Til hamingju krakkar.

Verð að viðurkenna það að þau heilluðu mig,
þau Regína Ósk og Friðrik Ómar með sinni öruggu og heillandi
framkomu þau eru flottir söngvarar og yndisleg í alla staði.
Munu og eru Íslandi til sóma.
Til hamingju enn og aftur og farið vel með ykkur.

„Ísland getur unnið Evróvisjón"

Fyrir svefninn.

Í gær fóru snúllurnar mínar heim til sín,
voru búnar að vera hjá ömmu síðan á mánudag.
þeim gekk að vanda vel í prófunum og er ég afar stolt af þeim.
En þær þurftu heim til að undirbúa veisluna fyrir daginn í dag, 
því 17 ára eru þær orðnar.

Á meðan afi ók þeim fram í Lauga var ég að passa litla ljósið mitt
vorum við að fá okkur að drekka, spjalla, lita og horfa á
Disney-land, ég fór að segja henni að einn maður hefði búið til allar
þessar myndir, en svo hefði hann verið orðin gamall og dáið.
Þá segir hún: ,, Amma þú og afi eruð bara svona venjuleg".
Tók svo utan um ömmu sín og knúsaði mig elskan litla.
Það er sem sagt eins gott að passa hvað maður segir.

Í dag var haldið fram í Lauga , komu þær að sjálfsögðu
Íris og Milla með sínar dætur, og mikið fjör var í bænum.
fengum okkur smá kaffi meðan beðið var eftir matnum og kom
Valgerður skólastýra upp í kaffi til okkar, heilmikið spjallað
rætt var um mat, nöfn og margt skemmtilegt.

Við fengum að borða svínalundir gratíneraðar kartöflur og
sveppasósu, það var æðislega gott.
Á eftir fengum við brúntertu með frostkremi og perutertu
og það sem öll börn vilja svona  Rise eitthvað ógeðfellt í formun.

Síðan var horft á Eurovision og var mikill fögnuður hjá börnunum 
dansað var og sungið í stofunni hjá Dóru minni,
við mæðgur fórum bara fram í eldhús.

En sem sagt fyrir 17 árum fæddust fyrstu barnabörnin mín
og gerðu mig að hamingjusömustu ömmu veraldar,
og aldrei hafa þær annað en verið yndislegir gleðigjafar
í mínu lífi. Takk fyrir mig snúllurnar mínar og megi guðs englar
vernda ykkur um alla framtíð.
                                                     Góða nótt.
                             
                             

Hver er mesta ógnin? Jú, afskiptaleysið.

Mér þykir viðtalið við Anni Haugen, sem er að koma af stað
þriggja anna diplómanámi í barnavernd við félagsráðgjafaskor
Háskóla Íslands með eindæmum gott fyrir okkur að líta augum.

Ég er nefnilega búin að út tala mig um þessi mál hjá vinum
og vandamönnum í áraraðir, en ekki fengið neinar undirtektir.
Því margir taka umræðu um þessi mál sem árás á uppeldið á
sínum börnum, en þetta er bara fræðsla sem öllum er holl.

Anni hefur starfað að barnaverndarmálum á Íslandi árum saman,
en þeir sem koma að þeim málum eru um 100 manns.
Þessi mál þyngjast, hópur foreldra, sem stríðir við geðræn vandamál,
neyslu, fátækt og er illa statt í þjóðfélaginu, hefur aukist og barna
vandamálin þar af leiðandi erfiðari og stærri.

Það verður að efla fræðslu til foreldra, því ekkert foreldri vill barni
sínu það að því líði illa, og foreldrar verða að opna sig fyrir því að
taka á móti hjálpinni sem býðst, og hún verður að vera á
jafnréttisgrundvelli. Foreldrar hafa lítið með fólk að gera sem
lítur niður á það.

Við erum nokkurn veginn byrjuð að þora að sjá kynferðisofbeldi
og gera eitthvað í þeim málum. Góð á okkur þessi setning.
Miklu minna er talað um vanrækslu, börn sem eru vanrækt eru miklu fleiri
en þau sem verða fyrir ofbeldi. Vanræksla getur verið bannvæn.
Þetta sjónarhorn er dregið fram á ráðstefnu sem nú stendur yfir í R.

Hvernig væri að halda skildu fyrirlestur fyrir foreldra til að kynna
hvað vanræksla er.

Anna segir að það vanti rannsóknir og yfirsýn yfir ýmsa þætti barnaverndar,
svo sem umfang vanrækslu og hvernig úrræði reynast.
Vanræksla er bæði innan heimilis og utan.
Hún getur legið í þjóðfélagsgerðinni, er vinnutími er langur, skortur á fjármagni
þá kemur þekking þeirra sem að málum koma miklu máli.
Kerfið hefur líka vanrækt skyldur sínar eins og breiðavíkurmálið og önnur skyld mál
sýna glögg dæmi um.

Hvernig væri að allir mundu leggjast á eitt, og vinna saman að barnaheill.
Hætta að etjast um völd og hver eigi að gera þetta eða hitt.
Bara leysa málin. Okkur tekst það í samvinnu við hvort annað.

Hef oft hugsað er ritað er um mál sem fólki finnst óþægileg, finnst því
ekki koma þetta við eða þetta sé nú bara ekki svona slæmt.
Þá er ekki bloggað um málið, hvað þá kommentað.
En umfram allt umgangist hvort annað í kærleikanum.

Vanræksla er versta ógnin

Fyrir svefninn.

Konni var maður nokkur kallaður, sem var um skeið
í Vestmannaeyjum.
Hann gerði jafnan mjög lítið úr Vestmannaeyingum.
Einu sinni var hann að niðra Lofti Guðmundssyni,
sem þá var kennari í Eyjum, og sagði að hann yrði aldrei skáld.
,,Ekki er þó Loftur Vestmannaeyingur," segir þá einhver.
,, Nei en það er sama sem, hann er frá Þúfukoti í Kjós,"
segir Konni.

                                 Árið 2988.

                 Undir flöktandi turnum skýanna
                 bergmálar hlátur óttans inní síðasta trénu.
Plánetan sem elskaði,  Plánetan sem var elskuð, Pláneta vor deyjandi.
Tortímt af sínum eigin börnum, er í fáfræði vísinda og trúað deyja líka.
Á meðan harðir vindar blása til endaloka lífsins safnast eitruð gasský
til fundar afskræmdra ásakana er skýla sér undir sýrumettuðu
hafsborðinu og vona að vægðarlaus grimmd sólargeislanna finni þá ekki.
Í tóminu andvarpar hryggðin í takt við þjáningu Plánetunnar er finnur
sitt síðasta strá fjúka burt.
                Ekkert  eftir  ---  bara  eyðimörk  ---  Ekkert  eftir.
                Ógnvænleg örlög stara máttvana, titrandi á tímann
                fjara út til stjarnanna, til barnanna er sofa í
                silfurlituðum boxum undir eftirliti sektarinnar.
                  Þar ferðast vonin  á brott frá heimskunni
                  til nýs tíma í öðru rúmi, til endurfæðingar
                               mannúðar og hreinnar
                                           visku.
                                             En
                                           eftir
                                          liggur
                                          fórnin
                                            og
                                        andvarpar
                                 í hinsta sinn og deyr!
                              Móðir vor pláneta  JÖRÐ.
                                                
                                               Arnoddur Magnús Valdimarsson.

                                                                 Góða nótt.

Er nú ekki vön, en Diaz er, já hvað?.

Maður skellir sér bara í háa hæla segir Diaz, það sé það
eina sem þurfi til að laða að karlmenn.

Ég mundi nú segja að göngulagið skipti sköpum,
þeir geta ekki staðist eggjandi göngulag og gangast
vel upp í því.
Allir vita að er á háu hælana er komið þá stinnast
kálfar, læri  og þeir þurfa ekki meira.
kynórarnir fara á fullt.

Diaz er heldur betur sátt við  lífið, þá ekki síst við að
vera laus og liðug.
Hún segir ,, Karlmenn eru frábærir".
                ,, Kynlíf er frábært bætir hún við".

Það er nú engin nýlunda svo framarlega sem konur velji
sér ekki sérhlífna bólfélaga,
þið vitið stelpur þá þarf að aga og kenna,
en sumir eru nú of stórir upp á sig til að taka við því,
þeir kunna þetta allt miklu betur en konan.

Á alvarlegri nótum segir hún að konur eigi ekki að velja sér karla
sem vilja bara ungar konur.
Það er nú bara vitað mál, ef konur ætli sér að velja karlmann til
frambúðar. " Eða þannig".

Fólk heldur að maður sé ófullkominn einhleypur, O nei
málið er það að ég vill ekki vera með karlmanni sem
gerir mig ófullkomna.

þetta finnst mér vera vel orðað, hef allt of sjaldan heyrt konur
segja þetta. það liggur í hlutarins eðli að kona sem er
ekki fullnægð og fullkomnuð í sínu sambandi verður að
mús ef hún gerir ekkert í því.

Og stelpur!!! Ef þið fáið ykkur ungann fola, farið þá ekki inn í
ástina með honum, njótið hvors annars kröfulaust
punktur basta.

Táldregur karlmenn með háum hælum

Fyrir svefninn.

Björn Olsen rektor var eitt sinn að lesa upp sindaregistur
pilta þeirra, sem mest höfðu skrópað um veturinn,
því um það var hann var hann nákvæmur í bókhaldi.
Jóhann Gunnar Sigurðsson hafði þá tekið sjúkdóm
þann, berklaveiki, er síðar leiddi hann til dauða
og vantaði því oft í skólann.
þegar var komið að honum á listanum, segir rektor Olsen:
,, Og svo er það hann Gunnar Sigurðsson, hann hefur
verið fjarverandi í fimm vikur samtals,
en það er nú alvarlegra með hann, sem betur fer."

                        Til minkunnar.

                Helst til mörgum hér og þar
                hált er lífs á stræti.
                Mönnum er til minkunnar
                mont og yfirlæti.

                        Á hlutaveltu.

               Ég hjá konum alltaf á
               eitthvað gott í vonum.
               Dýrðlegt er að dvelja hjá
               ,, dráttarkerlingonum".

                                Góða nótt.

Hvað gefa þær af sér til þjóðarbúsins.

Ekki hef ég mikið vit á því hvort þær eru réttmætar,
eður ei Hrefnuveiðarnar.
Talað hefur verið um að veiða verði þær sökum þess sem
þær borða.
Að þær borði frá þeim fiski sem við þurfum að veiða okkur til
framfæris og matar.

En hér áður og fyrr var ekki veitt nándar nærri svo mikið
sem veitt hefur verið undanfarin tuga ára,
svo helst þetta ekki allt í hendur?,
ofveiði sem stunduð hefur verið af mannavöldum,
versnandi skilyrði fyrir fiskin í sjónum og minnkandi hvalveiðar,
og svo margar aðrar ástæður sem ég hef hreinlega ekki
vit eða nennu til að telja upp.

Langar að vita.
Hvað eru Hvalveiðar að gefa okkur mikið í þjóðarbúið?.
Hvað er til mikið kjöt síðan í fyrra?.
Hvað margir borða Hvalkjöt núorðið?.
Til hvers er verið að halda úti rannsóknarveiðum ef
flestir eru hættir að borða þetta kjöt.

Spyr ein sem ekki hefur mikið vit á þessum málum, en
hefur það á tilfinningunni að það sé verið að stunda
þessar veiðar, bara af því að það hefur ætíð verið gert.

Óánægja með hrefnuveiðar

Frétt í 24 stundum. Baðvörður fær áminningu.

Það sem stendur í blöðunum hlýtur að mega skrifa um.
Baðvörður fær áminningu.

karlmaður sem starfar hjá ITK sem baðvörður í Kópavogsskóla
hefur verið áminntur fyrir að hóta ungum drengjum að mynda þá
í búningsklefa Íþróttahúss skólans í október,
notaði hann til þess síman sinn, sem hann otaði að þeim.

Tilkynning þar af lútandi barst skólayfirvöldum, frá foreldrum
drengjanna.

Maðurinn ekki starfsmaður skólans.
Málinu vísað til Íþrótta og tómstundaráðs Kópavogsbæjar.

Umræða um málið fór fram hjá foreldraráði, en þeim ekki tilkynnt
um málið með formlegum hætti.

ITK. boðaði manninn á sinn fund,
hann virtist ekki hafa tekið myndir í búningsklefa skólans.
Hann mundaði bara myndavélina og hótaði að mynda unga drengi.
Engar slíkar myndir fundust í símanum, en síminn var myndavélin.

Hann á ekkert með að mynda í búningsklefanum,
en þar sem ekkert liggur fyrir um að hann hafi gert það,
fékk hann bara áminningu um að svona mætti ekki gera
ef það kæmu upp svona atvik aftur væru það endalok hans
í starfi.
Sagt er að um dómgreindarskort og smekkleysi af hæðstu gráðu
sé að ræða.

Menn sem yfirleitt hugsa það að framkvæma svona lítilsvirðingu,
og hótar síðan drengjunum, af hverju var hann að hóta þeim?,
voru þeir ekki nógu fljótir, það eru þeir aldrei, 
það  þarf að nota tækni við að tala þá til.
Sér í lagi þessir yngstu, þeir eru svo óöruggir með sig
litlu snúðarnir.

Maðurinn er boðaður á fund, hann fær áminningu, HALLÓ!
Maður sem er með þennan dómgreindarskort og smekkleysi,
eins og þeir kalla þetta, en að mínu mati siðlaus á öllum sviðum
getur ekki breytt sínum hugaróróa, nema með hjálp.
Á meðan maðurinn er að fá hjálp við því sem hrjáir hann
á hann ekki að vera innanum það sem skapar meinsemdina hjá honum.
Það er engin vandi að eyða myndum úr síma.

Þeir sem fara í áfengismeðferð eru ekki innanum vín á meðan á meðferð stendur.
Það er eins með þetta.

Sem betur fer ætlar foreldrafélagið að fjalla nánar um þetta,
sem allir vita að er afar viðkvæmt en brýnt að tala um og
opna sig fyrir óhugnaðinum sem er allstaðar í kringum okkur
og við ekki viljað sjá eða vita af.

Ég segi vita af, því ef þú talar eða ritar um eitthvað sem fólki 
þykir óþægilegt, þá ræðir fólkið ekki þau mál.

En þetta snertir okkur öll. Góðar stundir.

Fyrir svefninn.

Brynjólfur Kúld var gáfumaður, en ofdrykkjumaður
seinni hluta ævinnar.
Þegar hann var á túr, smakkaði hann stundum ekki
mat dögum og jafnvel vikum saman.
Einu sinni náði kunningi hans honum inn til sín og rak
hann til borðs með sér.
Þegar Brynjólfur var farinn að borða, segir hann:
,, Andskoti skal það nú annars gera manni gott að
smakka mat, svona einstöku sinnum."

              Í Hnappadal.

        Hnappadal ég horfi á
        hann mér arma rétti.
        Þar ég heimasætur sá
        sex á einu bretti.

            Kveðið um kunningjana

        Þú hefur illa ekkert gert
        öðlast hylli að vonum,
        sízt mun spilla að þú ert
        einn af snillingonum.

                               Góða nótt.

Einkaþota Saxo Bank.

Ja hérna á nú ekki til orð geta þeir verið þekktir fyrir
að koma til Íslands?.
Búnir að móðga okkur opinberlega, koma svo og segja að
þeir beri ekki kala til Íslendinga.
Það er nú hreinlega ekki í lagi með suma.

Getur það verið að þeir séu hræddir greyin,
eða að þeir geti haft gott af okkur á einhvern hátt?.

Berum ekki kala til Íslands

Ja hérna, Útlán of lítil.

Útlán séu of lítil, hefði haldið að maður þyrfti að biðja um lán
til þess að bankarnir veittu manni það.

þarf ekki að borga lánin sem maður tekur tekur?
Jú þess vegna biður maður ekki um lán,
maður hefur ekki efni á að borga af þeim.
Enda verða gjaldþrotin mikil og stór núna.

Útlán of lítil

Er þetta list?

En þetta er ekki nektardans þó þetta sé ekki list í mínum augum.
Datt í hug að þetta væri smellin hugmynd af nýju skemmtiatriði
á herrakvöld hestamanna í framtíðinni.
Koma inn ríðandi á hesti, fara nokkra hringi
þá væri bara hægt að kalla það listgjörning.
Vona að þið lesið þetta kæru hestamenn.

Andstæður í Hafnarhúsinu

Vikið frá störfum / v óviðeigandi hegðunar.

Kennara vikið frá störfum vegna óviðeigandi hegðunar
gagnvart stúlkum í 9. og 10. bekk.

Málið kom á borð umsjónakennarans 11 janúar þá höfðu
komið kvartanir frá nemendum vegna hegðunar kennarans,
hafði hann meðal annars verið með mynd af einni stúlkunni
sem hann kenndi á skjáhvílu í tölvunni sinni.

                          Takið eftir!
Talað var við kennarann og hann beðin um að breyta hegðun sinni.

Mánuði seinna kom móðir með dóttir sinni til umsjónakennara
vegna atviks í lok kennslustundar vikunni áður.

Að mínu mati átti að víkja þessum kennara strax frá störfum.
Héldu menn að hann mundi láta af sínum hvötum út á eitt tiltal?.
Héldu menn að það væri ekki siðlaust að bjóða stúlkunum upp
á kennslu frá þessum manni oftar?.
það hlýtur að hafa verið komið nóg er þær klaga stúlkurnar.

þarna er í raun sagt við alla aðila verið bara góð og lagið þetta
eins og um smábörn sé að ræða.

Þarna átti sér stað mikil lítilsvirðing gagnvart stúlkunum.

Merkilegt er, að það þurfi fordæmi í menntasviðið til að taka á svona málum
og engin ferill þil að fara eftir, Skondið, það er nefnilega hægt að hringja
í barnaverndarnefnd Reykjavíkur, svona til dæmis.

Nú á að setja af stað nefnd manna til að móta feril  hjá menntasviðinu
ef mál af þessum toga koma upp aftur.
Það munu þau gera og hafa ætíð gert.

Hélt annars er koma upp mál sem varða ofbeldi, hvort sem það er
andlegt, líkamlegt eða að særa blygðunarkennd barna þá þyrfti
ekki nema almenna skynsemi til að vita hvað ætti að gera.

Þetta er allavega mín skoðun.

Kennara vikið frá störfum í Borgaskóla

fyrir svefninn.

Guðmundur læknir var greiðamaður á áfengisseðla,
ekki síður en annað.
Einu sinni kemur maður úr Dölunum til Guðmundar
og biður hann um lyfseðla fyrir sig og nokkra kunningja
sína. Meðal þeirra var Hildiþór á Harrastöðum, sem raunar
var nýlega dáinn, en hafði þótt gott í staupinu í lifanda lífi.
Guðmundur sem fylgdist manna best með öllum tíðindum
og hafði frétt lát Hildiþórs, lætur að vísu lyfseðil út á nafn hans,
en segir um leið: ,, Og drekkur hann enn."

                    Kvennagull.

              Meyjaflokkur bæ frá bæ
              brunar nokkuð villtur.
              telpur lokkar til sín æ
              traustur þokkapiltur.

                          Bogga.

              Bogga mörgum blíðu gaf,
              brosti allavega.
              því er lítið eftir af
              ylnum meyjarlega.

                   Daginn eftir

              Öls af völdum ýmsir menn,
              illa tíðum fóru.
              Sést í gegnum suma enn,
              sem að fyllstir vóru.
                                                    Góða nótt.

Þau eru æðisleg.

Óska þeim alls hins besta, Eurobandinu,
ásamt Friðrik Ómari og Regínu Ósk, þau eru
glæsilegir kandídatar fyrir Ísland.

þetta hlýtur að vera mikil vinna en jafnframt afar
skemmtileg og faglega unnin af þeim báðum.

Ekki vantar neitt upp á glæsilegan aðbúnað þeim til handa.
                    

Konunglegar móttökur í Serbíu

Elisabeth segir söguna frá sinni hlið.

Ég kalla hana bara góða að koma fram og segja sína
sögu, það getur ekki verið auðvelt.

En þessi óhugnaður gerðist og munu þau aldrei ná sér
eftir þetta.
Þau fá að sjálfsögðu alla þá hjálp sem þau þurfa og
framfærslu í einhvern tíma, hlýtur að vera.

Allavega vona ég að hún selji þessa sögu sína dýrt
hún á það skilið fyrir sig og börnin.
                          Guð veri með þeim.

Elisabeth Fritzl ætlar að veita sjónvarpsviðtal

Er nú ekki hissa.

Fyrir allmörgum árum síðan var talað um að Suðurnesin
væru með hæðstu tíðni veikinda í landinu,
það meira að segja alvarleg veikindi eins og krabbamein.
Talið var þá að um væri að kenna öllu sem þar í jörðu lægi,
rafkaplar og allskonar tengingar, svo ég tali nú ekki um
alla mengunina í jarðveginum.
Ekki tel ég þetta vera fjarstæðu.

Í dag er ekki verandi í miðbæ Keflavíkur um helgar fyrir
leiðindauppákomum, árásum á fólk bæði á götum úti
og inni á heimilum fólks.

Gæti þetta verið rafmagninu að kenna, ef svo er mundi ég
í þeirra sporum ekkert vera að hafa fyrir því að bæta við
rafmagni í jörð.
Nei þetta eru nú bara svona hugleiðingar, mér er nú vel við
staðinn, bjó þarna í 27 ár.
                                Góðar stundir.

Slagsmál og ólæti í Keflavík

Þeir vissu af, en gerðu ekkert.

Þessar náttúruhamfarir eru ólýsanlegar fyrir okkur
sem ekki höfum lent í svona nokkru.
Að vera á staðnum sem einu sinni var heimili þitt
jafnvel án barna og annarra ættingja,
bíðandi eftir því að jafnvel barnið sitt finnist.

Ég get sett mig í þau spor, það er það sorglegasta
sem til er að missa barnið sitt.
það er líka það að í kína áttu hjón yfirleitt bara eitt barn.

Sagt er að ráðamenn í Kína hafi vitað af verðandi skjálftum,
en ekkert hafst við í málunum, og svo eru þeir að tala um
að láta rannsaka af hverju skólabyggingar voru ekki traustari.
það er allt í rúst þarna.
Ætli það megi ekki rannsaka eitthvað meira en það?.

Það hefur gerst á fleiri stöðum víða um heim, að yfirvöld hafa
verið látin vita um yfirvofandi hættu, en ekkert gert.
Hverju sætir?, trúa menn því ekki að hamfarir geti orðið svona slæmar
eða er þessi hugsun, hver sem hún er, algjört sinnuleysi?.

Sem betur fer eigum við topp menn til eftirlits og fáum við að vita
um leið og eitthvað er að gerast,
og rýmingaráætlanir eru til á þeim stöðum sem jafnvel þarf að
rýma og það fljótt.
                                Guð veri með öllu fólki.

Óveður á jarðskjálftasvæði

Fyrir svefninn.

SR, Árni Þórarinsson og sr, Halldór Bjarnason frá
Presthólum voru góðir vinir.
þeim var báðum meinilla við Jón biskup Helgason.
Á síðustu æviárum var sr. Halldór orðin elliær og hálfruglaður.
Sr. Árni var eitt sinn að koma úr heimsókn frá sr. Halldóri.
Hann hittir þá kunningja sinn, minnist á komu sína til sr. Halldórs
og segir síðan: ,, Hann er orðin ósköp ruglaður, aumingja karlinn.
til dæmis sagði hann mér, að nú ætti að hengja Jón biskup næsta
sunnudag á Þingvöllum. það rennur svona út í fyrir honum.
Annars var hugmyndin ágæt," bætti sr. Árni við.
                                                    Úr Íslenskri fyndni.

                              Konan.

               Sjáið hvað líður falleg framhjá,
               í fylgd með vorinu hún brosir,
               og varir hennar varpa þýðum söng til fuglanna,
               á meðan vindurinn leikur mjúklega við hár hennar,
               ljóst, brúnt, rautt, svart,
               fegurðin er andartakið og andartakið er fegurðin.

               Augun geisla af dulúð og visku,
               undir fölbleikum kjólnum dansa brjóst hennar af lífi,
               bogalínur líkama hennar ljóma af mýkt og hlýju.

               Hljóðlega nettum skrefum fagrir fótleggir tígurlega líða um,
               líkt og hörputónar engils á rósrauðu skýi.

               Hún er ástin, hún er dóttirin, hún er móðirin,
               hún er lífið,- - HÚN ER KONAN.

                                      Tileinkað kvenþjóðinni á ári konunnar.

                                              Arnoddur Magnús Valdimarsson.

             Góða nótt.

 

Ekki tala um, ekki hafa skoðun.

Nokkrir voru að tala saman á dögunum, aðallega um pólitík,
ég var að hæla og lasta gjörðir fólks í öllum flokkum,
og taldi upp ýmislegt sem betur mætti fara.
Sumir voru frekar undrandi á því, ég sagðist hafa tamið mér það
fyrir margt löngu síðan að tala jafnt um alla menn, ef ég er ekki
sammála þessum eða hinum sama hver það væri þá mundi ég
tjá mig um það þó það væri fólk úr mínum flokki.

Sagði síðan að ég teldi mig ekki eiga neitt sérstakt fólk á þingi,
ég hefði kosið X-D en þar sem hann hefði farið í samstarf með
X-S þá teldi ég að þessir tveir flokkar ættu að vinna saman
að velfarnaði þjóðarinnar.

Sérkennilegt er það að aldrei í mínu lífi hef ég þurft að setja eins
út á þeirra störf eins og á þessu kjörtímabili.
Það dettur af manni andlitið trekk í trekk, á aldrei til orð yfir
það sem ekki er gert og gert, sem er harla lítið sem ekki neitt.

Ekki vantar stóru orðin og upphæðirnar sem látnar eru af hendi
rakna til að bæta hag okkar landsmanna.
Ég hef bara orðið vör við minnkandi kaupgetu hjá mér.
Ég fæ áfall í hvert skipti sem ég fer í Kaskó að versla.

Núna er ég búin að ákveða að trúa ekki í einlægni minni á
þessa menn meir, ég hélt ætíð að þetta mundi lagast,
en nei það lagast ekki.
Það lagast ekki meðan engin þorir að segja sína meiningu.
ljótt hvað ég var trúgjörn í mörg ár,
eða var þetta kannski bara vani?, já trúlega.

Hvað á maður svo að kjósa næst?.
Ætli ég geri ekki bara eins og afi gamli gerði hér um árið,
hann fór bara út úr bænum með allt sitt fólk.
              Góðar stundir.