Hef hingað til ekki út talað mig um þessi mál Hannesar, EN!

Þetta nýasta, að það þurfi að safna fyrir Hannes Hólmstein,
það keyrir nú alveg um þverbak.
Mér finnst það forkastanlegt, að safna fyrir mann sem ætíð
hefur haft nóg fyrir sig.
Ég spyr vill hann það, og mun hann taka á móti söfnunarfé?.

Talað er um að auðmaður sæki að honum fyrir að nota
málfrelsi sitt á Íslandi.
Er það ekki dómsstólana að dæma um það
hvort hann er sekur eða saklaus
í því að hafa nýtt niður þann mann sem sækir að honum.

Oft á tíðum hafa mér fundist ummæli Hannesar Hólmsteins,
óvægin í garð fólks og málefna.
Hann er afar vel máli farinn, en má aðeins passa sig í
orðavali svona á stundum.
                                              Góðar stundir.

Söfnun fyrir Hannes Hólmstein

Fyrir svefninn.

Guðmundur var vinnumaður hjá Thor Jensen,
þegar hann hafði bú í Einarsnesi.
Guðmundur átti þrjá hesta, þeir sóttu mjög í Hamars - land,
sem liggur næst Einarsnesi.
Húsmóðirin á Hamri amaðist við hestunum og sagði
eitt sinn, að hann skildi eiga sig á fæti, ef hann ekki gætti hestanna.
Þá sagði Guðmundur:
>>mér þykir mikið betra að eiga að eiga þig á fæti,
því þú ert einskis virði uppskorin.<<

Afmælisvísu þessa fékk 21 árs maður frá vini sínum.

                     Þú hefur tuttugu ár og eitt
                     álpast lífs í ranni.
                     Það ætlar ekki að ganga greitt
                     að gera þig að manni.

 Sigmundur Guðmundsson prenntari orti þessa
vísu um Kristján Ó. Þorgrímsson:

                     Drumsa við varð djöfsa, þó
                     dræsni mörg &#39;ann hirði,
                     þegar karlinn Kr.Ó.
                     kom með sína byrði.

                                 Góða nótt.

Frábært hjá Ísleifi Jónssyni.

Þetta er held ég góð lausn, allavega hugnaðist mér aldrei
tillagan um göng, eitthvað sat í mér við þá tillögu.
Vona ég að menn fari að hugsa í raunveruleikanum
ekki í einhverjum neðanjarðar loftköstulum.

Varar við Sundagöngum

Gleðidagur, en skítkast.

Skítkast já er það ekki merkilegt, að fólk skuli
elta ólar við að rangtúlka orð og setja allt í
viðsnúning.
Það gerðist eimmitt hjá mér í gær er nokkrir voru að kommenta
við bloggi mínu, ekki í fyrsta skipti, með þvílíkum orðaleppum
að ég hef nú aldrei séð notuð slík orð á fólk.
Lifir þetta fólk sem hagar sér svona, á því að ropa út úr sér
svívirðingum á fólk sem það þekkir ekki neitt.

En ég held að ég sé nú alveg orðin skóluð í þesskonar
uppákomum.
Maður er svo fljótur að gleyma, fyrir nokkrum árum var ég að vinna á
afar skemmtilegum vinnustað, 
þar átti maður á hættu að fá svona skítkast yfir sig,
þó ekki væri það algengt.
En ef það gerðist og varð slæmt gat maður bara ýtt á einn hnapp þá
kom lögreglan, um leið og hún birtist lögðu þeir niður rófuna.

það er akkúrat það sem ég uppgötvaði í blogginu,
eftir góðra manna ráð að maður ýtir bara á einn takka,
á honum stendur banna og eyða og maður er sinn eigið lögvald,
ef það ekki dugar, þá hefur maður sér æðri menn til að taka við.

Í gær var skemmtilegur dagur hjá okkur, gullmolarnir mínir komu
í helgarfrí, reyndar á föstudaginn þá höfðum við Ítalían langlokur
í matinn. Á laugardeginum snemma fórum við gamli í búð að versla smá
Íris kom síðan um tvöleitið þá fengum við okkur að borða snarl.
Um kvöldið var ég með tíning úr kistunni, hangikjöt og hamborgarah.
með öllu tilheyrandi og kom Ingimar með Ljósálfinn og ljósið í mat,
þær komu ekki systur, voru að fara í konuboð.
Það er svo gaman að gefa ljósinu mínu að borða, henni finnst allt gott
og segir alltaf Ummmmmm hvað þetta er góður matur.
Við matarborðið var skipts á skoðunum og talað um orð og orðvenjur
það er afar skemmtilegt umræðuefni.

Núna sit ég við tölvuna, engillinn í sturtu og demantarnir mínir
sofandi, þær voru ekki farnar að sofa kl. 4 í nótt, ég leit inn til þeirra um kl. 3.
þá var önnur að lesa í bók og hin sat við lestur í tölvunni,
svo uppteknar að þær litu varla upp.
                         Eigið góðan dag kæru vinir.
                                    Milla.

Fyrir svefninn.

Jóhann sat hjá Guðrúnu vinkonu sinni og lét vel að henni,
Guðrún var andatrúarkona mikil og trúði því, að maðurinn
hennar sálugi, því hún var ekkja,
væri ávallt í návist sinni.
Hún var búin að segja Jóhanni, að hún heyrði oft marra
í körfustól, sem stóð andspænis þeim og taldi hún það
vera af völdum manns síns.
Allt í einu fer að marra í stólnum.
Þá segir Guðrún:
>>nei, ekki líkar honum það.<<

Guðmundur hét maður og bjó í Borgarfirði.
Hann var hagorður, en þótti kvensamur.
Hann lenti eitt sinn í skömmum við nágrannakonu sína
sem var svarkur mikill. Nokkru síðar hitti hann mann hennar,
hafði orð á þessum viðtökum konunnar og kastaði fram
þessari vísu við bóndann:

                       Þín var kerling þung á brún,
                       þóttafull í máli.
                       Kjaft og málbein hefur hún
                       hert úr besta stáli.
Hinn svaraði:

                      Þeir sem búa í þjóðarbraut,
                      þurfa kjark og snilli,
                      þegar mannýg þarfanaut
                      þramma bæja á milli.

                                         Góða nótt.

Er ekki alveg að skilja svona lagað.

Skilja þetta nei, af hverju lét hún ekki hreinsa
allt úr sér fyrst hún vildi verða karl.
Það hlýtur að vera það mikil kona í honum ennþá
að honum langaði að eignast barn,
bara allt í lagi með það, þau hjónin ráða þessu sjálf,
en blessað barnið, hvað segja þau við það.

Eitt er það sem sækir að huga mínum.
Það getur ekki verið að karlinn sé með tippi,
hvar er konan þá stödd í  kynórum?, en auðvitað
má viðhafa allskonar aðferðir við kynmök.
Í upphafi hefði ég nú hugsað mig tvisvar um áður en
ég hefði gifst honum, en kannski að hún sé lesbía
þá smellur þetta í ramma hjá mér.
Þá eru komin eðlileg rök fyrir þessu öllu saman.

Tek skýrt fram að ég er ekki að setja út á gagnkynhneigða
                                 Góðar stundir.                                    

Þungaður karlmaður

Það er nú ekki hægt að kæra svona flotta menn.

Það gat nú verið að búið væri að fella niður kæru
á hendur Jonathan Motzfeldt. Auðvitað  hverjum datt 
það svo sem í hug að þessi sóma maður mundi gerast
sekur um kynferðislega áreitni við konur yfirleitt.
Guð nei þetta er nú svo góður maður.

Þessi kona sem kærir góða manninn, getur ekkert gert.
Það er tilgangslaust fyrir hana að kæra niðurfellingu
lögreglurannsóknar, því það er þegar búið að ákveða að
konan hafi rangt fyrir sér, af hverju? Jú, nefnilega,
að því að hann er svo góður maður.
Og HÚN ER BARA GRÆNLENSK KONA.

Þetta konugrey sem vogar sér að ásaka góða manninn
á sér ekki viðreisnarvon.
Andlega ofbeldið heldur áfram á konur þessa lands. 

    MÍN SKOÐUN, EN HUGSIÐ AÐEINS UM ÞETTA.

Rannsókn felld niður

Fyrir svefninn.

                          BRÉF  FRÁ  MÖMMU.

Kæri sonur!!!
Aðeins nokkur orð til að láta þig vita að ég er lifandi.
Ég rita þetta mjög hægt því ég veit að þú ert ekki fljótur að lesa.
Þú munt ekki þekkja húsið okkar þegar þú kemur heim!!,
við erum flutt.

Pabbi þinn hefur fengið nýtt starf, hann hefur verið settur yfir
fjögurhundruð manns, hann er sláttumaður í kirkjugarðinum.
Diddi frændi þinn drukknaði í síðustu viku í wyskí tank í
Dublinarbrugghúsinu, vinnufélagar hans reyndu að bjarga
honum en frænda þínum tókst að hrekja þá í burtu.
Lík hans var brennt en það tók 3 daga að slökkva eldinn.
Ég fór til læknis um daginn og fór pabbi þinn með mér.
Læknirinn setti slöngu upp í mig og sagði að ég mætti ekki
opna munninn í tuttugu mínútur, pabbi þinn keypti tækið
þegar í stað!!!

Það rigndi aðeins tvisvar í síðustu viku fyrst í þrjá daga
og síðan í fjóra. Á mánudaginn var svo hvasst að hænurnar
verptu sama egginu fjórum sinnum.
Við fengum bréf frá Líkvaldi grafara og hann segir ef síðasta afborgun
vegna útfarar ömmu þinnar verði ekki greidd innan þriggja daga
verði hún grafin upp.

Þín elskandi móðir ætlaði að senda þér þúsund krónur en því
miður var ég búin að loka umslaginu.

                              Þúsund kossar
                                  Þín móðir.

Var sögð ein góð í morgun.

Við fórum niður í kaupfélag í morgun, sem núna heitir Kaskó.
hittum þar einn úr Aðaldalnum, hvað segja bændur í dag?
Ja ég veit það ekki hef hvorki heyrt þá eða séð,
en hvað segir þú? Ég segi allt gott, en þú, segir hann
nú ég sagði allt gott. Við förum að spjalla og hann fer að
segja mér brandara, þar á meðal sögu frá sveitasímatímanum.

Tveir menn voru að tala saman í sveitasímann,
eftir smá stund segir annar maðurinn, hefurðu heyrt um hann Jón frá Bæ.
nei sagði hinn, en passaðu þig hún Þura í Ási er að hlusta,

Gellur þá í kellu hvaða helvítis kjaftæði er þetta ég er ekki
að hlusta.

Ég spurði þennan ágæta mann hvort hann gæti ekki ásamt öðrum
góðum mönnum tekið saman og sett í bók sögur frá þessu tímabili.
Hann gaf nú ekki mikið út á það, en kannski einhver geri þetta.
Þær mundu seljast eins og heitar lummur.
                        Kveðja til ykkar. Milla.

Maður hefur nú heyrt þetta áður.

Maður hefur nú heyrt þetta áður, að menn ætli að þrýsta
á ríkisstjórnina í þessu málinu sem og hinu.
Gæti maður ekki talið upp allmargar rullurnar þar sem
forsprakkar eldri borgara og öryrkja taka í hendur þeim
sem ætla að gera svo góða hluti fyrir láglaunafólkið.

Aldrei hefur neitt staðist í þeim málum sem og öðrum.
Það sést best á því að reiknað hefur verið út að einstaklingur
þarf að hafa 226.000 kr. á mánuði til að lifa.
En talað er um að  lífeyrisþegar hafi um 100.000. kr.á mánuði.
Er þetta mögulegt, er hægt að bjóða þegnum landsins upp á þetta,
vilja þessir hálaunamenn sem stjórna þessari óstjórn lifa af
launum þessum.
Ég skora á þá að gera það, nei þeir gætu það ekki,
mundi ekki einu sinni duga fyrir bensíni eða olíu á bílana þeirra.

Ég skora á forsprakka okkar lífeyrisþega að standa sig í stykkinu.
Mannsæmandi laun fyrir okkur, annað er ekki í boði.

Eldri borgarar og öryrkjar vilja líka 18 þúsund krónur

Kartöfluréttir og fleira.

Mikið hefur verið rætt um kartöflur og nýtingu þeirra
undanfarna daga, spruttu þær upp vegna krepputals
okkar hérna á blogginu.
Við þurfum nú ekki að kvíða uppskriftaleysi.
Rakst á það í blöðunum í gær að kartöflubændur hefðu
verið að gefa út uppskriftabækling.
Þar skilst mér að gegni ýmsa grasa, svosem
kartöflubrauð, og hátíðar súkkulaðikartöflukökur.
Haldið að það sé flott?
Í Fréttinni segir að bændur séu að bjóða upp á
21 aldar rétti úr þessum góða mat.
Kartöflur hafa verið ræktaðar í 250 ár á Íslandi.
Ár kartöflunnar er árið 2008 árið er haldið til að minna fólk
á mikilvægi  hennar og er hún ein af grunnfæðutegundum
heimsins, SKO var einhver að tala um fátækra mat.
Það sem meira er að þessi bæklingur er frír,
alveg satt hann kostar ekki neitt.
Þó við þolum ekki ruslpóst, tökum samt eintak.
                     kveðja Milla.

Nota byssu til að, Skjóta diskinn eða?.

Hef varla heyrt það asnalegra, 
varla getur maður dæmt um þetta tilvik,
en vissara að fara varlega ef manni skildi detta í hug
að festa eitthvað upp með byssu.
Sérkennilegt slys, allavega finnst mér það.
Farið varlega gott fólk.

Ætlaði að setja upp gervihnattadisk en skaut konuna

Til starfsfólks, afar brýnt að lesa.

VEGNA  ÓÞARFA FJARVISTA STARFSFÓLKS FRÁ VINNUSTÖÐUM,
HAFA EFTIRFARANDI REGLUR VERIÐ SETTAR.

VEIKINDI.
Engin afsökun, við munum ekki lengur taka læknisvottorð sem
sönnun, þar sem við erum sannfærðir um að ef þú sért fær um
að fara til læknis munt þú einnig geta unnið.

DAUÐI ANNARRA.
það er engin afsökun. Það er ekkert sem þú getur gert fyrir þá.
Við erum vissir um að eimhver annar geti séð um málið.
Samt sem áður, ef þú getur séð til þess að útförin fari fram
síðdegis, munum við gefa þér frí í eina klukkustund,
ef verk þitt er komið svo langt að það geti haldið áfram hindrunarlaust.

SJÚKRAHÚSLEGA __ UPPSKURÐIR:
Við erum ekki lengur fylgjandi svoleiðis föndri.
Við óskum að bæla hverja hugsun um að þú þurfið að gangast
undir uppskurð . Við réðum þig með öllu sem í þér er og sé
eitthvað numið brott ert þú sannarlega minna
en við sömdum um.

DAUÐI ÞINN EIGIN.
Þetta mun vera tekið til greina sem afsökun, en þér ber að
tilkynna það með tveggja daga fyrirvara,
svo að við getum þjálfað annan mann í þitt starf.

MÆTINGAR.
Farið er fram á að fólk fari snemma að sofa þegar
vinnudagur er að morgni og noti tíman vel til að SOFA.
Mætið síðan þvegin og snyrt og í góðu skapi að morgni.

SNYRTING.
Að sjálfsögðu er miklum tíma eitt á snyrtiherberginu.
Framvegis verður farið eftir stafrósröð, þannig að
þeir sem bera nafn sem byrjar á A fari kl 9.15 til 9.30 o.s.frv.
Ef þú ert ekki fær um að fara á þínum ákveðna tíma,
verður þú að bíða næsta dags.

Starfsfólki ber að fara eftir reglunum.

Þessar reglur hanga örugglega uppi á öllum vinnustöðum,
en mig langaði samt aðeins að minna á þær.
                        Kveðja Milla.

Fyrir svefninn.

Katrín í Haga hafði erft mikið fje eftir foreldra sína
og var sjálf ágætlega efnum búin, enda vissi hún af því.
Katrín átti gjafvaxta dóttur, sem trúlofaðist og giftist,
síðar manni sem Þorbjörn hjet. Hann var efnismaður
og og þjóðhagasmiður, en fátækur.
Vinkona Katrínar heimsótti hana nokkru eftir að
dóttir hennar giftist, óskar henni til hamingju með
tengdasoninn og segir, að hún geti verið ánægð með
Þorbjörn, því hann sje mesti efnismaður.
>> O, jæja,<< sagði Katrín, >> ekkert lagði hann nú
til í búið nema tólin.<<

Staka.

             Fríðri ann ég baugabrú
             bröttu á Ísastræti.
             Hún fór þversum.-- Hana nú!
             Hvaða bölvuð læti!
                                       Magnús Teitsson.

Til stúlku.

            Þú ert ekki, Þura, stillt,
            þegnum sýnir hrekki.
            Stríðir þú við stuttan pilt,
            en strákurinn vill þig ekki.
                                       Magnús Teitsson.

                                                   Góða nótt.

Bara frábært.

Heyr fyrir þessum mönnum, af hverju taka ekki allir þátt,
og stoppa bílana sína á óheppilegustu stöðum.

Kannski þetta verði til þess að fólk fari að mótmæla öllu
mögulegu  eins og hækkandi vöruverði almennt.
      Áfram TRUKKA-stjórar þið eruð bara flottir.

Vörubílstjórar stöðva umferð

Er einhver meining í tali okkar um kreppu?.

Við erum mörg okkar búin að vera að tala um það
kreppuástand sem talið er að skelli á okkur innan tíðar.
Það er nú þegar komið, hefur verið að síast inn á okkur
í langan tíma, en það er eins og fólk trúi ekki á það.

Fólk trúir bara á þessa líka yndislegu háu herra sem
eiga að vinna að hag okkar peðanna.
Allir samþykktu samningana, voða glaðir, en það var búið
að sjá fyrir þeirri hækkun áður en þeir voru undirritaðir.
Ég hef ekki skilið fólkið í landinu í tuga ára,
það er búið að vera sinnulaust fyrir réttindum sínum,
heldur það virkilega að það sé í lagi að bjóða okkur upp á
endalausa niðurlægingu.
Nei það er ekki í lagi.

Fyrir 40 árum síðan voru flestir með góða og vel borgaða vinnu,
en samt var til fátækt, hún hefur alltaf verið til,
og mun alltaf verða til.

Lítill drengur reyndi að bjarga málunum.

Drengurinn kom inn í búð í plássinu sem hann bjó í.
Hann fór fram á lager, settist á stól og sagði: ,, Kona",
getur þú gefið mér brauð og mjólk, það er engin matur til
heima og systkini mín eru svöng og tárin láku niður fölar kinnar.

Hann bað ekki um mikið þessi elska og hann fékk það sem hann
bað um og meira en það.
Hann labbaði alsæll heim með poka fullan af mat.

Þetta er sönn saga. Og þetta hefur og verður ætíð til.
gerum eitthvað í heimamálum okkar, við verðum fyrst og fremst
að hlú að okkar, og við þurfum að berjast fyrir því.
                      Góðar stundir.

Fyrir svefninn.

Kona kom inn í sölubúð og spurði, hvort þar væru
perur til sölu.
,, Nei", svaraði búðarmaðurinn. ,, Við höfum ekki perur,
en við höfum apríkósur". ,, Jæja segir konan,
,, ég ætla að fá eina 50 kerta".

Gömul vísa um Skálhollt.

                        Héðan burt í friði fer,
                        feginn af hjarta glaður.
                        Veit ég ei, hvort verra er
                        Víti eða Skálholtsstaður.

Á Selfossi var haldin sýning í heimilisiðnaði.
kona Eiríks Einarssonar útibústjóra lagði fram sýnishorn
af handavinnu sinni, þar á meðal kvenbuxur,
og var lokið á þær lofsorði.
Ragnar Ásgeirsson skoðaði sýninguna og kvað þessa vísu:

                       Ýmislegt var ágætt þar
                       austur frá hjá brúnni,
                       en bestar voru buxurnar 
                       af bankastjórafrúnni.

                                              Góða nótt.

Til skammar.

Er þetta ekki alveg merkilegt, landssöfnun fer fram
tæki keypt, en þá vantar fólk til að vinna við þessa deild.
Hvað mundi það spara fyrst og fremst flogaveikissjúklingum
sem mundu eignast nýtt líf, geta unnið og þyrftu kannski ekki
að kaupa eins mikið af lyfjum og áður.

Hvað mundi það spara ríkinu sem þyrfti ekki að fá þessa sjúklinga
til innlagnar endalaust, það kostar sitt.
Halda þessir ráðamenn að það sé auðvelt að fá kast hníga niður,
og vakna upp á sjúkrahúsi, nei það er ekki gott.

Svo ég tali nú ekki um lyfin sem þetta blessaða fólk þarf að taka,
ég þekki til þess að það er ekki gott, sumir þola illa lyfin.

Og áðan var ég að lesa um meðferð á parkinson sjúklingum,
sem ekki fá þá meðhöndlum sem þeir þurfa, vegna manneklu.

Fyrir utan álagið sem þetta yndislega starfsfólk sjúkrahúsanna
þarf að taka á sig og vinnu aðstaðan, hún er til skammar.

„Nú eru tækin til en þá vantar mannskap“

Sparnaðarleiðir.

Sko svona sparnaðarleiðir, sko, ekki í banka, nei! nei!,
heldur í mat. Var að segja í kommenti í gær,
þetta er engin vandi maður bakar bara brauð sjálfur,
(verst að þau eru svo góð að maður hefur ekki undan að baka).
kaupir síðan hálfónýtt grænmeti á útsölu,
( hlýtur að fara á sale er engin kaupir það),
eldar síðan grænmetissúpu sem dugar vikuna, ódýrt og gott.

Aðra súpu las ég um í bakþönkum Karenar D. Kjartansdóttur
í Fréttablaðinu í gær, hún lærði þá uppskrift hjá ömmu sinni,
Bara soðið vatn og knorr súputeningar að vild út í, ódýrt og gott.

Mér datt nú annað ráð í hug, svona að því að súputeningarnir eru
dýrir, ekki hægt að neita því, væri þá ekki ráð að fara á fjöll og lesa
fjallagrös, blóðberg, mynntu og aðrar jurtir, ódýrt og gott.

Við mundum að sjálfsögðu einnig lesa ber og frysta, og útbúa eftir hendinni
sultu án sykurs, þá er bara hægt að útbúa fyrir viku í einu,
flott með brauðinu,
nema við mundum útbúa okkur býflugnabú til að fá smá sætu, ódýrt og gott.

Kjöt??? Já mundum við ekki bara kaupa slög, hakka og búa til bollur,
eða til hátíðar gert steikja í ofni með kartöflum og hundasúrusósu
það er hægt að lesa hundasúrur á sumrin og frysta, ódýrt og gott.

Fiskur??? Yrðum líklegast að kaupa þunnildi í bollur, ódýrt og gott.

Ef við fáum brjóstsviða, þá er besta ráðið, matarsódinn sem amma hennar
Karenar D. kenndi henni. hann er allra meina bót, ég veit allt um það.

Við mundum líklegast spjara okkur vel í kreppunni,
haldið þið það ekki???

Óhugnanleg frétt.

Nýtt hús, það getur ekki gerst að það hrynji,
jú það gerði það heldur betur.
Einhversstaðar er alvarleg brotalöm í uppbyggingu
þessa húss.
Ég bið guð að blessa þær fjölskyldur sem lentu í
þessum óhugnaði.

Fjölbýlishús hrundi í Noregi