Detta nú ekki af mér allar dauðar.

 

Niðurskurður en ekki skattahækkanir.

Niðurskurður á útgjöldum ríkisins eru vænlegri leið en skattahækkanir
til að bregðast við efnahagskreppunni, sagði Sigurður Kári Kristjánsson,
þingmaður Sjálfstæðisflokks, á Alþingi í dag.

Tók hann sem dæmi að fækka þyrfti ráðuneytum og undirstofnunum
þeirra, láta launakjör og önnur fríðindi opinberra starfsamanna taka
mið af ástandinu og fresta framkvæmdum á borð við borun jarðganga
og byggingu hátæknisjúkrahúss.
Þingmenn sem ráðið hefðu aðstoðarmenn þyrftu að sjá á bak þeim.

Sigurður Kári sagði einnig að endurskipuleggja þyrfti
utanríkisþjónustuna í heild.
Ríki sem þyrfti aðstoð Alþjóðagjaldeyrissjóðsins gæti varla
staðið í því að veita þróunaraðstoð

þurfti ég nú að nudda augu og eyru, sá ég og heyrði rétt,
er þetta sjálfstæðismaður sem talar, jú það var víst rétt.

Skildi maðurinn vera að hugsa sér til hreyfings? Nei varla, en þá
er hann örugglega að reyna að hala inn atkvæði og leggja gott
orð inn fyrir flokkinn. Hann fær ekkert fyrir það hvorki hjá
flokksbræðrum eða kjósendum.
Of seint vinur.

Niðurskurður en ekki skattar

Öllu er nú hægt að nafn gefa,

Víkurfréttir/elg

// Innlent | mbl.is | 29.10.2008 | 19:53

Dularfullur hringur yfir Reykjanesbæ

Dularfullur reykhringur birtist í dag yfir Reykjanesbæ og olli furðu
vegafarenda. Hringurinn birtist yfir vallarsvæðinu og var nokkuð stór.

Á vef Víkurfrétta kemur fram að það hafi komið í ljós uppruna hringsins
megi rekja til æfingasvæðis sérsveitarinnar innan öryggissvæðisins
á Keflavíkurflugvelli. Þar hafi eitthvað verið sprengt og reykurinn síðan
stigið upp til himins.

                            **********************

 

Auðvitað er þetta útskýrt á þann hátt sem menn best kunna,  en þetta
eru bara geimverur í sínu skipi. Hafið þið ekki heyrt eða séð öll ljósin
sem hafa birts fólki undanfarið. Það hafa verið heilu ljósasýningarnar,
svo að eigi hefur fyrir þá sem augum það litu verið annað en undraverk
á ferð.
Nú ef þetta eru ekki geimverur, þá að sjálfsögðu eitthvað sem við getum
eigi útskýrt og höfum enga þekkingu á eins og með svo margt annað.
Hugsið þið ykkur hvað við eigum mikið ólært um alheiminn, sjávarbotninn,
og bara jörðina, en svo satt er það að þann dag sem við vitum allt,
þá er ekkert gaman lengur.
                             Eigið góðan dag í vangaveltum.

 

Dularfullur hringur yfir Reykjanesbæ

Hugarástand.

Það er merkilegt þetta hugarástand.
Ég fór snemma að sofa í gærkveldi, því að ég þurfti að vakna árla
í morgunn eða kl 6.
Viti menn vaknaði um 2 í nótt og var andvaka, fór að hugsa um
allt sem er að gerast þessa daganna bæði í heimsmálunum og
hér heima fyrir.

Það sem er það gleðilegasta við að vakna á morgnanna, fyrir utan
að vakna og vera sæmilega heil og biðja góðan guð að blessa mig og
alla mína, það er tilhlökkunin að komast í tölvuna
og lesa kommentin ykkur kæru bloggvinir, við fyrir svefninn.
Þau ilja mér um hjartaræturnar.

Eitt af því versta sem ég veit er þegar fólk lifir ekki í lífinu með öðrum
heldur hefur sínar einstrengilegu skoðanir alveg sama á hverju gengur.
fólk sem þetta, á örugglega afar erfitt, kannski fáa vini, en það finnur
líklegast eigi fyrir því, það er svo upptekið af eigin egói.

              *********************************

Ég er ansi hrædd um að fólk reyni að vera ofurduglegt í því að standa sig
barnanna vegna og bara allra svo á endanum springur allt því einhvern tímann
þarf fólk að pústra út.

Tel að það sé bara allt í lagi og jafnvel nauðsynlegt að útskýra vel fyrir
börnunum hvað er að gerast þá er allt miklu léttara bæði fyrir foreldra og þau
sjálf. Það er nefnilega þannig að er spennan er orðin mikil í börnunum, og þau
hreinlega vita eigi af hverju þeim lýður illa þá fara vandamálin að koma upp
á skólalóðunum og í öllum leik.

Eineltið og ótuktaskapurinn  eykst og þau jafnvel gera sér enga grein fyrir
því sem þau eru að gera.
Því öll börn vilja vera góð. Hjálpum þeim til þess með því að tala opinskátt
við þau um þessi mál og af virðingu.

                   ***************************************

Nú ég dottaði svona undir morgunn, en það er í lagi því ég get lagt mig er ég vill
er ekki að vinna og á engin lítil börn sem ég þarf að sinna.
Nú ef að ljósin mín koma þá er það eigi fyrr en eftir hádegi.

Eigið góðan dag í dag
Milla

Fyrir svefninn.

Alltaf uppgötvar maður eitthvað nýtt, sem betur fer því annars
væri nú lífið eigi skemmtilegt.
Þær englarnir mínir fóru heim í dag, það er búið að vera ljúft að hafa
þær þessar elskur, ætíð er skrafað og kafað í bæði landsmál og annað
sem þær vilja koma á framfæri.

Áður en Gísli minn ók þeim heim fór hann með mig í vinnuna, það var að
vanda afar skemmtilegt. Kom heim klukkan 4. og fórum við gamli minn
í Kaskó, hann hljóp inn að kaupa fyrir mig AB mjólk.

Komst að því að til er fólk sem vill ráða þó það þurfi eigi, geti eigi,
hafi ekki vit á, bara jafnvel til að það geti sagt að það hafi komið
með þetta eða hitt upp á borðið.
Best að koma ekki nálægt svoleiðis fólki.

          En ég held samt áfram.

Veit ekki hvenær ég hóf þessa ferð
né hvaðan var lagt af stað.
Og óljóst er fleira því ekki mig grunar
hvar aka ég muni í hlað.

Læðist um hugann ljúfsár minning
líkt og mig hafi dreymt.
Eins og í leiðslu áfram held ég
erindið löngu gleymt.

Ragnar Ingi Aðalsteinsson
Frá Vaðbrekku.
                                    Góða nótt

Hugleiðingar mínar yfir svo margt.

 Góðan daginn allir landsmenn.
Mikið var ég glöð er ég leit það augum að eigi mætti blogga
um þann sorglega atburð sem gerðist í smáíbúðarhverfinu í
gær.
Sendi ég ljós og bænir til alls þessa fólks og sérstaklega mun
ég biðja fyrir ungmennum þeim sem í þessu lentu.


Það er oft búið að taka á í sálartetri hennar Rögnu móður hennar
Ellu Dísar sem er búin að vera ofarlega í hugum okkar allra sem
látum svona mál okkur varða.
Það keyrir nú bara hreint um þverbak.
fyrir  löngu síðan fór Ragna í Glitni og keypti dollara fyrir rúmar
5 miljónir sem urðu 51/2 miljón vegna slæmrar stöðu gengis.
Þetta var lokagreiðsla hennar til spítalans í Bandaríkjunum.

Þó nokkru seinna er hringt og hún rukkuð um greiðsluna,
svo hún fer í Glitni og þá hafði þessi greiðsla sem þeir tóku að
sér að senda út ekki farið, þeir endurgreiddu Rögnu 51/2 miljón
en í dag kosta þessir dollarar 6 miljónir.
þeir hafa af henni hálfa miljón vegna sinnar eigin vanrækslu.
Ansi er ég nú hrædd um að það heyrist hljóð úr horni margra
ef þeir eigi lagfæra þetta.

              Frelsið.

Mitt ljóð er ekki um vorið né haustið
hinn ljóðræna tíma og saknaðar,
mitt ljóð er ekki um konur ungar og fagrar
og albúnar til ásta,
mitt ljóð er ekki um hesta horaða eða feita
og fegurri en málverk eftir Kjarval

mitt ljóð er um frelsið í landi mínu
ekki frelsi meðal framandi þjóða
í Víetnam eða Bandaríkjunum
í Rússlandi eða Kína
heldur frelsi vina minna

Þeirra sem þora að tala
þeirra sem trúa á hamingjuna
þeirra sem vinna við þorskinn
þeirra sem spenna greipar í bæn
þeirra sem eru ofsóttir vegna skoðana sinna.

Fyrir þennan söfnuð, yrki ég ljóð
þegar fræðimenn hrópa háðsyrði
Háskólinn hótar hengingu
ellegar pólitíkusar fyrirskipa þögn.

Þá sest ég niður og skrifa
orð hlaðin eimyrju og sjá:

Hvers virði væri lífið ef slík barátta væri ekki til?
Hvar voru stundir hamingju og trega?
Þeir kalla okkur utangarðsmenn
þeir áreita vini mína og ofsækja
en hvenær glymur þeirra klukka?
Segir ekki í fornri bók: þeir síðustu skulu verða fyrstir
og þeir fyrstu síðastir?
Við utangarðsmenn verðum kannski einhvern tíman þyrstir.
Á hverju skyldu þá hræsnararnir þá nærast?
Hvar skyldu mannorðsþjófarnir þá bera niður?

Hilmar Jónsson.

                                       Góðar stundir.

Fyrir svefninn.

Jæja lokksins kemst maður í smá tölvustund, það er nefnilega
svoleiðis hjá mér að ég bara slappa afar vel af er ég sest niður
og tala við ykkur kæru bloggvinir.
Maður er náttúrlega orðin mjög háður þessu og ekki veit ég
hvernig maður færi að ef hún bilaði þessi elska, það er sem betur
fer eigi langt í þá næstu.

Ég fór í þjálfun kl 14.00 er ég kom heim tóku englarnir mínir bæði
stofu og eldhúsgluggana í gegn, þrifu rimlana og allt heila klabbið.
þeim fannst nú ekkert voða spenandi að þrífa gamla hillu sem ég
er með fyrir ofan eldhúsgluggann hjá mér.
þessi hilla er svona útskorin og með sveitabæ í miðjunni, flest öll
heimili áttu svona hillu hér áður og fyrr.
Á þessari hillu hef ég blikkdósir sem ég hef safnað, náttúrlega safna
þær á sig ryki og fitu svo ekki er svo mjög geðslegt að þrífa þetta, en
ég vorkenni þeim ekki neitt.
Jæja þetta kláraðist nú allt og er þetta þá bara búið fyrir jólin.
Engar gardínur er ég með fyrir þessum gluggum, bara hvíta rimla.

Fórum svo í búðina þær mæðgur voru að versla, eru að fara heim á morgun.

Ég spurði þær hvað þær vildu borða, jú fljótar voru þær að svara,

pastarétt í rjómasósu með miklu grænmeti í, en svo merkilegt þær borða bara
spergilkálið og gulræturnar en vilja einnig hafa sveppi og blómkál og af
hverju? jú það kemur svo gott bragð afgrænmetinu
svo vilja þær brauð með. Lét þetta eftir þeim og freistaðist að sjálfsögðu.

Þær fóru svo til Millu frænku og Ingimars
það þarf nú að leka smá við ljósálfinn og litla ljósið. 

                   
                     Úr lindunum djúpu leitar
                     ást guðs til þín
                     yfir öll höf.
                     Hún ferjar þig yfir fljótið
                     og færir þér lífið að gjöf.
                     Og söngnum sem eyrað ei nemur
                     þér andar í brjóst.
                     Dreymi þig rótt,
                     liljan mín hvíta
                     sem opnast á ný í nótt.

                                         Gunnar Dal.

 Góða nótt

Morgunhugleiðingar.

Björguðu sama manninum tvisvar. blessaður maðurinn ætlaði
sér á áfangastað.
Ljóst er að ekkert stoppar þá sem ætla sér eitthvað nema að
láta þá borga vel fyrir brúsann.
Ég hef nú bloggað um svona atvik áður og þekki til margra
óþarfa tilvika þar sem björgunarsveitir hafa verið eða eru
að störfum og þurfa að sinna svona hugsunarlausum
mönnum.
Mér finnst bara algjört virðingaleysi ríkja í garð okkar frábæru
stráka sem fara út í hvaða veður sem er til að bjarga fólki,
er einhverjir gera það bara að því að þeir halda að það gangi upp.

                           ************************

Ég las: "Skjálfti skekur BRETA"
Ég taldi kannski, af hræðslu við að missa peninga sem þeir hefðu
tapað, en nei það var þá jarðskjálfti, og við vitum vel að það er
ekki þægileg tilfinning.
Svo við sendum ljós og góðar bænir til þeirra sem upplifðu þetta.

                           ************************

Jöklar landsins rýrna, en undir niðri kraumar í pottum eldstöfðum
þessa lands.
Hætta er á gosi í Heklu, en hvort það er í ár eða eftir mörg vita þeir
eigi sem vit hafa á.
Upptyppingar láta ófriðlega ofar í jarðskorpunni en áður.
Eigi er það nú fallegt að heyra því þar mundi nú ýmislegt getað gerst
ef af yrði gosi.
Held bara að landið hið fagra sem við búum, sé að gera uppreisn,
mótmæla ollu því sem er að gerast ekki bara núna heldur allar
götur aftur í tímann og er ég nú ekki hissa á því.

                    ******************************

En vitið þið að yndislegasta frétt sem ég hef lesið lengi er að
sjálfsögðu fréttin um hundinn Leo sem vék eigi frá nýfæddum kettlingum
fjórum, fyrr heldur en slökkviliðsmennirnir komu til bjargar.
Ef þessi gjörningur leos er ekki að sýna manninum að við eigum að standa
saman og vera góð við hvort annað, þá veit ég eig hvað.

                   *******************************

 

Og viti menn maður vaknar bara endurnærður eftir góðan nætursvefn.
gerir sínar teigur og biður um góðan dag í dag.
Vona að allir eigi góðan dag í dag og alla daga.
Milla.

Fyrir svefninn.

Jæja þá er karrýveislan afstaðin, gott að fá svona stórveislur
kannski 2 á ári, ekki oftar. Mér er illt í maganum þó lítið hafi borðað.

Gísli minn fór að sækja Dóru um 2 leitið, en eigi komu þau aftur fyrr
en um 4 leitið, hann festi sig í niðurkeyrslunni að Laugum.

Milla og Ingimar komu með ljósálfinn og litla ljósið um sex og við
borðuðum saman og að vanda var það skemmtilegt, fengum okkur
gott kaffi með súkkulaði á eftir, eða sko þau ekki ég.

Er ég viktaði mig um síðustu helgi kom í ljós að ég hafði þyngst um
3 kg fyrir sunnan, en vissi að það gat ekki staðist, enda kom í ljós
í dag að það voru strax farin 2 kg. ég á það nefnilega til að safna
vatni í líkamann er ég verð þreytt.
þetta verður allt farið næst þegar vigtun fer fram.

Þær eru hérna mæðgur frá Laugum enda byrjar skólinn ekki fyrr
en á miðvikudaginn.

Ég vill bara þakka guði fyrir alla englana mína þeir eru yndislegir.
verður ekki meira í kvöld er orðin þreytt elskurnar mínar.

                                Góða nótt
 

Til hvers er þetta blogg?

Er ég byrjaði að blogga þá var það mér til skemmtunar og er enn.
Mér finnst alveg frábært að eiga góða bloggvini gantast og segja
sína skoðun á málefnum líðandi stundar, ekki skemmir nú fyrir ef
líflegar umræður fara í gang svo framalega sem virðing er borin
fyrir hvort öðru.

Það gerist ætíð að inn koma komment frá þeim sem hafa skoðanir
alveg út í hróa, að annarra mati, en er það okkar að dæma þær
skoðanir, nei það er okkar að virða þær og þeirra að virða okkar,
en sumir vilja bara alsekki virða aðra yfirhöfuð og þá getur
maður svo auðveldlega lokað á það fólk eða bara hunsað þar til
það gefst upp.

Bloggið er einnig góður vettvangur fyrir allskonar
góðgerðarstarfssemi.
Við getum nefnt allar þær safnanir sem verið hafa í gangi fyrir þá
sem eiga virkilega erfitt vegna veikinda og slysa þá fer nefnilega
fjárhagurinn úr böndunum.
það hafa verið kertasíður fyrirbænasíður og ég gæti lengi talið.
Bara að minnast á þetta því við erum svo fljót að gleyma.

Ég gæti lengi talið allt það sem framkvæmt hefur verið á blogginu,
það er alltsaman afar gott.
Samt langar mig til að minna fólk á að ef eitthvað kemur fyrir þinn
næsta vin þá stendur maður eigi til hliðar stikkfrí.
maður styður þann sem á í erfiðleikum og þeir eru margir, bara
svona rétt við hliðina á þér.
Það eru sem betur fer margir sem gera það, en fleiri eru það sem
vilja ekki blanda sér í málin. Við hvað er fólk hrætt?

Þetta er eins og með nokkra mánaða barnið sem grét úti í vagni í
marga klukkutíma og engin skipti sér af því.
Mörgum mánuðum seinna er móðurinni var hjálpað þá komu konurnar
í kring og sögðu: "Við vorum nú að hugsa um að láta vita"
Hægan sagði ég: " Hvað hefðuð þið gert ef barnið hefði dáið, það var
nefnilega vetur úti." Það var fátt um svör.

Það er eins með litlu stúlkuna sem er afar ung í dag, hún lítur út eins og
niðurbrotið barn, ein kona sagði ég verð að láta vita af þessari snót.
En maðurinn hennar þvertók fyrir það,
þau færu nú ekki að bendla sér í svona mál.
Ég sagði: "Hvernig heldur þú að þér verði við eftir nokkur ár er þú heyrir
að þessi stúlka hefur fyrirfarið sér?" Fátt um svör.

Það sama gildir um eineltið og það er eigi bara í gildi um börn,
ekki síður um fullorðið fólk sem er á ystu nöf vegna eineltis.

Vonandi að fólk hugsi vel um þetta, það eru að koma jól og eigi gott
ef fólki lýður illa.
                                        Góðar stundir.

Fyrir svefninn.

Dagur í leti á enda runninn, næstum. Við gamla settið vöknuðum
að vanda snemma dólaði mér í morgunmatnum, leiðinlegt veður úti
fór síðan að vanda í tölvuna. Gísli kom svo inn og spurði hvort ég væri
búin að fara inn á 640.is það er svona fréttavefur hér í bæ.
hafði ekki gert það, en dreif í því og sá þá hvað hafði gengið á hér í nótt.
Hann gat náttúrlega ekki stillt sig um að fara niður að bryggju, forvitnin er
ætíð að hrjá þessa menn, en svo tala þeir um okkur konurnar,
nú það var svo sem ekki fagur á að líta.

Englarnir mínir vöknuðu ekki fyrr en 15.30 og eru ekki búnar að klæða sig 
tekur því eigi héðan af, fengum okkur kjúkling og grjón í kvöldmatinn.

Smá úr íslenskri fyndni.

Jónas Árnason rithöfundur og fyrrverandi Alþingismaður var eitt sinn
spurður hvernig maður Halldór E Sigurðsson væri.
" Iss, snakker ikke engang dansk," svaraði Jónas að bragði.

Þegar hafmeyjan var sprengd af tjörninni var Auður Auðuns
borgarstjóri menningarmála.

Þá var kveðin þessi vísa:

              Eyðing býður örbrigð heim.
              Auður brást við vörnina.
              Ekki hafa þeir upp á þeim
              sem afmeyjaði tjörnina.

Jón Thor Haraldsson var um tíma blaðamaður á Þjóðviljanum.
Einhverju sinni þurfti hann að svara símanum þegar hann
ætlaði í kaffi. Í símanum var áskrifandi að kvarta yfir því, að
þjóðviljinn væri illa borinn út og kæmi jafnvel ekki fyrr en eftir
hádegi, eða þá að það þyrfti að sækja hann á afgreiðsluna.
Um leið og Jón hafði lagt tólið á hringdi síminn aftur og var
þar fyrir bálreiður áskrifandi að segja upp blaðinu, vegna
þess að það væri ekki annað en and-sovéskur pési.
þegar Jón komst á kaffistofuna kastaði hann fram vísu:

             Þá er að greina það
             sem um þjóðviljann ber að muna
             hann er and-sovéskt síðdegisblað.
             Sækist á afgreiðsluna.

                            Góða nótt.

Smá þras, en er samt bara góð.

Rjúfum þögn Ráðamanna.
Er slagorð kyndilgöngu sem á að fara frá Austurvelli að
Ráðherrabústaðnum í dag.
Frábært að  stjórnmálaflokkar, stéttarfélög og bara allt fólk
sem hefur áhuga fyrir heiðarlegri framkomu hjá okkar
ástkæru valdamönnum, en þeir geta nú ekki þessar elskur
sagt okkur allt því við höfum svo lítið vit á því: " Þið skiljið"

En við getum tekið okkur saman og notið þess að fara í kyndilgöngu
til að láta vita á máttleysislegan hátt hvað við  mundum vilja og að
við erum ekki ein, finnum til og sýna samhug.
Hva, það er nú í lagi finnst sumum að við finnum til, við erum nú svo
lítið gefin greyin.

Er gangan er afstaðin þá fara allir til síns heima, þar spjalla allir hver
í sínu horni, tala um hvað þeir hafi nú verið duglegir að láta í sér heyra,
en fjandinn hafi það, er eitthvað hlustað á slíkt frekar en endranær,
og heldur fólk virkilega að það komi eitthvað út úr þessu, sem að 
ráðamanna mati skríllinn er að rausa um.
Því við erum náttúrlega skríll, þurfalingar, drykkjusjúklingar eða fólk
sem hefur misst allt sitt vegna eigin eyðslusemi.

Þessir menn hafa ekki einu sinni hlustað á sérfróða menn sem sögðu
og vöruðu við hvernig allt mundi fara, og þeir voru að segja sannleikann.
var ekki Davíð Oddson þar fremstur í flokki? Man ekki hvað hinir heita í
flokki manna sem segja sannleikann.

Kvisast hefur að það komi ný stjórn innan tíðar, Ég ætla nú bara hreinnt
að vona ekki því þá yrði samfylkingin að vera með í því, og eigi hugnast mér
allt fólk í þeim hópi.

Best er að leyfa þeim sem nú stjórna að klára þetta dæmi.

En undirbúa sig svo vel fyrir næstu kosningar.

Eigið góða göngu í dag allir þeir sem komast.

Best að hafa daginn góðan,maður veit aldrei hvað gerist.

Var ég búin að segja ykkur að englarnir mínir frá Laugum
komu heim til ömmu og afa í gær í langt helgarfrí.
Við borðuðum fisk, fórum síðan til Millu minnar og Ingimars
fengum kaffi og kryddköku á meðan frænkurnar dúlluðu sér.
Fór frekar seinnt að sofa og var að vakna, Ussu sveiþað er
nú ekki minn stíll að sofa svona lengi en allt í lagi í svona veðri.

Já veðri annars er eiginlega ekkert að veðrinu hjá okkur núna,
kannski á það eftir að koma.
Ég segi það nú og hef alltaf sagt það hvernig færum við að ef
við hefðum ekki björgunarsveitarstrákana okkar þeir redda þessu
öllu. Togari fór á flakk frá kópavogi, flotbryggja losnaði frá landi,
þakplötur fuku á bíla og fleira og fleira.

450 manns gistu á Akureyri og Egilstöðum í nótt vegna þess að eigi
var lendingarfært í Keflavík. Sumir gátu farið til vina og ættingja úti í
bæ aðrir á hótel, en þeir sem ekki höfðu efni á að kaupa sér gistingu
voru bara á flugstöðunum, það þurfti nefnilega að borga sjálft
fyrir gistinguna og það eru merki um samdrátt því allar götur var reynt
að koma fólki að kostnaðarlausu fyrir á hótelum sama hver ástæðan var
fyrir töfinni, einnig voru fríar veitingar.

Nú svo er nú ekki gott ástandið hjá lögreglunni okkar, sama fjárveiting
og á síðastliðnu ári, hvernig á þetta eiginlega að verða.
við þurfum enn meira á þeim að halda með vaxandi vandamálum og
þau fara örugglega ekki fækkandi núna á þessum erfiðu tímum.

Jæja heyri að Gísli minn er kominn úr sjæningu, þá fer ég nú bráðum að
drífa mig, við þurfum ýmislegt að stússastég og englarnir mínir í dag.

Eigið yndislegan dag í dag
Milla.

Við munum ekki láta kúa okkur.

Ja hérna er þetta ekki skemmtileg setning, mér finnst það,
bara hjákátleg, en þetta er akkúrat setningin sem við,
þessi lálaunuðu hefðum átt að byrja á að segja fyrir
margt löngu, og viðhalda henni þar til við hefðum rétt viðurværi
og virðing borin fyrir okkur, en elskurnar mínar við lærum og verðum
klárari í næsta lífi.
Kannski bara auðvald, því við losnum aldrei við það og þá slefbera
sem halda þeim uppi.

Eins og ég hef nú svo oft sagt að undaförnu þá ætla ég bara að taka
þessu létt þó ég kannski gantist með þetta annað slagið.
Maður verður nú að vera mem

Þegar ég var um fermingu  og var í Réttó sælla minninga, þá bjuggum
við á skrifstofunni hjá pabba niður í Sænska frystihúsi í því mikla húsi
var Belgjagerðin fjölskyldufyrirtækið, en pabbi minn var með sína
heildsölu þarna, þau voru að bíða eftir íbúð inn í laugarnesi.
Það voru erfiðir tímar, Bakkus snart pabba minn afar mikið á þessum
tíma, mamma var ófrísk af yngsta bróður mínum ég að fara að fermast,
þrjá bræður átti ég þá og voru þeir bara alltaf úti að leika sér nema er
þeir voru í skólanum.
Segja ykkur svolítið skondið sem ég er oft búin að hlæja að, eða þannig.
Litlir peningar voru til á þessum árum, höfðu verið miklir en næstum illa
fór vegna Bakkusar, en samt var fermingarveislan mín
haldin í Þjóðleikhúskjallaranum með pompi og prakt matur og opin "barinn"
síðan dansað ég man bara hvað þessi sýndarmennska fór í mínar fínustu
taugar amma var búin að bjóða fram húsið sitt, og þar vildi ég hafa veisluna,
en nei það var niðrandi að þiggja það, þó allir vissu að þau mamma og pabbi
ættu enga peninga.

Eitt man ég sem er góð minning að bræður mínir smíðuðu sér trésverð
trúlega með hjálp einhvers í Belgjagerðinni því elsku pabbi vor kunni
ekki að halda á hamri.
Þeir voru síðan alla daga að leika sér upp á Arnarhól við aðra krakka
og voru þau í hasaleik. Ólíkt því sem er í dag.

Kemur meira seinna.
Knús í daginn
Milla

Uppskriftir.

Sko ekki á lausn fjármálakreppurnar ef fólk telur vera einhverja
kreppu, allavega ekki að heyra á öllum.

Nei þetta eru sko uppskriftir af gómsætum mat sem kitlar
bragðlaukana og gaman er að búa til.

Rúgbrauð:

6 bollar rúgmjöl.
3  ----    heilhveiti
4,1/2 tesk matarsóti
3        --     salt
1        dós  sýróp
1,1/2  l súrmjólk

Elt saman í skál  ég baka brauðið í líters dósum undan ávöxtum
en má baka í mjólkurfernum  Það þarf 6 dósir eða  8 fernur
það má ekki fylla alveg setja svo álpappír lauslega yfir svo ekki
komi hörð skorpa.

Brauðið tekið úr  fernum eða dósum og sett stikki yfir
kælt síðan sett í frysti, en ef að til er brauðhnífur þá er
gott að sneiða áður en fryst er.

Chilli-paprikkuhlaup

8  st rauðar paprikur
5  st Chilli
21/2 dl hvítvínsedik
7      dl hrásykur
4 tsk. sultuhleypir

Kjarnhreysið papriku og Chilli setjið í matvinnsluvél síðan
allt í pott nema sultuhleypirinn sjóðið í 15 mín.
Takið af hitanum setjið hleypirinn út í og hrærið vel
sjóðið í 1 mín. beint á krukkur og lokið á.
Æði í jólagjafir má skreyta krukkuna.
Gott með ostum og bara öllu sem þér dettur í hug.
Ég hef einnig sett gulrætur út í og er það afar gott.

Epla-karrý-Chutney.

1  kg græn epli
2  st laukar
4 msk ferskt engifer rifið
5        hvítlauksgeirar
2 dl    eplaedik
6 dl    hrásykur
3 dl rúsínur
1 tsk salt
4 tsk karrýskrælið og kjarnhreysið eplin
saxið smátt epli lauk og hvítlaug setjið allt
í pott og sjóðið í klukkutíma. bragðbætið með
því kryddi sem er í uppskriftinni sumir vilja sterkt og aðrir dauft.
þetta er gott með ollum Indverskum mat og kjöti sérstaklega
Hreindýrakjöti.

Og ég tala nú ekki um ef þið eigið afgang af kjöti að útbúa
sér flotta samloku með þessu mauki í stað annarra sósu.

Gangi ykkur vel og verði ykkur að góðu.
Kveðja Milla.

Merkilegt, en ætla bara að segja smá.

Góðan daginn kæru landsmenn, mér sýnist bara á því að horfa
út um gluggan að það sé gott veður í dag, en kannski ekki að
marka, það er myrkur.

Sé það á innlitinu í gær að margir hafa lesið Fyrir svefninn hjá
Mér, en fáir kvittað, enda allt í lagi engan er hægt að pína
til þess frekar en að leitast endalaust eftir bloggvinskap þar
sem manni er hafnað, en það vita nú allir.

Núna kl 8 er ég að fara í sjúkraþjálfun þar á eftir mun ég baka
rúgbrauð sem er uppurið í frystiskápnum bara alveg hissa.
á morgun munum við svo baka hin venjulegu brauð, eða
óvenjulegu því fáir vilja þessi heilsubrauð eins og þau kalla
þennan yndislega bakstur minn, en ég get ekki hugsað mér
önnur brauð.

Svo fer maður að undirbúa jólin með því að gera Karrý Chutny,
Chilli- paprikku hlaup svo ætlaði ég að prófa að gera
krækiberja-chutný það þykir afar gott með steik.

Ég átti yndislegan dag í vinnunni í gær, við byrjuðum að setja
myndir á viskuskikki, svona jóla og svo var aplikerað í kring
við notum að sjálfsögðu bútasaumsefni, það skapaðist góð
stemning og hún lofar góðu upp á jólastarfið.
Hlakka til að hitta fólkið mitt næsta þriðjudag.

Er farin í sjæningu maður verður nú að vera fínn í þjálfuninni
maður er alltaf að hitta sæta stráka.

Knús í daginn

Hugleiðingar morgunsins.

Maður er nú alveg hættur að kippa sér upp við hinar ýmsu fréttir.
Þetta verður örugglega árið sem maður gerðist öllu vanur.

En það er bara allt að gerast "Bingo"
Snjóflóð féll í múlanum, það er bara 20. okt.
Vona til guðs að engin hafi lent í því, ekki eru komnar
nánari fréttir af því.

Fastir bílar teppa Vikurskarð, á bara ekki til orð, en þetta er
svo sem allt í stíl við það sem er að gerast.

Aukin skjálftavirkni í upptyppingum (skemmtilegt orð)
norðan Vatnajökuls. Vísindamenn fylgjast spenntir með,
því þarna eru að gerast hlutir sem ekki hafa sést áður gerast.
Skjálftarnir gerast grynnra í jarðskorpunni en í fyrra samkvæmt
mælingum. við megum svo sem búast við öllu á þessu ári vanans.

Fleiri fá nú hjartaáfall en áður og er ég eiginlega ekkert hissa á því
frekar en öðru.

Glöð varð ég er ég las að Friðrik Sophusson hugði halda áfram sem
forstjóri landsvirkjunar.
Er nokkuð vert að skipta um í þeirri brú á þessu ári þar sem ekkert
kemur manni á óvart.

Gleðifréttir voru það að unga stúlkan skyldi koma í leitirnar
sem lýst var eftir.

Og hugsið ykkur ekki kom það mér á óvart að bora megi eins og áður
var ákveðið við Kröflu og þeystareikji. Var ætíð vitað mál.
Skildi nú aldrei þennan leikaraskap.

Komið gott í bili, fer til vinnu kl 12.

eigið góðan dag
Milla.

Vika 43 vímuvarnavika 2008.

Áskorun frá viku 43:

Velferð barna---stöndum vörð um það sem virkar.

Samkvæmt barnasáttmála sameinuðu þjóðanna skulu börn
eiga rétt á að búa við aðstæður sem stuðla að líkamlegum,
andlegum og félagslegum þroska.
Í því felst að allar ákvarðanir eða ráðstafanir yfirvalda er varðar
börn skulu byggðar á því sem er börnum fyrir bestu.

Það hefur oft hvarflað að mér að það vantaði upp á þarna
stundum finnast manni ákvarðanir varðandi börn vera á röngum
grunni byggðar, það þarf að hlusta betur á börnin, þau vita hvað
að þeim snýr.

Neysla áfengis og vímuefna raskar uppvexti og ógnar velferð margra
barna og sum bera ævarandi tjón. Það er bitur reynsla að sjá á eftir
barni sínu á vit óreglunar og þar af leiðandi að villast á brautir
glæpa og ofbeldis.

Ég held að það komi öllum foreldrum öfum og ömmum á óvart er
börnin lenda á þessari braut, engin trúir því að þeirra börn lendi
í svona nokkru og jafnvel eru of lengi meðvirk börnunum vegna
afneitunar á ástandinu

Rannsóknir staðfesta að opinber stefna í forvörnum hér á landi
er vænleg til árangurs, svo sem 20 ára aldurstakmark til
áfengiskaupa, bann við auglýsingum á áfengi og bann við sölu
áfengis í almennum verslunum.

Ég hef nú allar götur verið á móti boðum og bönnum, tel þau ekki
virka, allt er spennandi sem er bannað og ef barn ætlar sér að
neyta áfengis eða annarra vímuefna þá er aðgengið afar auðvelt.
Hér er allt morandi af fólki sem er gert út til að útvega börnunum
okkar þetta ógeð.
Ég tel bestu forvörnina vera uppeldið frá blautu barnsbeini,
að kenna þeim muninn á réttu og röngu elska þau og virða,
en ef svo einhver fer út af sporinu þá er að taka á því með hjálp
þeirra sem vit hafa á.


Það sem vikan 43 býður upp á er að leggja félagasamtökum lið
sem vilja leggja forvörnum lið og/eða hafa forvarnir að sínu markmiði
vekja athygli á forvörnum í áfengis og vímuefnamálum.

skapa vettvang fyrir samstarf félagasamtaka um að vekja athygli
á stefnumörkun í áfengis og vímuefnamálum og sér í lagi forvörnum.

Varpa ljósi á viðfangsefni forvarna og það starf sem unnið er á
vettvangi félagasamtaka.

vekja athyglilandsmanna á mikilvægi forvarna einkum gagnvart
börnum og unglingum.

Virkja þekkingu, styrk og samstöðu grasrótarsamstarfs til
eflingar forvarnarstarfs.

Tel ég þarna ekki veita af vakningu og koma fullorðnum
afneitunar foreldrum út úr glerhúsinu til samstarfs við hið ágæta fólk
sem er að öllu jöfnu að vinna starfið fyrir það.
Fyrirgefið, en þetta er staðreynd og hef ég margsinnis horft upp á
þetta í gegnum árin.
Eitt er það sem mætti koma inn hjá öllum svona bara rétt í leiðinni,
Það er að kenna fólki að vera ekki með fordóma, þeir eru á svo háu stigi
að jafnvel þeir sem þurfa aðstoð þora ekki að leita eftir henni af ótta
við nágrannaálitið og þetta á við í öllu sem bjátar á hjá fólki, hvernig
stendur á því að fólk vogar sér að vera með fordóma út í allt og alla.
Hættum fordómum, því engin veit hver er næstur að veikjast.

                                   Góðar stundir.

Neikvætt eða jákvætt?

Það er alltaf verið að tala um að við sýnum jákvæðni, hagsýni
og sparnað, nú auðvitað gerum við það, þarf nokkur að segja
okkur það?

Jákvætt er að engin skildi yfirgefa þennan heim í eldsvoðanum
í Vesturbergi í gær.
Guð veri með því fólki sem þarna býr og gangi þeim vel að hreinsa
íbúðir sínar.

Nú einnig að engin skildi slasast í bílveltu við Kaldárssel í gær.

FME tók dræmt í hugmyndir Lífeyrissjóðanna, Hverjir stjórna FME?
Er það jákvætt eða neikvætt, veit það eigi.

Ekki er það nú jákvætt, að afstaða erlendra seðlabanka, hafi fellt
Íslensku bankana.
Þeir erlendu munu víst hafa haft samráð með að fella Íslensku
bankana. Hvað skildi liggja að baki þeim gjörning, kannski þeir hafi
haldið að þeir mundu fá bara allt Ísland á brunaútsölu,

Kannski þeir fái það líka ekki veit ég.
Er það jákvætt eða neikvætt eða hvað er okkur fyrir bestu?

Eitt veit ég að, er ég tók þá ákvörðun að taka þessu ástandi með
léttu hugarfari þá breyttist allt, það getur engin knésett okkur nema við
bognum og það gerum við ekki.
Munið að tala við bankann, skuldbreyta, frysta og bara allt sem hægt er
Því við þurfum að lifa ef við eigum ekki fyrir nauðsynjum þá er allt svo erfitt.
Ljós og jákvæðni út til ykkar
Milla

Framhaldsskólinn að Laugum er 20 ára.

Í haust eru liðin 20 ár frá því að Framhaldsskólinn á Laugum
var stofnaður, á traustum grunni héraðsskóla,
sem þar hafði starfað frá 1925.
Skólasetrið er sem sagt í heildina 83 ára, enda að koma að
Laugum er undur sem engin skilur nema sá sem hefur þar
haft viðkomu.
Eigi gekk ég þar í skóla, en stelpurnar mínar gerðu það.

Núna vinnur Dóra Dóttir mín þar og tvíburarnir hennar eru í
Framhaldsskólanum og hafa aldrei verið sælli, skólaumhverfið,
skólahald og kennsluaðferðir eru með eindæmum góðar undir
stjórn Valgerðar Gunnarsdóttur skólameistara og hefur hún
valið fólk sér til aðstoðar.

Aldrei hef ég komið þar sem mætir manni svona gleði, samvinna
og allir láta sig varða um bæði hvort annað og að gera sitt besta.

Í dag erum við að fara í afmælið og ekki verður það af verri
endanum frekar en vant er.Hátíðin hefst klukkan 2. með ræðu
forseta Íslands hr. Ólafi Ragnari Grímssyni.
Síðan munu taka til máls:
Kristján Möller, samgönguráðherra
Arnór Guðmundsson, skrifstofustjóri menntamálaráðuneyti
Gunnar Svavarsson, formaður fjárlaganefndar Alþingis
Ólafur Jón Arnbjörnsson, formaður skólameistarafélags Íslands
Kristján Þór Júlíusson, varaformaður fjárlaganefndar
Tryggvi Harðarson, sveitastjóri Þingeyjarsveitar
Hjalti Jón Sveinsson, fulltrúi samstarfsn. framhaldsskóla á Norðurlandi
Gunnar Sigfússon, forseti nemandafélags FL
Sólveig Ingólfsdóttir, fulltrúi brautskráðra nemanda FL

Tónlistaflytjendur verða meðal annars Birgitta okkar Haukdal
Múgison, Selvadore Rähni, Tuuli Rähni, Valmar Väljaots,
Einar Bragi Bragason, Jón Hilmar Kárason og Túpilakarnir.
Ekki dónalegt það.

Nú að vanda er eitthvað er um að vera að Laugum er boðið
upp á mat síðdegis og allir eru hjartanlega velkomnir.

Ég hef talað um það áður hvað þetta er skemmtilegur og
nauðsynlegur, gamall og góður siður, að bjóða öllum að koma
til þeirra viðburða sem gerast á Laugum, þá kynnast foreldrar
og það fólk sem að unga fólkinu okkar standa.
Ég hlakka til dagsins og sendi öllum ljós og bjartsýni.
Milla.

Lesið þetta endilega alltsaman.

 Ég fékk þetta í mali frá henni Ingibjörgu Helgu, hún er að berjast
 fyrir eðlilegu gleðiríkara lífi, lífi án eineltis.
 Vona að þetta sé í lagi þín vegna Inga mín, fólk verður að sjá þetta
 lesa og fá skilning.
 Það er ætíð ljós í fjarska sem maður getur teigt sig í.

Ljós í myrkri. 

Um þessar mundir eiga margir um sárt að binda og sjá jafnvel ekkert nema tilgangsleysið og svartnættið fram undan.

Við ykkur vil ég segja; Það birtir alltaf upp um síðir. Við eigum alltaf eitthvað að þakka fyrir. Það er kannski ekki auðvelt að trúa því í dag en þú verður að trúa því, þín vegna. Mín leið til að umvefja ykkur sem þurfið á því að halda með ást og kærleik, skilningi og umburðarlyndi. Nær kemst ég ekki en ég verð að snerta við ykkur. 

Það er ekkert sem skiptir meira máli í lífinu en þú - þitt líf.

Þú átt bara eitt líf og þess skaltu gæta. Þegar okkur líður hvað verst og við sjáum engan tilgang með lífinu er gott að minna sig á það að þú átt fjölskyldu og vini sem elska þig og vilja ekki að neitt slæmt hendi þig. Alveg sama hversu illa þér líður núna og þér finnist allt lítils virði eða jafnvel ekki skipta neinu máli, það skiptir máli. Þín fjölskylda, þínir vinir, hafa áhyggjur af þér, hafa áhyggjur af því hvernig þér líður - þú skiptir fólk máli. 

Jafnvel þó að allar leiðir virðist lokaðar, að maður geti talið sér trú um að búið sé að brjóta allar brýr að baki, engum þyki vænt um mann, að þú sért bara til ama og það létti bara á fólki að losna við þig, þá er alltaf ljós einhver staðar fram undan, það þarf bara að koma auga það.  

Það er alveg sama hvað á gengur í lífinu við lærum af því öllu og styrkjumst, verðum skilningsríkari og reyndari auk þess að hafa meira að gefa öðrum, það er tilgangurinn.  

Það er einhver tilgangur með öllu sem gerist í lífinu. Við sjáum það kannski ekki í dag en ef til vill á morgun eða hinn. Við lærum til að hjálpa öðrum. Til þess að þú getir hjálpað öðrum verður þú að lifa af núna. Ég bið þig um að þiggja alla þá hjálp sem þér býðst, ekki gefast upp. Ef þú ert í eða við svartnættisholið, komdu þér þá í burtu frá strax, fáðu hjálp, lifðu. 

Það er alveg sama hversu erfið okkar reynsla er, þín bíður eitthvað stórkostlegt.

Það kemur alltaf góður tími á móti slæmum tíma. Þessu verður þú að trúa.  

Ég þekki það á eigin skinni að missa allt. Ég kynntist því fyrir 15 árum síðan. Fór í gegnum efnislegt og tilfinningalegt gjaldþrot. Skilnað, missti nánast allt sem ég átti nema syni mína tvo, fjölskylduna mína og skuldirnar.

Ég stóð uppi peningalaus, atvinnulaus, húsnæðislaus og bíllaus. Andlegt flak. Þá komst ég að því að það er erfiðara að fyrirgefa sjálfum sér fyrir sín mistök en fyrir aðra, sem mistök mín bitnuðu á að fyrirgefa mér.

Með mannorðið í hættu, þunglyndi, kvíða og óvissu í farteskinu tók við nýr kafli í lífi mínu og það birti upp.  Það birtir alltaf upp. 

Eftir á að hyggja þá sé ég hvað lífsviljinn skiptir miklu máli. Við megum ekki glata honum eða sjálfvirðingunni. Við þurfum að halda áfram. Það eru aðrir sem mega ekki við því að við gefumst upp.

Ef við gefumst upp skiljum við eftir okkur ólýsanlegan sársauka, sársauka sem er svo sár, sársauka sem verður sárari og sárari. Ótal ósvaraðra spurninga, sjálfsásökun, sektarkennd og óendanlega mikilli sorg og söknuður. 

Þau okkar sem hafa orðið fyrir efnislegu og/eða tilfinningalegu gjaldþroti og skakkaföllum á lífsleiðinni skiptast í tvo flokka; það eru þeir sem reyna að gera það besta úr því sem komið er, sættast og aðlagast breytingunni, byrja upp á nýtt.

Eða þeir sem festast í sárum biturleika og reiði út í allt og alla. Komast ekki út úr því liðna sem ekkert getur breytt nema við sjálf með því að halda áfram, taka okkur taki. Til þess þiggjum við öll þá hjálp sem býðst. Við verðum, af því að lífið heldur áfram með öllum sínum kostum og göllum.

Við þurfum að horfa á kostina, það sem hefur gefið lífinu gildi. 

Í dag þakka ég fyrir að eiga son, maka og fjölskyldu sem ég elska út af lífinu og vini sem er mér ómetanlegt. Ég er á lífi og ég þakka fyrir það. Það hefði verið svo auðvelt fyrir mig þegar eldri sonur minn tók líf sitt að leggjast í kör og sjálfsvorkunn. Svo mikill er sársaukinn við að missa þann sem maður elskar. En ég ætla að berjast, ég berst fyrir auknum skilningi á þeim skelfilega sjúkdómi sem þunglyndi er og afleiðingum þess.

Ég bið til guðs af öllu mínu hjarta og allri minni sál að ljós lífsins nái að skína sem skærast inn í hjörtu allra og að umhyggja og kærleikur umvefji hverja þá sál sem kvelst einmana í einangrun sinni.

Það er til hjálp, taktu við henni, þiggðu hana og láttu ljós þitt skína. Berstu með mér fyrir betra lífi og hjálpaðu öðrum sem eiga bágt.

Við ykkur sem eruð í sömu sorglegu sporum og ég og mín fjölskylda. Ég finn svo til með ykkur og veit hversu erfitt þið eigið. Ekki tapa trúnni á lífið. Það koma aftur góðir tímar hjá okkur. Allar góðar minningar og hugsanir er ekki hægt að taka frá okkur, njótum þeirra. 

Kveikjum á kertum á hverjum degi og minnumst látinna ástvina í bæn um að nú líði þeim betur, að þeir séu lausir við það sem þá þjakaði og hrjáði og um leið skulum við  þakka fyrir þá og það sem við eigum. Það hjálpar okkur að lifa af.

Þið eruð öll í mínum bænum, þið skiptið mig máli.

Mig langar til að bæta við frá mínu hjarta.
Hættum að hnútuhastast út af ekki neinu nema kannski okkar eigin
þörf fyrir að finna sökudólg sem jafnvel finnst hjá okkur sjálfum.
Ljós inn í ykkar daga.
Milla.

 

                                                                        
Liðsmaður Jerico

Ingibjörg Helga