Til vinu minnar Ásdísar.

Elsku Ásdís mín mig langar til að segja þér að hér var 
setið í hádegissnarli,
tengdasonur minn  Ingimar Eydal Óskarsson og við gamla settið.
Fór ég þá að segja honum frá skrifum þínum um það er Óskar þinn
lenti í slysinu, þegar ég var búin að ljúka máli mínu gráti nær,
sá ég að honum var líka brugðið, hann sagðist vel muna þennan
sorgaratburð, og að það hefðu allir verið harmi slegnir er
þetta gerðist.
Og hann sagði mér líka annað sem mér fannst afar merkilegt,
Íbúðin sem Íris mín var að kaupa er í húsinu Laugarholti 12.
niðri, en þið bjugguð uppi.
Um leið og við mæðgur komum inn í þetta hús fundum við
fyrir kærleikanum sem er í þessu húsi, Íris mín vissi strax að þessi
hýbýli mundi hún kaupa, það tók á móti henni opnum örmum.
Hún er flutt inn og elskar þetta nýa heimili sitt,
og hjónin uppi eru afar vingjarnleg.
Mig langaði bara til að segja þér þetta og einnig að allir muna
eftir foreldrum þínum sem voru falleg mektarhjón.
Berðu honum pabba þínum kveðju mína þó við þekkjumst ekki neitt
þá eigum við það sameiginlegt að vilja líf í Húsavíkina okkar.
                      Kærleikskveðjur til þín elsku vinkona
                                     Þín Milla.

Álver og annar ljótur og mengandi atvinnuvegur.

Það er svolítið undarleg umræða sem skapast,
er reisa á Álver eða annan stóriðjuatvinnuveg.

þegar er byrjað á að hafa allt á hornum sér, allir vita betur
en þeir sem vilja skapa atvinnuveginn.
Álver t.d. hafa margþætt neikvæð áhrif á byggðirnar,
þau eru, sjón og umhverfis mengandi, þau skapa allskonar glundroða í
svokallaðri menningu bæjanna, það flytur inn allskonar óæskilegt fólk.
Og ég spyr hvað er óæskilegt fólk? Erum við fullkominn Íslendingar?
Nei við erum það ekki, frekar en aðrar þjóðir.
Við verðum bara að leysa það eins og allt annað.

Þetta með mengun og ljótleika sem stafar frá stóriðju.
Ég man nú þá tíð þegar bræðslurnar voru reistar,
liggur við inn í bæjum og þorpum landsins, þvílíkur sóðaskapur,
ólikt og mengun og ekki var fegurðinni fyrir að fara.
Kvartaði einhver? Nei fólk talaði um peningalykt.
Yfirleitt var það þannig að ekki var komandi nálægt þessum stöðum
fyrir slori og öðrum sóðaskap, og maður var að kafna úr súrefnisskorti
þvílík var mengunin.
þó í tímana rás hafi verið gerðar kröfur um mengunarvarnir og þrifalegra
aðgengi.
Ekki er ég að setja út á þessa tíma stóriðju, því hún skapaði okkur
þá vinnu sem við þurftum til að lifa.
Og það var líka gaman að lifa þessa tíma, þess vegna hlakka ég til að sjá
líf á ný í okkar kæra Norðurþingi, og skora ég á þá sem út á setja í stórum
stíl að hætta þessari neikvæðni.
                                                       Góðar stundir.

Álver á bakka við Húsavík.

Jæja þá sjá þeir sem mest hafa tuðað um að
ekkert sé að gerast í Álversframkvæmdum á Bakka
að hér er allt að gerast.
Ég hef nú ekki mikið talað um þessi mál vegna þess að ég
hef ætíð sagt: ,, Það kemur álver".
Neikvæðniraddirnar sem ávallt lætur hæðst í leiðast mér afar, 
mér finnst tómahljóð úr tunnu afar þunnt og leiðigjarnt,
eða finnst ykkur það ekki líka?
en neikvæðni skapast af vankunnáttu á málunum
hver svo sem þau eru.
Fólk á endilega að kinna sér málið áður en það fer að fjasa um það.
Svo finnst mér það ljótur löstur að tala niður til þess sem kemur
til með að bjarga þessu svæði atvinnulega séð.
                        Góðar stundir.

Undirbúningur álvers á Bakka

Engin fyllir skarð Jórunnar.

Ég held að engin fylli skarð þessara frábæru konu
Ætíð var hlýlegt og gott að koma til hennar,
aldrei fór maður tómenntur út.
Sjáið bara myndina af þessari Lady, því það er hún svo sannarlega.
Takk fyrir mig Jórunn mín, börnin þín mega vera afar stolt af þér.

Ég ætla að vona að afgreiðslumenning fari að breytast, í flestum
tilfellum er óþolandi að koma inn í sér verslanir í dag,
maður fær það á tilfinninguna að maður eigi bera að flýta sér út aftur.
                                            Góðar stundir.

Hættir verslunarrekstri 97 ára að aldri

Fyrir svefninn.

Púlli sat með stúlku og var að reyna að koma henni til við sig,
en hún var alveg treg og viljalaus.
Að síðustu missir Púlli þolinmæðina og segir:>> Ef þú ferð
nú ekki að gefa þig, þá fer jeg.<<

Púlli var einu sinni þar staddur, sem verið var að tala
um skólapilt, sem var á lausu kili, og þótti stunda námið illa.
hann var kunningi Púlla.
Kona ein sagði, að hann væri mesti letingi og alveg
>> energilaus<<.
>>Þetta eru bölvuð ósannindi um hann halla, hann væri
bráð-energiskur maður , bara ef hann hefði herbergi.
Þeir voru báðir í herbergishraki.

Dýrt kveðin vísa.

                   Stelur, felur, smellin smýgur,
                   smjaðrar, þvaðrar ár og síð.
                   Klagar, jagar, kjaftar, lýgur
                   kelling brellin alla tíð.

                                             Góða nótt.

Vantar 27 milljarða, það munaði ekki um það.

Ítrekað er mikilvægi þess á alþingi í gær að flýta gerð sundabrautar.
Kristján L. Möller okkar ágæti samgöngumálaráðherra segir
undirbúning sundabrautar ganga vel; mat á umhverfisáhrifum
jarðgangnaleiðar er að hefjast, benti hann á að það yrði í 4=5 sinn,
sem umhverfismat  væri gert,
en jafnoft hafi hugmyndir um nýa legu brautarinnar komið upp.
Hvað kosta svona umhverfisáhrifamat?
Og hvaða déskotans rugl er þetta með þessi göng öll?
Vitað mál er að göngin munu kosta mun meiri pening,
en búist er við, og ætla ég hreint að vona að þetta
umhverfismat sýni ótvírætt fram á
að ekki sé hættulaust að leggja þessa leið í göng.

Ég hef ekkert á móti göngum og fer öll þau göng sem á vegi mínum verða,
en ég mun aldrei fara þessa leið til Reykjavíkur, ef jarðgangnaleiðin
verður fyrir valinu.
Vonandi verður heilbrigð skinsemi fyrir valinu.
                                   Góðar stundir.

Látum ofbeldið ekki viðgangast lengur.

Það er vitað mál að börn eru beitt kynferðislegu og
um leið andlegu ofbeldi, því það tilheyrir hvort öðru.
Minna hefur verið í umræðunni, barsmíðar á hendur börnum,
og er það vel að rannsaka eigi það betur.
Vegna þess ef við lemjum börnin, þá erum við að brjóta sjálfið
þeirra niður í skítinn,
og þau verða ekki eins vel í stakk búin til að segja
nei, ef einhver ætlar að gera þeim eitthvað illt.

Börn hafa alltaf orðið fyrir því að verða sú persóna á heimilunum
sem auðvelt er að skeyta skapi sínu á.
Þau þurfa að þola ýtingar, hristingar og jafnvel að þau séu
lamin illa, já bara hvar sem er á litla líkamann sinn.
Fagna ég þeirri frétt að það eigi að fara að taka á
þessum málum.
því fyrirgefið, kemst fullorðið fólk, með fulla krafta upp með að
berja næstu persónu bara sí svona?
Nei ekki aldeilis, en það kemst upp með að berja börnin sín
þurrka svo tárin, og ýta þeim af stað í skólann með orðum eins
og vertu nú góð.
Skilur barnið nokkuð í því sem gerðist?
nei því það veit ekki til þess að það hafi verið að gera neitt rangt.
                    Vinnum öll saman að þessum málum.
                                    Góðar stundir.

Ofbeldi gegn börnum verður rannsakað

Fyrir svefninn.

Hjón á Vesturlandi höfðu átt einn son nokkru eftir
að þau giftust. Svo liðu 18 ár,
að þeim varð ekki barna auðið. þá fæddist þeim mær,
Hún var svo lasburða og ómáttug, að yfirsetukonan
þorði ekki annað en að skíra hana skemri skírn.
Eins og siður er til, fór yfirsetukonan og tilkynti presti
þetta, en þar sem hún var flumbra mikil og fljótfær,
þorði prestur ekki annað en að grenslast eftir,
hvernig hún hefði framkvæmt skírnarathöfnina.
>> Jeg skírði barnið í nafni föðurins og heilags anda.<<
>>En hvað var um soninn?<< spurði presturinn.
>> sonurinn,<< svaraði yfirsetukonan,
>> hann var uppi á reykjum að sækja naut.<<

Davíð Á Jódísarstöðum í Eyjarfirði var hreifur af víni.
þar á bænum var stúlka gjörvileg og dálítið fín með
sig, og fór Davíð að stríða henni.
Hann kvað þessa vísu við hana:

                     Silfurbeltis göfug Gná,
                     girnd ei sveltu mína.
                     Hórdóms velt ég öldum á
                     upp í keltu mína.

Þegar drykkinn þraut.

                     Ég við mína sálu sver,
                     --síst skal undan hopa:
                     Glaður é til fjandans fer
                     eftir whiskydropa.

                                    Góða nótt.

Heldur fólk að það sé konungsborið.

Góð myndin af þeim skötuhjúum Ingibjörgu og Geir,
Þar sem peðin eru að brjálast og verða að djöflum,
og Geir þessi endemis friðarsinni,eða köllum það
heldur sinnulausi, segir við Ingibjörgu.Sjáðu alla borgarana,
sem ætla að hjálpa okkur til að bjarga bönkunum.
Ja hérna það er nú ekki í lagi með suma.
Því þetta er einmitt hugsunarhátturinn.
Á meðan Geir hvetur til þess að kaupmenn hækki ekki vöruna sína
og við peðin eigum að spara, spara af hvaða peningum?
við rétt skrimtum.
Geta þeir bara hagað sér að vild, hækkað og hækkað, sveiattan.

Ingibjörg vill lækka tolla á kjöti, segir það ekki hafa áhrif á hag bænda,
en muni hafa umtalsverð áhrif á neytendur.
Aldrei mundi ég kaupa innflutt kjöt, ég mundi aldrei stuðla að því
að Íslenskir kjúklinga og svínabændur færu á hausinn,
enda er okkar kjöt bara einfaldlega best.

Ég hef nú löngum haldið því fram, að ráðherrar vorir haldi að þeir séu
komnir í leikhús er þeir hald innreið sína á vort háa alþingi,
og haldi að þeir séu,  konungsbornir, nei ekki aldeilis,
komið nú niður á jörðina og farið sjálfir að spara.
Einkaflugvél á Nato fund, gengur ekki vel í peðin það er á hreynu.

Það er svo margt sem er hættulegt almenningi.

Þar sem ég er algjörlega hlynnt þessum mótmælaaðgerðum
sé ég ekki að þær skapi hættu-ástand fyrir almenning,
Þeir væru ekki að stuðla að því þessir flottu strákar
sem eru að berjast fyrir okkur sem ekki geta tekið þátt
og að sjálfsögðu einnig fyrir sjálfan sig og sín fyrirtæki,
það er okkur í hag líka
Hvað er almannahætta? eru það ekki einnig allar þær
vegaþrengingar út um allt land, sem við þurfum að þola
svo ég tali nú ekki um Reykjanesbrautina frægu, hún
hlýtur nú að fara að komast í heimsmetabókina
vegna óhappa á henni, sem er of sorglegt að fara út í.
                             Góðar stundir.

„Klárlega almannahætta"

Maður með húmor.

Já kemur bara brosandi inn í flugstöðina á þórshöfn á Langanesi.
Hefði viljað vera í þessari för.
Hugsið þið ykkur þessi Russel var á leið til Færeyja,
stígur upp í Twin Otter vél Flugfélagsins og lendir síðan
á Þórshöfn á Íslandi, þar sem ekkert er að sjá í margra kílómetra
fjarlægð, ekki að það sé mikið öðruvísi þar sem maður lendir
í Færeyjum.
Nú hann fékk þó sárabætur, að fljúga til Grímseyjar og ekki er það
nú dónalegt, og mistökin urðu til þess að hann ákvað að sleppa
Færeyjaferð og vera bara á Íslandi í staðin.
Flottur maður þetta.

Lenti á rangri Þórshöfn

Við getum farið á skíði, Jeeeeeeeeeeee!.

Ekkert skrítið að fólk héldi að um aprílgabb væri
að ræða þegar troðarinn hóf vinnu sína í gær.
Dóttir mín fór og spurði manninn á troðaranum,
ertu að grínast? Nei nei sagði hann,
Það verður opnað eftir smá.
Hún dreif sig heim og náði í skíði barnanna, sótti
þær frænkur svo í skólann, og þær alveg um leið,
það er hægt að fara á skíði og meira að segja mín litla
sem er 4 ára fékk aðeins að prófa.
Það voru sælar ömmustelpur sem komu í kvöldmat til okkar í
gærkveldi. Ég vona svo sannarlega að þetta haldist smá.
                  Gaman, gaman að leika saman.

Ekkert skíðagabb á Húsavík

Fyrir svefninn.

Þorvaldur á Eyri og Tómas á Reyðarvatni
sátu eitt sinn að sumbli.
greindir menn voru þeir báðir, en ertnir, einkum við öl.
Tómas var lengi búin að særa Þorvald með hinu og þessu,
en hann þegir. loks segir þorvaldur:
>>mikið heldur þú þjer annars vel, Tómas minn.
Ekkert fer þér aftur.<<
Tómasi þótti lofið gott, og spyr, hvað hann hafi
sjerstaklega til marks um það.
>>Til dæmis ertu nú alveg eins grobbinn, ef ekki
grobbnari, en þegar ég kyntist þjer fyrst,<<
svaraði Þorvaldur.

Neðan á bréf til Th. Thorsteinsens kaupmanns 1860.

                     Læt ég fylgja lítinn kút,
                     lýðir naumast sjá hann.
                     Í búðina, Steini, bröltu út,
                     blessaður, láttu á hann.

Vísa kveðin í Eyjafirði, þá er dóttir amtmanns
Stefáns Þórarinssonar, Anna, er síðar var gift P. Melsted,
átti barn með Möller búðarmanni á Akureyri.

                    Skrúða roki af skikkju sól
                    skráð er snart að linni.
                    Búðarlokan elti ól
                    hjá amtmannsdótturinni.

                                             Góða nótt.

Á þetta að spara peninga?.

Það er ótrúlegt að þessi ráðstöfun spari peninga,
þar sem ef þessu verður skipt upp í þrennt þá þarf
þrjá yfirmenn, hverjum skildi vanta yfirmannstöðu
í Reykjanesbæ?

Lögreglustjóraembættið á Suðurnesjum hefur haldið afar vel
utan um þessa málaflokka.

En Birgir þingmaður sjálfstæðismanna segir að það útiloki ekki
það góða og nána samstarf sem verið hafi milli þessara greina
ríkisvaldsins, en það náist betur utan um fjármuni, stjórnsýslu og
rekstrar.

Náist betur utan um, er það vandi að skilgreina útgjöld þó að
batteríið sé stærra?
Og svo er verið að hrófla við þessu góða og nána samstarfi með
þessum breytingum.

Það verður að stoppa þessa vitleysu, hvað á dómsmálaráðuneytið að
fá að komast upp með mikla vitleysu, á það að vera endalaust.?
                 Stoppum þetta rugl.

Ítrekar efasemdir um skipulagsbreytingar á Suðurnesjum

Áfram með mótmælin.

Já áfram með mótmælin látum heyra í okkur.
það má aldrei gefast upp í baráttunni fyrir bættum kjörum
okkar, nú er það bensín og olíuverð,
síðan ættu allar húsmæður að taka sig saman og neita
hækkun á matvörum.
                              Gangi okkur vel í baráttunni.

Búist við mörgum á Austurvelli

Til hamingju Blog.is.

Mér finnst það tilheyra að óska okkur öllum til hamingju
við bloggarar á blog.is eigum afmæli.
Í leiðinni að þakka fyrir góða þjónustu sem þeir hjá mbl.is
hafa veitt okkur.
Vona ég að við eigum góð ár framundan og að bloggið
verði heiðarlegur og góður vettvangur fyrir skrif okkar.
                          Góðar stundir.

Atburður sem situr í minningunni.

þessi minning kom upp í huga mér, er talað var
um virðingaleysi gagnvart börnum í gær.
Þannig var fyrir mörgum árum síðan, kom ég ætíð
á sveitabæ nokkurn hér á landi.
Nú að gömlum og góðum sveitasið var boðið upp á kaffi
og með því, og ekki stóð á því á þessum bæ.
Einn faðirinn í hópnum sagði við börnin, farið þið út að leika ykkur
meðan við drekkum.
Þá sagði húsmóðirin, hér ræð ég, fyrst gef ég börnunum að drekka
síðan fáið þið, á meðan þau drekka setjist þið inn í stofu og spjallið,
því eins og þið hljótið að muna þá hafa börn,
enga þolinmæði til að bíða eftir mat, en þið eruð fullorðið fólk
og getið beðið.
Þetta er og verður það viskulegasta sem ég hef heyrt.
Það mættu margir þaka þessa vitru konu sér til fyrirmyndar.

                                  Góðar stundir.

Fyrir svefninn.

Bjarni lögfræðingur var manna hátíðlegastur
í ræðu og riti og formfastur mjög.
Hann var einhverju sinni settur sýslumaður í afskektu
sveitahjeraði og trúlofaðist þar ungri  heimasætu,
sem hann unni mjög.
All langur spölur var á milli þeirra og skrifaði hann henni oft.
Eitt af þessum ástarbrjefum komst í hendur óviðkomandi
manns og endaði það þannig:
>>Jeg vona og óska þess fastlega, að aðkallandi
embættisannir hindri það ekki til lengdar, að jeg megi
hvíla áhyggjulaus í örmum þínum.
         Þinn til dauðans heittelskandi
                                                 Bjarni Þorgrímsson
                                                          Settur<<.

 

Gísli í Fróðhúsum var búin að missa konuna sína.
Ekki hafði hjónabandið verið farsælt, en svo fjekk hann
sjer unga og blómlega ráðskonu.
Gísli var einu sinni í kaupstað, og var búðarmaðurinn þar í
kaupstaðnum að gera að ganni sínu við hann og spyrja hann
að því, hvernig honum líkaði við nýju konuna.
Þá svaraði Gísli:
>> og þetta er bölvuð tyrta,
hún er lítið skárri en konan mín sáluga.<<

Launin.

                    Það er heita helvíti
                    hér að leita að gæfunni,
                    dyggur þreytast dagsverki
                    og deyja sveitarómagi.

                                         Góða nótt.

Karlmaður á áttræðisaldri!

Tvö ár, er það nægilegur dómur á mann sem hefur eyðilagt
tvö líf? 
Nei ekki að mínu mati, þetta er viðurstyggilegt ofbeldi.
Eru menn svo siðskertir að þeim finnist þetta bara í lagi?
Ég get nú ekki annað en hlegið að þessum miskabótum,
þó að ég viti að peningar geti hjálpað til með kostnað af
sálfræðihjálp og fleiru, þá hvað gera þær, ekkert að mínu mati.
500.000 og 700.000 þúsund og vertu svo bara góð og sjáðu
um þig sjálf.
Ef þessar stúlkur eiga engan góðan að til að hjálpa þeim og
styðja við bakið á þeim, þá hvað?
Ég veit að það er til fullt af góðu fólki,
sem er tilbúið að vinna með þessum konum, en þær mæta
einnig hrokafullum niðurlægingum hjá mörgum sem sýst skildi.
                       Guð veri með ykkur stúlkur mínar.

2 ára fangelsi fyrir kynferðisbrot gegn tveimur stúlkum

Ja hérna! Skipulagt einelti gegn Bönkunum?.

Allt er nú til,  halda menn virkilega að þeir finni sökudólg
í þessu máli, hvað er þetta eiginlega, er ekki búið að vera
að reyna að telja manni trú um að þetta sé alþjóðavandi?
Á það svo að vera einhverjum að kenna hvernig fyrir
blessaðri krónunni er farið.
Það verður nú að fyrirgefa grunnhygginna í mér, en ég
bara skil ekki svona rugl þar sem ég tel þetta vera að
mestu heimatilbúin vanda ríkisstjórnar og banka.

Það er annað sem ég ekki skil og hef aldrei gert,
Til hvers eru þessir menn alltaf í leikarahlutverkum
halda þeir að það gangi í peðin, ég held ekki.
Það eru nefnilega ekki allir jafn grunnhyggnir og ég.

En um að gera að setja á stofn nefnd til að rannsaka sorann,
það hlýtur einhverjum að vanta vinnu.
                             Góðar stundir.

Neikvæð umræða skipulögð?