Minningar

Sporðdreki: Þú færð tækifæri til þess að hnýta lausa enda varðandi erfðamál og sameiginlegar eignir í dag.

Engan arfinn er ég að fá og ekki er eignunum fyrir að fara , nema bíl sem er á bílaláni, en ég á fullt af minningum og þegar maður er búin að henda í ruslið vondu minningunum þá er það alveg þess vert að muna hinar. Eins og gamla húsið á Skólavörustígnum sem brann í nótt, ekki að ég muni sérstaklega eftir því húsi bara öllum húsunum labbaði ekki svo sjaldan um þetta svæði, átti einu sinni heima í snobbgötunni Laufásveg og svo átti langamma heima á Þórsgötu, en það er löngu búið að rífa hennar hús. Frá þessum tíma á ég yndislegar minningar, Reykjavíkin mín var svo falleg með öllum sínum gömlu húsum alltaf voru sömu verslanir á sama stað, sömu flottu mahony innréttingarnar, man þegar fyrsta mollið kom, það var staðsett í Austurstræti með rúllustiga upp en ekki niður (að mig minnir)
En ekki fannst mér neitt flott við það, fannst Haraldarbúð flottari, en fáir muna eftir þessu í dag.

Góðar minningar á ég um er börnin mín fæddust og allt um þeirra uppeldi og líf. svo á ég einnig yndislegar minningar um barnabörnin mín, þegar elstu fæddust losaði ég mig við þá meinsemd sem ég hafði leift að grassera í mér, "of lengi" svo ég naut þeirra allra sem komin eru, elska þau öll afar heitt.

Gísli minn sem ég kynntist 1996 og erum við búin að vera saman síðan á afmæli í dag og ætlum við að halda upp á það um helgina, við eigum minningar saman, flestar góðar, líka slæmar, við eigum sitthvort barnabarnið sem hafa lent í ruglinu eins og fólk segir, finnst ykkur ekki fólk segja margt og mikið, en það hefur ekki  vit eða áhuga á því sem það er að segja vill helst ekki vita af neinu óþægilegu. Fordómarnir og snobbið er að fara með þetta þjóðfélag og er það umræðuefni í heila bók.

Sumum minningum er ekki hægt að henda í ruslið þó slæmar séu, þær þarf að muna læra af og vinna úr, og við gerum það ekki nema saman.

Við afi segjum þetta bæði: ,,Elsku stelpan okkar, þú getur þetta með guðs hjálp eins og þú sérð hann, þú skilur þessi orð mín ef þú lest þetta." Við elskum þig.

Kærleik sendi ég öllum sem þetta lesa.
Milla

Dagur að kveldi kominn

Í morgun vaknaði ég um sjö leitið eftir góðan nætursvefn, ég fann á hitastiginu í húsinu að ekki var kuldanum fyrir að fara utanhúss, eins og ævilega byrjaði ég eftir smá wc-ferð að fá mér morgunmat, hjartalyfin og svo var haldið inn í tölvuver gerist varla nokkurn tímann, datt inn í hitt og þetta fór síðan í sjæningu, talaði við Vallý vinkonu mína og er eg var búin að ljúka þessu öllu var kominn tími á hádegismat sem var súpa og brauð afgangur síðan í gær. Milla hringdi og bauð okkur í kvöldmat, hún ætlaði að hafa læri.

Datt í hug að fara í verkefnið sem ég er búin að plana að gera í vetur ásamt Millu minni, það er að búa til fjölskyldualbúm, en nokkrar góðar myndir eru til frá mömmu, svo ég byrjaði að skanna inn, síðan tekur Milla þær og lagar þær til, kannski verður fyrsta albúmið til fyrir jól, en ég lofa engu.

Veit ekkert notalegra en að vera að dútla eitthvað í veðri eins og þessu, úrhellis-rigning og rokið ágerðist með deginum, maður hefur bara kveikt á kertum og öllum rómóljósum.

Fórum síðan í mat og var hann yndislegur, mátulega steikt læri með öllu tilheyrandi, ég borðaði bara  mátulega svo núna líður mér afar vel ætla að fara snemma að sofa, halda svo áfram á morgun að skanna inn myndir.



Hér kemur fjölskyldumynd, tekin er bræður mínir Gilsi og Nonni
voru fermdir. allar myndir verða skírar og fínar er Milla verður búin
að meðhöndla þær.



Þetta eru þau Þorgils afi og Ágústína amma, tekið er þau áttu
silfurbrúðkaupsafmæli.



Og þarna eru Jón afi og Jórunn amma, einnig tekið er þau áttu
silfurbrúðkaupsafmæli. Ég elska þessar myndir.

Góða nótt kæru vinir

Þvílík hamingja

Að allt skildi fara vel hjá litla drengnum sem er eins árs í dag, þetta eru fréttir sem maður vill heyra.
Bara óska þeim til hamingju með hann.

Það er samt ekki alltaf hamingja ég á litla vinkonu, Auðbjörgu Jönu í Boston sem er þar með Völu mömmu sinni og Didda pabba, hún  er búin að fara í margar aðgerðir, en er samt ofsa dugleg ég er búin að biðja fyrir henni í marga mánuði, þið munduð kannski bætast í þann hóp mér þætti afar vænt um það.

Hún Vala Björk Svans er á facebokk og er á hverjum degi í highlights, þar er hægt að fylgjast með litlu Auðbjörgu Jönu.

Annars er ég bara fín, ég lagði mig um 10 leitið í morgun, svaf til 13.30 Gísli minn fór í búðina fengum okkur svo smá kaffi og hrökk og svo lagði minn sig, en það gerir hann aldrei vona að hann sé ekki að verða veikur.

Litla ljósið kom og var hjá okkur fram yfir kvöldmat, en hún vildi ekki svona chillý súpu eins og við borðuðum svo hún fór bara heim að borða með mömmu sinni og pabba.

Vinkona mín missti hundinn sinn í dag og það er aldrei gott, ég vorkenni henni og hennar börnum þann missir.

 Kærleik til ykkar allra
Milla

Hélt að um skrípamynd væri að ræða

Einn daginn í vikunni hélt ég að ég væri komin inn í skrípa mynd af lélegustu gerð, svei mér þá, vaknaði við síman, beit hausinn að einhverjum aumingjans ritara sem átti sér einskis ills von, var bara að gefa mér tíma hjá sérfræðing, en tíminn var pantaður í janúar á þessu ári hvað með það þó ég hafi verið búin að gleyma þessu þá átti ég ekki að vera svona neikvæð. Nú þegar ég var komin á fætur umræddan morgun hringdi ég í ritarann og baðst afsökunar á neikvæðni minni og dónaskap, en henni fannst þetta allt í lagi og ég fékk tímann, sem veitir nú sjálfsagt ekki af þar sem ég er komin með hækjuna aftur, ekki ætla ég að vera með  hana í vetur það er á tæru.

Dagurinn hélt reyndar áfram að vera eitt skrípaleikrit, ég sagði mína meiningu í bankanum hans Gísla sem var reyndar einnig minn banki þar til ég skipti yfir í annan fyrir 3 árum, en hélt samt reikningnum opnum og notaði stundum, en eftir bráðum 67 ára viðskipti við þennan banka lét ég loka depit kortinu mínu þar þennan dag og klippti mitt og henti því í ruslið, ég fékk nefnilega mína fyrstu bankabók er ég fæddist og það er að koma að því að ég verði 67 ára, en skítt og lagó þetta er hvort sem er ekki banki eins og hann var hér áður.

Nú ég hélt áfram að tala við þá sem þurfti að tala við um allt milli himins og jarðar, en fékk sömu svörin og alltaf svo ég verð að gera eitthvað róttækt í þeim málum, segi ykkur frá því síðar.
Er alveg komin út úr skrípamyndinni allavega í bili, en eitt er það sem ég þoli ekki og það er óheiðarleiki og það sé ekki staðið við sagðan hlut.

Að öðru skemmtilegra, þær komu frá Laugum í dag, englarnir mínir þurftu að versla, Dóra keypti í matinn og bauð öllum til hamborgaraveislu, allir hjálpuðust að við að hafa til grænmeti, steikja, hita og leggja á borð þetta var æðislega gaman að vanda.

Gísli ók þeim svo heim og er nýkominn tilbaka, en áður en hann fór var hann búin að setja í vélina og ganga frá öllu svo ég færi nú ekki að vesenast neitt eins og ég er víst vön að gera, sko að hans mati.

Ég er búin að ákveða kvöldmatinn á morgun það verður silungur úr Westmannsvatni þurrkryddaður með íslensu kryddi, grænmeti og kartöflur allt úr heimabyggð.

Góðar stundir

Hefur þú upplifað, eða hefur þú trú á?

Vona að ég hafi vit til að halda rétt á spilunum.

Sporðdreki: Það eru miklir umbreytingatímar og þú færð tækifæri til að öðlast mikla reynslu ef þú heldur rétt á spilunum. Láttu neikvæðni annarra ekki draga úr þér.

Í nótt vaknaði ég alveg glaðvaknaði, fór fram á wc-ið taldi að ég væri búin að sofa eina átta tíma svo hress var ég, en nei hún var bara þrjú, fór upp í aftur, en að ég sofnaði, nei af og frá, ekki var ég óróleg eða neitt slíkt heldur lá bara og hugsaði um af hverju það væri svona mikill þrístingur alveg frá höfði og niður í tær er svo sem ekki óvön honum, en alveg síðan fyrir helgi hefur hann verið, en mikill friður fylgir þessu, merkilegt að er mesta óveðrið var þá var ég ekkert hrædd eins og ég er vön að vera bara sallaróleg, og er ég leit út þá fannst mér allt vera svo tært.

þegar svona er og ég ligg í rúminu mínu og hugsanirnar um hugann þjóta, læðast, eða bara eru engar, horfi yfir herbergið og fram á gang allsstaðar kemur skíma frá útiljósum, saltkristalnum og seríum sem ég er með inni í stofu, en einnig skuggar sem hreyfast eins og þeir séu að leysa eitthvert verkefni og mér líður vel.

Þurfti að fara fram á C-ið þá var klukkan fimm sofnaði fljótlega eftir það, en vaknaði hálf sjö ekki mikill svefn það en ef ég verð syfjuð í dag þá fæ ég mér bara lúr.

Hitti Gísla minn áðan frammi á c-inu og ég sagði góðan daginn Gísli minn hann sagði góðan daginn ég spurði er ekki allt í lagi? (vissi alveg hvað var að hrjá hann) Svaraði svaf illa í nótt, ég sagði að það hefði nú enga þýðingu að vera með fílu út í það, svo þið sjáið ég mætti neikvæðninni  strax í morgunsárið, en hlæ bara að henni, en hann kann heldur ekki að biðja um hjálpina eins og ég.

Ég hef upplifað og hef trú á að ég muni halda rétt á spilunum.

Njótið dagsins
Milla

Vonleysi

Vonleysi er hræðilegt orð og afar erfitt er fólk lendir í þeirri stöðu að verða vonlaust og gefast hreinlega upp, en áður en það gerist er mikið vatn runnið til sjávar. Hvenær byrjar grunnurinn af því að verða vonlaus, hann getur byrjað á ungaaldri, ég er nú svo oft búin að tala um þetta að þeir sem eru búnir að fá leið á því, bara lesa ekki, alveg eins og með allt annað ef þér leiðist það þá bara tekur þú ekki þátt, lokar augum og eyrum og þykist ekki vita neitt.

Eins og margir eru búnir að komast að þá trúi ég á kærleika og allt sem í honum felst, ég er friðarsinni og reyni alltaf að miðla málum, sko þar sem ég má, en ekki skuluð þið halda að það geti ekki gosið úr sporðdrekanum "Mér" Ó jú og það svo að fólk fer að skjálfa, samt afar sjaldgæft. Þær bækur sem ég er að lesa núna eru mannbætandi, ekki að ég hafi eigi vitað margt af þessu, en samt er það svo að maður þarf að minna sig á og hætta að vera í meðvirkni með sjálfum sér, viðurkenna bresti sína og framkvæma.

Þú getur verið allt þitt líf að áætla það sem þú ætlar að gera, en ef þú framkvæmir ekki þá gerist ekki neitt. Eins og ég eitt sumar fyrir margt löngu, var á heimleið úr sveitinni sá mann úti á túni í heyskap, Æ,Æ,Æ hafði ekki komið því við að heimsækja hann, geri það næsta sumar, en þá var maðurinn dáinn.

Kona sagði um daginn að hún væri lokksins búin að læra að meðvirkni leysti engan vanda, og það er rétt, meðvirkni viðheldur vandanum.

Það sem ég er búin að gera er að viðurkenna að mér er um megn að stjórna eigin lífi á vissum sviðum, tala meira um það seinna.

Auðvitað er ástæða fyrir öllu því sem maður lætur niður á blað, og svo er einnig nú. Fólk er svo hrikalega lokað í sínu eigin sjálfi að það sér ekki neitt annað, það hlustar og samþykkir, finnst þetta og hitt voða leiðinlegt, en er svo búið að gleyma því um leið, það er að  segja er það er búið að smjatta á því um stund. Ég er ekki að tala um neinn sérstakan mér bara finnst að fólk þurfi að vakna upp og skilja að við þurfum öll að taka þátt og styðja við hvort annað, því engin skal voga sér að segja: ,,Ég þarf enga hjálp, engin vandamál hjá mér."

Þó ég fari nú aldrei í kirkju þá trúi ég því að með hjálp æðri máttar takist okkur að snúa þessu við.
Verum ekki feimin við að leitast eftir hjálpinni, það er engin skömm að vera fíkill, ég er matarfíkill.

Mikið var gott að skrifa þetta
takk fyrir mig.

Sérkennilegir dagar.

Það var farið frekar seint að sofa í gærkveldi, eða um hálf ellefu, Hún svaf hjá okkur litla ljósið og sofnaði ég með henni í gestarúminu, vaknaði svo um tvö og skreið inn í mitt rúm hún þessi elska svaf í alla nótt inni í gestaherbergi, en það er yfirleitt þannig er hún sefur að hún hertekur alveg afa rúm svo er Neró þarna einhversstaðar og afi liggur út á ystu brún, en hann um það, ég ýti bara smá í hana og þá færir hún sig, en hann lætur undan.

Jæja ég vaknaði eldsnemma og hún trítlaði fram um 8 leitið það var nú farið að horfa á skrípó, borðaður morgunmatur og spjallað.
Pabbi hennar kom svo undir hádegi og fengum við okkur hádegissnarl saman. Milla var að vinna til tvö, en svo var verið að fara í smá vinnu niður í verbúð, Aþena Marey fékk að fara til Hjalta Karls frænda síns og vera þar á meðan.

En vitið, mér finnst svona óveðursdagar svolítið  öðruvísi, í dag hef ég til dæmis verið að horfa á kertaljósin sem voru kveikt hér, hugsaði um þá sem eiga um sárt að binda og hvað ég er vanmáttug, það er svo lítið sem ekki neitt hægt að gera, nema að biðja, og biðja, fyrir öllum sem eiga um sárt að binda, þeir eru svo margir sem hafa misst og einnig sem eru með mikið veik börn og önnur skyldmenni.

Mér verður einnig hugsað til þess hvað það er ekki sjálfgefið að ég sé glöð, eigi góða að, að ég elski fólkið mitt og það mig.

Auðvitað bjátar eitthvað að hjá mér eins og öðrum, en ég trúi því að það bjargist allt saman og að þeir sem eru veikir nái sér á strik.

Guð veri með okkur öllum

Sumir dagar smella bara.

Og það gerðist í dag.

Sporðdreki: Þú munt eiga heillandi samskipti við aðra í dag. Vertu óhræddur við að kanna hluti og draga síðan af þeim lærdóm sem þú getur nýtt þér til framtíðarinnar.

Í morgun fór ég í þjálfun, síðan heim, lagði mig því ég vaknaði klukkan fimm í morgun svaf alveg yndislega vel til 12, borðuðum síðan. Aþena Marey var sótt á leikskólann hún var hjá okkur í dag og er enn því hún ætlar sko að sofa hjá ömmu og afa, enda er hún ein um alla athyglina hér á þessum bæ.

Svo um fjögur leitið rættist stjörnuspáin, til mín kom vinkona sem ég var eiginlega að kynnast og þakka ég guði og þeirri konu sem kynnti okkur fyrir það, við smullum saman eins og flís í rass.
Ég veit að framtíðin verður björt með henni sem vinkonu.

Fallega stelpan hennar ömmu, sem ætlar að sofa hjá okkur í nótt.



Prinsarnir hennar ömmu í Njarðvík eru nýbúnir að eiga afmæli.

Þessi þrjú eru yngstu barnabörnin, en svo kemur stelpa í janúarlok
mikið er ég rík.

Jæja held að ég fari að vinna í því að koma litla ljósinu í rúmið og
svo sofna ég bara sjálf á eftir.

Yoko Ono þú ert frábær.

Yoko Ono safnar fé fyrir íslenskar fjölskyldur. mbl.is/Árni Sæberg

// Innlent | Morgunblaðið | 9.10.2009 | 05:30

Yoko Ono safnar fyrir fjölskyldur

Listakonan og friðarsinninn Yoko Ono býður Rauða krossi Íslands að vera með fjársöfnun í tengslum við tendrun Friðarsúlunnar í Viðey og minningartónleikana um John Lennon í Hafnarhúsinu í dag, föstudaginn 9. október.

Sjálfboðaliðar Rauða krossins munu selja pakka með friðarnælum sem hannaðar eru af Yoko Ono í Hafnarhúsinu í kvöld og úti í Viðey á föstudags-, laugardags- og sunnudagskvöld, auk þess að taka við frjálsum framlögum frá fólki. Þá verður söfnunarsími Rauða krossins, 9041500, opinn næstu daga, en 1.500 kr. gjaldfærast af næsta símreikningi þegar hringt er í hann.

Ég elska svona hjálpsemi, heyr heyr fyrir þér flotta kona.
Nú eiga allir sem geta að styrkja, kaupa næluna, og
vonandi verður hún einnig seld úti á landi.

Njótið dagsins með frið í hjarta.

Yoko Ono safnar fyrir fjölskyldur

Og ég sem elska þetta blað

Get ekki verið án þess, eða hitt þó heldur.  En vitið að ég hef ekki geð í mér þó að ég hefði ráð, sem ég hef ekki til að borga fyrir blaðið. það er alltaf verið að nýðast á  okkur landsbyggðarfólkinu.
Það er svo sem auðvitað að stóru staðirnir fá áfram blaðið heim að dyrum, en við höfum alltaf þurft að sækja það niður í búð.

Hvað halda þessir menn að við séum, moldarkofa molbúar eða aumingjar með hor sem segja bara:,, Allt í lagi við borgum bara," þið eruð búnir að vera svo lengi góðir við okkur." Nei aldrei og ég mun heldur ekki borga fyrir Fréttablaðinu á netinu, hef reyndar aldrei lesið það þar.

Jæja mér er nú alveg sama um það.
birti ykkur eitt fallegt eftir
Magnús Ásgeirsson.

Mig var að dreyma.

Þögnin og ástin
eru systur ---
Mig var að dreyma
að ég væri kysstur.
Ég mætti í svefninum
mjúkum vörum,
---þú varst á förum.

Eg hefði kosið þér
kærsta óðinn.
En þögnin fjötraði
þrána og ljóðin.
hún oft mig vefur
í arma sína
og stingur svefnþorni
söngva mína.

En þögnin vægði
samt þessu ljóði.
---þú mátt ekki hneykslast
á heitu blóði.
Mig var að dreyma,
að eg væri kysstur.
Þögnin og ástin
eru systur.

Fréttablaðið selt úti á landi

AGS: Byrjun á vítahring

Datt í hug er ég las það sem Ögmundur sagði að við þyrftum ekki á AGS að halda og bara út með hann og þar er ég sammála, því hann mun stefna okkur í glötun, verðum að ná tökum á vitrænni hugsun.

Notum hann sem agn í lífinu sjálfu, þegar ung við erum, kærulaus, áhyggjulaus og bara hamingjusöm nær engin vitræn hugsun í gegn og við tökum inn sjóð eins og AGS, fáum ekki inn í okkar ungu og galsafengnu hugsun að við séum nú að axla okkur byrgði um öxl, en það er akkúrat það sem við erum að gera.

Það er sama hvar við berum niður og af hvaða ástæðu við notum AGS. Tökum mig til dæmis, ég var ung að árum er ég fór að borða of mikið, eigi kom það að sök á meðan ég var í fimleikum á skautum, skíðum svo ég tali nú ekki um allan dansinn, leikina og húllumhæið.
Elskurnar mínar, fljótlega fóru nú kílóin að sallast og ég hugsaði, ræð við þetta ekkert mál, mikil ósköp rétt var það, að ég taldi, endalausa megrunarkúra fór ég í, en endalaust þurfti ég að borga vexti því kílóin komu margföld aftur, og eftir því sem árin liðu hækkuðu þeir bara þar til ég réði ekki neitt við líf mitt lengur, bara át og át þar til AGS byrjaði að taka sinn grunn og hann var rándýr, fyrsti hluti grunnsins hét heilsa, annar hluti hét heilsa, þriðji hluti hét heilsa, samt var ég búin að borga ofurvexti allt mitt líf

Ekki nóg með það elskurnar mínar, einnig tók hann, kæruleysið, áhyggjuleysið og hamingjuna og það var að sjálfsögðu gott, ég var nefnilega svo gjörsneydd þeirri hugsun að þetta væri mér að kenna, að ég gæti breytt þessu, að ég væri sjálf minn örlagavaldur og engin annar.

 Ég er á góðri leið núna, búin að losa mig að mestu við AGS, það tekur á að vera hreinskilin og opin við mig sjálfa, en til þess að öðlast hamingjuna á ný þá er það nauðsynlegt og ég hef valið.
Þetta á við um allt í lífinu. Takið eftir að þó ég hafi valdið og valið þá get ég þetta ekki sjálf, en sem betur fer á ég góða að og þakka Guði fyrir það.

Færslan mín í gær samtvinnast þessari: ,,Stjórnsemi, frekja, yfirgangur, ást, gleði, og margt fleira eru verkfæri sem þú heldur að geri þig hamingjusamari, "það er ef það er eftir þínu höfði."

Verum vitur saman áður en við seljum okkur til AGS, hugsum um þau sem eiga að erfa landið.

Takk fyrir mig.

Hvað eru vandamál?

Það eru snúin svör við þeirri spurningu, enda eru það ekki svörin heldur hvernig þú vinnur úr og leysir vandamálin.

Sporðdreki: Þú efast um getu þína til að kljást við snúin vandamál þessa dagana, alveg sama hversu mikla reynslu þú hefur að baki. Gefðu þér tíma til þess að undirbúa þig.

það er svo satt að ég hef mikla reynslu að baki, enda rétt að verða 67 ára fékk þennan líka póstinn um það allt í gær, nenni ekki að lesa hann því ekkert sem þar stendur mun standast í framtíðinni, læt ykkur vita ef það gerist.

Vandamálin mín í gegnum lífið er að hafa verið afburða stjórnsöm, þá meina ég að ég bæði stjórnsöm og að ég hafi stjórnunarhæfileika, en ekki alltaf er það metið eða sú reynsla sem ég hef talin sú rétta, en það er ekki mitt mál, eða er það.

Það er nefnilega þannig að hvorki ég eða aðrir hafa rétt til að stjórna eða að segja til um hvernig aðrir eiga að vera, ekki rétt til að fara fram á að fólkið sem er í kringum þig sé eins og þú vilt. Ég get gefið ráð ef ef ég er beðin ekki annars, og þá segir maður: ,, Ég mundi hafa þetta svona og svona, ekki, þú átt að hafa þetta svona og svona."

Fullkomnunaráráttan mín hefur einnig verið vandamál og það stórt, er aðeins að slaka á með það núna, en á afar bágt með að þola óreiðu, þá meina ég ekki þó að það sé drasl og dót eftir mig og fleiri, heldur bara óábyrgt tal og lygi sem er svo algengt í hinu daglega lífi fólks, af hverju er bara ekki hægt að segja sannleikann eða bara þegja.

Eitt stórt vandamál á ég, það er trúgirni og að vorkenna fólki sem vælir utan í mér, en mikil ósköp það hefur nú slípast í gegnum árin hæfileikin til að sjá út þá sem virkilega þurfa og þá sem setja á laggirnar drama fyrir mann.

Nenni nú ekki að tala um karlamálin ég segi:
,,Karlmenn eru undantekningarlítið vandamál,
í flestum tilfellum eiga þeir svo bágt að við verðum
að strjúka þeim klappa eða að þeir fara bara í fýlu."

Nú svo eru það þjóðfélagsvandamálin og ætla ég ekki að fara út í þau núna, enda að fara í þjálfun,
á eftir að fara í sjæningu og þið vitið dúlla mig upp svo ég líti betur út en ég geri nývöknuð.

Hvað eru vandamál og hvað eru
tilbúin dramastykki?

Knús knús

Milla

Hugleiðingar

Verðugar hugleiðingar, að sjálfsögðu verðskuldar
einkalíf mitt athygli, hvað annað.
Stjörnuspáin mín í dag er þessi.

Sporðdreki: Einkalíf þitt verðskuldar jafn mikla
athygli og lífið í vinnunni. Taktu þetta með í reikninginn
og reyndu að líta sem best út.

Eins og ég líti ekki alltaf vel út, vaknar náttúrlega á hverjum
morgni með úfið hár og stírur í augunum, en samt svo sæt,
sætari verð ég samt eftir sjæningu, og fer hún fram svona eftir
nennu og getu.

þetta er nú samt ekki bara mitt einkalíf, ég á mína friðhelgi og mitt yndislega fjölskyldulíf, en einkalífið blandast því sem er að gerast í heiminum í dag og þá sérstaklega í landi voru og er það nú ýmislegt að mínu mati. Lítið verður nú um sjæningu ef maður á ekki fyrir make draslinu, en auðvitað fer í ver þegar ég þarf að velja á milli að kaupa lyf eða mat. Ef ég kaupi lyfin þá svelti ég og drepst á endanum, það sama er um matinn ef ég kaupi hann þá drepst ég því ég get ekki lifað án lyfjanna.

En elskurnar mínar skítt með mig ég er orðin svo gömul, læt bara leggja mig inn á stofnun sko svona elliheimili, þið vitið með einhverjum í herbergi, mun sko velja að hafa það karlmann þær eru svo fjandi leiðinlegar margar þessar kerlingar.

En hrikalega er ég orðin tuðsöm, mætti halda að ég væri komin á elliheimilið, en ég er búin að segja stelpunum mínum að ef ég verði eins og hún mamma á elliheimilinu þá er bara að taka af mér símann hætta að koma í heimsókn, en í öllum bænum að skaffa mér nóg af léttu, sígarettum og glansblöðum, ætla nefnilega að byrja að reykja og drekka á elliheimilinu, það er að segja ef vasapeningarnir "Duga" Kannski verða þeir ekki orðnir neinir er ég fer á slíka stofnun.

Góðar stundir

Bara að láta vita af mér.

Skrítið, eða hvað, nei kannski ekki, en ég er búin að vera hálf löt við þetta blogg. Í heilt ár er þetta búið að vera sama tuggan, ekkert breytist, púðrið farið úr öllum landsmönnum, sem er í sjálfu sér ekkert skrítið.
Ég sakna Jennýjar Önnu frænku minnar, en les hana bara á Eyjunni.
Langbrókin mín má alveg fara að koma inn aftur, en kannski hættum við bara, það eru til fleiri staðir ef maður vill.

Merkilegt að ég sakna bloggsins ekki neitt, allavega ekki eins og er, en ég ætla að sjá til hvað gerist er líða tekur á veturinn og mun að sjálfsögðu setja inn línur ef eitthvað pirrar mig eða gleður.

Ég hef að sjálfsögðu samband við mína vini og ættingja á facebokk, það er skemmtilegur miðill þó öðruvísi sé.

Hjá okkur verður fjör og fullt hús um helgina, ég elska svona helgar.

Knús knús og kærleik
Milla

Hvað eru leiðindi?

Jú leiðindi er það sem fólk býr til, mál sem koma upp og gerð eru af leiðindum, annað hvort á milli fólks,  flokka, en alltaf af mannavöldum. Að láta sér leiðast eða að finnast eitthvað leiðinlegt er allt annað mál, tel ég það vera þroskaleysi ef fólki leiðist, manni á ekki að leiðast eitt eða neitt.

Sko ef mér leiðist eitthvað sem er í sjónvarpi eða fréttum þá fer ég bara eitthvað annað og loka mig af í tölvunni eða í skemmtilegu símtali við fólk sem hugsar líkt og ég.

Guð vitið þið að mér er búið að leiðast að horfa á sjónvarp í heilt ár eða meira, er ég orðin húmorslaus eða hvað er að gerast, nei trúi því ekki því ég get hlegið af barnamyndum og gríni með börnunum, enda ætíð fundist barnaefnið skemmtilegasta efnið hver á líka að dæma, hvað er fyrir börn og hvað fyrir fullorðna?

Núna sit ég til dæmis í tölvunni og dreifi yfir ykkur hugleiðingum mínum um leiðindi og að láta sér leiðast, sem er náttúrlega tvennt ólíkt  og allir eru sammála um það, eða er það ekki?

              Perlan

Hún lá í sænum
í sinni skel
uns leit hana einhver,
sem leitaði vel.

En nú hún tindrar
sem tár á hvarm
við fegurstu meyjunnar
mjallhvíta barm.

Og nú ær engin dáð hana
nógu vel.
En -- samt var hún meinsemd
í sinni skel.

Magnús  Ásgeirsson.

 

Að standa með sjálfum sér.

Við vitum að það gera ekki allir, en Ögmundur Jónasson sýndi það í dag að hann lætur ekki kúga sig til að skipta um skoðun.

Fleiri mættu vera eins og hann, takk fyrir okkur Ögmundur.

Ögmundur segir af sér

Sjáið þennan óhugnað

Hvað þarf mörg svona möstur til að koma allri þeirri raforku
sem þarf í allt það sem er í gangi á suðurnesjum?

Fyrir utan sjónmengunina sem þau valda þá er það vitað mál
að loftið í margra mílna fjarlægð víbrar af rafmagni, og veldur
fólki ómældum óþægindum, sem og veikindum.
Þetta vita allir sem vilja vita það.

Þingmenn Suðvesturskjördæmis hafa verið kallaðir til fundar í hádeginu í dag til að ræða úrskurð umhverfisráðherra um að fella úr gildi ákvörðun Skipulagsstofnunar um að ekki verði sameiginlegt umhverfismat vegna Suðvesturlínu og tengdra framkvæmda.

Það á náttúrlega jafnt yfir alla að ganga, en eigi veit ég
hvort það hafi vakað fyrir umhverfisráðherra, eða eitthvað
annað.
Sagt er að eftir að umhverfisráðherra hafi kynnt sér málið
og sé bara um formsatriði að ræða, skil ekki alveg, ef um það
er að ræða, til hvers er þá gjörningurin, og er þá verið að
búa til vinnu fyrir einhverja? Eða að undirbúa frestun á málum
eins og svo víða.

Auðvitað á Suðvesturlína að fara í  sameiginlegt umhverfismat
þetta er nú engin smáframkvæmd og vel sjáanleg.

Björgvin kvaðst vona að úrskurður ráðherrans gengi ekki gegn
stöðugleikasáttmálanum né að hann tefði framkvæmdir við
álverið í Helguvík.

Ja hérna seinki ekki framkvæmdum, hvað með aðra staði á
landinu sem bráðvantar atvinnu-uppbyggingu, ekkert
hugsað um þá, bara öllu hrúgað á Suðvesturlandið.
Bara að benda á að gagnaver væri miklu betur sett til dæmis
á norðurlandi.

Ekki ætla ég að ræða staðsetningu álvera, það er nú til skammar
hvernig staðið er að þeim málum, og það kemur ekkert því við
hvort ég er með álverum eður ei

 

 

 

Úrskurður umhverfisráðherra veldur mikilli óvissu

Róið að þessu

Af hverju var Jóhann ekki löngu búin að láta þetta út úr sér, það hefði sparað tíma,þar sem þetta hefur lengi verið vita mál. Út úr þessu stjórnarsamstarfi vill hún fara, en hvað hún ætlar sér í staðinn, veit nú engin, hennar eina hugsun virðist vera, að Icesave málið verði samþykkt og að ganga í ESB, ef það mundi ganga eftir mundum við sjá bros, en hver vil nú sjá það, og hver vil stjórna með henni upp á það, ekki finnst mér að fólk vilji borga eða ganga í ESB.

Nei Utanþingsstjórn er það sem við viljum, því ekkert virðist vera að gerast með viti í þeirri stjórn sem ég ætlaði svo sannarlega að gefa tækifæri.

Fellur ef ekki næst sátt um Icesave

Fyrir svefninn

Í gær sprautaði ég trjágrein sem ég ætlaði að setja fyrir ofan borðstofuloftið, sem ljósakrónu, var með aðra fyrir, en serían á henni var sprungin svo í morgun er við vorum búin í sjæningum og öðru morgundútli settum við upp nýja grein, það tekur nú smá tíma að setja 70 ljós á svona grein svo vel fari, en þetta kom út úr því.



Held að Gísli minn sé bara alveg að sofna.



Ég er bara ánægð með þetta verk okkar.

Við vorum svo með litlu ljósin Aþenu Marey og Hjalta Karl, síðan
kom Viktoría Ósk og borðaði með okkur, einnig Ingimar er hann
kom að sækja sínar dömur.
Það er alltaf ljúft að hafa þau elskurnar.

Hugsanir á köldum
haustdegi.

Nú fella trén lauf
og gæsir fljúga suður
um vatnið næða
naprir norðanvindar.
Mitt ból við bugðu stendur
á bökkum Hsiangár,
svo fjarri Ch´u
sem skýjabrún á himni.
Hvert tár er þrotið,
slík er heimþrá mín.
Ég horfi einn á segl við sjónarrönd
og sál mín þráir ferju
er rökkrið fellur yfir lygnan sjó.

Höfundur ókunnur, tekið úr bókinni
Austan Mána.
Pétur Hafstein Lárusson þýddi.

 Góða nótt

Kæru vinir: " Ég vildi "

Ég vildi gjarnan geta hjálpað öllum
og gefið þeim sem lítið eiga til,
hvern veikan bróður varið þyngstum föllum
og veitt þeim skjól er þurfa ljós og yl.

Ég vildi geta vermt hvert kvalið hjarta
og vökvað blóm er þurrkur sverfur að,
og burtu hrakið hryggðarmyrkrið svarta
svo hvergi neinn það ætti samastað.

Ég vildi líka gera gott úr illu,
og greiða brautir þess sem villtur fer
og hjálpa þeim sem vaða í vegavillu,
sem vita ei hvaða stefna réttust er.

Á göngu lífs ég löngu er vegamóður
og lítils er að vænta því af mér.
Með hjálp og aðstoð þinni, guð minn góður,
ég get þó margt ef viljinn nógur er.

Guð veri með ykkur kæra fjölskylda og megi
þið ná að fá fúsleika til að taka við blessun hans.

Elsku Ásthildur og fjöldskylda, þið verðið
í mínum bænum elskurnar mínar.

Milla og fjölskylda