Mynda-blogg

Þessi flotta mynd er tekin við Búðarána á Húsavík, sjáið endurnar
og þeir sem þekkja til kannast við húsin í kring.



Þessi humar var á borðum hjá Millu og Ingimar eitt kvöldið,
hann var æðislegur.

Aþena Marey litla ljósið hennar ömmu sinnar.



Þarna er hún photoseruð  eins og hún sé teiknuð.
Milla mín er snillingur í þessu.

Mátti til að sýna ykkur þessar myndir, stal þeim af síðunni
hennar Millu.
Annars vorum við í kleinum í dag,
og duttu niður kleinur úr 5 kílóum af hveiti og svo voru bakaðir
ástarpungar í restina handa Gísla, eða svo sagði Milla, en ég
fékk mér nú að smakka og góðgætið var fyrsta flokks og ekki
voru kleinurnar verri, allt er þetta komið í frost hjá mér, gott
að eiga fyrir gesti og gangandi.

Hér koma svo myndir af kleinubakstrinum.

 

Þessar englastelpur snéru upp á kleinurnar.



tilbúið til steikingar, þetta var ekki allt.



Óda amma að steikja.



Englarnir að slappa af og fá smá nammi.

Jæja þetta var frá kleinubakstrinum, þetta er ekkert mál þegar
allir hjálpast að, en ég gerði náttúrlega minnst reyndi bara að
vera skemmtileg í staðinn, þarf eiginlega ekki að reyna ég er
alltaf skemmtileg
Ljós og kærleik til allra
Milla

Hún ætti að vera það.

Ímyndin ætti sterk að vera, svo mikið höfum við lagt á okkur
í gegnum tíðina að sinna ferðamönnum af mikilli kostgæfni.

Svo ég tali nú ekki um alla þá ráðamenn sem við höfum dregið
út rauða dregilinn fyrir og slefað yfir hvað þeir eru nú góðir að
heimsækja okkur þessi peð á Íslandi.
það er nefnilega svo einkennilegt þrátt fyrir þessa svokölluðu
útrásarvíkinga að flest okkar kunna ekki að vera tíguleg og
töff eða bara eins og við á fyrir hvern og einn.
Það er kúnst að vera diplómatískur og bara als ekki öllum gefið.
Það er ekki inn að flissa í barminn og lúta fram um leið, sko
þetta eru ekki vinir okkar.

Fólki sumu, þykir þetta sjálfsagt einkennilega sagt hjá mér, en
þeir sem þekkja vita hvað ég meina.

Ímynd Íslands er sterk, en við þurfum að rífa okkur upp á
afturendanum og skóla sjálfa okkur, stöndum keik og gerum
það rétt.

Hafið það gott í dag sem alla daga.

 

Ímynd Íslands er sterk

Kvöld röfl.

Jæja gott fólk, mikið fer í gegnum hugann dags daglega,
og endalaust er hægt að finna fram í hugann neikvæðni
og jákvæðni, ég hallast að jákvæðni.

Mér verður hugsað til allra þeirra sem bara ég þekki, sem
eru með alvarlega sjúkdóma, allt frá pínu litlum krílum upp
í fullorðið fólk.
Ég les, fylgist með, tala um, sendir óskir góðar og bara allt
sem mér dettur í hug að komi að gagni, en við vitum að eigi
fara alltaf málin eins og óskað er af þeim sem búa í þessari
vídd.
Alltaf fer það eins og best þykir fyrir þann sem er veikur eða
hvað það er sem kemur fyrir, og er það okkur óskiljanlegt
á stundum, en verðum að læra að sleppa, það er ekki auðvelt,
en nauðsynlegt.

Stórum þykir mér, er foreldrar sem eru með langveik börn
þurfa að berjast við eitthvað kerfi sem situr í föstum ramma
ekkert óvenjulegt má komast inn eða út úr rammanum.
Ætla eigi að ræða það nánar, allir vita sem hugsa eitthvað,
hvað um ræðir.

Það er hægt að taka á mörgu og ég er örugglega ekki hætt,
en núna er ég að fara á Baramba tónleika í skólanum,
Viktoría Ósk mín er að spila þar.

Gefið öllum þeim sem eru í kringum ykkur kærleik og ljós
Milla

Sorglegt.

Alfie Patten búin að vera svo glaður yfir því að eiga þetta
litla barn, svo er því kippt í burtu, hann er ekki faðirinn.
Rannsókn leiddi í ljós að 15 ára gamall unglingspiltur gerði
Chantelle Stedman ólétta.

 Sagt er að Alfie sé í sorg yfir þessum úrskurði, hvað hefur
verið að í uppeldi þessa drengs finnst hann 12 ára á
kærustu sem er 15 ára og er hamingjusamur yfir því að fá
lítið barn til að hugsa um, eða þannig.

Fallegir eru þeir á mynd, ekki feðgar, en mikið held ég að það
þurfi að hjálpa hinum unga Alfie, þó ég telji nú að það verði
ekki gert neitt í því.

Fræðið börnin ykkar í tíma.

Tólf ára piltur er ekki faðirinn

Kvöld rugl.

Við stelpurnar á heimilinu sko ég og englarnir mínir
fórum á rúntinn eftir hádegið, svo sem ekkert sérstakt
ég sló því svo fram hvort þær vildu ekki fara til Millu frænku
og ljósanna minna, auðvitað gerðu þær það, en ég fór aðeins
í tölvuna, sem ég var svo að sofna ofan í, í staðin fyrir að dotta
ofan í óþægilegt takkaborðið fór ég bara inn í rúm, ó það var svo
gott að kúrast niður í besta rúm ever.
Svaf til fimm þá var Milla búin að hringja og bjóða í mat, en ég
hringdi til baka og sagði að við gamla settið myndum klára fiskinn
síðan í gær, sem við gerðum og ekki er hann síðri svona smá hitaður
tala nú ekki um ef maður hefur rúgbrauð með.

Þær eru komnar heim og eru að horfa á eitthvað afar hlægilegt í
varpinu, Gísli að horfa á Kastljós að ég held, og ég í tölvunni.

En ég er eitthvað skrítin í dag, búin að grassera kuldi og ónot í
mér í dag, en ég er ekki að fá pest, því það er algjörlega bannað
hef ekki tíma fyrir svoleiðis rugl, bara aldrei.

Smá saga sem gerðist fyrir all mörgum árum.

Mæðgur voru saman í verslun voru að skoða það sem í boði var,
dóttirin sá eitthvað áhugavert, kallaði. MAMMA SJÁÐU, ekkert svar
bara þust að henni og hvæst, ekki kalla mig mömmu hér inni þá
virka ég svo gömul.
Flott saga er það ekki?

        Kveldljóð

Ó, þú sólsetursglóð,
þú ert ljúfasta ljóð
og þitt lag er hinn blíðfagri andi,
Þegar kvöldsólin skín
finnst mér koma til mín
líkt og kveðja frá ókunnu landi.
Mér finnst hugsjónarbál
kasta bjarma um sál
gegnum bylgjur þíns dýrðlega roða
Ég geng draumum á hönd
inn á leiðslunnar lönd
þar sem ljóðdísir gleði mér boða.

Jón Trausti.

Góða nótt

 

Hef bara ekkert að segja

Á ekki til orð yfir að Jóhanna vilji og telji að við munum vinna
saman, en að hverju, engar fastar útskýringar á því koma fram,
svo við fjölskyldur munum bara halda áfram að berjast saman
eins og við höfum gert.

Matarverðið hefur hækkað og það þýðir bara að kaupa öðruvísi
inn, baka sjálfur, líka gaman að taka sig saman vinkonur og
fara í stórbakstur, þá er frystikistan nauðsynleg, ekki sakar
að spyrja sjálfan sig að, er maður fer í búðina hvað það er í
raun sem manni vantar, það kemur á óvart hversu mikinn
óþarfa í raun er verið að kaupa, ekki kaupa bara til að kaupa
heldur skoða málin.

Annað sem maður verður að venja sig á það er að henda
aldrei örðu af mat, nýta allan mat sem verður eftir.

Annars hafði ég svo sem ekkert að segja og það sést á mínum
skrifum, en ætla að gefa ykkur uppskrift að samsulli úr afgöngum.

Léttbrúnið lauk á pönnu setjið síðan út í alla matarafganga sem
þið eigi, kannski, 3-4 daga afganga smátt korna + kartöflur ef þær eru til
dassið 0líu yfir, hitið varlega, það má slá út eitt eða tvö egg og bæta
í ef vill. saltið pínu, piprið, eða bara það krydd sem ykkur líkar við.
borið fram með heimabökuðu brauði að vild.

Kærleik í daginn

Milla

Fyrir svefninn.

Í gær fengum við góða gesti sem voru Huld , Halli og Eva
vinir okkar frá Akureyri, mikið spjallað og hlegið.

Englarnir mínir á Laugum, hringdu og ætluðu að koma til
okkar í nokkra daga, afi fór náttúrlega strax að ná í þær.
Þær hittu fólkið sem þær þekkja reyndar vel.

Nú þær elduðu svo kvöldmat og ég bjó til salat með osti og
það var æði.
Áttum síðan góða kvöldstund þar til gamla settið fór að sofa.

Í morgun fór ég í síðasta tíman hjá tannsa, á bara að koma í eftirlit
í haust, mikið var ég fegin er það var búið, en verð að viðurkenna að
þessi tannlæknir sem heitir Stefán tók bara úr mér hræðsluna við
tannlækna og þurfti nú mikið til þess, takk fyrir mig.

Um hádegið fór ég í þjálfun ekki skemmdi það nú daginn er reyndar
tvisvar í viku allt árið fyrir utan einn mánuð í sumarfrí og svo jóla og
páskafrí.
Þær fóru síðan klukkan tvö að ná í litlu frænku sína á leikskólann og
var hún í skýjunum er hún kom hingað heim með þeim.
Milla og Viktoría komu svo og við borðuðum saman steiktan fisk.
Þær mæðgur eru farnar heim, ég aðeins í tölvunni, svo fer ég bráðum

að hvíla mig.

   Bjartar nætur

Úti er sólskin og allt er svo bjart,
aldrei ég litið hef fegurra skart.
Regnbogi í fjarska og fjöllin svo blá,
sú fegurð er mikil sem skaparinn á.

Albjartar nætur og allt er svo hljótt,
engan það svíkur að vaka eina nótt.
Horfa á sólina hníga í sjá,
Himnesk er dýrðin sem skaparinn á.

Að morgni rís dagur með döggvota brá,
dásamlegt finnst mér að horfa það á.
Andvarinn bærir hin iðgrænu strá,
alla þá dýrð sem skaparinn á.

Bergdís Jóhannsdóttir, Búlandi Skaftártungu
( Frá Giljum, F 1948)

Góða nótt kæru vinir

Klára þetta hús, engin spurning.

Hvaða hvaða, klárið nú húsið og hættið að pexa um einhverjar
krónur til eða frá.
Þessi bygging skapar vinnu, það er búið að kosta of miklu til, ef
það á svo að grotna niður þarna á hafnarbakkanum, eins og
svo margt annað.

Skil svo ekki þá röksemdarfærslu að húsið verði dýrara, ef krónan
helst á þessu plani sem hún er á núna, blessunin.

Hvað með öll önnur verkefni, verða þau ekki líka dýrari, allavega
verður minn bíll orðin að minnsta kosti miljón dýrari þegar ég verð
búin að borga hann, og þannig er það með allt sem er á lánum í
dag hvort sem er um okkur almúgann með húsin okkar, bílana,
aðrir með fyrirtækin, en ef flæðið stoppar þá fer allt til fjandans,
Ríkiskassinn fær ekkert inn í kassann, þeir fá bara allt draslið í
hausinn.

Svo þarf fólk ekki bara að vera á móti tónlistarhúsinu, að því að
það kostar of mikið það kosta allar framkvæmdir of mikið í dag.

Eigið svo góðan dag.

Tónlistarhús 650 millj dýrara

Myndablogg. Teknar í gær.

Þessi er tekin frá bænum yfir í Kinnafjöllin fögru, bátur á sjó og
ekki er nú snjórinn mikið farin úr fjöllunum, skal tekið fram að
næstum aldrei hverfur hann alveg.



Tekin frá útsýnisafreininni á móti Akureyri, flott að lýta yfir.



Þetta eru englarnir mínir, tekin á sama stað.



Englarnir, Dóra mamma þeirra og afi. Tekið á sama stað.



Ekki má gleyma prinsinum Neró, enda vantaði honum athygli
er við vorum að taka myndirnar.



Dóra og Ásta systir Ásgerðar, það var gaman að hitta hana
hún hafði ekki komið áður. Takk fyrir að koma Ásta mín.



Ásgerður og Vallý sem kom að sunnan og hitti okkur vini
sína í leiðinni og var það frábært.



Vallý að hlæja að einhverju sem Ásgerður er að segja
og ég að gefa öllum vatn.



Gísli minn afar íbygginn yfir einhverju.



Dóra er að skála í vatni, örugglega í  huganum,
komin til Spánar.



Eva og Huld, alltaf jafn sætar þessar elskur.

Erna mín besta stelpa, Halli að drekka togarakaffi, tertan var á
leiðinni

Takk fyrir mig elskurnar, þetta voru yndislegar stundir og svo
hittumst við aftur í endan júni.

Við fórum svo heim til Huld og Halla á eftir og hundarnir léku sér á
trambólíninu sama, ásamt stelpunum það gleymdist bara að taka
mynd af því

Má til með að taka það fram að við fengum topp þjónustu á
Kaffi Karólínu í Listagininu.

Kærleik í loftið
Milla.

Fyrir svefninn

Erum komin heim eftir alveg ólýsanlega frábærann dag.
Lögðum í hann í bítið, sóttum þær fram í Lauga og ókum
svo í blíðunni til Akureyrar.
Ekki er það ofsögum sagt að Eyjafjörðurinn er undur fagur,
og þegar veðrið er eins og í dag og akandi niður Vikurskarðið
horfandi yfir, þá fellur maður í stafi, ég geri það nú líka þegar ég
sé Húsavíkina mína sem stendur við Skjálfanda-flóann.

Fórum í búðir við göngugötuna og það hef ég ekki gert í mörg ár
það eru bara flottar búðir þarna, ég verslaði mér nærföt og
sætan bol.
Nú ég ætlaði að kaupa mér skó, en fékk ekki, eða sko ég kaupi
ekki sumarskó á allt upp í 14.000 ef það hefðu verið vetrar eða
spari þá sök sér, en ekki bara skó til að draslast í.

Nú þegar við vorum búin að versla þá datt okkur í hug að fara í
kaffi til Erlu og Smára, það var afar skemmtilegt.

síðan var það hittingurinn hann var frábær, Vallý kom að sunnan
Ásta systir Ásgerðar kom líka og vorum við að hitta hana í fyrsta
skipti eins var með Vallý hún var að hitta konur/menn einnig í
fyrsta skipti, nema við Dóra og Ásgerður höfðum hitt hana áður.

Hef ekki lengi fengið eins mikið út úr degi eins og í dag
Takk fyrir mig, hver sem var að verki.

Jæja nú er ég eins og undin tuska eftir daginn, en er viss um
að afþreytt verð ég á morgun.

Ég ætlaði að setja inn myndir en eitthvað er það að stríða mér
svo þið sjáið þær bara á morgun.

     Litla blóm

Á lækjarbakka lítil fjóla grær
og laugar sig í morgunsólar gliti.
Í gleði minni geng ég henni nær
og greini hennar undurfögru liti.

Fuglar hafa brugðið sínum blund
og björkin angar, vot af daggarúða.
Í huga mínum helg er þessi stund,
ég heyri lækinn niða milli flúða.

Ég krýp í auðmýkt litla, bláa blóm,
bundið þinni rót á lækjarbakka.
Og heyri í fjarlægð unaðslegan óm,
allt sem lifir er Guði að þakka.

                    Þuríður Kristjánsdóttir
                        Frá Hvammsgerði
                              (1921-1991)

Góða nótt kæru vinir

 

Morgunkveðja.

Þessu átti ég ekki von á, taldi míg ævilega taka tillit til
skoðana annarra, en líklegast er betra að passa sig og
gott að fá svon smá spark.

Sporðdreki: Það er svo auðvelt að taka eigin skoðanir fram yfir annarra en stundum hafa nú aðrir eitthvað til síns máls ef vel er að gáð.

Það verður góður dagur í dag með sól í heiði og gleði í
hjarta.
Erum að fara til Akureyrar, það er hittingur, einnig ætla
ég að kaupa mér skó fyrir sumarið, nærföt og tuniku.
svona áður en við förum á kaffi Karólínu sem er að
sjálfsögðu, STAÐURRINN.

Verið góð við alla í dag og alla daga og munið brosið.

Kærleik á línuna
Milla

Allavega ekki ég.

Nei að mínu mati fékk ég ekki það sem ég vildi, en kannski
kemur það í ljós von bráðar hvað gerist.
Og hvernig væri að leggja það til að forsetaembættið verði
lagt niður, hef nefnilega aldrei þolað þessar ræður.

Þjóðin tók valdið í sínar hendur

Var einhvern-tímann nokkur hætta?

Tel að það hafi verið gert allt of mikið úr þessa, en það
kemur í ljós hvort hún gýs upp aftur og þá kannski
magnaðri en áður, en hef enga trú á því.

Ferðaviðvörun til Mexíkó aflétt

Við eigum ekki að sitja undir einhverju tilskipunarvaldi.

Er þetta ekki frábær setning, svo mælti Gylfi Magnússon,
í sambandi við AGS, hann er ekki sammála þeim um
svigrúmið til vaxtabreytinga.
En vitið þessi setning á svo vel við í öllum samskiptum fólks.

Eins og ég hef sagt áður þá eigum við að ræða málin en ekki
að sitja einhliða undir annarra tilskipun.

Þegar fólk vill skilja, að við ráðum yfir okkar lífi, að við með
aðlögun og viðræðum getum látið málin ganga upp án þess
að sitja undir ámælum fyrir okkar skoðanir, að við getum verið
stolt, og það heitir ekki að láta undan heldur að gera sátt um,
því þar sem margir stjórna þar verður að vera málamiðlun,
þetta á við í öllum okkar gjörðum í lífinu.

Munið bara að sitja ekki undir, fá ekki minnimáttarkennd og gefa
ekki eftir á grunni reiðinnar, því þá ráðum við ekki lengur.

Arðsemi meiri þar sem konur eru við stjórn, svo sammála er ég
þarna, enda sýnir nýleg könnun, sem gerð var og okkur birt
á vegum Creditinfo, staðreyndir þar um.

Smá krúttsaga af Neró hundinum okkar.

Hér á dögunum voru hjá mér konur, sátum við í stofunni eftir að
vera búnar að gleðjast yfir kaffi og brauði.
Neró á sitt sæti í einum sófanum, en þar settist Aðalheiður og
hoppaði Neró til hennar, þau eru miklir vinir, síðan kemur Gísli
minn inn og sest í sófann þá var hann á milli.
Hann hoppar niður á gólf og vælir eins og hann vilji fara út,
Gísli stendur upp og fer fram í vaskahús til að láta hann út þar,
en það var nú ekki það sem hann vildi, um leið og afi var farinn
stökk hann upp í sófann hjúfraði sig upp við Aðalheiði og teygði
vel úr sér, er afi kom leit hann á hann eins og hann væri einhver
þjónn, og væri að segja við hann, hér er ég afi minn, sestu bara
hjá ömmu sem hann jú gerði.
Svo segir fólk að dýrin séu vitgrönn.
Neró okkar er bara flottur.

Nú skulum við eiga yndislegan dag í dag, veðrið hér á Húsavíkinni er
sól, smá gola, hitinn eitthvað um 15° á mælirinn svo dagurinn lofar
góðu.
Ljós til ykkar allra
Milla

Fyrir svefninn

Æ, ég er alltaf að segja þetta sama, en svona er þetta bara
hjá mér, alla daga nokkuð gott.
fór í morgun í þjálfun og það var bara skemmtilegur tími í salnum
Fórum síðan heim fengum okkur morgunkaffi og að sjálfsögðu
brauð með.

Dóra var búin að bjóða okkur í mat, englarnir mínir á laugum
voru að klára prófin og áttu það svo sannarlega skilið að fá
gott að borða.
Við fórum og keyptum smá gjöf handa þeim, nesti handa mér
hafði ekkert borðað síðan í morgunkaffinu, ókum svo af stað
fram í Lauga.

Ég var nefnilega upptekin við að opna mail og facebook síðu
fyrir Gísla, það var ekki alveg að ganga upp svo ég varð að
knékrjúpa fyrir englunum mínum, þeim finnst nú amma gamla
yfirleitt afa klár(vonandi lesa þær ekki þetta) en þarf
stundum á þeim að halda.

Nú Neró fékk þrifa og dekurbað hjá þeim og ilmar núna eins
og  ilmvatnsbúð. hann fékk líka kjúklingabringu soðna að borða
og var ekki lengi með hana.

Hérna er Neró prinsinn á heimilinu.

                 Held ég fari senn að sofa
                 hastar frekar, þreytt ég er,
                 má ei svíkja, því sem ég lofa
                 að ganga aldrei fram af mér.

Góða nótt kæru vinir

Magnað líf sem ég lifi.

Já mér finnst ég lifa mögnuðu lífi, mér líður yndislega vel
þrátt fyrir hina ýmsu kvilla sem hrjá mig, verð víst bara að
sætta mig við þá.
Það sem er svo magnað er, að ég á frábæra fjölskyldu,
yndislega vel gerða og heilbrigða í alla staði, já og svo
hef ég afnot af húsinu sem ég bý í, bílnum, borga náttúrlega
mikla peninga á mánuði fyrir þessi afnot, en hef sem betur fer
frí afnot að Gísla mínum.
Má ekki gleyma, heimilið mitt er fallegt og ekki vantar heimilistækin,
svo ég tali nú ekki um hina ómissandi tölvu, já talandi um hana,
hugsið ykkur ég á mína eigin blogg síðu þar sem ég get næstum sagt
allt sem ég vill, nema einhverjum misbjóði mín orð og segi um þau
eitthvað miður skemmtilegt, þá þarf maður að loka á viðkomandi
það er að segja ef hann tekur ekki sönsum, svo er misjafnt hvað
fólki þykir um skoðanir annarra, en taldi það vera óskrifuð lög
að virða þær.

Annað kemur inn í, sem er niðurlæging á því sem maður ritar, það
er traðkað á kannski viðkvæmum blettum í lífi manns.
Margir hafa lent í þessu og þar á meðal ég, lítið er hægt að gera
jú loka á þetta fólk, en það heldur áfram á öðrum vettvangi og
svo eru tölvur út um allt, sem hægt er að fara í.

Allt heiðarlegt, vel gert, og hjálpsamt fólk hættir bara á þessum
vettvangi, fer annað með það sem það er að gera með tölvunni,
sem sagt að hjálpa sjálfum sér og öðrum.
Hér á mörgum síðum fer fram gott starf, því ef einhver á erfitt
vegna veikinda, ef þarf að biðja fyrir fólki, þá er þessi vettvangur
afar góður því mörg ljós og margar bænir gera eitt stórt, en
það er líka hægt að færa þetta á póstinn, ekkert mál og er það gert
í afar viðkvæmum málum.

Mér var sögð ljót saga hér um daginn, þið vitið að ósómann fær
maður á silfurfati, það hefur ævilega verið þannig.

Þegar búið var að segja mér söguna, varð ég svo þakklát, því
hún draup af mér sem um tæra vatnsdropa væri að ræða, og
ég fann hvað ég varð frjáls og laus við að taka þetta inn á mig.

Ég vona bara að þeir sem eru bitrir í sálinni sinni leiti sér hjálpar
svo þeir geti lifað góðu lífi.

Fyrir mitt leiti er ég mjög hamingjusöm og þakklát,óska öðrum þess
sama.

Ljós og kærleik á línuna
Milla

 

Fyrir svefninn

Var rétt búin í sjæningunni sem fór frekar seint fram í
morgun, er síminn hringdi og var það ekki Vinkona mín
frá því í Sandgerði í den, hún Bjarnveig sem er ábúandi
á Ytra Álandi í þistilfirði, við höfðum ekki sést í ein 15 ár.

Hún hafði farið með bílinn í viðgerð og labbað síðan niður
í Esar sá Millu mína sem þar vinnur, datt þá í hug að
heimsækja mig, ég sótti hana niður eftir og áttum við
yndislega stund saman, fengum okkur kaffi og brauð
spjölluðum og hlógum.

Aðalheiður vinkona mín kom svo um eitt leitið, hún var svo
glöð og ég svo stolt af henni er hún sagði mér að hún hefði
náð prófunum og væri að útskrifast með hvítu húfuna.

                       Á heimaslóðum

Glitra um völlinn breiður blóma,
blunda tröll í gljúfraþröng.
Rán er öll í einum ljóma
ölduföllin hæg og löng.

Roðinn gullnum aftaneldi
ægir faðmar skrýdda jörð.
Held ég einn á kyrru kveldi
kæran fram í Skagafjörð.

Hlæja við mér hólmsins lendur,
hlíðar opna faðminn sinn.
Og mig bjóða á báðar hendur
blessuð fjöllin velkominn.

        Frímann Jónasson frá Fremri Kotum
                       (1901-1988)

Góða nótt kæru vinir

Ætla bara að eiga minn.

Já að sjálfsögðu hækka bílar eins og annað sem flutt er inn
í landið, þegar föt hafa hækkað um meira en helming er ég
nú eiginlega undrandi á að bílarnir skulu ekki hafa hækkað
meira.

Þetta verður svona, ekkert flæði í neinu, ríkissjóður fær engin
vörugjöld af bílum né virðisauka því engin eða fáir kaupa sér
nýjan bíl, umboðin fara á hausinn, menn missa vinnuna og allt
minkar þetta pening í ríkiskassann.
Skildu þeir hafa reiknað með því hruni öllu saman?

Þó ég ætli nú bara að eiga minn bíl, sem er 3ja ára á bílalánum
þó ekki myntkörfu, þá gengur þetta ekki það verður að vera flæði
í öllum atvinnugreinum svo þetta gangi upp.
En kannski er bara best að við stefnum aftur á bak, að hinum
frábæru og hlýlegu torfbæjum, við mundum kannski hafa rafmagn
og þó, ekki víst.
Ættum allavega hvort annað.

Snarhækkun á bílum

Fyrir svefninn

Bloggarahittingur norðan heiða.

Endurtek þetta nú því það er svo stutt
síðan við hittumst síðast að einhver gæti
misst af, en það má ekki.

Hvernig er eiginlega með þetta fólk, fær það aldrei nóg af hvert öðru? Nei, það virðist ekki vera.

Meiningin var að halda grillpartý á Laugum hjá henni Dóru 6. júní. Það er ekki hægt þá helgi, því við sjómannskonurnar komumst að því að þetta væri sjómannadagshelgin. Og ef ég ætti að velja á milli þess að fara út að borða með eiginmanninum eða í grill á Laugum, já þið vitið hvað ég myndi velja.

Því partýi ætlum við því að fresta þangað til tveim vikum seinna eða 20. júní. Dóra, verður snjórinn ekki örugglega farinn þá?  Segi svona.

Það er ekki nokkur leið að við getum sleppt því að hittast í millitíðinni svo að meiningin er að koma saman um næstu helgi eða laugardaginn 16. maí.

Sami staður eða Kaffi Karólína í Listagilinu.

Verðum þó með þetta aðeins fyrr svo Eurovision aðdáendur hafi nægan tíma til að undirbúa kvöldið

og byrjum því kl. 15.00

Nýir þátttakendur velkomnir.

Hlakka til að sjá ykkur


Mætum öll því þetta er svo gaman
Já og langar til að biðja þá sem ætla að koma að sleppa
ilmvatni og rakspíra, því það verður kynning á slíkum vörum
og þarf fólk því að geta sett á sig ilm.

Góða nótt kæru vinir

Kynna skattahækkun eftir helgi

Ráðherrar norður í þremur ferðum.

Fyrsti ríkisstjórnarfundur nýrrar stjórnar verður haldinn
í bæjarstjórnarsalnum í Ráðhúsinu á Akureyri í dag.
Slíkur fundur hefur ekki áður verið haldin utan höfuðborgarinnar
eða Þingvalla, eftir því sem næst verður komist.

Samkvæmt tilmælum frá almannavarnaráði mega ekki nema  fjórir
ráðherrar ferðast í sömu flugvél, því verða þeir fluttir á milli staða
í sex ferðum, en munu þó ferðast í áætlunarferðum.

Ég spyr er ekki verið að spara?, þetta kostar nú sitt og er ekki
gott fordæmi hjá hinni nýkjörnu ríkisstjórn.
Tvær blautar tuskur í einu, ekki rétt kynjahlutfall og eyðslusemin
bara í hávegum háð strax í byrjun.
Er kannski verið að gera við Alþingishúsið? Nei bara spyr því nú
er ég sár.

Svo stendur í fréttinni að lögreglan telji ekki þörf á sérstökum
ráðstöfunum vegna fundarins, hægan! er stjórnin vöktuð í
Reykjavík, nei hélt ekki, þá þarf ekkert að passa þá hér norðan
heiða.

Verður spennandi að heyra hvort einhver kemur ekki með
fyrirspurn um  fundarstaðinn á blaðamannafundinum í
eftirmiðdag, og það þýðir ekkert að segja okkur að það sé
vegna nærveru við fólkið né heldur af tillitsemi við það,
því við hittum ekkert þessa stjórn þó hún haldi fund á Akureyri
munum sjá það í fréttum eins og allt annað sem gerist.

Kynna skattahækkun eftir helgi