftir fer hún í sturtu og svo fara þau út að labba saman, hún og Neró.
Dagurinn lofar góðu þó engin sóli sé, en það er milt og heitt úti, á víst að breytast, það er allt í lagi.

Eigið yndislegan dag í dag
Milla

Kvöldrugl

Já í morgun er við gamla settið vorum komin vel á fætur, var haldið áfram að laga til, en það átti eftir að þurrka aðeins af, Róbóta yfir húsið og síðan blaut moppaði Gísli minn yfir allt saman,

Ég fór í bæinn á meðan hann var að klára restina.
Fór til að kaupa kastaraperur og féll svo fyrir saltsteinslampa einum afar fallegum og er hann hér við hliðina á tölvunni.

Er hann ekki yndislegur? Sko lampinn.

Litla ljósið er hjá okkur núna því mamma hennar er að vinna, trúlega
sofnar hún bara, og það er allt í lagi hún er alveg vön því.
Hún er að horfa á undur fallega Jólamynd, en afi er frammi í stofu að
horfa á Stjána Bláa, haldið að það sé, allir haldnir ævintýraþrá, afi að
verða sterkur eins og Stjáni Blái og Aþena Marey að láta sér dreyma
um jólin, sem er bara yndislegt.

Afi og litla ljósið.

Eftir hádegið í dag var mér kippt út eins og gerist nú oft, skreið upp í
gestarúm og sofnaði eins og rotuð og svaf til fjögur í dag, jæja eitthvað
er að gerast og það er bara gott.
Eldaði síðan steinbít með miklu grænmeti, nammi namm.

Góða nótt elskurnar mínar.
Milla

Af hverju hinsegin dagar?

Ég hef nú aldrei verið svo lánsöm að hafa heilsu til að fara og taka þátt, en veit að þetta er æðislega skemmtilegt og mikil vinna liggur þarna á bak við.

En af hverju heita dagarnir hinsegin dagar, af hverju ekki bara skemmtidagar, skemmtun ársins,
gleðidagar eða bara eitthvað annað.

Fólkið í landinu heldur árshátíðir, þær heita ekki árshátíð hinsegin fólksins, en af hverju þá ekki alveg eins og Hinsegindagar.

Fyrirgefið svona heimsku, en hver er hinsegin, erum við ekki öll jöfn þarf að skilgreina á milli samkynhneigðra, gagnkynhneigðra, klæðskiptinga og tvíkynhneigðra, asnalegt eins og það sé verið að tala um tvígengisvél, fólk sem skiptir um föt, kynhneigð sem kemur að gagni ÓMYmy auðvitað kemur allt sem snýr að kyn, eitthvað, að gagni, svo má tala um samvinnukynhneigð.
Nei ég meina það, hvaða rugl er þetta, allir eiga bara að vera jafnir og það þarf ekkert að vera að skilgreina fólk.

Eins og það komi ekki bara í ljós hvað fólk vill og þá er það bara þannig og ekkert mál.
En svo verðið þið að fyrirgefa þessari vitgrönnu konu sem þetta ritar að eigi mikið veit ég um þessi mál frekar en önnur.
Góða skemmtun allir þeir landsmenn sem komast á Skemmtun ársins í Reykjavík.

Hinsegin dagar haldnir í ellefta sinn

Góðir vinir í heimsókn.

Og alltaf gleymist myndavélin, Ef Gísli minn hefði verið heima þá hefði hann munað eftir henni.
Sem sagt í morgun datt í okkur að það væri nú gott að skipta á rúmunum, Gísli minn fór í það að vanda
þvoði allt og hengdi til þurrks.
Fórum í búðina að versla, fengum okkur hádegissnarl er heim kom, snögglega syfjaði mig afar, skreið upp í gestarúm, steinsofnaði og vaknaði við gemsan, Gísli kom með hann inn til mín og var þetta ekki vinkona mín hún Ásdís Sig Húsvíkingur, en býr á Selfossi með Bjarna Ómari manni sínum voru þau á leiðinni og vildu hitta okkur.

Það var yndislegt að hitta þau ég var með þeim báðum á Reykjalundi 1993 við höfðum um margt að spjalla verst að Gísli minn var að sækja Dóru og stelpurnar fram í Lauga og stússast með þeim í búðir, svo þau hittu ekki Gísla, en það verður bara næst.
Milla kom, ljósin mín og með þeim Hafdís Dröfn vinkona Viktoríu og reyndist hún vera frænka  Ásdísar og þá trúlega Dóru minnar, heimurinn er ekki stór. Þau fóru svo seinnipartinn, eru með íbúð á Akureyri og ætla á fiskidaga á Dalvík um helgina.

Nú mitt lið kom svo allt saman í mat til mín í kvöld og núna er afi að aka þeim heim, Viktoría Ósk fór með þeim til að gista nokkrar nætur.
Það sem ég var með í kvöldmatinn var bara æðislegt, Kjöthleifur í ofni, brún sósa, kartöflur, rauðkál, gr. baunir og rabbbarasulta, gamaldags Íslenskur matur, gerist ekki betri.

Góða nótt
Milla

Eins og alltaf yndislegur dagur

Farin að horfa á gamanmyndir.

Já ákvað það í morgunn að hætta í ævintýramyndunum, illa farið með þær þegar endirinn getur aldrei orðið góður.
Gamanmyndirnar enda allavega, eða svo minnir mig, horfði einu sinni á fjarska góða það voru tvær konur sem ætluðu að koma manni annarra fyrir kattarnef til að ná peningunum, Hlægileg var hún afar, en það voru þá karlinn og hin konan sem voru í kompaníi saman um að koma eiginkonunni á geðveikrahæli og ná öllum peningunum.

Vesalings konan sem ætlaði nú að drepa karlinn endaði á hæli sturluð á meðan þau hin léku sér. " það er margt líkt með kúk og skít."

Hvað ætli margir leppar og peð séu orðin hálfsturluð að hafa látið nota sig til skítverkana, því það er vita mál að einhverja slíka bjána hafa þeir þurft að nota.

Sannast enn og aftur hvað undirlægjan er mikil í Íslendingum, já og amen við þá sem þeir halda að séu meira en þeir.

Því miður þá er þetta bara svona sem þetta gerist.

Upp á borðið með þetta allt og það strax og þið sem vitið um sorann eigið að koma fram og segja frá  því annars fer illa fyrir sálartetrinu ykkar.

Grunur um misnotkun

Smá minningarbrot.

Man nú ekkart eftir þessu, en þarna er Þorgils afi Ingvarsson
Mamma Haldóra Þorgilsdóttir, haldandi á mér og langafi
Ingvar Guðmundsson. Flott mynd.



Og þetta erum við frænkurnar Erla Guðmundsdóttir og ég
Erla er dóttir Unnar heitinnar systir Þorgilsar afa.
Við vorum sko prinsessur við Erla, koma fleyri myndir síðar.



Þessi var á sömu síðu í Albúminu svo ég tók hana með.
Maður var nú ekkert smá flottur.

Fjölskyldumynd í lokin, ekki mjög skýr, þetta er handlituð mynd
eins og var í þá daga.
Pabb, Ingólfur, Þorgils, ég, Jón og Mamma þessi mynd er tekin
1953 ég er 11 ára og með mitt fyrsta permó, tekin í stofunni á
Nökkvavoginum hjá ömmu og afa.

Ja svei skítalikt.

Allir snúast og engum hægt að treysta, settar verða smá breytingar inn þá verða bara allir svo glaðir og leika sér eins og börnin á Austurvelli, bara verst að sálin verður ekki eins hreyn og í ungviðinu.

Styðja Icesave með fyrirvara

Ævintýri sem ætlar ekki að enda vel, nema?

Sérkennileg tilfinning hefur komið yfir mig á hverjum degi í marga mánuði núna, jú það er þessi ævintýratilfinning, eins og maður fær er maður horfir á myndirnar Peter Pan, Mary Poppins og aðrar slíkar myndir, eruð þið ekki sammála, um að maður fari í svona gleði og spennu vímu og er í henni lengi á eftir, myndirnar eru svo frábærar.
Núna er það aðeins öðruvísi því ég er alltaf að bíða eftir því góða, sem á að gerast, en það gerist bara ekki, það gerist ekkert gott, sko okkur í hag.

Hvenær á að taka af hörku á þessum málum, held að það sé hlegið að okkur úti í hinum stóra heimi.
Allt er svo silalegt að menn bara sleppa á meðan þeir fáu sem vinna að þessu klóra sér í hausnum
og hugsa, hvar eigum við að byrja.

Það er vita mál að Íslenskir ráðamenn eru svo hræddir við háu herrana úti í heimi að um leið og þeir blása smá, þá hrökkva þeir í kút og segja já og amen, skrifa undir allt, "ólesið" Í staðin fyrir að blása hærra. það sama gildir hér heima fyrir, annars væri þetta ekki svona.

Hvernig væri að þessi ríkisstjórn færi að vinna vinnuna sína, þessa sem er nauðsynlegust, það er að hjálpa fólkinu í landinu, koma af stað atvinnunni og setja herhörku á þá sem stundað hafa hér þjófnað aldanna, annars skulu þeir segja af sér og hér verði stofnuð utanþingsstjórn með skynsemi og hörkuaga að leiðarljósi.

Stórskuldug aflandsfélög í eigu hluthafa

Góðar minningar.

 Sem betur fer eigum við flest góðar minningar frá barnæsku, stundum er ég ekki næ tökum á að tala við verkina mína þá fer ég að hugsa um eitthvað sem gerðist í æsku það er afar ljúft.

Einu sinni fórum við í jólaboð til vinafólks mömmu og pabba, minnir að það hafi verið á Flókagötunni,
það var gott veður snjór yfir öllu og ekkert útlit fyrir ófærð.
Við vorum allan daginn, það var spilað og borðað, er við ætluðum heim var komið frekar vont veður fórum samt af stað heim, vorum á fólksbíl og fórum oft útaf á suðurlandsbrautinni komumst fyrir rest inn í Nökkvavog til ömmu og afa, bjuggum þar einn vetur. Amma og afi voru að farast úr áhyggjum, við ísköld, hrakin, svöng og þyrst.
þegar vorum við háttuð og komin undir sængur og teppi kom afi með koníaksflösku og öll urðum við að drekka eina matskeið af þessum fjanda, en sofnuðum eins og englar og sváfum alla nóttina.

Þó þetta hafi verið erfitt þá var þetta mjög spennandi, sjáið til þetta hefur verið í kringum 1953-4

Þetta eru elsku amma mín og afi Jón og Jórunn þau voru klettarnir
í mínu lífi, ég elska ykkur og takk fyrir mig.

Ljós á línuna.

 

Mannleg framkoma? NEI!

Svona er þá komið fyrir málum, ekki að það hafi eigi verið þannig, afar lengi, en hvað í ósköpunum eru heilbrigðisyfirvöld að hugsa vilja þeir að fólk gerist afbrotafólk áður en það fær vistun.
Ef fólk sem á við geðræn vandamál að stríða kemur og biður um hjálp þá þarf það virkilega á hjálp að halda.
Mörg dæmi eru um að fólki hafi verið vísað frá, sagt að koma á morgun eða eftir helgi, hvað gerir fólkið? Jú það gæti framið sjálfsmorð, slasað aðra, bæði konuna og börnin.
Það hlýtur að vera það sem þeir vilja, nú ekki gengur svo vel að fá lögregluna í heimahús vegna manneklu, þó þeir þessar elskur geri eins og hægt er.

Þessu verður að breyta, ég veit að það er mikið búið að gera, en ekki nóg, það vantar eitthvað mikið upp á er svona kemur fyrir.

Guð veri með þessu fólki.

Vísað frá á geðdeild og ók inn í lögreglustöð