Til hamingju nágrannar.

Til hamingju aftur og aftur þið eigið heiður skilið fyrir ykkar framlag til þessara helgar, sem svo oft hefur verið erfið.
Ef ég hefði haft gönguheilsu þá hefði ég verið með ykkur og haft gaman af, lokaatriðið ykkar er með eindæmum fallegt.
Hjartans kveðjur og vona ég svo sannarlega að fólk taki sér þetta til fyrirmyndar brosi og sýni kærleikann í verki.

Hjartans þakkir á Akureyri

Ferð að Kiðagili í Bárðadal

Þetta er hann Skugga Sveinn sem tók á móti okkur á Kiðagili í
Bárðdal í dag.
Þær standa hjá honum Viktoría Ósk haldandi á hálfhræddri
Aþenu Marey. Við fórum að Kiðagili í dag þar var svokallaður
þjóðlegur dagur með þesskonar skemmtun og kaffihlaðborði.
Skugga Sveinn söng fyrir okkur undir borðum.





Uppstilling frá þessum tíma.

Verið að sjóða yfir hlóðum.



Þeir spiluðu fyrir okkur á nikkurnar.



Þær með afa, þetta var yndislegur dagur sem endaði í Pitsuveislu
hjá Millu minni og þær voru sko ekki af verri endanum.

Kærleik til ykkar allra
Milla

Flott hjá ykkur strákar

Frá átaki Karlahópsins um Verslunarmannahelgina í fyrra JIM Smart

// Innlent | mbl.is | 1.8.2009 | 15:45

Söngvarar skjóta bolum í Eyjum

Sérstakri bolabyssu eða bolavörpu verður í kvöld beitt í Vestmannaeyjum til að varpa bolum frá Karlahópi Femínistafélags Íslands til áhorfenda á tónleikum Sálarinnar og Í svörtum fötum. Munu forsprakkar sveitanna, Stefán „Stebbi Hilmars" Hilmarsson og Jón Jósep „Jónsi" Snæbjörnsson sjá um bolavarpið.

Er uppátækið hluti af NEI-átaki Karlahóps Femínistafélagins. Tilgangurinn er að vekja athygli á nauðsyn þess að karlar taki ábyrgð í umræðunni um nauðganir.

Frábært framlag og gott að karlmennirnir sýni þessu áhuga,
það eru ekki margir sem vita að þeir geri það og vinni vel að
þessu sem og mörgum öðrum góðum málefnum.
Gangi ykkur bara vel í og vonandi með tímanum læra allir
að segja nei, bæði stúlkur og drengir.

Þeir eru núna á Akureyri að vekja athygli á málstað sínum.

 Segið öll Nei

Söngvarar skjóta bolum í Eyjum

Talað við sjálfan sig

Á það svo sannarlega til, gerist oft og þykir mér það afar skemmtilegt er ég uppgötva það, hlæ dátt.
Í morgun eftir sjæningu og morgunmat fórum við í búðina til að versla til helgarinnar, ekki vantaði svo mikið bara þetta helsta, ost og viðbit af ýmsu tagi, keyptum okkur reyktan lax, svona í þunnum sneiðum fórum síðan í bakaríið og höndluðum góð brauð og heim í kaffi, en það var eiginlega komið hádegi, svo við nefnum þetta Brunch, borðuðum vel og lengi og spjölluðum um hvað við værum í raun vitgrönn Íslendingar í áraraðir værum við búin að synda með fjöldanum og halda bara að allt væri í stakasta lagi, urðum ekki vör við nein teikn um óeðlilega hegðun hóp fólks hvað þá að við tækjum hroka ráðamanna nærri okkur, sei sei nei við sögðum bara að þeir væru þreyttir ræflarnir.
Segi og stend við, að við erum nautheimsk, höfum látið öðrum eftir að semja um allt fyrir okkur í
áratugi, nú verður þessu snúið við.

Nú þar sem ég vaknaði árla, syfjaði mig afar, samdi við Gísla minn um að hann mundi vakta símann svo ég gæti lagt mig, en það gat verið að Dóra mín mundi hringja, henni vantaði að koma til að versla.
Ég svaf alveg yndislega þar til Gísli fór að ná í þær fram í Lauga þá fór ég á fætur, Gísli ók þeim beint í búðina og kom svo heim og ég fór til þeirra.

Verslaði í kvöldmatinn, hammara og þeir voru góðir með miklu grænmeti, frönskum og sósum. Nú við spjölluðum aðeins síðan fór Gísli minn með þær heim, þær eiga að fara til vinnu í fyrramálið.

Það versta við að tala við sjálfan sig er einmitt þetta, ég var byrjuð að tala um það, en fer út í aðra sálma, tala um daginn í dag, málið er hjá mér að stundum held ég að ég sé búin að segja fólkinu mínu frá því sem ég var að tala um við sjálfan mig og held jafnvel áfram með eitthvað og þau skilja ekki neitt í neinu, Okay þá þarf ég að útskíra mál mitt.
Stundum er ég spurð að einhverju og byrja að svara, er í önnum eða bara það kemur eitthvað upp, og þá kannski svara ég eftir marga tíma eða bara daginn eftir.
Svona er þetta bara góða mín sættu þig við það og þú hefur allt bara eins og þú vilt, GEG.
Verð að viðurkenna að mér líður bara ofsalega vel.

Eigið góða helgi elskurnar mínar allar.
Munið góða skapið og brosið.

Milla

JEDÚDAMÍAMILLARINA

Get ég fengið peninga bara út á sjálfan mig, ég á þriggja ára bíl á bílaláni þá verður hann yfirveðsettur, en það getur ekki gert mikið til því ég er jafn mikil og stór og allt þetta fólk sem afhenti hvort öðru miljarða bara svona rétt yfir borðið.

Er farin að hallast á að þessi hópur fólks sem kallast útrásarvíkingar hafi þurft þessa spennu sem forleik í spennulosun, eða hvað haldið þið?
 
Þarf nú ekki að taka það fram oftar að undrun og hneykslan er orðið daglegt brauð hjá mér og örugglega flestum Íslendingum, Verst er að það er ekki hægt að borða undrun og hneykslan.

Eigið góðan dag elskurnar mínar
Munið brosið sem gleður alla
Milla

Alþýðuhúsið yfirveðsett

Kvöldrugl.

Það er búið að vera fjör í dag, allir eru að vinna niður í húsi og ég er búin að vera með þau Aþenu Marey og frænda hennar Hjalta Karl í dag, en ekki hef ég haft mikið af þeim að segja þau eru svo góð að leika sér, svo á milli þess sem ég hef gefið þeim að borða og drekka hef ég setið við bróderí.
Vorum að enda við að borða pulsur með öllu tilheyrandi að sjálfsögðu fengu þau gos með.

Margt hefur farið í gegnum heilabúið í dag, eins og bara það hvað ég á gott þó vandamálin séu mikil í þjóðfélaginu get ég nú varla kvartað með þessa yndislegu fjölskyldu sem ég á, hef betri heilsu en margur annar og fékk þetta góða skap í vöggugjöf, og að finnast lífið og tilveran yndisleg.

Á morgun hefst skemmtilegasta helgi ever, allavega fyrir flesta, en ég hef nú alltaf verið svo skrítin að finnast útihátíðir og útilegusamkomur eitthvað sem ekki hentar mér, en virði alveg ef fólki finnast þær skemmtilegar.
Ég hef farið á ættarmót og síðast er ég fór ákvað ég að fara aldrei aftur, mér ógnaði nú alveg allt sem þar gerðist og tel eigi að það sé hægt að hafa gaman með fólkinu sínu, þegar það veit ekkert í sinn haus fyrir víndrykkju, en ég elska þau nú samt öll með tölu.

Nú eru þau farin og hún sagði er hún fór að hún kæmi á morgun til að laga til, er þetta ekki yndislegt, hún nefnilega veit að afi gerir þetta fyrir hana.
Takk fyrir góðan dag, góða nótt og dreymi ykkur vel.
Munið brosið sem gleður svo mikið.
Milla

Nefskattur kallast hann.

Hef nú aldrei vitað það betra, nefskattur, og ég er svo reið
að ég næ ekki upp í nef mér.
Sko þó ég eigi nú skít nóg af peningum, geti leift mér hvað sem
er þótt öryrki sé með 160.000 á mánuði, þá veit ég eiginlega ekki
úr hvaða hólfi ég á að drulla þeim peningum sem í skattinn eiga
að fara, borga verður hann því annars fer í verra.
það er verið að tala um að gera eitthvað fyrir heimilin
jú fólk fær frystingu lána, sem er engin lausn og svo kemur
nefskattur upp á 17.000 per mann, sem sagt 34.000 fyrir hjón,
nema sko ef þú ert orðin gamall, meina yfir 67 ára,
en þurfalingarnir, borga bara.

Ekki það að ég sé að kvarta, nei nei, bara að segja staðreyndir,
sem sumir standa ekki undir skítt með okkur gamla fólkið, við
hættum bara að borga og förum á einhvern svartan lista, en
unga fólkið á allt lífið framundan og það er ekki gott á svörtum
lista vegna þess sem það getur í raun ekkert gert að.

Jæja elskurnar hér er skítaveður, en maður heldur bara áfram
að hafa það huggó innanhús við sauma, tölvu, lestur og að
sjálfsögðu matargerð, segi ykkur seinna hvað verður í kvöldmatinn.

Eigið nú yndislegan dag og munið brosið
Milla

Flæðandi orka

Það er búið að vera þannig í dag hjá mér, þegar ég var búin að drollast í morgun fara í sjæningu og var tilbúin í súpugerð, sem ég var búin að ætla mér þá vantað að sjálfsögðu eitthvað í hana, svo Gísli minn fór til að kaupa hvítkál, gulrætur og lauk, en áður var hann búin að fara í B12 sprautuna sína upp á sjúkrahús. Ég skar niður svínakjöt í súpuna, átti bita í kistunni síðan um páska steikti það og tók úr pottinum gljáði laukinn setti vatn í pottinn og setti fyrst gulræturnar sauð þær í 5 mín svo kom allt kryddið og grænmetið, nú á ég 6 máltíðir af súpu þykkri af grænmeti í frystiskápnum, ÆÐI.Fengum okkur náttúrlega afganga af fiskinu síðan í gær í hádeginu og rúgbrauð með.Svo datt allt í einu í mig að taka fram harðangur og klaustur saumaskapinn minn, hef varla snert við því í 4 ár, settist í stólinn minn góða hér í tölvuverinu og saumaði í 2 tíma, Gísli sat í tölvunni og spjölluðum við annað slagið og mér leið alveg ótrúlega vel það kom einhver ró yfir mig sem ég hef ekki haft lengi.

Milla mín, ljósin og Hjalti Karl (hann er frændi ljósanna) komu síðan að borða með okkur súpu og brauð
Ingimar er á sjó í Skagafirði.
Gísli fór að slá blettinn eftir mat var nú komin tími til, en það hefur ekki verið veður til að slá.
Svo ég segi að orkan var flæðandi hér um í dag og bið ég um hana áfram.

Góða nótt elskurnar mínar.
Milla

Ódýr matur.

Skal nú bara segja ykkur það sem satt og rétt er,að það er til ódýr matur þó eigi unninn sé annaðhvort í dósir eða vagumað í plast, mín skoðun er sú að það er í lagi fyrir þá sem vilja kaupa unnar matvörur að sjálfsögðu, en að það sé ódýrara eða fljótlegra, af og frá, mat er hægt að útbúa á no time hollan, góðan og ódýran. Þetta er nefnilega spurning um hugarfarsbreytingu, skipulag og að gefa sér tíma í búðinni til að hugsa hvaða matur sér í raun ódýr.
Og ég veit að þeir sem hætta að borða unnar matvörur borða bara ferskan mat finna muninn mjög fljótlega

Ég til dæmis borða hakk, kjúkling og fisk, kaupi svínahakk og nautahakk blanda því saman og geri bollur og eða pottrétti í pottréttina nota ég brún grjón, bygg eða heilhveitipasta.
Ég elda grænmetissúpur, alltaf í 10 lítra pottinum mínum svo frysti ég mátulegar einingar fyrir okkur
maður er ekki lengi að elda svona súpu, tek fram að ég hendi aldrei örðu af grænmeti þó það sé orðið leiðinlegt ég frysti það til að setja í súpur eins er með grjónafganga í súpuna með þá.

Kjúklingana kaupi ég yfirleitt heila ófrosna, en reyni að kaupa bringur á tilboði nú og fiskinn borðum við mikið af, Annað kjötmeti er ekki á dagskrá nema til hátíðabrigða

Vegna tals um að lítið sé til fyrir mat, þá bað ég konu um daginn að skrifa allt niður sem hún þyrfti að kaupa fara síðan yfir listann og sjá hverju hún gæti sleppt, og það kom í ljós að listinn styttist um 1/4. Það er gott að fara aldrei í búðina nema með innkaupalista og að sjálfsögðu að fara eftir honum.

Ég gæti endalaust haldið áfram, en stoppa áður en fólk fer að æla yfir síðuna mína og tala um mig sem hrokagikk

Eigið góðan dag elskurnar mínar allar
Milla

Hver kaupir svona mat?

Allavega ekki ég, bý þær til sjálf eða kaupi hreindýrakjötbollur hjá kjötvinnslunni Viðbót hér á Húsavík
það ætti engin að leggja sér til munns svona unnin mat.

Ég er nú ekkert að setja út á Ora sem slíkt, þeir eru flottir, en niðursoðnar kjöt og eða fiskbollur það er bara ekki málið, allavega ekki hjá mér.

Annars er ég bara fín eftir að hafa borðað steikta lúðu með eggjum,tómötum, papriku, nýjum kartöflum og Íslensku smjöri.
Vorum að koma heim frá Laugum, tókum rúmin stelpnanna ljósin mín ætla að fá þau, en stelpurnar voru að kaupa sér ný.
Góða nótt elskurnar mínar

Ora innkallar kjötbollur í brúnni sósu

Loftrýmisgæsla?

Varnarmálastofnun Til hvers er hún eiginlega og hverju þjónar hún? Ég var svo græn að halda að í allri þessari tækni sem við búum yfir væri hægt að fylgjast með loftrýminu á annan hátt, og svo er ein stór spurning sem brennur á mér, asnanum, hvað halda þeir að þeir fyrir finni, óvinavélar eða geimverur?

Össur Skarphéðinsson segir í viðtali í mbl í morgun að þeir hefðu alltaf staðið í þeirri trú að
Bandaríkjamenn myndu vernda okkur en þegar þeir fóru héðan árið 2006 þurftum við virkilega að leita að öðrum hópi þjóða til að tilheyra.Hann var nú trúlega ekki að tala um varnarlega séð, eða hvað?
Óneitanlega sérkennilega til orða tekið þar sem ég, asninn, taldi okkur vera sjálfstæða þjóð, sem er náttúrlega regin misskilningur.


Sjáið hvað þetta eru hrikalegar kofabyggingar, get ekki að því gert að ég fyllist biðbjóði er augum lít svona lagað. 150 manna her er að koma til landsins með 15 orrustuvélar, það sem fæst út úr þessu er hávaðamengun, en kannski ráðamenn þjóðarinnar haldi að þeir fái einhverja fjöður í hattinn, eða hvað veit ég þessi staði asni sem eigi skilur neitt.

Ég vil taka það fram að ég hef ekkert á móti þeim mönnum/konum sem koma hingað, er bara á móti þessari herstöð og hef alltaf verið.

Loftrýmisgæsla að nýju

Var í svona óskaleik í gær.

Nefnilega, í óskaleik með barnabarninu það átti að kasta tening og ef maður lenti á vissum reit mátti óska sér, nú við að sjálfsögðu héldum áfram þar til allar óskirnar voru komnar í garðinn okkar, ekki vantaði græðgina, en þetta voru svona pappaóskir og svo mátti skipta og færa til um reiti.
Ég hugsaði að míó míó hlyti að vera orðin útlærð í peningaklækjunum og fór að hugsa hvar ætti nú helst að bera niður, en komst að því að það er ekkert eftir fyrir svona hægfara bjána eins og mig, enda allt í lagi því mér er alveg sama ef í harðbaka slær þá hættir maður bara að borga. Annars er það háttur sem meðaljónar eins og ég iðka ekki.

Vorum að borða afganga sem ég átti í frysti, hakk og spa, parmesan og brauð með, æði.
Dóra og stelpurnar ásamt gestum sem eru hjá okkur frá Ísafirði fóru heim til Dóru í gær eftir skemmtilega helgi hjá okkur, þær fóru allar á Eyrina í dag ætluðu út að borða og í bíó að sjá myndina karlmenn sem hata konur, veit að það er fjör hjá þeim því þær kunna sko að hafa það hyggeligt þessar stelpur allar.

Úti er grenjandi rigning og rok, veit ekki hvers við eigum að gjalda ræflarnir hér á Húsavíkinni, en þetta er sko í lagi því við erum búin að taka allt í gegn í dag, þvo þvotta þurrka og ganga frá, taka niður allt bleikt, þurrka af og pússa, moppa og þvo gólf ekki nóg með það við tengdum nýja tölvuskjáinn, sko svona flatskjár, svartur og flottur, en treystum okkur ekki til að setja upp skannann sem við vorum að kaupa hann er nefnilega of flókinn fyrir svona gamlingja eins og við erum, meina það sko, auðvitað erum við ekki gömul bara nennum ekki að setja hann upp.
Verð nú að fara að hætta þessu þrugli.
Góða nótt elskurnar mínar
Milla

Smá samantekt.

Maður er nú búin að vera í hálfgerðu fríi undanfarnar vikur,
en þetta fer nú allt að glæðast, " Vonandi".
Allavega hefur það verið þannig hjá mér að  nennan er
engin, var fyrir sunnan, kom heim, fékk gesti og engla og
ekki hefur maður þá neinn áhuga á tölvunni, ekki að manni
hafi ekki langað til að kíkja hvað væri á seiði, en gleymdi því
nú fljótt er annaði kallaði á. Helgin hjá okkur var yndisleg,
maður sá nú ekki mikið af fólkinu en það kom og fór, ja
svona eftir veðri og hvað var í boði á hafnarsvæðinu, nú
Milla mín og Ingimar voru non stopp að selja fisk og franskar
á breska vísu þó ekki í dagblöðum, enda betra að hafa
plastdiskana út um allt heldur en dagblöðin sem er ekki
einu sinni hægt að lesa stakt orð í fyrir endalausri þvælu.

það er nú eitt fréttir og blöð mega bara eiga sig fyrir mér,
sko eða þannig fæ æluna upp í háls ef ég heyri minnst á
Icesave.
það er nú orð sem er orðin kúgun að öllu leiti, enda finnst
okkur svo yndislegt að bukka okkur og beygja fyrir þeim
sem við teljum einhvern aðal hvað er það?
Enda kúguð þjóð orðin en og aftur, fljót að gleyma elskurnar.

Æi æ, er ég ekki farin að tala um þennan fjanda og var búin
að lofa mér því að hvorki  rita né tala um þetta meir.
Reyni að standa við það hér eftir.

Jæja best að fara í sjæningu Gísli minn er að borða grautinn
og síðan er nú best að taka niður bleiku skreytingarnar
innanhúss ganga frá þeim í kassa og geyma til næsta árs.

Eigið góðan dag í dag
Milla

Myndir frá mærudögum

Gísli minn fór á rúntinn til að taka myndir,
hér koma nokkrar.







Myndirnar hér að ofan eru frá skreytingum hjá Millu minni.
Hún smíðaði þetta úr brettum og málaði, sleikjóarnir eru netabelgir
á kústskafti.

Kem ekki fleirum myndum inn, eitthvað tæknivandamál. koma seinna.

Allir fóru í bæinn í dag nema gamla settið, síðan komu þær með mat
handa okkur um 6 leitið auðvitar var það fiskur og franskar.

Nú svo komu þær systur Erla og Mæja með Heiðar litla hennar Mæju
virkilega varð kátt í koti við þá heimsókn á eftir þeim komu Stebbi,
Smári og Maggi hennar Þorgerðar sem er í heimsókn á Íslandi, en
býr á Bretlandi, mjög skemmtilegt hjá okkur.
Núna er allt liðið farið í bæinn á ball sem mun standa til 3 í nótt.
Englarnir mínir eiga að vinna á morgun, svo afi mun aka þeim heim
í fyrramálið.

Kærleik á línuna
Milla

 

 

Mærudagar.

Við fórum í búðir í gær, sem er að sjálfsögðu ekki óeðlilegt
eftir 13 daga fjarveru, en það sem einkenndi ferðir okkar
um bæinn var að hann var fullur af gestum, sem á Mærudaga
voru komnir.
Búið er að skreyta bæinn okkar þvílíkt að mikill sómi er að, og
eigi mun vanta upp á skemmtidagskrá af öllum toga.
Við hittum fólk sem við þekkjum og fór smá tími í spjall, sem
að var bara gaman.
Englarnir mínir á Laugum koma og með þeim kærir vinir frá
Ísafirði, mæðgurnar Rannveig og María Dís, svo það verður
fjör hjá mér um helgina svo koma gestir og gangandi eins
og gengur.
Við munum að sjálfsögðu borða saman að vanda og ætlar Dóra
að elda hamborgara Mexikanska, sterka og flotta, mun ég
útskýra það frekar síðar, þeir verða á laugardagskvöld, en ekki
veit ég hvað verður í kvöldmatinn örugglega kjöt, enda fengum
við okkur langþráðan þorsk í gærkveldi, bara upp á gamla mátann
steiktan með lauk og kartöflum.
Kem inn seinna með lýsingu á helginni, og eigið hana góða kæru vinir
já og bara allir sem lesa hér þessa síðu.
Kærleik á línuna
Milla

Ps. ég er í bleika hverfinu

Ferðasaga í stuttu máli.

Við lögðum af stað héðan frá Húsavík föstudaginn
10 júlí, við dóluðum okkur með nesti og nýja skó
áleiðis í Grímsnesið, nánar tiltekið í sumarbústað í
Búrfellslandi.
Á leiðinni heyrðum við í fréttum að stórbruni ætti sér stað
á Þingvöllum, Hótelið var að brenna til kaldra kola, enda
ekki von á öðru er um svona timburhús er að ræða, en það
tók í hjartað því margar minningar átti maður frá þessum
merka stað, jæja það hverfur allt nema gleðin sem skapast í
hjarta manns er sáttur maður er við sjálfan sig og aðra, ja
svona í flestum tilfellum, ég var afar glöð að vera að fara í þetta
ferðalag vorum með Millu minni og Ingimar sem eiga ljósin mín
á þessum myndum.

Tekin í sumarhúsinu og við erum að sjálfsögðu að mála okkur.

Á laugardeginum komu Fúsi minn og Solla með yndislegu
barnabörnin sín.



Viktor Máni og Sölvi Steinn

Kamilla Sól með Gísla afa.

Síðan á sunnudagskvöldið komu kærkomnir vinir, það var hann
bloggvinur minn Jóhannes konungur þjóðveganna og hún Sirrý
konan hans, þau búa á Borg í Grímsnesi, það var yndislegt að
hitta þau og fá aðeins að kynnast þessum galgopa svona í raun
Takk fyrir að koma elskurnar.

Nú það var farið á Gullfoss og Geisi, ekki skoðaði ég mikið þar enda
margbúin að gera það þau hin voru ekkert betri en túristarnir út um
allt takandi myndir.





Við fórum að heimsækja frænku Gísla sem býr á Selfossi og þau
höfðu ekki sést í 15 ár, frábært að kynnast þeim hjónum.

Nú það var farið í Laugarásinn með þær og í sund og ekki skemmdi
það ferðina að fara í leiktækin sem notuð hafa verið í gegnum árin á
Úlfljósvatni í sambandi við sumarbúðir skáta.

Á föstudeginum fórum við í Njarðvíkurnar til Fúsa og C/O og vorum
þar fram á mánudag, en á laugardeginum komu Milla og C/O og
það var veisla um kvöldið, hér eru þær mágkonurnar að útbúa
reyndar eftirmiðdagskaffið æðislegar að vanda.

Nú mamma fær að fylgja með borðandi pulsu sem henni langaði í
mest af öllu er við fórum til hennar.



Restin kemur seinna.

Kærleik á línuna kæru vinir
Milla

Komin aftur, Jibbý, jibbý jæ.

Þegar maður fer í frí þá segir maður: ,,Jibbý jibbý jæ", og
einnig er maður kemur aftur heim, því heima er jú best."
Rúmið mitt, að leggjast í það er bara sælustund sem ekki
er hægt að lýsa, en hver og einn veit og skilur.

Hæ elskurnar, við komum heim í gæreftirmiðdag mokuðum
dótinu inn hér heima og fórum svo í mat til Millu og C/O
vorum þá búin að vera á Laugum hjá englunum mínum
og tókum Neró með okkur heim.

Ég vissi að þær væru búnar að fara hingað að laga til þessir
englar mínir, en það er ætíð eitthvað óvænt hjá þeim, og einnig
var það í þetta sinn, á koddunum okkar voru hjartalaga, bleikir
konfektmolar, Wc pappírinn var svona fiðrilda-pappír og litirnir
eftir því síðan var á borðstofuborðinu bleikt ilmkerti, servéttur
og diskar í stíl ásamt bleikum hjörtum til að skreyta með því
það er nefnilega mærudagar hjá okkur á Húsavík og mun ég
sýna ykkur myndir frá þeim síðar.
Viktoría Ósk og Hafdís Dröfn vinkona hennar fóru í gærmorgunn
og opnuðu alla glugga, vökvuðu blómin úti og hreinsuðu það
sem ónýtt var.
Ekki er hægt að hugsa sér betri heimkomu þegar maður finnur
kærleikann streyma á móti sér.

Við áttum alveg yndislegt frí og mun ég segja ykkur frá
því í kvöld því nú þarf ég að fara í sjæningu og svo í hinar ýmsu
reddingar því hér er allt að fyllast af fólki.

Kærleik á línuna
Milla

Er að fara í sumarfrí.

Við erum að fara í frí, förum suður í fyrramálið og í bústað
fyrir austan fjall eins og sagt var hér áður og fyrr.
Néró þessi elska er kominn til eiganda sinna á meðan, en
þær fengu leifi til að hafa hann þessa daga þó þetta sé
hótel á sumrin, það fer nú ekkert fyrir honum knúsidúlluni.

Nú svo förum við í Njarðvíkurnar um aðra helgi og verðum hjá
gullmolunum mínum þar, og munum heimsækja fólk sem við
þekkjum þar útfrá, hlakka svo til.

En hér koma nokkrar myndir í viðbót við þær sem komu í morgunn

Þar sem veislan var haldin.



Eru að fara á Hótelið og veifa bæ bæ.



Ingó bróðir þetta er sko Rols sem hann er í.



Á leið á hótelið.



Guðni bróðir og Inga mágkona mín.

Elskurnar mínar hafið það æðislegt næstu 12 daganna þá kem ég
vonandi aftur og get farið að gefa ykkur góða daga, en sjáið um
það á meðan.
Kærleik til allra
Milla

Gifting

Hérna eru nokkrar myndir til að gleðjast yfir
Þetta er ekki í bíómynd heldur litli bróðir minn
að gifta sig henni Eiko mágkonu minni.
þau eru að gifta sig í þriðja sinn og núna samkvæmt hennar trú.

Þarna eru þau búin að gifta sig og höfuðfatið tekið af.



Eiko og Inga mágkona mín í baksýn, þau fóru út, Ingó bróðir og
Inga.



Bíllinn sem er notaður við svona brúðkaup er sérútbúin því
þær sem kjósa að gifta sig samkvæmt þessari hefð komast
ekki inn í venjulegan bíl.



Þetta er tekið í veislusalnum



Þau brúðhjónin, foreldrar hennar og Ingó bróðir og Inga.



Glæsileg þessar elskur.

Ég ætla að sína ykkur fleiri myndir síðar.

Eigið góðan dag, það ætla ég að gera, við erum að skreppa á Eyrina
Það er þoka úti svo blessuð sólin mun eigi pirra mann á leiðinni.

Listaverkin hennar Millu minnar.

Maður er nú alltaf að hæla sér og ég held að ég meigi
og hafi ráð á því, því hún er snillingur þessi stelpa mín.
Ég stal þessum myndum á flickr síðunni hennar.

Þetta eru bara yndislegar myndir, en ég veit ekki af
hverju þær stækka ekki er ég set þær inn.

Jæja ég er að gera við föt, stitta buxur, pakka niður
og setja allt á sinn stað.

Knús í krús til allra.