Er Ingibjörg búin á fá umboðið?

Viljið þið upplýsa mig þið sem vitrari eruð, sko er eigi að skilja
hringavitleysuna í þessu. Þetta segir Ingibjörg.

Ingibjörg Sólrún Gísladóttir, formaður Samfylkingarinnar, segist
ekki telja útilokað að það takist að mynda nýja ríkisstjórn á morgun.
Sagðist hún hafa gert forseta Íslands grein fyrir því að hún vilji stuðla
að því að mynduð verði stjórn Samfylkingar með stuðningi VG og
Framsóknarflokks og Frjálslyndi flokkurinn komi þar einnig að.


Hefði talið að Geir H. hefði enn þá umboðið.
Svo er annað sem ég ekki skil, var ekki þjóðin að fara fram á
algjöra breytingu? Hver er þá breytingin,? er þetta fólk ekki allt
búið að sitja á þingi, og hvað halda menn að þeir beri ekki einnig
ábyrgð, jú það gera þeir svo sannarlega.

Ef satt reynist að Ingibjörg eða einhver fyrir hennar hönd hafi
verið búin að leggja línurnar fyrir það sem gerðist í gær, ja þá er
sá flokkur ekki mikils virði í mínum huga, hefur reyndar aldrei verið það.

Var ekki verið að fara fram á þjóðstjórn og hvar er hún þá?

Núna er ruglið heldur áfram. þá verður hún ekki til.

Ég sem fyrrverandi sjálfstæðiskona síðan ég man eftir mér,
vann fyrir flokkinn frá 12 ára aldri. að mig minnir, hef séð
ýmislegt í gegnum árin.
Ekki bara í þeirra röðum heldur annarra einnig og ég sé líka að
stjórnarandstaðan hefur eigi viðhaft tilkynningarskyldu sem henni
bar að hafa, með allri þeirri tækni sem yfir er að ráða í dag.
Þeir bera einnig sök. Fólki hefur ætíð fundist fínt að vera þotulið
og hvern á maður þá að kjósa, getur einhver heimfært það.
Best að vera bara heima.

Eigið góðan dag í dag
Milla.

Ný ríkisstjórn í kortunum?

Fyrir svefninn

Fór í þjálfun í morgun og var Jóhann hinn sænski
nokkuð ánægður með mig, mér fannst ég ekki hafa náð
miklum árangri, en viti menn hann taldi það bara gott
sem komið var, á að halda áfram næstu viku í þessu
prógrammi svo elsku Gísli minn þarf að vera til taks ef ég
skildi nú detta er ég er að reisa mig upp þetta er eigi
auðvelt skal ég segja ykkur.

Nú Gísli fór svo að ná í Dóru fram í Lauga, hún var í fríi í dag
og þá er verslað inn fyrir heimilið.
Neró fékk að fara með, eins er hann ók henni heim aftur, þá
hitti hann englana mína og fóru þær og leifðu honum að
hlaupa um, er þeir komu heim aftur steinlá hann úr þreytu.

Milla mín kom svo í kvöldmat með ljósin mín og Hafdísi bestu
vinkonu Viktoríu Ósk, síðan fóru þær í sund.

Það er nú eiginlega ekkert hægt að lýsa deginum í dag

maður er búin að vera hálf dofin, veit í raun ekkert hvað
gerist. Sjáum til á morgun.

                **************************

Án Titils

Á meðan birtan,
bláköld birtan,
sefur í lófa þínum
stígur einmana nótt
sín fyrstu spor.

            Ásdís Óladóttir

Ástin.

Ástin er lífið - hvað annað?
Unaðarvaki sálum tveim.
Hún ein fær hrifningu vakið,
svo hjörtun slá fagnandi, örar
hjá konu og manni í köldum heimi.

            Auðunn Bragi Sveinsson.


Litla ljósið mitt vildi endilega lána Neró Build a Bear meðan hann svaf
Þessi heitir Hana Montana.

Góða nótt kæru vinir

Stöðugt detta kjálkarnir niður, sko á mér.

Það var nú komin tími á að seðlabankinn væri tekinn
fyrir. Óhætt að tendra elda þar og vel við hæfi.
Voru ekki ávallt tendraðir eldar hér á öldum áður
fyrir utan virki og seðlabankinn, sem er nú það ljótasta
hús sem reist hefur verið, er bara eitt stórt virki.
Haldið ykkur við seðlabankann þar til sigur vinnst.
Þeir eiga nefnilega ekki neitt, ekki einu sinni sláturkepp
að henda út til ykkar,
eins og norðanmenn í Borgarvirki gerðu fyrir margt löngu,
við sunnanmenn, sunnanmenn hörfuðu töldu norðanmenn
eiga nægan mat til að þrauka, en þetta var síðasti keppurinn.

Björgvin sagði af sér í gær eins og landsmenn vita.
Tel hann bara vera að vinna að eigin hagsmunum,
enda bráðgreindur maður á ferð.

Við fáum víst niðurstöðu í dag. Mér er spurn í hverju?
Jú eigi er ég svo vitlaus að ég skilji það ekki að samfylkingin vill
fá allt eins og ég áður hef álitið, en hægan er það það sem fólkið
er að biðja um, verðum við sátt við þá niðurstöðu að hún muni
alfarið ráða fram að kosningum?

Trúlega hlæja nú einhverjir úti í hinum stóra heimi er þeir sjá
myndir að mótmælum frá höfuðstöðum Baugsveldisins,
og trúlega segja að þetta sé ekki rétt mynd, því hverjum dettur í
hug að höfuðstöðvarnar séu svona litlar, hlýlegar og húsin svona
en ekki einhverjar glerhallir, hef ætíð dáðst að þessum húsum,

Svo er það rúsínan í pulsuendanum kynlíf í þrívídd, hlakkar til að sjá
það, OMG hlýtur að vera magnað.

Eigið Góðan dag í dag.
Milla

Fyrir svefninn

Eins og ég tjáði mig um í morgunn þá voru hér fjórar
prinsessur. Allar eru þær sjálfbjarga nema kannski
litla ljósið sem þarf svo litla athygli á stundum, má sjá það
á þessum myndum sem hér koma.


Afi dottaði aðeins og hún setti þessa frægu Build a Bear
við hliðina á honum, síðan kom þetta.


Hún var búin að fá sínu framgengtað vekja afa.
enda fær hún það ætíð/oftast.


Ljósálfurinn minn sem ætlar að verða kokkur, gaf okkur
á diska í gær og fórst henni það vel úr hendi.
Hún er bara yndisleg.


afi að fíflast er þær voru að taka mynd af honum að borða.

Þarna var ég að fíflast í þeim, þær elska þessa mynd
og ég mátti alsekki eyða henni.hlýði ég


Nú að því að ég veit hvað þær elska þessa mynd af sér
þá set ég hana að sjálfsögðu inn
Bara að segja að ég átti afar skemmtilega helgi,
Takk fyrir mig englarnir mínir.
Amma.

Góða nótt
og sofið rótt
í alla nótt
og dreymi ykkur vel.

Morgunstund gefur gull í mund.

Farið var frekar seint inn með litla ljósið í gærkveldi.
Ég vaknaði er Gísli kom inn og átti erfitt með að sofna
aftur, nú gerði það nú samt einhvern tímann.
Vaknaði við einhvern ljósbjarma, stóð þá ekki þessi engill
og sagði er ég leit á hana: ,,Amma ég er bara að gá hvað
klukkan er, sjáðu hún er tíu mínútur í 9, það var nokkuð rétt
henni vantaði 15 mínútur í."
Hún kom síða upp í og við kúrðum smá, Yndislegt, nú hún
þurfti að fara til að horfa á skrípó og er búin að sitja þar síðan,
reyndar fram í stofu því þær eru náttúrlega heilagar skvísurnar
inn í gestaherbergi, en vitið þið, það kemur sér vel fyrir Gísla sem
elskar að horfa á skrípó og bíða í ofnæmi eftir Walt Dysney
þættinum, þá heyrir maður, Yes! og svo gefa þau hvort öðru five.

Núna eru þau að fá sér morgunmat saman, afi fær sér hafragraut
og hún er ætíð nokkra stund að ákveða sig hún hefur svo gaman
að því að láta hann stjana við sig og hann gerir það óspart.

Nú heyri ég að hann er búin að láta rúlluborðið fyrir framan hana
svo hún geti borðað í stofunni.
Það er nú ekki í lagi með suma afa.

Jú annars lesið nú, á mínu bernskuheimili var allt svo settlegt
og fínt að maður mátti helst hvergi vera svo ég tali nú ekki
um er maður kom með barnabörnin er sá tími kom, Ó GUÐ!

Þá ákvað ég að það yrði ekki svoleiðis á mínu heimili hér er
allt mjög skemmtilegt og ef þau brjóta eitthvað þá bara gera
þau það og það er ekkert mál, í mínum huga, þetta eru dauðir
hlutir og ef þeir brotna þá á ég ekki að eiga þá lengur.
Í ruslið með það.
Nú er ég hætt þessari morgunræpu.
Eigið góðan dag í dag.
Milla

Fyrir svefninn.

Fyrir rest vöknuðu englarnir mínir, eða er ég opnaði inn
til þeirra um hálf þrjú, rétt á eftir hringdi Milla og sagði
að Ingimar kæmi kl 4 til að fara niður í búð með þær  allar
til að kaupa , er bara ekki að skilja þetta
því þær eru kannski alla vikuna eða tvær að klára þetta
ógeð
Nú við borðuðum pestó kryddaðar kjúklingabringur, ostasósu
og pasta, hrikalega sterkt og gott.
Síðan fóru þær allar inn og lokuðu hurðinni á eftir sér því það
voru fréttir og þá er þögn í stofunni.

Það er nú svo sem í lagi því þær hafa tvö herbergi til að drolla í
annað með tölvunni og hitt með öllu því sem þeim dettur í hug að
horfa á, en allar fóru inn í tölvuherbergi, ein fór í tölvuna tvær að
hanna og sauma föt á build a Bear sem litla ljósið á, vitið þið
hvað build a Bear er ? ekki ég, hann er bara voða mjúkur.
Litla ljósið var aðallega að pirra hinar þar til ég fékk hana til
að horfa á spólu og eru þær að því núna.
Ég fer nú bráðum að fara með hana inn, ég les fyrir hana og
hún sofnar eins og engill.
Hinar drollast fram eftir allri nóttu ef ég þekki þær rétt.

Jæja það er við hæfi að koma með smá eftir hana Ósk,
það vita nú allir sem lesa hjá mér hver hún er.

Hvernig ég er inn við beinið.

Ýmsum er ég sökum seld
svikul, grimm og löt,
en inn við beinið að ég held
aðallega kjöt.

Mínir rúmsiðir.

Ég opna bók eða yrki bögu
þá Óli lokbrá knýr að ranni.
Hvað gerist milli svefns og sögu
segi ég ekki nokkrum manni.

Góða nótt kæru vinir

 

Guð hjálpi þessu fólki.

Ég held að þessir rótækustu ættu að setjast niður og
róa sig, tala saman og snúa við blaðinu.
Það er komið nóg af fjandans ógeði frá vissum hópi fólks
bæði í viðtölum og kommentum á bloggi fólks.

„Ég er ekki farin að finna til með honum ennþá.
Ég tel hann heppinn að hafa veikst því nú mun fólk ekki
þjarma að honum," hefur AP fréttastofan eftir einum
mótmælanda í Reykjavík dag, sem þannig kemst að orði
um Geir H. Haarde forsætisráðherra.

Eru þetta eðlileg ummæli? þessi maður er með afskaplega
veikan hugsunarhátt, hvaða heift er þetta eiginlega?
Ég er alveg reið og sár yfir því ástandi sem hér er komið
upp, en ég er ekki með hefndarhnútinn fast reyrðan allan
sólarhringinn.
Og það er langt frá því að ég sé að leita eftir sökudólg,
Því hvað í fjandann vitum við, hvernig og eða hverjir urðu
þess valdandi að þetta gerðist.?
Það er á tæru að við þurfum breytingar, og þær verða,
búið að koma því til skila og nú er bara að vera á
eftirfylgni-vaktinni, kann fólk það?

„Hann hefði átt að biðjast afsökunar og segja af sér,"
er haft eftir Guðrúnu Tryggvadóttir, sem titluð er ritstjóri vefsíðu.
„Ég er ekki farin að finna til með honum ennþá. Ég tel hann heppinn að hafa veikst því nú mun fólk ekki þjarma að honum. Ég vil nýja stjórnarskrá, og síðan samkeppni um það hvernig nýja Ísland ætti að vera."

Aktívistinn Gunnar Hinriksson segir við AP að Íslendingar muni sitja uppi með sama tóbakið þar til eftir kosningar. „Leiðtogar okkar eru sjúkir og þjóðin líka," segir hann í samtali við fréttaritara AP. 

Óttar Norðfjörð, rithöfundur, var einn mótmælendanna sem AP ræddi við í dag. Hann telur útilokað að ríkisstjórnin geti starfað almennilega á næstu mánuðum meðan kosninga er beðið.

„Hvernig getur ríkisstjórnin starfað eðlilega þegar báðir formennirnir eru veikir?" er haft eftir honum. „Þetta er að verða eins og kvikmynd eftir Woody Allen."

Þetta eru nú bara þau ógeðslegustu orð sem ég hef numið
fyrr eða síðar. Af hverju flytur þetta fjandans pakk ekki úr
landi finnst leiðtogar og landar eru svona sjúkir.

Langar að spyrja hvað er, þetta pakk sem talar svona,
er það í stakk búið til að setjast í þjóðstjórn?
hefur það lausnir á silfurfati, nei líklegast yrðu þær á
tréfati, en ég get svo sem gefið ykkur eitt af mínum
það er ef þið hafið lausnir.

Fyrirgefið kæru landsmenn þessi dónalegu skrif, en nú
er ég reið og skrifin gætu verið verri, en læt það bíða.

Svo er eitt enn, mér finnist að sá sem fyrir þessum
mótmælum stendur ætti að koma fram og tilkynna að
það sé ekki stefna þeirra að níða niður land og þjóð
þar af sýður veikt fólk.

Guð gefi okkur öllum ljós og kærleik.
Milla.

 

„Ekki farin að finna til með honum ennþá“

Er þetta virkilega til.

Já þetta er bara yndislegt, fá svona frétt í öllu amstrinu
sem hvílir á okkur í dag.
Nei ég er ekki að tala um kreppu eða annan vanda, bara
um svo margt sem gerist hjá fólki svo sem gleði, veikindi
og kærleikinn sem umvefur þetta allt ef við viljum hleypa
honum að.

Geiturnar eru þjófóttar það vitum við sem höfum skoðað þær
eða umgengist, þær stela af okkur slæðum treflum og öðru
því sem lauslegt er á okkur, en það er nú bara saklaust
þess vegna getur hún ekki hafa stolið heilum bíl, en ef
galdratrúin er svona ríkjandi þá sleppur þjófurinn eða sá
sem ætlaði að stela bara vel.
Er það ekki eftir öðru?

               *************************

Annars er ég bara góð, vaknandi klukkan 10.30 maður er
bara að breytast í ungling, sko dömurnar mínar vakna um
tvö leitið ætli ég endi í þeim tíma.
Gísli minn búin í sjæningu og þá fer é, svona eftir smá.

Eigið góðan dag í dag.
Milla

Þjófur breytist í geit

Fyrir svefninn.

Eina ferðina enn er maður búin að eta yfir sig af heimsins
bestu pitsum, sem Milla mín gerði. Það er ekki til það sem
ekki er sett á þær og eru þær vel sterkar, síðan kaffi á eftir
og spjall.
Tvíburarnir komu í dag og urðu þær eftir voru að horfa á
eitthvað með ljósunum, koma seinna heim.
Ég sagði þeim að sjálfsögðu að þær ættu að passa sig á því
að detta ekki á heimleiðinni, sko að því að það er svo mikil
hálka og það væri alveg bannað að labba niður í bæ
Þær eru að verða 18 ára. það var nú bara hlegið að mér,
mér finnst það nú ekkert fyndið.

Nú ég var að tala um að setja inn myndir af fleiri barnabörnum,
og hér koma þær.

Þetta eru þau Kamilla Sól og Viktor Máni þau eru Fúsa og Sollu
börn. Fúsi er sonur minn.



Svo kemur sko aðal gæinn, hann heitir Sölvi Steinn og það er ekki
seinna vænna að gera hann að púllara, er hann ekki flottur.
Hann er einnig Fúsa og sollu barn.



Þetta er Bára Dís, hún á bróðir sem heitir Hróbjartur en ég á
enga mynd af honum nema svo gamla.


Þessi fimm eiga heima fyrir sunnan svo ég sé þau ekki svo oft.

                         Perludjásn.

                Börnin eru perludjásn,
                þegar þau hjala
                tala þau við Guð
                og hann svarar þeim
                með blessun.

                                Eggert E. Laxdal.

Góða nótt kæru vinir

Gangi þér allt í haginn Geir.

Þetta er að sjálfsögðu hið sorglegasta mál, fyrst Ingibjörg
og núna Geir.
Sendi Geir konu  hans og fjölskyldu stuðnings og
baráttukveðjur.

Vill um leið minna fólk á alla þá sem berjast við þennan
sjúkdóm með von um að allt fari á þann veg sem bestur
er fyrir hvern og einn.

Geir: Kosið í maí

Vöknum og hugum að börnunum.

Ólafur Ó. Guðmundsson yfirlæknir 

Geðheilsa barna versnar í efnahagskreppu

„Efnahagslegar þrengingar eru áhættuþáttur fyrir geðheilsu barna, vegna þess að erfið efnahagsstaða foreldra og áhyggjur þeirra af henni getur haft bein áhrif á geðheilsu foreldra. Meiri líkur eru á því að þeir finni fyrir kvíða, depurð og reiði sem hefur áhrif á samskipti þeirra við börnin. Þessar tilfinningar geta t.d. birst sem fjandskapur í samskiptum og skapofsi, þannig að gæði uppeldisins minnka, sem svo aftur hefur bein áhrif á geðheilsu barnanna sem verður mælanlega verri og hegðunarvandamál þeirra fleiri," segir Ólafur Ó. Guðmundsson, yfirlæknir Barna- og unglingageðdeildar Landspítalans. Áhættan er meiri hjá foreldrum sem standa höllum fæti fyrir.

Ítarlega er fjallað um málið í Morgunblaðinu í dag

                **********************

Kannski vaknar fólk upp nú er fjallað er um málið eina
ferðina enn. Það er eins og ég hef oft sagt, fólk vaknar
ekki fyrr heldur enn börnin eru komin í alvarlegan vanda.

Ég bý úti á landi þar sem ég heyri eigi mikið talað um þessa
kreppu frekar en aðrar, það hefur nefnilega verið allt á
niðurleið hér eins og annarsstaðar í atvinnumálum, en við
einhvernvegin erum ekki að velta okkur upp úr því sem við
getum ekki breytt, þar af leiðandi verða börnin ekki svo vör
við breytingarnar.
Það er til dæmis aldrei talað um kreppu á mínu heimili eða í
kringum mig, við tölum um pólitík og orsakir og afleyðingar,
Náttúrlega verður maður að útskýra fyrir þeim sem eldri eru
hvað er að gerast, en þau skilja það betur.

Litla ljósið mitt að verða 5 ára kom fram og sá mótmælin í
sjónvarpinu og spurði: ,,hvað er þetta?" Þetta er fólk að
leika sér sögðum við og hún inn aftur og ekki orð um það meir.

Margir bloggarar eru búnir að tjá sig um þessa hluti og þar
á meðal ég, en eigi er von að fólk hlusti á eitthvert væl í
bloggkerlingum út um allt land, en vita skal fólk að ég
allavega hef reynslu af bæði börnum og kreppu því ég er
komin á þann aldur.

Núna hlustar fólk kannski og vonandi er það fær þetta
beint í æð frá Ólafi Ó. Guðmundssyni yfirlækni.

Eigið góðan dag í dag.
Milla

Geðheilsa barna versnar í efnahagskreppu

Fyrir svefninn.

Sumir hafa verið að spyrja mig um mynd af Millu minni hér kemur
hún þessi elska, það er ekkert skrítið að stelpurnar séu fallegar.



Svo verð ég nú að setja þessa inn þó gömul sé, þetta er Ingimar
minn kæri verðandi tengdasonur. Hann heldur á litla ljósinu mínu
og ljósálfinum mínum og hann er besti pabbi í heimi.



Mátti til með að setja þessa inn, Milla mín fixaði þessa mynd úr
tveim myndum. Milla er nefnilega myndasnillingurinn hér.
þetta eru tvíburarnir mínir sem búa að Laugum.



Svo eru það myndirnar sem hanga yfir buffetinu mínu, ég elska
Þessar myndir eins og allt sem þær hafa gefið mér þessar
stelpur mínar. Milla málaði þessar myndir og þarna eru þær
held ég bara að þorna. Hún er snillingur að mála.

Ég á nú fleiri barnabörn en ætla að nálgast myndir af þeim á morgun.

Smá heilræði.

Hvað svo sem við erum að reyna að losa um í lífi okkar,er það ekki
annað en einkenni, ytri áhrif. Að reyna að afmá einkennin án þess
að grafast fyrir um rætur þeirra, er gagnslaust. Um leið og við
slökum á viljastyrk okkar eða sjálfsaga skjóta einkennin upp aftur.

Hér kemur eitt ljóð eftir hann Bjarna M. Gíslason.

Íslenska stúlkan.

Ég nötra, er þú nálgast mig svo skjótt
í návist minni ekkert þarftu að fela.
Þeim, sem finnst þeir fremji eitthvað ljótt,
þeir færa enga gjöf, en bara stela,
Ó, þú manst hvernig það skeði fyrst,--
hin þýða hönd var himnasendur fengur.
Þú vissir tæpast, hvort þig hefði kysst
hinn káti andblær eða saklaus drengur.

Ó, manstu ekki hina ljúfu lind,
sem lög sín æfði sunnan undir granda?
Í hennar spegli ég horfði á þína mynd
svo hrærður, að ég þorði varla að anda.
Við vorum bæði eins og grasið grænt,
sem grær og angar eftir frostsins bruna.
Á svona stund var engum ástum rænt;
í okkar nekt var sólgjöf vorsins funa.

Ég gaf þér allt og gef þér enn í dag,
er geislar vorsins brenna á þínum vörum.
En syng nú vina, okkar ástarlag
í öðrum tón en hans, sem er á förum
þann söng ég heyri gegnum glaum og ys
og glitra sé þín bros, þín tár á hvarmi,--
þau verma og lýsa, verða ávallt blys,
sem veg minn bjarma jafnt í gleði og harmi.

Góða nótt kæru vinir

 

Sagan endurtekur sig.

Táragasi beitt á austurvelli.

Táragasi var skotið á mótmælendur á Austurvelli nú um klukkan
hálf eitt en það mun vera í fyrsta skipti frá árinu 1949 sem slíku
gasi er beitt hér á landi. Hvítan reyk lagði yfir Austurvöll þegar
gashylkjunum var skotið flúðu mótmælendur af svæðinu en
lögreglumenn voru allir búnir gasgrímum.

Er þetta gerðist 1949 þá voru mótmælendur að mótmæla
inngöngu Íslands í Atlantshafsbandalagið.
Það var gert með svipuðum hætti, miklar óeirðir, grjóti kastað
rúður brotnar og að lokum kom til bardaga á milli lögreglu og
borgara.
Gerði lögreglan og varalið hennar að síðustu árás á mannfjöldann
og dreifði honum með kylfum og táragasi.
Allir lögreglumenn voru með gasgrímur.
Margir borgarar særðust og nokkrir lögreglumenn er ryskingar
brutust út við þessar aðgerðir lögreglu.

Gaman að segja frá þessu því, að notað var sama efni til
útbýsnar og nú er gert það er, egg, grjót og moldarkögglum,
en nú er það skyrið í staðin fyrir moldarkögglana og meira að
segja höfðu þó nokkrir jeppa niðri á Austurvelli með
gjallarhornum á.

En það sem er skemmtilegast að segja frá er hvað blöðin
höfðu að segja um málið.
Morgunblaðið segir í fimm dálka fyrirsögn á forsíðu:
,,Ofbeldishótanir kommúnista í framkvæmd. Trylltur skríll
ræðst á Alþingi. Grjótkast kommúnistans veldur
limlestingum. Spellvirkjum dreift með táragasi."

Alþýðublaðið sagði: ,,Óður kommúnistaskríll réðist með
grjótkasti á Alþingishúsið. Rúður voru brotnar og
glerbrotum rigndi yfir alþingismenn inni í þingsalnum.

Tíminn segir: ,,Kommúnistar efndu til mikilla óspekta
fyrir framan Alþingishúsið í gær. Lögreglan varð að beita
kylfum og táragasi. Nokkrir lögreglumenn særðust og
allmargir borgarar.

Hins vegar var fyrirsögn Þjóðviljans á þessa leið:
,,Landráðin framin í skjóli ofbeldis og villimannlegra
árása á friðsama alþýðu. 8-10 þúsund Reykvíkinga
mótmæla fyrir framan Alþingishúsið og kröfðust
þjóðaratkvæðis. Svör ríkisstjórnarinnar voru gas-
árásir og kylfuárásir lögreglu og vitstola hvítliðaskríls."

Langloka eina ferðina en, bara varð að segja frá þessu.
það er svo skemmtilegt að bera saman atburði sem
gerast í voru landi. Það eru 60 tíu ár síðan þetta gerðist.

Gaman að geta þess í leiðinni að það eru rétt 60 ár síðan
Þjóðleikhúsið var vígt.

Eigið nú góðan dag í dag.
Milla

Táragasi beitt á Austurvelli

Fyrir svefninn.

Þessa mynd tók Gísli minn frá okkar húsi yfir Skjálfandann og
yfir í yndislegu Kinnafjöllin.


Ég ætla nú bara að láta hana vera inni þessa mynd, mun koma
með hana betri seinna, en þetta er mynd af mér og langömmu
minni tekin er ég fermdist, það eru nú ekki allir sem eiga svona
gullmola. varð að herma eftir Rósinni minni hún setti inn mynd
af sinni langömmu.

Hún Jóhanna Olgeirsson frá Ísafirði er í raun ekki alvöru langamma
mín, en þegar amma og hennar systkini misstu mömmu sína 1905
þá tók hún Jóhanna ömmu og systur hennar Sofíu að sér og fluttist
til Reykjavíkur. Nú þær systur giftust og eignuðust  börn og var
Guðrún Ágústína amma mín, hún dó er ég var 2 ára og þá var
eiginlega Soffía frænka eins og amma mín, man hvað mér fannst
hún falleg kona og hún var það og amma líka.
Þarf að láta skanna þessar gömlu myndir inn það er svo gaman að
þeim og kannski hafa aðrir gaman að sjá þær líka,
Allavega tískuna, munið þið tískuna eftir stríð hún var æði.
                     *********************
Er ekki bara ágætt að koma með ljóð sem heitir:

               Í skugga stríðsins

Á vályndum voðatímum
von mín leitar til þín,
sem að greymennum gerðir þá ekki,
er glímdu við örlög sín.
Þú lést ekki heift og hatur
og hrapæði villa þig,
en þeystir í hörmun og þrautum
um þúsund kiðlinga stig.

Við hófdyn þess herjandi ótta,
sem hamríður skáldanna þrá,
svo jafnvel þeim flugvissu fatast
við fnykinn af blóðugum ná,
ég minntist mansöngva þinna
við myrkursins ládauða ós,
hvernig þín sál í söngvum
seildist í himinsins ljós.

Þótt öld eftir öld þér bæri
örbirgð í hverja sveit,
þitt andsvar við æviþrautum
varð aldrei nein dauðaleit.
þín lífsþrá í stefum og stökum
stældist af fornri dáð,
þú kvaðst á við kölska sjálfan
og Krist baðstu í ljóði og náð.

Þú bauðst ekki bölsýnir einar,
er barnið rétti þér hönd,
því jafnvel af bliknuðum blöðum
sló bjarma á þess framtíðarlönd,
það dreymdi enga hillinga drauma
um dýrð hins glitrandi prjáls.
Í stefhlóðum gamalla glóða
fólst galdur hins frelsandi máls

Svo veit ég þá, hvað því veldur,
þegar vágestur dauðans hér
með ógnandi svartnættissýnum
sækir sem svartast að mér,
að gegnum hamfarir heljar,
sem hlakkar nú ofurrík,
heyri ég hjartaslög lífsins,
þinn hásöng í öreigans flík.

                         Bjarni M. Gíslason
             Úr bókinni: Af fjarri strönd. 1971.

Góða nótt kæru vinir

Eru þeir að láta undan?

Það getur nú ekki verið um neitt annað að ræða en slíta
þingi og efna til kosninga, allavega verður eitthvað að gerast.
Ég skammast mín nú ekki fyrir að vera Íslendingur, en ég
skammast mín fyrir að hafa tekið þátt í því að kjósa þetta yfir
okkur í áraraðir hef ég verið alveg blind og trúað þessum
fagurgúlum, ekki vantar nú slepjuna fyrir hverjar kosningar.
Eftir síðustu kosningar beið ég nokkuð lengi eftir að þeir
þessir bláu, sko mínir menn mundu standa við loforðin,
en nei það kom aldrei og fékk ég bara viðurstyggð á þessum
lygum og undanfærslum endalaust.
Mun aldrei kjósa þá aftur.

Það verður eitthvað að gerast strax, annars fer allt á verri
veg heldur en þegar er orðið og er það nú orðið slæmt.

Fundað með flokksformönnum

Reiði og afleyðingar hennar.

Fyrir margt löngu tók ég þá ákvörðun að blogg eiginlega
sama og ekki neitt um vandamálið í landinu, en stundum
getur maður eigi orða bundist.
Fólk er reitt það er skyljanlegt allt sem er að gerast hefur
áhrif á líf okkar mismikið reyndar.
Margir, of margir eru að missa heimili sín, vinnu og um leið
og við getum ekki verið sjálfum okkur nóg, þurfum að leita
annað eins og einhverjir betlarar þá hverfur sjálfsálitið.
þeir sem aldrei hafa þurft að missa það vita ekki að það er
fjandanum verra.

Það er nefnilega þannig að margir bæir út á landi hafa mist
allt vegna kreppu sem hafa gengið yfir, sem engin man eftir
og hafði það áhrif á alla þá sem þjónuðu þeim fyrirtækjum sem
lenntu undir hverju sinni.
Get ég nefnt dæmi um eins og slippi og smiðjur út um allt land
sem fóru á hausinn að því að útgerðar menn fóru að fara með
bátana í slipp, var það ekki til Pólands, það var víst ódýrara.
Nú eftir stóð eiginlega bara slippurinn í Reykjavik og á Akureyri
en held nú að hann hafi riðlað á völtum fótum, Oftast.
Nenni ekki að fara að tala um aðgerðirnar sem ríkið hefði getað
gert til að aftra þessum hörmungum.

Við sem erum eldri og höfum lennt í niðursveiflum erum betur
í stakk búin til að takast á við kreppuna heldur en unga fólkið
sem ekki veit hvað þetta er í raun.

Já en sjáið til það virðast vera fólk á öllum aldri sem er reitt,
fólk verður að setjast niður og spyrja sig: ,,hvað fæ ég út úr
því að vera endalaust reiður?"
Það er í lagi að verða reiður, en það er ekki í lagi að láta
reiðina ráða yfir lífi manns.
Það þarf að læra að sleppa reiðinni. Sjáið til engin maður og
ekkert heimili þolir reiðina til lengdar.

Þekki nefnilega dæmi um þar sem reiðin sundraði heimili
hann missti allt konu börn og kærleikann og hefur aldrei
fundið frið.

Hvað með börnin ykkar?
Eru þau ekkert hrædd svona innst inni?
Lærið að elska sjálfan ykkur til að geta gefið af ykkur á réttan hátt
hvort sem það eru mótmæli eða að tala við fjölskylduna um
allt og ekkert.

Eigið góðan dag í dag.

Fyrir svefninn.

Maður á víst að segja eitthvað af viti, en stundum langar
manni til að bulla bara.

Þegar ég vaknaði í dag, var afar þreytt eftir morguninn
ekki að ég hafi verið að gera eitthvað sem er erfitt, sko
eða þannigfór í þjálfun sem var alveg ný fyrir mér
líst bara ágætlega á þetta prógramm og vona að það virki
eitthvað ásamt þessum lyfjum sem eiga að virka á
taugaendana.

Já er ég vaknaði fór ég smá í tölvuna síðan fram að fá mér
safa í glas og settist niður og horfði agndofa á lætin við
Austurvöll, ætla ekki mikið að ræða þau, en gat ekki annað
en reiðst er ég sá framgöngu lögvaldsins við borgarana.

Síðan byrjaði þessi fræga útsending frá Ameríku og allt í lagi
með þa, en drottinn minn dýri hvaða sýndarmennska er
þetta eiginlega og hvað kosta þessi ósköp?
Vegna þess að ég sat þarna og var að jafna mig eftir svefninn
þá horfði ég og það í forundran ég sá ekki eina konu flott klædda
og mér er alveg sama þó að það hafi verið kalt, það er hægt
að vera flottur. hélt þær hefðu stílista þessar konur.
Jæja ætla ekki að röfla meir um það.

Nú ætla ég að koma með smá visku úr biblíunni minni sem
heitir Hjálpaðu sjálfri þér eftir Louise L. Hay.
Þessi viska á vel við núna.

Mér líður vel þegar ég sýni kærleika, hann er
útrás fyrir minn innri fögnuð. Ég elska sjálfan mig;
þess vegna sýni ég líkama mínum ást og umhyggju.

Ég neyti holls og nærandi matar og drykkjar, ég
snyrti og klæði líkama minn með alúð og
líkaminn bregst við með kærleika, heilbrygði og orku.

Ég elska sjálfan mig; þess vegna bý ég mér
notalegt heimili sem fullnægir öllum þörfum mínum
og er aðlaðandi.

Ég fylli stofurnar með útgeislun kærleika svo allir sem
þangað koma, líka ég sjálfur, verði varir við þennan
kærleika og nærist af honum.

Ég elska sjálfan mig; þess vegna er starf mitt ánægjulegt
og skapandi hæfileikar mínir fá að njóta sín; Ég vinn með
fólki og fyrir fólk sem ég elska og elskar mig og ég hef góð
laun.

Ég elska sjálfan mig; þess vegna er ég elskuríkur í hugsun
og framkomu við allar manneskjur því að ég veit að allt það
sem ég veiti öðrum fæ ég aftur hundraðfalt.

Í veröld minni laða ég aðeins að mér ástríkt fólk, vegna
þess að það er spegilmynd af sjálfum mér.

Ég elska sjálfan mig; þess vegna fyrirgef ég og sleppi
gersamlega tökum á fortíðinni og liðinni reynslu,
og ég er frjáls.

Ég elska sjálfan mig; þess vegna lifi ég algerlega fyrir
líðandi stund, nýt hvers góðs andartaks í vissu þess að
framtíð mín er björt, gleðirík og örugg,
Því ég er barn alheimsins og alheimurinn ber ástríka
umhyggju fyrir mér, nú og um alla framtíð.
Í minni veröld er allt af hinu góða.

Góða nótt kæru vinir.

Að skella skuldinni á aðra.

Ámælgi og brigsl eru örugg leið til að viðhalda vandamáli.
Með því að ámæla öðrum eru við að svipta okkur valdi.
skilningur gerir okkur mögulegt að sjá víðsýni í málinu
og taka stjórn framtíðar okkar í eigin hendur.
Við getum eigi breytt fortíðinni og framtíðin er á okkar valdi
það er, hvernig við hugsum hana.
Það er mikilvægt fyrir frelsi okkar að skilja að foreldrar okkar
voru að gera sitt besta hverju sinni af skilningi, meðvitund
og vitneskju sem þeir höfðu yfir að ráða.

Í hvert skipti sem við skellum skuldinni yfir á aðra erum við
að afsala okkur ábyrgðinni á sjálfum okkur.

gerum okkur að þetta fólk hafi komið illa fram við okkur,
Það er að segja að okkar mati, en það var alveg eins hrætt og
óttaslegið og við erum sjálf. Hjálparvana það var og eina sem
það gat kennt okkur, var það sem því sjálfu var kennt.

Hvað veistu mikið um barnæsku foreldra þinna?
Datt það í hug þú veist ekki neitt um hana, ef þú hefur
tækifæri þá spyrðu þau, það er að segja ef þú vilt skilja
af hverju  þau voru eins og þau voru, sko í þínum skilningi.
Þú færð annan skilning ef þú spyrð.
Þú þarft vitneskju til að öðlast frelsi, þú færð það ekki án
vitneskunnar.
Þú getur ekki öðlast frelsi nema að gefa frelsi.

Það er eigi hægt að fyrirgefa sjálfum sér nema að fyrirgefa þeim.

Ef þú krefst fullkomnunar af sjálfum þér og öðrum þá lifir þú
eymdarlífi  það sem eftir er.

Eigið góðan dag í dag kæru vinir
Milla

Fyrir svefninn.

Það virðast allir dagar vera einhverjir óvenjudagar hjá
mér um þessar mundir.
Byrjaði á því að ég vaknaði 4.30 í morgun reyndi að sofna
aftur, en ekki möguleiki, fór frammúr um 6 leitið og fékk mér
morgunhressingu las blöðin síðan í gær fór síðan í tölvuna
og það var nóg að gera í henni. það er bloggið, mailið og
Facebokk. Minn maður vaknaði un níu leitið sjænaði sig og
fór að elda grautinn, setti Neró út gaf honum ferskt að
drekka og borða tók úr uppþvottavélinni og gekk frá þeim
þvotti sem hann þvoði í gær, eða sko vélin, þegar hann var
búin að þessu þá fékk hann sér morgunmat.
Þá fór mín í sjæningu og um 12 leitið var helt á kaffi og
fengið sér brauð með og svo fór ég upp í rúm að sofa
Það var svo notalegt birtan flæddi um herbergið og rúmið
umbúið og fínt á spilaranum var slökunar diskur og á ég
að segja ykkur, Engillinn minn er bara algjör draumur og
gæti ég eigi verið án hans.

Vaknaði um 14.30 og það fyrsta sem mér datt í hug var góð
vinkona mín, ég vissi þá að hún mundi koma.
Mikið rétt hún dinglaði bjöllunni um 15.30
og þá var sko hellt á könnuna og fengið sér kryddbrauð með,
þessi vinkona mín er bráðskemmtileg svo við veltumst um í hlátri
enda flugu brandarnir frá okkur öllum, en aðallega henni.
Hún bjargar yfirleitt deginum er hún kemur í heimsókn.

Nú Hann Gísli minn setti kartöflur og  síara í potta og það var
borðað í seinna fallina aldrei þessu vant.
Ingimar minn kom svo með hundamat sem hann var að kaupa
fyrir okkur inn á Akureyri í dag að sjálfsögðu var sett í könnuna
og spjallað um landsmálin, en bara aðeins.
                   
                     Löngu liðin tíð og þó?

                   Ég hef frá mörgu að segja
                   og, það kraumað lengi hefur
                   jafnvel, best fyrir mig að þegja
                   en vanlíðan er þegar sálin sefur.
                 
                  ***********************

                     Ljóð eftir Kristinn Freyr

                    Ég kveð þér ekki kvæði
                    en kem sem barn til þín
                    --elsku mamma mín.
                    Góðu börnin gefa
                    gullin sín.

                    Ég gef þér ekki gimstein
                    sem glitrar eða skín
                    --elsku mamma mín.
                    Líf mitt verði ljóða-
                    ljóð til þín.

Góða nótt og sofið rótt
                   

Hafið þið velt því fyrir ykkur?

Oft heyri ég fólk tala um að það sé að gera þetta og hitt af velvilja
fyrir þessum og hinum, en hvað er velvilji?
velvilji er Egó þess sem ætlar sér að bjarga fólki og er oftast
bara stjórnsemi á háu stigi sem getur falist í svo mörgu.
Til dæmis er ég hóf minn búskap og byggði mér mitt fyrsta hús
þá kom mamma og stjórnaði í öllu frá A - Ö.
Það voru litirnir á veggina, gardínur, hvernig skrauti var raðað upp
og bara nefnið það.

Mér fannst þetta voða notalegt að fá svona hjálp frá mömmu, en
ef ég breytti einhverju, og svo kom hún í heimsókn,
Sagði með þjósti:,, þetta á ekki að vera svona," og lagfærði hlutina
eins og hún vildi hafa þá og til að halda friðinn þá sagði maður ekki
neitt, lét þetta bara yfir sig ganga.
Hún taldi að hún með öllum sínum velvilja væri að gera gott
og það var hún að vissu marki að gera þessi elska.

Svo er til EGÓ sem heitir, ef þú haggar við mér þá hefni ég mín
þetta er vont EGÓ, en bara fyrir þá sem nota það.
Það getur sært og gert illt, en ætíð á endanum fer það með þeim
sem nota það.
Ég fyrir mitt leiti hunsa eins og ég get svoleiðis fólk.

Þannig fólk eins og ég hef sagt áður, er eitthvað veikt.

Það má ekki misskilja þetta með velviljann og hjálp sem fólk fær
og er veitt þeim sem þurfa á henni að halda
ég er ekki að meina það fólk, það er að sinna sínum störfum
og það vel.
Er bara að hugleiða smá og kannski ættu sumir að hugleiða þetta
með mér.
Hvernig erum við í framkomu við hvort annað???

Eigið góðan dag
Milla