HA!

Er þetta ekki brandari Æi nei líklegast ekki.
Ég er nú búin að heyra margt ruglið undanfarna mán,
en þetta keyrir nú alveg um þverbak.
Hvað er þessi ríkisstjórn að gera, er hún bara að leika sér
sí svona hver fyrir sig, það virkar þannig allavega.

Hver á að fá fyrirtæki til að rannsaka meint misferli hjá
bönkum og fyrirtækjum sem ríkið þarf að hafa afskipti af
og þarf þá ekki ríkisstjórnin að frétta af þeim gjörningum?

Annars finnst mér þetta allt frekar hlálegt, held að þeir
þessar elskur haldi að allt gangi í fólk.
Eru ekki búnir greyin að sjá eða trúa að við höfum breyst
og viljum breytingar og allt upp á borðið.

Björgvin vissi ekki um KPMG fyrr en í gær

Fyrir svefninn.

Jæja hér kemur falleg mynd af Húsavík þar sem sést yfir hluta
hafnarinnar og upp á bakka.

 Húsavíkurkirkja var vígð 2. júní 1907.
Önnur hús sem bygð voru á sama tíma voru Jaðar, Hvarf,
( brann 1909)
Bjarg sem er horfið, barnaskólinn sem var vígður 1908
íbúðarhús Bjarna Benediktssonar og einnig verslunarhús hans.
vertshuset (gamli Baukur í dag) tel að það hafi verið bygt um 1900
er ekki viss. finn ekki meira um þetta núna en á örugglega eftir að
grubla í þessu bara eftir áramót.

Var að vinna í dag sem er nú ekki í frásögu færandi því allir eru að
vinna nema ég vinn bara einn dag part í viku, en það er bara fínt að
hafa smá til að gefa af sér nú er jólaföndrið að verða búið og þá fer
maður bara í frí og ég held að ég fari ekkert meir í þetta þó að mér
finnist voða gaman eins og ég hef sagt áður.

                    Heimsók úr öræfum.

          Þú komst úr Íslenskum hversdagsleik,
          og hvernig sem á því stendur,
          þú kveiktir ljós á þeim lampakveik,
          sem löngu var orðin brenndur.

          Og nú sit ég hljóður og hugsa um það,
          sem hendir á sumarkvöldum,
          að útþráin leiðir oss heim í hlað
          eftir hlakkandi dans á öldum.

          Svo mundu, þótt bak við hinn blikandi sæ
          öll blóm virðist ljúflega anga,
          að hamingjan býr í þeim hugljúfa blæ,
          sem heima strauk þér um vanga.

                                      Bjarni M. Gíslason.

Góða nótt       

Mikilvægi leikskóla á umbrotatímum.

Las grein með þessu nafni í fréttablaðinu í gær, og þar
talaði Sverrir Sverrisson leikskólakennari um mikilvægi
þess að styðja vel við bakið á leikskólum landsins á
þessum erfiðu tímum sem eru og munu verða í einhvern
tíma.

Ég er svo hjartanlega sammála honum í þessu því það er
víst alveg nóg að foreldrar missi vinnunna annað eða bæði
þó börnin þurfi ekki að vera heima vegna peningaleysis.

Á heimilum sem svona ástand skapast verður oft/ætíð
togstreita um mikilvæg vandamál sem þarf að leysa og eru
oft á tíðum hjón eigi sammála um hvað þurfi að hafa forgang
eða þau bara hreinlega vita ekki hvernig á að leysa þetta allt.
Og ég þarf nú eiginlega ekki að tala um það að fólk á að leita
sér hjálpar hjá sínum þjónustufulltrúum.

En stóra málið er að fólk vilji takast á við að hafa minna til að spila
úr eða vill það láta allt rúlla.
Sumir reyna að þrauka, aðrir geta það bara alls ekki, en aðalatriðið
er að muna af hverju þau byrjuðu að vera saman muna eftir
kærleikanum og vinna út frá því.

Þá komum við að því sem hann Sverrir telur svo nauðsynlegt það eru
leikskólarnir. Að foreldrarnir finni að þau eiga skjól fyrir börnin sín þar.

Ég segi að leikskólinn og sú regla sem þau fá þar sé bara hornsteinn
barna á svona umbrotatímum. Þessar elskur þurfa regluna, agann
og kærleikann, en þá þarf líka að hlú vel að leikskólum landsins
og þá meina ég sérstaklega þeim sem þar vinna.

Má til að tala um það aftur að ég sú gamla sem engin á börnin heima
lengur, en hef samt óþrjótandi áhuga á öllu sem snertir velferð barna
fór á erindi  hjá Láru Ómars hér á dögunum, var það haldið í
Þekkingarsetri Norðurþings á Húsavík.
Þetta erindi ættu allir að fara og hlusta á og alveg hiklaust fólk
sem á í vandræðum. Lára er einnig með sín Kreppuráð á síðunni sinni á
facebokk og hún hefur komið fram í sjónvarpi og útvarpi.
Lára er bara frábær og talar Íslensku svo skilst.


En kæru vinir umfram allt látið ekki þau börn sem eigi skilja hvað
um er að vera vita af einhverjum vandræðum hin er hægt að tala
við og nauðsynlegt að gera það. það er einnig nauðsynlegt að gera
börnunum grein fyrir, að þó það séu litlir peningar til eins og er,
Þá eru þau ekkert minni fyrir það. Allir eru jafnir.
Er nefnilega hrædd um gjánna sem hefur þegar myndast að hún stækki
til muna þarna er ég að tala um heimsku fólks em telur að það sé fínna að
vera ofar en neðar, eins og það telur það vera.


Svo skora ég á bæjarfélög að koma til móts við þær fjölskyldur sem eigi
geta borgað leikskóla fyrir börnin sín, svo þau geti verið með bara rétt
eins og hin börnin.

Eigið góðan dag í dag
Milla

Fyrir svefninn.

Það hringdi í mig lítill ljósálfur í dag og bauð ömmu á tónleika
upp í skóla, hún er að læra á þverflautu og er mjög efnileg.
Svo er afar gaman að fylgjast með hvað þeim fer fram ár frá ári.
Á þessum tónleikum voru bara spiluð jólalög.
Var að koma heim, það er frekar slæmt veður núna og færðin
farin að þyngjast hér á hólnum, en Gísli ók mér niður í skóla
svo fékk ég far með þeim heim.

Litla ljósið sem var með okkur vildi nú endilega syngja með,
og voru það nú fleiri en hún, en sem betur fer þá slapp það til
þau sem voru að spila yrðu fyrir truflun.

Núna er ég að bíða eftir því að rúgbrauðið klárist í ofninum
það er klukkan  tíu og þá skríður maður bara upp í rúm og
lætur fara vel um sig.

Læt hér fylgja ljóð eftir Bjarna M. Gíslason
sem hann nefnir Hringekjan. Það er ort 1971.

         Hópar á hlaupum
         og allir elta alla
         án sjálfstjáningar
         og áhuga fyrir öðru
         en hlutdeild í gróða.
         Þeir eru á hlaupum,
         menn tuttugustu aldarinnar.
         Sigur þeirra er hraði
         hringekjunnar.

        Allir eru á spani
        og þykjast jafnan vita,
        hvert ferðinni er heitið.
        Örari hjartsláttur,
        meira bensín.
        Það verður að dúkleggja
        fyrirheitna landið.

Góða nótt

Hugleiðingar dagsins.

Það er leiðinda skítur í veðrinu og ekki er sjóveðrinu fyrir að fara
hér fyrir norðaustur landi. Eitt frekar jákvætt er nú við það, þá geta
fjölskyldumenn verið heima og gert sitt lítið af hvoru í
jólaundirbúningnum til dæmis, svona eins og að baka eða hvað annað
sem til fellur. svona strákar drífa sig.

                     ***************************





Ja hérna, má spara miljónir við lyfjakaup, þeir halda víst að þeir séu
að finna upp hjólið, en svo er nú ekki því það er búið að tala um þetta
í áraraðir, en bara ekki mátt gera neitt í þeim málum.
Svo er annað það má kannski minka lyfjaausturinn út og suður bara til
að gefa eitthvað.
                   
                    ******************************

Yndisleg frétt af þeim mæðgum sem lentu í bílslysi á vesturlandsvegi
við Borgarnes á föstudag séu að ná sér það að trúlega fara þær á
almenna deild í dag sendum þeim ljós og kærleik.

                  *******************************

Maðurinn sem liggur sofandi í öndunarvél eftir brunann í Álftamýrinni
á laugardag, er sagður í stöðugu ástandi, en viðvitum öll hversu
alvarlegt það er að brenna svona.
Við skulum öll biðja fyrir honum og hans fólki.

                ********************************

Farið svo varlega í dag og alla daga kæru vinir

Milla.

Fyrir svefninn.

Ég eignaðist lítinn frænda í gærkveldi, er hann ekki yndislegur?
Ég  þurfti bara í smá aðgerð svo ég er svolítið sybbin en það
er bara allt í lagi með mig enda af sterku fólki kominn.
Pabbi minn er Hornfirðingur og mamma mín er reykvíkingur en á
ættir að rekja út um allt eins og við öll og hún Milla frænka er
afasystir mín í móðurætt.
Til hamingju elsku Hrönn mín og Óli Gísli með yndislega soninn ykkar.
Fyrir eiga þau Hrannar sem er 4 ára.

Við fórum fram í Lauga í dag, ég fór á Bókaupplestur og var það að
vanda afar skemmtilegt, fengum kaffi og nýbakaðar kleinur.

Fór síðan upp til Dóru minnar þar voru vinir í heimsókn með sína þrjá
einn 4 ára og tvíbura um eins árs, frábærir strákar.

               Það  haustar. Húsið smýgur
               nú hregg og golan stinn
               og fugl að glugga flýgur
               og fegin vildi inn.
               En upp við eldastó
               á Kisu svefnþrá sígur
               hún situr þar í ró.

               En hvaða hugarfró bíður
               Þér hýrlegt draumatal?
               Í minning langt þú líður
              að ljúfum bernskudal,
              þar fyrstu fannstu von,
              og vorblær þuldi þýður,
              og þú varst konungsson.

                              Bjarni frá Vogi þýddi.

Góða nótt.

Hræðilegt! Og þó.

Það er nú hægt að dæma fyrir allt í henni Ameríku,
asnalegt þessar dúkkur eru svo ólíkar sem mest má vera en
kannski hafa þær náð meiri vinsældum en Barbie.
Eigi skil ég það nú, því þetta eru forljótar dúkkur.

Ég þekki margar sem eiga þvílíkt safn af þessum dúkkum, svo
ég tali nú ekki um alla fylgihlutina og bæði í formi fata og tilbehor
svo og skíðabrekkur, hárgreiðslustofur og bara nefndu það.
Vonandi hætta þeir bara sölu á þeim þá er hægt að fara að selja
þær hæstbjóðanda á netinu, þá væri kannski hægt að fá eitthvað
af þeim tuga þúsunda sem hafa farið í kaup á þessu drasli í gegnum
árin til baka.

Það er nefnilega ekki nóg með að það sé til Bratz heldur var til Barbie
á flestum heimilum fyrir og það allt aftur í það sem mæðurnar geymdu
sem gert var hjá mínum dætrum og eiga barnabörnin mín það núna
og ekki get ég séð að þær leiki sér minna með Barbie.

Svo er þetta leikfangaflóð komið út í öfgar.

Eigið góðan dag í dag
Milla.

Bratz í útrýmingarhættu?

Fyrir svefninn.

 

 

 

 

 

 

Viktoría Ósk.

Ég skildi ekkert í því í gær að litla ljósið mitt vildi fá duddu,
Hún er sko hætt með duddu, en svo er ég fór að skoða myndirnar
sem voru teknar í tívolí í Köpen þá sá ég þessa mynd, þar kom skýringin
hún var ekki búin að gleyma duddunni sem yfirleitt er besti vinur barnsins
er þau eru með hana.

Aþena Marey, hún gleymir ekki svo glatt því
sem hún ætlar sér.
Hún var hér í gær og afi setti í kaffikönnuna,
var búin að gleyma að hún hjálpar ætíð til við það
svo ég sagði þú gerir það bara á morgun, já já.

Um hádegisbilið vorum við rétt búin að hella okkur
á kaffi er hún birtist og var ekkert smá fúl er við
vorum búin að hella á, en það reddaðist með smá
fortölum.

við vorum síðan að leika okkur við ýmislegt í dag
og fórum svo í pitzzu veislu til Millu og c/o
Þau voru að kaupa sér pitzzaofn og það er engin
smá munur hvað pittzzurnar eru betri úr þessum
ofni.



Og svo koma hér englarnir mínir
á Laugum eru þarna á 1 desember
hátíð sem var jafnframt jólahlaðborð.
Það er nú eitthvað lélegur fókus í
þessum myndum hjá mér, kann
ekkert á þetta.











Mátti til að setja þessa mynd inn
hún er tekin í fjörunni í Eyvík á
Tjörnesi. Mér finnst hún flott
þessi mynd.

Nú eru að koma jól og er þá ekki rætt um hana grýlu.

          Grýla kemur á hverjum vetri,
          hún er loðin skinnstakstetri.
          Sú er sagan betri,
          sinn í belg hún fá vill jóð.
          Valka litla vertu góð,
          Valka litla vertu góð,
          vendu þig af að ýla.
          Senn kemur að sækja þig hún Grýla.

Góða nótt

Ja hérna er þetta að gerast hér?

Fálkinn hefur sig til flugs eftir fyrirsætustörfin á ljósastaurnum.
mbl.is/Hafþór Hreiðarsson

Fálkinn enn að á Húsavík

Fálkinn sem sagt var frá hér á fréttavef Morgunblaðsins í gær heldur áfram að veiða sér til matar í miðbæ Húsavíkur. Hann náði að læsa klónum í aðra önd við Búðarárgilið í morgun og virðist helst vilja endur á hádegisverð.

Þegar ljósmyndara bar að garði við Marabrautina sat fálkinn sem fyrr á ljósastaur. Annað hvort hefur hann verið ónáðaður við veisluborðið, sem var í snjóskafli, eða orðinn pakksaddur því ekki var hann búinn með bráðina.

Hann sat sem fastast á staurnum allt þangað til honum fannst nóg um athyglina sem hann fékk og tók flugið til vesturs út á Skjálfanda.

Ekki má kæra hann, hann er friðaður rétt eins og endurnar
gæti alveg hugsað mér að fá að drepa endur mér til matar
þó ég mundi nú ekki taka niður þessar heldur fara aðeins
ofar í landið til þess, er nú reyndar að grínast þetta eru vinir
mínir koma ævilega upp á hól til að fá brauð frá vori fram á mitt
sumar, en samt bara ósanngjarnt.

Eigið góðan dag í dag
Milla.

Fálkinn enn að á Húsavík

Fyrir svefninn.

Stúlka í sjöunda bekk grunnskóla var beðin um að
skilgreina orðið föðurland og gekk það nokkurn veginn
slysalaust.
En þegar kennarinn spurði stúlkuna hvað það væri sem
við kölluðum fósturland, Svaraði Hún:
" Móðurlíf konunnar."

                              ***

Á Rauðsokkafundi á Hótel Sögu lauk ein kona ræðu sinni
með þessum orðum:
" Svo lengi sem við konur höldum áfram að vera ósammála
í réttlætisbaráttu okkar, mun maðurinn halda sérréttindum
sínum og vera ofaná."

                              ***

Eftir að slitnaði upp úr vinskap ungs pars er hét Ingólfur og
Fjóla, var þetta ort:

                  Leikur á hjólum lukkan veik,
                  lækkar í bóli þytur,
                  öll eru tólin Ingólfs bleik.
                  Af er Fjólu litur.

                            ***

Um trúlofanir unglinga og barneignir þeirra
var eftirfarandi vís ort:

                 Barnið kenndi barni barn.
                 Það barnaskap má kalla
                 að halda að barnið barni barn.
                 Barnið barnar valla.

Góða nótt.

Hugleiðing á föstudegi.

Það gerist margt og mikið bæði hérlendis og erlendis.

Hugsið ykkur, gott að vita að það sé bara gott að láta sig hverfa
í Dubai, ekki er staðurinn allavega neitt slor.
Hann Stein Bagger lét sig hverfa með nokkur hundruð miljónir sem
hann var búin að svíkja út úr viðskiptavinum danska upplýsinga-
fyrirtækinu IT-Factory. hann finnst nú örugglega aldrei það er svo
auðvelt að láta sig hverfa ef maður á peninga.

Já loforð eða hótun hvað er eiginlega DO að meina heldur hann
að alþjóð titri eða pirrist eitthvað þótt hann sé með svona
yfirlýsingar? Nei þetta kætir mig bara til hláturs, hann gæti til dæmis
bara verið að undirbúa skrif á grínbók.

Barnapía bjó til klámmyndband með 2ja ára stúlkubarni sem hann
tók að sér að passa, bara til þess eins að gera myndbandið.
Löngum hef ég nú vitað að heimurinn væri sýktur, en ég meina það.

Maður var dæmdur í 4 ára fangelsi fyrir að kynferðisbrot gegn 5 ára
stúlku sem svaf við hliðina á ömmu sinni, þær vöknuðu og ráku
manninn út, áður hafði hann komist inn í hús og borið litla stúlku út
frá heimili sínu um miðjan vetur, einnig fengið dóm fyrir kynferðisbrot
gegn konu, líkamsárás og ítrekuð húsbrot.
Þetta er ljótt að lesa og vitið þið af hverju, jú að því að þjóðfélagið
hefur brugðist þessum manni, hann er búin að taka þunglyndislyf í
9 ár og drukkið ofan í þau.
Maður sem hefur brotið þetta af sér og er í svona vandræðum á hann
ekki heima á viðeigandi stofnun og undir eftirliti bara honum og öðrum
til öryggis. Jú það á hann, en því miður þá er svoleiðis ekki til hér á landi
nema í afar litlu mæli.

Og þeim er bara alveg sama þessum ráðamönnum þessa lands eins
og til að mynda er geðsjúklingar koma á geðdeildina þá er þeim
bara sagt að koma daginn eftir og ætla ég eigi að fara út í þá sálma
því þá verð ég svo reið og sár.

Við sem erum á gólfinu ætlum að njóta aðventunnar með okkar fólki
eins og kærleikurinn býður okkur.
Og ég er alveg viss um að þeir sem eru uppi á lofti muni njóta hennar líka
því þeir kunna bara að njóta hennar á einn hátt, sem uppskafningar.

Kæru vinir eigið góðan dag í dag.
Milla.

Fyrir svefninn.

Fyrir 47 árum eignaðist ég stúlkubarn sem fæddist eftir að
mér fannst mikið strit, en að sjálfsögðu var þetta allt bara
eðlilegt með fyrsta barn.
Hulda Jensdóttir sem þá var yfir fæðingarheimili Reykjavíkur
hjálpaði mér gífurlega, hafði ég verið í meðgönguleikfimi hjá henni
og hún kom inn og hjálpaði mér að ná slökun, hún var og er yndisleg
kona.

Dóttir mín sem fæddist þarna er að sjálfsögðu hún Dóra mín sem er
einnig moggabloggari.
Get nú alveg sagt ykkur að hún hélt fyrir mér vöku fyrstu 5 mánuðina,
var hún með magakrampa eftir það vissi ég nú ekki af henni.
Var hún ætíð hress stelpa elskaði að vera bara úti að leika sér
eins og flestir krakkar á þeim tíma.
Takk fyrir að vera til elsku Dóra mín og hafa gefið mér yndislegu
tvíburana þína.

Þetta er búin að vera svolítið skrítinn dagur fór eldsnemma á fætur
settist við tölvuna já og stóð ekki upp fyrr en um tólf leitið það er nú
svolítið öðruvísi en ég er vön að gera. jæja fór þá í sturtu og sjænaði
mig, við fengum okkur svo Rúgbrauð og síld og drifum okkur svo í tiltektina.
litla ljósið kom klukkan 2 og vorum við bara að dandalast hér saman
dansa syngja horfa á Þumalínu, hún er svo yndisleg.
Svo borðuðu þau hér í kvöld, en það sem ég vildi sagt hafa,
andrúmsloftið í kotinu var svo meyrt og hugljúft í dag.

              Stundum þarf að hreinsa út
              stundum gamalt stundum nýtt
              stundum sallast upp í stút
              stundum svo, maður getur spítt.

Góða nótt.

Valdanauðgun og ofbeldi.

„Ég vona að þér verði aldrei nauðgað."

„Ég vona þér verði aldrei nauðgað. Ef svo illa fer vona ég að þú hafir kjark til að kæra og að ofbeldismaðurinn verði handtekinn. Að málinu verði ekki vísað frá og það rati fyrir dómsstóla." Þannig hefst opið bréf til dómsmálaráðherra og hæstaréttardómara, frá Femínistafélagi
Íslands í tilefni af 16 daga átaki gegn kynbundnu ofbeldi.

Bréfið er sent til Björns Bjarnasonar, dómsmálaráðherra og hæstaréttardómaranna Árna Kolbeinssonar, Garðars Gíslasonar, Gunnlaugs Claessen, Hjördísar Hákonardóttur, Ingibjargar Benediktsdóttur, Jóns Steinars Gunnlaugssonar, Markúsar Sigurbjörnssonar, Ólafs Barkar Þorvaldssonar og Páls Hreinssonar.

Bréf Femínistafélags Íslands 

Ég vona þér verði aldrei nauðgað. Ef svo illa fer vona ég að þú hafir kjark til að kæra og að ofbeldismaðurinn verði handtekinn. Að málinu verði ekki vísað frá og það rati fyrir dómsstóla. Ég vona að þú fáir réttláta dómsmeðferð og að lögunum í landinu okkar verði beitt af réttsýni og með hag þinn að leiðarljósi.

Ég vona að ofbeldismaðurinn verði dæmdur sekur og að dómurinn endurspegli alvarleika glæpsins.

Ég vona að eftir þessa skelfilegu reynslu náir þú að sofa á næturnar. Ég vona að þú vaknir ekki upp um miðja nótt við eigin öskur. Ég vona að fjölskylda þín og vinir trúi þér og snúi ekki við þér baki.

Ég vona að þú hættir þér út úr húsi. Ég vona að þú sjáir ekki nauðgarann í hverjum manni sem þú mætir. Ég vona að þú getir haldið áfram að stunda vinnu og  umgangast fólk á sama hátt og áður. Ég vona að sársauki þinn verði ekki svo mikill að þú deyfir hann með efnum.

Ég vona að enginn segi þér að þú verðir að „taka þig saman í andlitinu og jafna þig á þessu".

Ég vona að þér finnist ekki að líf þitt sé endanlega í rúst. Ég vona að einn daginn takir þú sjálfan þig í sátt og setjir sökina, skömmina og smánina þar sem hún á heima.

Ég óska þér alls hins besta og vona að þér verði aldrei nauðgað. 
Kveðja Femínistafélag Íslands.

               *******************************

Þetta átak snertir mann djúpt ekki það að mér hafi verið nauðgað
í þeim skilningi sem um ræðir hér að ofan, en eru ekki allar
nauðganir eins gagnvart sálartetri konunnar, til dæmis.
Maður konu lemur hana og lemur er honum hentar sér svo eftir
öllu saman og leitar eftir samförum við konuna hún er ekki viljug
til þess, en þorir eigi annað en að láta undan svo hún fái ekki
fleiri högg og er hann hefur lokið sér af, þá segir hann kannski.
gott að við sættumst því annars???

Ekki er það algengt að kona kæri eiginmann sinn, hún þorir því
ekkert frekar en að fara frá honum.

Konan vaknar kannski upp við martröð er hún leggur sig á daginn
því eigi sefur hún mikið á næturnar, gæti vaknað úti á gólfi.

Stundum hætti konan sér eigi út úr húsi, var bara í rúminu er
bankað var, treysti sér ekki til að hitta fólk.
Stundum sást stórum á konunni, en þá hafði hún bara dottið,
rekið sig á skáphurð eða eitthvað annað álíka vitlaust.

Konan sá ekki nauðgarann í hverjum manni því hennar ofbeldismaður
var bara bundin við einn mann sem hún vissi hver var.
Í vinnunni var hún hult, enda undir vernd þar.

Engin sagði konunni neitt því engin átti að vita neitt.

Engin sagði konunni að taka sig saman í andlitinu, því hún gerði
það sjálf er hún loksins sleit þessu sambandi.

Hún öðlaðist nýtt líf, en margra ára vinnu í að koma til baka
sem venjuleg kona. Í marga mánuði þurfti konan að líta út ef
hún var að fara út úr húsi, hrædd um að hann væri þarna,
þorði ekki að hafa opna glugga nema er einhver var heima,
og lengi gæti ég talið upp.
Vonandi tekst konunni að vinna sig alfarið út úr þessari
sálarkreppu sem hún er í og poppar ætíð upp sterkt annað slagið.

Konan er í dag afar hamingjusöm og á hún það að þakka fyrst
og fremst fjölskyldu og góðum vinum sem hafa hjálpað henni til að
hjálpa sjálfum sé.

Þessi viðbót konunnar er vegna þess að þetta er svo líkt.
Allar nauðganir og ofbeldi hafa sömu áhrif á konur og menn reyndar.
Aldrei skal gera lítið úr frásögnum kvenna og karla um nauðganir
og ofbeldi.
Þetta er þeirra reynsla og þeirra sorg.

Eigið góðan dag í dag og lítið á þessa daga sem tækifæri breytinga.
Milla

„Ég vona að þér verði aldrei nauðgað“

Fyrir svefninn.

Dagurinn í dag var bara góður fór í þjálfun í morgun,
fer ekkert í næstu viku þjálfarinn minn er að fara í smá aðgerð.

Fengum okkur kaffi og brauð er heim kom áður en við fórum út
aftur, til að panta jólakjötið sem upp á vantaði, fór í apótekið
Að sjálfsögðu til að byrgja mig upp á hinum ýmsu lyfjum fyrir jól.

Versluðum smá í kaskó, það er alltaf eitthvað sem vantar.
Var svo bara heima að dandalast þangað til ég fór á afar
skemmtilegan fyrirlestur hjá henni Láru Ómars hann var haldin
í þekkingarsetrinu, afar skemmtilegt, fróðlegt og snjallar ráðleggingar
sem hún kom með.

Litla ljósið mun svo koma á morgun til okkar á meðan mamma hennar
fer í klippingu fyrir jólin. þau munu svo verða í mat því það tekur nú
tíma sinn að verða flottur um hárið.

Svo á hún Dóra mín afmæli á morgun en þær systur Milla og hún
munu bjóða til veislu þegar englarnir mínir koma í jólafrí.

Góða nótt kæru vinir
Milla

Mikil vonbrigði.

Héraðsdómur Suðurlands hefur sýknað séra Gunnar Björnsson,
sóknarprest á Selfossi, af ákæru um kynferðisbrot og brot gegn
barnaverndarlögum gagnvart tveimur unglingsstúlkum í október
í fyrra og mars sl.

 Það er alveg greinilegt að það er ekki sama Jón og séra Jón.

Ekki get ég dæmt um þessa atburði þar sem ég var eigi með nefið
á milli þar á bæ, en eru sögur sem maður hefur heyrt í gegnum tíðina
frá konum á öllum aldri á þeim stöðum sem þessi maður hefur þjónað
á allar bara hugarburður þeirra og tær lýi?
nei og aftur nei þær eru það ekki.

Er aldrei hugsað hvað konur upplifa mikla höfnun og lítilsvirðingu við
svona dóm, þær vita alveg hvað hefur gerst, en nei það passar eigi
alveg við og er eigi nógu alvarlegt brot til þess að refsing sé talin
réttmæt, manni verður nú bara illt.
Svei þessu dómskerfi Íslands.

Sendi öllum konum sem lent hafa í svona málum baráttukveðjur.
Látið ekki buga ykkur.

Sýknaður af ákæru fyrir kynferðisbrot

Fyrir svefninn.

Í morgunn er ég vaknaði sko klukkan 5.30 fór ég að hugsa um
þakklætið, við eigum svo mikið að þakka fyrir þrátt fyrir allt.
Flest okkar eiga góða fjölskyldu og ef við eigum það ekki getum
við þá ekki lagað það, oft þarf ekki mikið til,
flest okkar eiga góða heilsu, og þess vegna getum við beðið fyrir
þeim sem ekki eiga hana.
það er sama hvar við berum niður við getum alltaf hjálpað á einhvern
hátt. Látum engan vera afskiptan sem þarf á okkur að halda.

Merkilegt gerðist í morgun er ég var að flýta mér að blogga
eitt blogg áður en ég færi á Eyrina, þá fór það bloggið tvisvar
inn ég opnaði færslulistann og eyddi auðvitað kolrangri færslu,
eyddi færslunni fyrir svefninn í gærkveldi, gerist á bestu bæjum.

Já við fórum á eyrina í morgun, beint finnst við höfðum tíma, að fá
okkur kaffi og smá með því á bakaríinu við brúnna, síðan upp á
sjúkrahús þar sem ég átti að fara í sneiðmynd 11.20, en það dróst
nú til 12 vegna þess að þeir voru að ákveða hvernig þeir ættu að
hafa þetta með gallagripin mig.
Er með gangráð, má eigi fara í segulómun, var sett í alveg splunkunýtt
sneiðmyndatæki, talið og vonað að það mundi duga, mátti fara það yrði
hringt innan 3 tíma ef ég þyrfti að koma aftur, var orðin vongóð er
liðnir voru 3 tímar, en nei, var þá ekki akkúrat hringt og ég þarf að koma
í nánari myndatöku þar sem sprautað verður skyggniefni inn að mænu
þeir eru að kanna hvað /ef eitthvað er að gera það að verkum að ég
lamast svona niður í fótinn, eftir þessa myndatöku þarf ég að leggjast
inn á deild og hvíla mig í nokkra klukkutíma á eftir
Ætla að reyna að fara í þetta bara eftir jól.
Við notuðum náttúrlega tímann til innkaupa bæði í mat og gjöfum
fórum bara á Glerártorg því ég var svolítið þreytt.

Fengum okkur heita eitthvað á olis hrikalega góð og svo að Laugum
til að hitta þær aðeins.
Hittum Valgerði skólastýru og fengum kaffi í eldhúsinu hjá því
frábæra fólki sem þar vinnur.

Er til Húsavíkur var komið fórum við að hitta ljósin okkar á Baughólnum
það er alltaf tekið jafn vel á móti okkur þar.

Fengum okkur síld og rúgbrauð í kvöldmat.

Góða nótt kæru bloggvinir og fyrirgefið hvað ég hef
haft lítinn tíma í komment undanfarið.
Milla.

 

Hvað segir maðurinn?

Eru litlu, sætu, stóru, dúllujólasveinarnir okkar
handbendi djöfulsins?
Hef ekki á ævinni heyrt aðra eins hugaróra.

 

// Danski presturinn Jon Knudsen staðhæfir að litlir jólasveinar eða jólaálfar sem víða eru notaðir til skreytinga fyrir jól séu í raun verkfæri djöfulsins. Vill hann vekja fólk til vitundar um heiðna merkingu þeirra. Þetta kemur fram á fréttavef Jyllands-Posten.

Knudsen, sem tilheyrir Løkken frikirke sem leggur mikla áherslu á trúboð, segir jólasveinana bera vott um djöfladýrkun og því séu þeir í raun tákn um það stríð sem djöfullinn herji gegn jólahátíðinni. „Við eigum ekki að skreyta hýbýli okkar sem slíkum verum," segir hann.

„Þetta er bara regla sem við verðum að fara verður eftir alveg eins og múslímar mega ekki borða svínakjöt."

Þá segir hann jólahátíð nútímans vera hættulega blöndu af kristnum og heiðnum jólum. „Mér finnst kirkjan ekki hafa haldið nógu vel utan um það hvað tilheyrir hinum kristnu gildum jólanna," segir hann.

 Þessi maður hlýtur að vera handbendi einhvers, eða er hann
bara lokaður inni í sínum hugarheimi. Var nú svo græn að
halda að svona tal og hugsanir væru bara til í Ameríkunni
sko ég meina um jólin.

Hvað langt aftur þurfum við að fara til að finna ekki
einhverskonar jólasveina, mjög langt.

Það kemur nú ekki til greina að hætta að gleðja sig og
börnin með jólasveinum og öðru dúlleríi jólin eru bara
besti tími sem börnin upplifa.

Svo eru náttúrlega þeir sem eru jólasveinar af guðs náð,
sumir eru saklausir og gera ekki flugu mein aðrir eru frekar
ráðríkir, þykkjast vita allt betur en aðrir, og vera ofurvitrir
og að þeir eigi þar af leiðandi sess á toppnum, þá má reka heim
því þetta er ranghugmynd hjá þeim blessuðum.

Eigið góðan dag.
Milla

Það góða við þetta, jú gisting innanhúss.

Lögreglunni á höfuðborgarsvæðinu var tilkynnt um sofandi mann á Austurvelli um kl. 10 í morgun. Þegar lögreglumenn bar að garði fór maðurinn inn í runna og gekk örna sinna. Að sögn lögreglu var maðurinn drukkinn.

Maðurinn, sem telst til góðkunningja lögreglunnar, var handtekinn og látinn sofa úr sér á lögreglustöðinni við Hverfisgötu í dag, en honum var sleppt nú síðdegis.

Manninum var hins vegar gert að þrífa upp eftir sig, sem hann gerði.

Þetta er dapurleg frétt, veit ég að svona er algeng þó
við heyrum eigi um þetta blessaða fólk nema ef það gengur
örna sinna utanhúss í vitna viður vist og það lögreglunnar,
ekki er ég að setja út á löggufólk þau gera bara það sem þeim
er uppálagt og ávallt það besta sem hægt er,
En hvar haldið þið að þetta fólk sem býr á götunni geri þarfir sínar,
Jú í runnum út um allt.
Tel einnig að alþjóð viti hvernig lífið er hjá þessu afvegaleidda fólki
og ætla ég ekki að fara að tala um það hér því eigi bæti ég neitt
úr því þótt ég gæti.
Gott samt að vera myntur á þetta svona annað slagið, skildi þetta
ná inn á rétta staði?????????????????????

Eigið góðan dag í dag.
Milla

Gekk örna sinna í runna á Austurvelli

Fyrir svefninn.

Fyrir nokkrum árum gerðu tveir menn það sér til gamans
að spyrja nokkra drykkjumenn, hvað þeir mundu gera ef
sjórinn breyttist í vín. Menn reyndu auðvitað að svar sem
frumlegast.
Ótvíræður sigurvegari var þó Gvendur stofnauki fyrir svar
sitt; " Ég mundi reyna að slá fyrir blandi."

Áveitingahúsi í Reykjavík var boðið upp á nýjan rétt sem
bar nafnið Poulet a la Ferrari.
þegar gestur nokkur spurði þjóninn hvers konar réttur
þetta væri, svaraði hann:
" þetta er kjúklingur sem varð undir sportbíl."

Kolbeinn Högnason, skáld, fór út í skógrækt á nýræðisaldri.
Einhver hóf máls á því að þetta færi nú seint að skila arði.
" Já blessaður vertu," svaraði Kolbeinn. " Það er vonlaust
að við getum farið að græða á þessu fyrr en eftir 20 - 30 ár."

Góða nótt

Heimilisofbeldi.

Las afar þarfa og góða grein í blaði í morgun, um að mjög
algengt sé að kalla þolendur heimilisofbeldis geðveika.
Í flestum tilfellum ef eigi öllum eru það fyrrverandi eiginmenn
og eða sambýlismenn sem gera það.

Ég hef nú oft áður bloggað um þessi mál sem ætíð hefur verið
þörf á, en nú er nauðsyn. Þetta er grafalvarlegt og ætti aldrei
að gantast, mistúlka, efast um eða gera lítið úr er konur koma
og leita eftir hjálp.

Ein kona sagði er hún gat slitið sig frá og skilið við manninn sem
hún átti með eitt barn að hann hefði strax byrjað að segja að hún
væri geðveik. Margir af ættingjum og vinum snéri við henni baki,
trúðu honum,
Konan gekk til sálfræðings vegna sinna vandamála eftir tíu ára
ofbeldi og varð sterkari með hverju deginum sem leið svo afneitun
ættingja mannsins skiptu eigi svo miklu.

Það sem mér finnst ógnvægilegt er að þessum mönnum sem fremja
þennan glæp að beita ofbeldi ná á svo ótrúlega stuttum tíma að
brjóta niður allt sjálfsmat kvennanna, hvað er þessum mönnum gefið
til að þeir nái þessum völdum?

ERT ÞÚ BEITT OFBELDI?

Á eitthvað af neðantöldu við þig?

1 Óttastu hann undir einhverjum kringumstæðum ?
2 Er hann uppstökkur skapbráður og/eða fær bræðiköst?
3 verður hann auðveldlega reiður undir áhrifum áfengis?
4 Reynir hann að koma í veg fyrir að þú farir þangað sem þú vilt fara
   eða að þú stundir vinnu, skóla eða áhugamál?
5 Fylgist hann með þér hvar og hvenær sem er?
6 Ásakar hann þig sífellt um að vera honum ótrú?
7 Gagnrýnir hann þig, vini þína og /eða fjölskyldu?
8 Ásakar hann þig stöðugt -- ekkert sem þú gerir rétt eða nógu vel gert?
9 Segir hann að ,,eitthvað sé að þér ", þú sért jafnvel geðveik?
10 Gerir hann lítið úr þér fyrir framan aðra?
11 hefur hann yfirráð yfir fjármálum ykkar og krefst skýringa á hverri krónu?
12 Eyðileggur hann persónulegar eigur þína af ásettu ráði?
13 hrópar hann / öskrar á börnin eða þig
14 Ógnar hann þér með svipbrigðum, hreyfingum eða bendingum?
15 Hótar hann að skaða þig börnin eða aðra nákomna ættingja?
16 þingar hann þig til kynlífs?
17 Hefur hann ýtt við þér, hrint þér, slegið til þín eða slegið/barið þig
     eða börnin.

Flest af þessu átti við mig og miklu verra en þetta og er ég bara
að koma inn á þetta núna vegna þess að nauðsynlegt er fyrir
alla að vera meðvitaðir um hvað gæti verið að gerast í umhverfi
okkar, ekki síður er það nauðsynlegt fyrir þá sem verða fyrir
heimilisofbeldi að vita og trúa, ,,Sá sem lemur einu sinni lemur aftur".

Mig langar líka til að allir lesi þetta bæði konur og karlar og hugleiði
hvort jafnvel það sé svona hegðun í þeirra fari og hvort sú hegðun
sé réttlætanleg, Nei hún er það aldrei ofbeldi er aldrei réttlætanlegt.
Þið sem verðið fyrir þessu vitið að þið eruð ekki ein.
Ekki bíða eins og ég gerði að því að það voru að koma jól. ferming,
afmæli eða bara eitthvað komið ykkur strax út úr þessu ástandi
og þið munuð komast að því að þið fáið nýtt líf.

Eigið góðan dag og gæfuríka framtíð.
Milla.