Fyrir svefninn.

Bara að hafa þetta á léttum nótum í kvöld.

Það bar til fyrir nokkrum árum, að flugmaður á fjögra sæta
einkaflugvél, sem var að koma frá Húsavík bar sig til við
lendingu á Reykjavíkurflugvelli eins og hann væri að fljúga
stórri farþegavél, og gaf flugturni þá skýringu að hann væri
með 20 farþega.
Þegar vélin hafði numið staðar, þyrptust menn að,
forvitnir mjög.
Og viti menn. Út stigu tuttugu karlar um það bil 30 cm háir.
Skýringin: Þetta voru Þingeyingar, en til þess að þeir kæmust
í vélina, hafði loftinu verið hleypt úr þeim.

Skil nú ekki af hverju þetta með loftið er ævilega notað á
blessaða Þingeyingana, skyldu þeir vera svona montnir?

Leirulækjar-Fúsi orti þessa vísu þegar systir hans var í barnsnauð.

             Æptu ekki svona. elskan góð.
             Ósköp þessi hryggja mig.
             Þú hafðir ekki þessi hljóð
             þegar hann var að liggja þig.

                     *************

             Þegar sólin sigur dags,
             sveipar bólið myrkur,
             undir kjólinn leitar lags
             lífsins njóli styrkur.

                     Höf. ókunnur.

                                              Góða nótt.

Við ættum nú ekki annað eftir.

Því get ég vel trúað og tekið undir að Seðlabanki Íslands hafi
glatað trúverðugleika sínum, og er það löngu vitað,
þar á bæ eiga menn að víkja og það strax, að mínu mati.

Þórólfs Matthíassonar prófessors í hagfræði við HÍ.telur að
Seðlabanki Íslands muni eigi endurheimta hann næstu tuga ára
og þess vegna þurfi hann að fara undir Norska bankann og við
þyrftum að taka upp norsku krónuna.
Ég haf nú bara aldrei heyrt aðra eins vitleysu, "fyrirgefið"
eigum við ekki bara að leggja okkur undir norska konungsveldið aftur,
með fullri virðingu því.

Það væri lag nú að opna augun fyrir því að ráða þarf menn sem
sérfróðir eru til þeirra starfa sem um ræðir, og eru það nú bara flest
störf sem koma í huga mér akkúrat núna°.
                   Góðar stundir.

Vill norsku krónuna inn

Fréttir af Suðurferð.

Hæ öll! Eftir afmælið og allt átið í gær, svaf ég til 9 í morgun
ég var rétt komin úr sturtunni er Dóra mín hringdi og var allt gott
að frétta af þeim, englunum mínum.
Mamma Sollu minnar hringdi og bauð okkur í Brunch og það var
gaman að vanda að koma til hennar, Bjarni var því miður ekki heima.
komum síðan heim og héldum áfram í tertusukkinu, en borðuðum bara
snarl í kvöldmat. Nú er litli maðurinn kominn í rúmið sitt, ljósálfurinn minn og
prinsinn búin að læra og eru á leið í rúmið.

Vitið það að mig langar svo til að hitta alla, en hef bara hreinlega ekki heilsu til að
vera mikið á ferðinni, en næst er ég kem þá verð ég vonandi orðin mun léttari og
að sama skapi með meira úthald, þá mun ég gera innrás á ykkur vinir mínir, ekki
get ég farið í útrás, það er bara ekki inn lengur, allavega ekki í bili.

Hlakka til að koma heim og kommenta hjá ykkur er hálf ráðlaus í þessari tölvu
að sjálfsögðu bara óvani að vera í tölvu með svona snertistjórnun, sko ekki að
ég sé ekki góð í snertileikjum kannski ekki í tölvum.
Kús knús til ykkar allra.
Milla.Guys.

Úr borg hraðans.

Sérkennilegt fólk talar um borg hraðans, en ég hef aldrei orðið hans vör,
silagangur einkennir þessa borg bílar drullast varla yfir gatnamót á tíu, það skiptir kannski engu máli maður verður bara að reikna með að það taki 15 mín að komast yfir ein gatnamót.
Nei í alvöru hef bara ekki lent í öðru eins fórum í Húsgagnahöllina,
ég þurfti aðeins að skreppa inn í Bodum,
er við komum út aftur var bara allt orðið vita vitlaust það tók mig 15 mín
að komast þaðan út á götuna og ekki var verið að gefa sjens,
nei bara ekið eftir Íslenskri kurteisi.
Var orðin léttpirruð er ég loksins komst upp í Grafarvog til bróður míns,
aðallega var ég pisst vegna tillitleysis
ekki að því að það séu svona margir bílar að flækjast fyrir mér á götunum,
Nei nei allir verða að eiga sína bíla og aka einir í vinnuna og einir heim með
músíkina í botni, kannski er það eina stund dagsins sem fólk slappar af,
Gæti passað hjá mér, en svei mér þá ef sumir dotta ekki bara á ljósum,
allavega er mikið flautað.
það er með þetta eins og svo margt annað við eigum langt í land með að
læra alþjóða ökumenningu, eða þannig.

Er allavega bara ánægð að vera hér uppi í Grafarvogi og ég meira að segja
sá héðan friðarsúluna í gærkveldi, flott er hún, en hefði alveg eins viljað sjá
norðurljósin, sé þau bara heima hjá mér í vetur.

Jæja hætt þessu þrugli, við förum á Suðurnesin á morgun,
síðan verður haldið upp á 1 árs afmæli Sölva Steins míns á sunnudaginn.
Og eins og allstaðar er börnin eru svona lítil þá er fullorðna fólkið í meirihluta
svona eins og nokkurskonar ættarmót, það verður æðislegt.

Guð gefi ykkur öllum góða helgi.
Milla

Smá fréttir af mér.

Kæru bloggvinir ég er lifandi, stödd í borg óttans og hef það bara ágætt hér innanhús, en veðrið er ekki upp á marga fiskana.
Við erum hjá Ingó bróðir og Ingu mágkonu minni, og aldrei hefur það nú verið leiðinlegt, enda vakað fram eftir og kjaftað úr sér allt vit.
Er búin að borða aðeins meira en ég geri heima hjá mér en enga óhollustu.
Enda verður maður að passa upp á einhverja heilsu þegar geðheilsa þjóðarinnar er í molum.
Hef ætíð átt erfitt með að þola lygar svo það eru nú ekki margir ráðamenn sem eiga upp á pallborðið hjá mér núna, enda hafa þeir gengið ljúgandi um eins og þeir væru að drekka vatn.
Er samt búin að taka þá ákvörðun að taka þessu með öllu því æðruleysi sem ég á til, því það þíðir ekkert annað. Guð blessi okkur öll og hugið vel að börnunum.

Dóra og Englarnir mínir voru að hringja, þær voru á tónleikunum með Tinu Turner í gærkveldi og það var bara ólýsanlegt sagði hún og samt hefur hún farið áður, en núna voru þær á 6 bekk og nálægðin æðisleg, illa svikin verð ég ef hún hellir ekki yfir ykkur myndum er hún kemur heim.
Það þarf nú ekki að spyrja að því að þær eru búnar að klára allar vörur sem eitthvað er varið í í
Moll of Ameríka. þær báðu æðislega vel að heilsa öllum sínum vinum.

Það er víst best að fara að koma sér til mömmu, hún er nú ekki róleg yfir gangi mála blessunin,
en ég held að við séum nú búin að róa hana niður.

Eigið góðan dag kæru vinir.
Milla.

Hulduferð Millu alla leið suður til Keflavikur.

Þetta tókst gat þagað yfir þvi að eg var að koma suður með Doru og stelpurnar. skemmtilegt að koma þeim a ovart bloggvinkonum minum, hittumst a kaffi dus Kef i gærkveldi, frabært, þekkti
Ólu strax, vorum að vinna samtimis í flugstoðinni,og að sjalfsogðu Sillu vinkonu muna úr Sandgerði.
Vallý og Sommu hafði eg aldrei seð. Og nu verði þið að afsaka stafsetninguna finn ekkert sem við á í þessari tölvu. Allavega voða gaman hjá okkur.
Dóra var að hringja og það var verið að kalla út í vél, spenningurinn búin að vera þvílíkur, allt í óvissu með allt í þessari kreppu, en allt fór vel fyrir þær. Báðu vel að heilsa ollum sínum vinum. Við gamli ætlum bara að dóla okkur hér og í Reykjavik og bíða eftir þeim komum síðan heim næsta miðvikudag, að ég held. Mun láta heyra í mér af og til, en það er bara svo mikið að gera í heimsóknum og skemmtilegheitum, en við sjáum til
Kærleik til ykkar allra.
Milla

Fyrir svefninn.

það er von að þeir noti erfiðleikana til að fara fram á hin ýmsu
brögð, til að pína okkur skattborgara aðeins meira.
Gera þessir menn sér eigi grein fyrir því að nú er ekki hægt meir.
Jú jú bara alveg nauðsynlegt að framlengja samningana.
hef nú oft átt orð, en nú ekkert einasta fjandans orð.

                  Ljótum leik ei lokið er
                  leiknum ei snúið til baka
                  engin veit nú hvernig fer
                  fyrir þeim sem af á að taka.

Annars er ég bara góð, ég þarf að skreppa af bæ á morgun
þarf að aka Dóru minni og englunum mínum í flug til Akureyrar.
Síðan ætlum við gamli að dóla okkur eitthvað sniðugt,

komum örugglega seint heim svo ef ég er ekki orðin of þreytt
er ég kem heim þá tek ég smá sprett á tölvunni.

Knús til ykkar allra og eigið góða viku.
Milla.
                           Góða nótt.

Samantekt.

Sporðdreki: Munurinn á þér og hinum í liðinu er sá að þú kannt að hlusta á. Þú heyrir og skilur heildartilganginn og vinnur út frá því í stað þess að týnast í smáatriðum.

 
Ætli ég geti þá ekki bara orðið einræðisherra yfir landinu
okkar, get það alveg eins og Dabbi hef það líka fram yfir
hann að kunna að hlusta.

Geir segir  langan fund að hefjast, hann kemur eigi með
neina hugmynd að lausn mála á fundinn, en það sé það
sem þeir ætli að ræða. Eins gott að þeir ljúki þessu um
helgina, búnir að hafa of langan tíma í draumalandinu
og á meðan hefur fjöldi fólks ekki fyrir mat.

Talað er um hamstursáráttu landans, en það er nú bara
hjá þeim sem eiga peninga svo hræddir um að verða
matarlausir, ekkert skrítið eru vanir að hafa nóg af góðum
mat og aldrei að skorta neitt.
Annað er upp á teningunum hjá þeim sem ekkert eiga
þeir þurfa að þiggja mat sem að þeim er réttur.

Ekkjumenn binda sig fyrr heldur en konur eftir missi maka,
Æi, er nú ekki hissa á því.
Sumum vantar félaga, öðrum vinnukonu og kokk,
svo eru það þeir sem eru í vandræðum með litlu skinnin sín "Börnin"
Þeir höndla það mun ver en konur að vera einir.

Göngum til góðs gekk ekki eins vel og á síðasta ári,
er nú í raun ekkert hissa fólk á bara enga peninga,
en samt söfnuðust 8 miljónir í Reykjavík og það á eftir
að koma frá landsbyggðinni.
Væri ekki þjóðráð að nota þessa peninga innanlands
að þessu sinni, nei bara smá tillaga.

Eigið góðan dag.
Milla

Er það þetta sem við viljum?

Íslensk ungmenni eru mörg mjög skuldset

Íslensk ungmenni á aldrinum 16-20 ára skulduðu í ársbyrjun að meðaltali 246 þúsund krónur hvert. Samtals námu skuldir fólks á þessum aldri 6,698 milljörðum króna.

Þetta er ógnvænlegt að lesa, finnst okkur það bara í lagi
að 16 til 20 ára börn okkar skuldi skulda svo mikið?
Er engin ábyrgð í kringum þessi börn, og er þeim ekki
kennt að fara varlega með innkomu sína, því einhverja
innkomu hljóta þau að hafa, Eða er þeim bara veitt bílalán,
og yfirdrátt á Depilkortunum án nokkurra tryggingar.
Sem sagt öllum er sama bara ef þau fá það sem þau vilja
og í sumum tilfellum verður þetta að vera svona svo þau séu
inn meðal félagana.
hræðileg þróun.

Næsti aldurshópur fyrir ofan, 21-25 ára, skuldar samtals 48,562 milljarða sem nemur um 2.515.000 krónum að meðaltali á mann. Skuldirnar samanstanda m.a. af bíla- og námslánum auk kreditkortaskulda.

Já auðvitað heldur vitleysan áfram þau eru alin upp við lántökur.
Ég er nú ekki að tala um námslánin þau verður víst að taka nema
þau séu í því betri vinnu yfir sumarið og eigi góða að.
Nú veit ég um ungt fólk sem á bara gamla bíla og gengur ekki í
dýrustu tískufötunum og þau eru ekki með Kreditkort.
Er alveg nauðsynlegt að slá svona um sig eins og sumir gera?
Það er ekkert skrítið að unga fólkið sé stressað.
Vonandi blessast allt hjá þeim í framtíðinni.
               Eigið góðan dag.

 

Íslensk ungmenni eru mörg mjög skuldsett

Fyrir svefninn.

Frábær dagur að vanda, ég sótti ljósálfinn í skólann klukkan 12
síðan fórum við að versla í kvöldmatinn og fékk hún að velja,
valdi Tackó. afi sótti svo litla ljósið á leikskólann um tvö leitið.
Pabbi þeirra er að sjálfsögðu á sjávarútvegssýningunni og mamma
þeirra fór á Eyrina með vinkonum eftir vinnu.
Nú eru systur að horfa á eina mynd saman svo tek ég litla ljósið og
les fyrir hana eina sögu og hún sofnar eins og ekki neitt.
Ljósálfurinn ætlar að vaka eftir mömmu sinni.

        *************************************

Þá kemur grín kvöldsins.

Fyrir nokkrum árum hóf Svavar Gestsson máls á því við
Ragnar Arnalds að hann væri að hugsa um að fara út á
land að kenna.
"Blessaður vertu, þú ferð nú ekki að hola þér niður á
einhverju krummaskuði úti á landi," sagði Ragnar.
" Nú en varstu ekki sjálfur að kenna á Siglufirði?"
spurði Svavar.
" Það er nú allt annað mál," Svaraði Ragnar.
" þar var eldgamall Þingmaður."

          *******************************

Gamlar vinkonur sem búið höfðu í sitt hvorum landshluta
og ekki hist í 15 ár, hittust óvænt á Laugarveginum.
"Guð ég ætlaði ekki að þekkja þig," segir önnur.
"þú hefur elst svo mikið."
" Ég hefði nú aldrei þekkt þig nema bara af kápunni,"
svaraði sú sem að fyrri var til að heilsa.

          Jósep aldrei finnur frið
          fyrir kvenseminni.
          Í gröfinni mun hann gugta við
          götin í líkkistunni.
               Höf. ókunnur. Engin furða.

                              Góða nótt

Við verðum að berjast!

Bubbi Morthens. mbl.is/Ómar

Bubbi boðar til mótmæla

Bubbi Morthens, tónlistarmaður hvetur almenning til að koma saman
á Austurvelli klukkan 12 á miðvikudaginn og láta ráðamenn vita að
þjóðin vilji að þeir geri eitthvað.

„Eða eigum við að láta krónuna og ráðamenn leiða okkur sem lömb 
til slátrunar. ...þið munuð öll, þið munuð öll deyja, ef ekkert verður gert,"
segir í tilkynningu frá Bubba.

Ég veit að þetta er frétt síðan í gær, en góð vísa er aldrei of oft kveðin.
Þetta er sko góð vís, það er löngu orðið tímabært að mótmæla.

Viljum við láta koma svona fram við okkur?
Viljum við þola það misrétti sem okkur er sýnt?
Viljum við missa allt sem við eigum?
Viljum við láta tala við okkur eins og þurfalinga?

Þá meina ég ekki bara húsin, bílana og ef við eigum aðrar eignir
eða fyrirtæki, þá það líka.
Ég er að tala um sjálfsvirðinguna því hana missum við er maður getur
eigi rönd við reist þeirri hrikalegu aðför sem er að dynja á okkur núna
ef við gerum ekki neitt.
Þeir sem eiga ekki neitt eins og við þessi lægst launuðu munum samt
missa æruna, flest erum við með einhver lán og er við eigi getum borgað
þau þá verðum við gerð gjaldþrota allavega förum í árangurslaust fjárnám
og um leið á svarta listann og þá erum við úti með allar fyrirgreiðslur.

Fólk sem er á þessum lista er talið ÚRHRAK.

Ég skora á alla sem eitthvað hugsa (og komin tími til að hugsa)
að mæta fyrir sjálfan sig á Austurvöll með Bubba.
Og svo á bara að halda áfram, ekki að gefast upp.
NEMA AÐ ÞIÐ VILJIÐ DEYJA OFAN Í KLOFIÐ Á YKKUR.
                          Eigið góðan dag.
                            Milla.

Bubbi boðar til mótmæla

Fyrir svefninn.

Munið þið ekki eftir henni Gróu á leiti? Jú allir muna hana,
því allar götur hún er við líði.
Áður og fyrr gekk hún á milli húsa og sagði sögur, sem allir
gleyptu í sig og sögðu síðan áfram á næsta mann.
Í sveitasímann vogaði hún sér samt að litlu leiti þó að gaspra,
en er síminn kom, sem engin gat hlerað,
þá fékk hún byr undir báða vængi
og sögurnar flæddu út um allt.
Á blogginu verður hún Gróa að vera vör um sig, því þar má ekki
segja gróusögur, en er skilaboðin komu þá fékk hún aftur byr undir
báða vængi og sagði sögur, en Gróa fattar ekki að allt sem hún segir
kemur ætíð í bakið á henni, svoleiðis hefur það verið frá alda öðli.

Jæja í grínið.

Þegar Jón Thoroddsen var sýslumaður Borgfirðinga, höfðaði ung
stúlka barnsfaðernismál og bar það fyrir réttinum að meintur
barnsfaðir hefði sorðið sig sitjandi.
Af því tilefni kvað Jón:

                  Lýðir gera það liggjandi.
                  Lukkast má það standandi
                  en sóðast við það sitjandi
                  sýnist mér varla formandi.

Þessi lýsir best hug flestra karlmanna.

Jafnréttissinnuð menntaskólastúlka talaði mikið um jafnréttis
og launamál á heimili sínu og fannst mikið óréttlæti í því að
konur skyldu ekki fá sömu laun fyrir sömu vinnu.
Pabba hennar var farið að leiðast þófið og sagði:
"Ef þú endilega karlmannslaun, hvers vegna giftir þú þig þá ekki?"

                               Góða nótt.

Frygðarauki í formi eista

Þetta er kokkabókin sem mun verða vinsæl í kreppunni,
vona að þeir hækki ekki eistun upp úr öllu valdi á sláturhúsunum,
en ef þið ekki vitið er hægt að fara í sláturhúsin og kaupa eistu
eða allavega var það svoleiðis.

Nú þetta er ódýr matur, en aldrei hefur mér funndist hann
girnilegur, en kannski er hann frigðarauki fyrir karla, en ég
taldi það vera ástkonunnar að veita frygðaraukann.

Puff að maður skuli vera svona grunnvitur.

þekkti fyrir margt löngu konu að vestan sem keypti sér hrútspunga
síðan voru þeir verkaðir og sviðnir bara eins og sviðin, saumað
fyrir gatið soðið og borðaði hún síðan með bestu list með kartöflum.


Kannski eru þetta fordómar í manni að vilja ekki borða, svona að
annara mati, gyrnilegan mat.
Kannski maður prófi, ódýrt, allavega frygðarauki fyrir karlinn.

                                   Verði ykkur að góðu.

Karlmannleg kokkabók

Fyrir svefninn.

Er ekki bara best eftir allar gleðifréttirnar undanfarna daga
að halda bara áfram í gríninu, eða hafa kannski ekki verið
neinar gleðifréttir?
En samt fáið þið grín.

Stúlka ein fékk dágóða peningaupphæð í happadrættisvinning
og var miðin númer 51.
Einhver spurði hana hvort hún hefði dregið þetta númer eða valið.
" Valið það," svaraði stúlkan, " Mig dreymdi sjö nætur í röð
töluna sjö, og sjö sinnum sjö eru nú einu sinni fimmtíu og einn,"
sagði hún hróðug.

Tveir fermingardrengi, ræddu um " Faðir vorið" og merkingu þess
og fannst öðrum það óþarfi að hafa yfir daglega,
gef oss í dag vort daglegt brauð, vikulega væri nóg.
Hinn var ekki á sama máli, því hann taldi það nú alltaf best nýbakað.

                     Þessi er ekki fyrir viðkvæma.

                        Gamall húsgangur:

                     Sjálfs manns höndin hollust er.
                     Hér er sönnun fengin.
                     lekanda úr lófa sér
                     liðið hefur enginn.

                                           Góða nótt.

Einræðismóðir.

Hef oft hugleitt, hvernig móðir sem hefur tögl og haldir á öllum
fjölskyldumeðlimun sé innrætt. Er hún með svo háa stjórnunaráráttu
að hún ráði ekki við sig eða er hún eitthvað veik?

Mér dettur í hug mynd sem ég sá fyrir margt löngu um Kónguló eina
afar sérstaka og baneitraða, hún kom sér fyrir í útihúsi á bæ einum,
ungaði út tugþúsundum af þjónum sem gerðu allt sem hún skipaði
þeim að gera, og það var aðallega fólgið í því að drepa fólk.

Ég ímynda mér einræðismóðurina sitjandi inni í sínu virki skipandi fyrir
allt eftir sínum hentugleikum, það skipti hana engu máli hversu miklu
hún tortímir bara ef hún fær sínum hvötum fullnægt.
Hennar hvatir eru aðallega hefnd og við hverja hefnd fær hún fullnægingu
sem ekki varir lengi, og eftir stundarkorn er hún farin að huga að næstu hefnd.

Þjónarnir standa inni í sínum básum og bíða eftir skipunum dagsins,
er þær koma eru þeir eldsnöggir að uppfylla skipanir Einræðismóðurinnar,
því annars eru þeir úti í kuldanum.

Það er hægt að drepa fólk á svo margan hátt, nú bara hreinlega að drepa það
og síðan er hægt að gera það atvinnulaust, taka af því æruna, húsið, bílinn og
fyrir rest fjölskylduna og kærleikann, þá er allt farið.

Verst er með Einræðismóðurina að hún breytist aldrei.

Er bara föst í hugleiðingum.

Það gat nú svo sem verið!!! en bót í máli að þetta er náttúrulegt.
Sko ég meina nýja meðalið sem á að fara að þróa við risvandamálum.
Kennið frekar mönnum að hugsa jákvætt og borða hollan mat.
Undantekning þó ef menn eru eitthvað veikir, og það er ekkert grín.
Mér dettur í hug er maður kemur að dyrum á verslun eða hvaða
byggingu sem er, þá stoppar maður og er svo alveg hissa ef þær
opnast ekki sjálfkrafa fyrir manni.
Maður er orðin svo vanur því að vera mataður á því sem manni vantar
að meira að segja kynlífið á að vera háð pillum.
Það þarf að prófa allt annað fyrst og það er ýmislegt hægt

Bíddu aðeins elskan, þarf að taka pillu, verð tilbúin eftir hálftíma

               Gátu ekki lent í Lesbos.

Hafið þið heyrt annað eins það var bara engin starfsmaður í
flugturni er tvær farþegavélar áttu að lenda á eyjunni Lesbos
á Grikklandi. Hvað ef vél hefði þurft að lenda vegna bilunar?
Er þetta nú ekki alveg innan úr kú,  skildi ætla að það alla vega
svona 50 ár aftur í henni.

Sjóðir Glitnis opna aftur í dag og ljóst er að ávöxtun sjóðs 9
hefur lækkað um 7%.
Hvaða plott fáum við upp á borðið næst?

Eigið góðan dag kæru vinir um land allt.
Milla

Fyrir svefninn.

Merkilegt að þrátt fyrir að ég sjái ekki ljós í peningamálum
sé alveg föst, get ekki selt bílinn og ef ég ætla að láta hann
upp í annan þá þarf ég að kaupa dýrari bíl það get ég ekki
því ég vill minka greiðslubyrðina. Ef ég mundi lengja lánið
þá er ég að tapa peningum því það er svo dýrt að skuldbreyta
og ég er bara að minka greiðslubyrðina um 1.500 krónur á
mánuði, glatað, en þrátt fyrir þetta og margt annað þá er ég
svo glöð alla daga,
þó ég hafi uppgötvað að miljón króna lánið
sem ég er með og er að borga 21.000 af núna, en fyrir ári var
ég að borga 10.000 pr. mán og er ég verð búin að borga það
samkvæmt núverandi útreikun þá verð ég búin að borga 2,4
miljónir. hlægilegt er það ekki?
En ég er glöð því að í raun er ég afar rík.
Ég á kærleikann og alla þá gleði sem honum fylgir, börnin mín
og barnabörn sem færa mér allt sem ég þarf og auðvitað á ég
líka Gísla minn. Svo var ég svo lánsöm að fá að leiðbeina fólki í
Setrinu sem færir mér mikla gleði.
Þið ættuð bara að vita hvað það er gaman hjá okkur.


Góðborgarasonur í reykjavík, sem aldrei vann ærlegt handtak
á sumrin ákvað eftir 5. bekk í menntaskóla að drífa sig nú í
sumarvinnu þvert á vilja foreldra sinna.
Fékk hann pláss á togara og fór móðir hans með honum um borð.
Hún var áhyggjufull yfir aðbúnaðinum um borð,
snéri sér að skipstjóranum og spurði:
" Fær hann ekki huggulegt herbergi að búa í?"
" Jú jú, að sjálfsögðu, frú," sagði skipsstjórinn.
" Meira að segja með glugga á móti suðri."

                          Góða nótt.

Hugleyðingar.

Erfiðir gjalddagar framundan hjá Glitni alveg merkileg frétt
með tilliti til þess að allur þorri landsmanna er í erfiðleikum
með sínar afborganir og bara að lifa yfirleitt.

En var þetta nauðsynlegt, var ekki bara hægt fyrir ríkið að
ganga í ábyrgð fyrir þessu láni sem Glitnir fékk ekki frest á.
Og stór spurning hver átti það lán, hver neitaði þeim?

54 vilja stíra Landsvirkjun er nú ekki undrandi á því,
góð eru launin.

Og þar kom að því sem búið er að vera í loftinu mjög lengi
sameining Landsbanka Íslands og Glitnis, verða þeir ekki
sterkari við það? Bara spyr.
En hvað skildu margir missa vinnuna sína við þá sameiningu?
Vitið þið að ég tel að þarna sé um vel ígrundaða aðgerð að
ræða og sé fyrir löngu búið að undirbúa hana.
Eða er ég kannski svolítið græn?

Svo innilega ætla ég að vona að Stoðir haldi velli.
Við megum bara ekki við svona hruni endalaust þó að ég geri
mér alveg grein fyrir því að fækka þarf verslunum þá eigi á
þennan hátt.
Bónus verður að halda velli, hvað eigum við að gera án þeirra sem
hafa haldið í okkur lífinu með lágu vöruverði frá því að þeir byrjuðu.

Fyrirsjáanlega ruglið heldur áfram. Jón Magnússon orðin formaður
þingflokks frjálslynda flokksins og Kristinn H. að sjálfsögðu ekki
glaður með það. En hann Jón hefur verið glaður með þetta ætlunarverk sitt.
Að mínu mati þá áttu þeir báðir að víkja og breytingarnar í flokknum eru bara
rétt að byrja, sjáið bara til.

Já Já fyrsti snjórinn komin niður á tún og glittir á hann í smá sólarglætu
sem reynir að brjóta sér leið út úr muskuðum himni, smá rok er, en
það er ekkert miðað við það rok sem viðhelst í gjörningum hér á landi.

                       Eigið góðan dag góðir landsmenn.

Fyrir svefninn.

Það er búið að vera svo gaman í dag, hitti hóp af fólki
sem var til í umræður af léttara taginu um ástandið í
landinu, auðvitað er ástandið hræðilegt, en samt var
mikið hlegið og gert grín.
Svo ég held að ég haldi mig við grínið.

Fyrir all mörgum árum varð mikill úlfaþytur út af grein sem
birtist í vikunni um greinar bókmenntafræðinga um
atómskáldskap tveggja ungra blaðamanna,
og gerðu þeir lítið úr þeirra skáldskap.
Þá orti einn húmoristinn:

           Dæmi sig hinn dóma strangi
           dárann mesta í glópa flokki.
           Alltaf hefði Mera-Mangi
           munurinn þekkt á skeiði og brokki.

Hallur heitinn hallson tannlæknir, ætlaði eitt sinn að fá bíl
hjá Steindóri, en engan bíl var að hafa. Allir voru þeir uppteknir.
Halli var farin að leiðast biðin og vildi nú fá bíl strax.
Steindór, sem þá var á lífi, sagði þá við Hall:
" Hallur getur þú dregið tönn úr tannlausumkjafti?"

                       Góða nótt.

Lá við að ég ældi morgunmatnum!!!

Ekki gott að æla morgunmatnum, en lá við í morgun,
hvernig er hægt að lýða svona orðaleppa og það á Alþingi?

Las í morgun orð Péturs Blöndal formann efnahags og skattanefndar
í Fréttablaðinu um félagslega aðstoð við skuldara í landinu.

Þar segir hann: ,, Alveg eins og ríkið sker upp krabbameinssjúklinga
sem hafa reykt tóbak alla ævi, mætti athuga hvort félagsleg úrræði
þurfi til að hjálpa þeim sem af eigin vangá farið illa út úr því að taka
áhættu og lent í hruni gengis og hlutabréfa.

Þessi maður er ekki í fyrsta skipti að niðurlægja þá sem eiga í erfiðleikum,
til dæmis eins og hér um árið er hann sagði aðalvanda ellilífeyrisþega
vera þann að annað hvort drykkju þeir of mikið eða að þeir hefðu skrifað
upp á fyrir börnin sín og það fallið á þau. allt þetta er bara ólýðandi
dónaskapur og mannfyrirlitning.

Hann vogar sér að bera saman alvarlegan sjúkdóm og fjárhagserfiðleika
fólks, þó það fari oft sama, en ríkið borgar, en hver borgar þessum mönnum
laun eru það ekki við skattgreiðendur þessa lands.
þarna skaut hann langt undir beltisstað og er það hneysa fyrir hann,

Það er fullt af fólki sem fær krabbamein þó aldrei hafi reykt eða drukkið.
Og allavega fer hinn almenni borgari ekki af eigin vangá illa út úr því
að taka áhættu við nefnilega treystum því að það yrði stöðuleiki, en
það reyndist ekki vera, vextirnir hafa hækkað svo að lifibrauðinu er
kippt undan fólki.

Hann talar einnig um að það mætti jafnvel gefa fólki áfallahjálp sem
lendir í gjaldþroti.( Svo segir hann eins og hann viti eitthvað um það.)
því það geti verið mjög alvarlegt og leitt til sjálfsmorðs.

Er hann fyrst að komast að því núna að það er víða pottur brotinn í
sálarlífi fólks, nei hann er ekki að komast að því því hann hefur engan
áhuga á að vita það, hann talar bara á stundum of mikið um það sem hann
hefur ekki kynnt sér, eða þannig virkar það á mig.

Að auki kom til greina að veita almenna fræðslu í fjármálum.

Um hvernig er samið við kröfuhafa og unnið úr slæmri stöðu eða gjaldþroti.
,, Við borgum auðvitað ekki skuldirnar fyrir fólk, þá værum við að hvetja til
ábyrgðarleysis, en við gætum reynt að milda afleyðingar áhættuhegðunar."
Segir hann.

Hann segir einnig álitamál hvort ekki megi draga til ábyrgðar þá sem
kunna að hafa hvatt fólk til áhættutöku, til dæmis með erlendri lántöku
og við íbúðarkaup.
Nefnir hann sem dæmi fasteignasala og bankastarfsmenn.

Hefur eyra ykkar nokkurn tímann numið aðra eins vitleysu?
Hvernig á að draga þetta fólk til ábyrgðar fyrir það sem yfirmenn
þeirra boða þeim að gera hverju sinni.

Það er að mínu mati gert eins lítið úr fólki sem nokkur maður kann að nefna
í þessari grein, en maður ætti kannski ekki að hlusta, en gerir það samt.

                                 Eigið góðan dag.