Fyrir svefninn.

Þessari visku nappaði ég frá henni nöfnu minni Ásdísi Emilíu
og fannst upplagt að birta þetta núna.

Indijáninn

Kvöld eitt, sagði gamall Cherokee indíáni barnabarni sínu,
ungum dreng, frá baráttu sem á sér stað innra með fólki.
Hann sagði: "Sonur minn, baráttan er á milli tveggja
"úlfa" innra með okkur öllum.

ANNAR ER ILLUR. Það er reiði, öfund, afbrýðissemi, böl,
eftirsjá, græðgi, hroki, sjálfsmeðaumkvun, sekt, gremja, minnimáttarkennd, lygar,
falskt stolt og að vera fullur af yfirlæti og egói.

HINN ER GÓÐUR. Það er gleði, friður, ást, von, rósemi,
auðmýkt, góðvild, góðfýsi, hluttekning, örlæti, sannleikur,
samúð og trú."
Drengurinn hugsaði um þetta nokkra stund
og spurði síðan afa sinn: Hvor úlfurinn vinnur?"
Gamli maðurinn svaraði, einfaldlega:

"SÁ SEM ÞÚ NÆRIR."

                                  Bæn.

            Drottinn sem ræður öllum þjóðum yfir,
                  uppspretta lífsins, kjarni þess sem lifir,
                  leiddu oss gegnum lífsins böl og þrautir,
                  leiðbeindu oss að ganga réttar brautir.

                  Láttu þinn kærleikskraft oss alla styðja,
                  kenn oss að lifa, stríða,vaka biðja.
                  Aldrei þín hjálparhöndin frá oss víki,
                  ,, helgist þitt nafn og tilkomi þitt ríki".

Mér fannst þetta allt passa svo vel inn í daginn í dag.
Kæru vinir.

                                    Góða nótt.

Gott framtak hjá góðu fólki.

Ég bloggaði smá um þetta mál í gær, en vill bara minna á
nauðsyn þess að við séum öll vakandi yfir mannréttindum.
Við höfum verið að taka þátt og fylgjast með réttindum fólks
út um allan heim, þess vegna verðum við að standa vörð
um það sem er að gerast rétt við bæjardyrnar okkar.

Það verður að gerast að Paul Ramses komi heim til
Íslands aftur og sameinist sinni konu og barni,
hvernig er hægt að fara svona með fólk?

Það er ekki eins og hann sé einhver glæpamaður, ef hann
væri það þá mundi ég skilja þessa meðferð.

Ég var með hugann með fólkinu sem var að andmæla fyrir
utan Dómsmálaráðuneytið í dag, þar fór allt vel fram.
Stöndum saman og verndum öll mannréttindabrot.
Þá meina ég öll.
Guð gefi okkur góðan endir í þessu máli.

Ráðherra viðurkenni mistök

Byrjar að batna eftir ár eða svo.

Árið sem er að líða hefur verið glóðin, sem gaus úr annað slagið
og er núna orðið að þeim eldi sem ekki verður ráðið við,
að mínu mati fyrr en eftir svona ár,
þá byrjar glóðin að dala smá saman.
en Þá verður hún búin að valda fólki usla,
sem það mun seint ná sér upp úr.það er nefnilega þannig með
allt ef að mínusinn fer að verða ráðandi í langan tíma, mun það taka
helmingi lengri tíma að ná sér upp aftur.
Allt þarf að reka eins og fyrirtæki.

Slæmar horfur í efnahagslífinu

Fyrir svefninn.

Hjón ein voru í samkvæmi. Þar var drukkið fast og voru hjónin,
sérstaklega frúin, orðin drukkin mjög.
Maður hennar snýr sér þá að tveimur kunningjum sínum og segir:
,, Farið þið heim fyrir mig með konuna mína og háttið þið hana.---
En, blessaðir", bætti hann við,
,, Þið verðið að berhátta hana annars hleypur hún út".

                     ------------------------

             Bölsýni. helsti galli Húsvíkinga.

               Helstan löst tel Húsvíkinga
               að heyra allar bjöllur klingja
               til varnaðar ef vonlaus kálfur
               vogar sér að starta sjálfur.
               Víghreifur á völtum fótum
               Vonast til að skjóta rótum.
               Fáirðu hugmynd fríska og góða
               fallöxina strax þeir bjóða
               hálfvita með hugsun ranga
               sem heldur að þetta muni ganga.
               Hann er nú eitthvað undarlegur
               allt á hælum sér hann dregur
               oftast nær verið eins og sauður
               álíka röskur eins og vær´ann dauður.
               Ef hann skildi nú óvænt græða
               er ekki um nema tvennt að ræða.
               Hann eflaust svíkur úr annars hatti
               eða hann stelur framhjá skatti.

Eftir hana Ósk.                 Góða nótt.

Mannfyrirlitning og ekkert annað.

Heim með manninn Paul Ramses! Hvað er eiginlega að
vissu fólki í þessu þjóðfélagi?
Margir/flestir vilja ekki útlendinga til landsins, af hverju ekki?
Eru menn hræddir við það sem þeir ekki þekkja, eða er þetta
minnimáttarkennd, mannfyrirlitning eða bara hroki?
Það er alveg komin tími til að fólk kynnist öðrum en sjálfum sér,
sumir hafa ekkert víðsýni, hvernig er lífið án víðsýnis, ég bara spyr?

Við erum orðin alþjóðasamfélag, gerum okkur grein fyrir því,
og vinnum að því að gera þetta að skemmtilegu og uppbyggilegu
samfélagi fyrir okkur öll.

Svo er annað okkur finnst allt í lagi að flytja erlendis, bæði
til vinnu og náms, og finnst það afar skrítið ef eigi er vel á móti
okkur tekið, en hvernig erum við að bregðast við útlendingum
hér á voru Fróni.

Mótmæla meðferð á flóttamanni

Fer nú að verða svolítið þreytandi.

Þreytandi, já er einhver hissa? maður fer út eins og í gærmorgunn,
hið ágætasta veður, jæja nú er sumarið að koma, ein bjartsýn,
Um miðjan daginn komið hávaða rok, þoka og rigningarfjandi,
þetta er nú búið að vara núna, að ég held endalaust

Ef ég væri í Reykjavíkinni þá væri þetta ekki vandamál, mundi
bara fara í búðir, það er hægt að fara í Kringluna, Smáralindina,
Laugarveginn svo eitthvað sé nefnt.
Nóg er til í búðunum þó engin kaupi neitt, 
eru ekki útsölurnar löngu byrjaðar?
Annars skiptir það engu máli.
Ég á nefnilega fullt af peningum, alveg satt.

Þar sem ég bý nú á Húsavík, þá fer ég bara í búðirnar hér heima,
það er svo skemmtilegt,
alla þekkir maður og getur verið að spjalla í hverri búð
og ekki er nú þjónustan af lakari endanum.
Og ef mér leiðist þá er nú ekki vandi að skutlast inn á Akureyri.
Þar eru alveg fullt að búðum, góðum búðum, og þjónustan eftir því.

Svo eru líka tvær af bloggvinkonum mínum að opna búðir á Akureyri.
Ja hérna! Hún Huld er að opna Zic Zac búð með pompi og prakt á
laugardaginn, og ,,Guuuð ertu ennþá í Danmörku?"
kemur og heldur uppi fjörinu, sko hún Elsa lund, ,, þetta er ég elskan!"
Allir þang
                          Til hamingju Huld mín.

Síðast í júlí mun svo hún Gréta opna snyrti Gallerí á Glerártorgi, 
                          Til hamingju Gréta mín
það var sko búð sem vantaði, það má nefnilega ekki vanta svona Gallerí
þegar fyrir eru Bara sko allar búðirnar! þú veist.
Nú vantar bara gott kaffihús og matsölustað því það sem er fyrir er
bara óætt.
Maður getur svo sem klárað Glerártorg farið svo í miðbæinn og farið
á kaffihúsið þar, eða upp í bókasafn,  allir möguleikar í stöðinni.

Enn nú fer að koma sumar, svo mér mun ekki leiðast.
                 Eigið góðan dag í dag.

Fyrir svefninn.

Tvær konur ræddust við. Það var skömmu eftir síðustu aldamót.
Önnur spyr:
,, Af hverju ætli hann Sigurður sé kallaður ráðunautur?"
Hin svarar:
,, Ætli það sé ekki að því að hann útvegar þarfanautið í hreppinn?"

 Glæpamaður strauk úr fangelsi en sá 
 sig um hönd og bankaði upp á í
 fangelsinu og vildi komast inn.

                      
             Á því tel ég engan vafa
             eins og núna sést.
             Að glæpamenn í huga hafa
             heima er alltaf best.


  Til að fræða stráka um hvað
   brjóstahaldari er.


            Kostagripur kann að bera
            kvennadjásnin máttugu.
            En aðallega á að gera
            úlfalda úr mýflugu.

Eftir hana Ósk.                 Góða nótt.

Litli maðurinn. Hver er lítill og hver er stór?

Tilvitnunin litli maðurinn fer eitthvað í mig, núorðið,
örugglega notað það einhvern tíman.
Yfirleitt er talað um litla manninn er talað er um þá sem minna
mega sín í þjóðfélaginu, það er að segja, láglaunafólkið,
öryrkjana, ellilífeyrisþeganna og aðra sem þá sem ekki ná
vissum standart í þjóðfélaginu.

En hver er lítill, stór eða meðal. Það held ég að fólkið í landinu
skammti fólki eftir sinni hentisemi það hentar nefnilega ekki öllum
að umgangast alla, og er það allt í lagi, svo framarlega sem hinum
sem það vill ekki umgangast, er sýnd virðing.
Þar stendur hnífurinn í kúnni, sumir eru ekki nógu fínir fyrir suma.
Og bitnar það á börnunum einnig.

Hver vill vera litli maðurinn?             Enginn.
Biðjum við um að verða gömul?       Nei.
biðjum við um að missa heilsuna?   Nei.

Þegar þetta gerist verðum við að sumra mati litli maðurinn,
ómagar þjóðfélagsins og þurfum ekki mannsæmandi laun.
Enginn vill sjá okkur í leikhúsinu, óperunni eða öðrum
uppákomum sem verða í okkar fallega landi.

Þess vegna erum við sett niður, já og það alveg niður í skítinn.
Og flest okkar lifa undir fátækramörkum.
Skammist ykkar ráðamenn þessa lands.

Ameríka já, en hvenær hjá okkur?

Úti í henni stóru Ameríku er það algengt að engin skiptir sér af þótt
fólk detti niður, er lamið, rænt eða drepið, því engin vill skipta sé af.
En inn á biðstofum eða á sjúkrahúsum, er það nú hápunkturinn þó
að hægt sé að kæra fyrir alla skapaða hluti.

Hvað er langt í svona afskiptaleysi hjá okkur, ekki svo mjög,
það er þegar byrjað.
Smá dæmi. Fyrir margt löngu var ég á ferð um eitt úthverfi
Reykjavíkur, það var frekar hvasst, sé konu styðja sig við grindverk,
stoppa bílinn og geng til hennar og spyr, get ég hjálpað þér eitthvað
vinan mín, Já takk það er svo mikil hálka og hvasst  að ég kemst
ekki lengra. Á ég að keyra þig heim? nei nei ég er að fara niður í
félagsmiðstöð aldraðra.
Á leiðinni þangað spyr ég hana hvort enginn hafi getað ekið henni?
Nei elskan mín það eru allir að vinna og ég missi ekki af þessum stundum
sem við fáum þarna, það er svo gaman en ég hugði ekki að veðrinu áður
en ég fór út.

En hún sagði mér að hún hefði verið búin að bíða í óra tíma,
og engin stoppaði til að bjóða henni aðstoð.
Svo þarna sjáið þið, þetta er byrjað.

Látin kona lá afskiptalaus í klukkutíma á biðstofu

Fyrir svefninn.

Kæru bloggvinir þið verðið nú að fyrirgefa mér kommentaleysið,
en ég hef bara ekki haft meiri tíma, búið að vera mikið að gera
í skemmtileg-heitum með fjölskyldunni.

Í morgun byrjaði ég í þjálfun aftur eftir frí sem þjálfarinn minn fór í
og ekki veitti henni af, eftir að vera búin að hnoða okkur sundur og
saman í allan vetur.

Síðan var brunað til Akureyrar, fyrst fram í Lauga, að ná í Dóru, en
það var hún sem var að fara í sneiðmyndatöku.
Snúllurnar mínar þurftu ný gleraugu, og það tók svolítinn tíma að velja
þau, eins og lög gera ráð fyrir hjá dömum.
Ekki má gleyma því að þær þurftu að kaupa garn, heklunálar og prjóna,
það var gert í Hagkaup og notuðum við tækifærið í leiðinni og keyptum
okkur salat-bar á línuna. Nú það þurfti að kíkja aðeins í bókabúð.
Eitt gerðist skondið, Guðrún Emilía hafði ekki list á nema smá af sínum
salat bar svo hún gekk frá sínu niður í plastpoka og í hólfið bak við
framsætið, síðan var haldið aftur inn á Glerártorg.
þegar við komum út aftur var Neró frekar niðurlútur, sá ég ástæðuna
er ég kom inn í bíl, hann var búin að tæta upp boxið með salat-barnum
og borða allt upp í skít sem í því var, og núna býður maður eftir því að
hann veikist, hann er nefnilega ofnæmihundur.

Þegar allir voru búnir að versla það sem þurfti og klára sín mál, þá var
haldið heim á leið, keyrðum snúllunum mínum þrem heim að Laugum.
Það var komið rok og rigning.
Fórum í kvöldmat til Millu, fengum Tacko, æði að vanda.
Núna ætla ég að fara snemma að sofa, ég var vöknuð 5 í morgun.
                        ---------------------------------------------

                      Eru hagyrðingar gáfaðri en aðrir?

                         Allir verða að una við sitt
                         enginn það getur valið.
                         það vita nú allir að vitið mitt
                         er vel yfir meðaltalið.

                     Myndir þú vilja vera varaskeifa á Bessastöðum?

                         Þeir sem heiður hæstan bera
                         í hagyrðinga glæstum fans.
                         Munu aldrei vilja vera
                         varaskeifa nokkurs manns.

Eftir hana Ósk.                         Góða Nótt.

Flott hjá norðmönnum.

þetta eru frábærar fréttir, vonandi verða engir eftirmálar,
af þessu máli hvorki fyrir stúlkuna eða Norðmenn.

En þessi dómur er afar sterkur til að sýna mönnum fram
á að ef fólk kís að flytja til annarra landa, þá ber þeim að
fara eftir þessa lands lögum sem það flytur til.

þetta gefur kannski líka öðrum stúlkum, sem búa við
þetta ofbeldi kjark til að biðja um hjálp ef á að neyða þær
til einhvers sem þær ekki vilja.

Fjögurra ára fangelsi fyrir að neyða dóttur sína í hjónaband

Fyrir svefninn.

Í dag er bara búið að vera gaman að vanda er snúllurnar
eru hjá okkur. Við vöknuðum að vanda í morgun og gerðum
þessi hefðbundnu morgunverk, síðan vöktum við snúllurnar
þær voru að fara í klippingu og litun, því þó þær séu nú heimsins
mestu nördar, hafa þær áhuga á því að vera fínar.
Og hvað haldið þið, þær komu heim með bleikt hár sko undir
hrikalega flottar styttur í hárinu og nokkrar fjólubláar strípur.
Milla frænka tók þær og málaði, svo beint í myndatöku.
Núna sitjum við hér saman, ég í tölvunni, Viktoría Ósk að sauma
sér litla tösku og Guðrún Emilía að sauma æðislegt pils á
Pullip dúkkuna sína, Sigrún Lea er að prjóna stuttbuxnasamfesting,
á sína dúkku.
Á morgun förum við til Akureyrar, Dóra mín er að fara í sneiðmyndatöku,
svo verður að vanda farið í búðir og eitthvað skemmtilegt.
                        --------------------------------------------

Jóhanna heyrði einhvern tíma, að ljósmóðir hreppsins
hefði látið í ljós mikla hneykslun yfir ýmsum slúðursögum,
sem gengu manna á milli,
og voru höfð eftir henni þau ummæli, að hún skildi hreint ekkert í því,
hvar svona sögur fæddust.
Þá sagði  Jóhanna:
,, Ég hélt nú, að engar fæðingar í þorpinu færu fram hjá ljósmóðurinni."

              Hvort viltu heldur vera vera ær eða kýr?

                        Kúna ég kysi mér núna
                        kollótta, feita og brúna
                        og síst er til tjóns
                        ef Sigvaldi Jóns
                        mjúkhentur mjólkaði kúna.

Eftir hana Ósk.                    Góða nótt.

Kannski verður hann bara hermaður, hver veit.

Hefðu nú varla farið að kosta öllu þessu til, ef hann
ætlaði sér ekki að verða herramaður, ekkert er að því.
En ef ekki þá er þetta svolítið dýrt sport,
Fljúga yfir landareign ömmu og afa, Steggjapartý,
til að mæta í brúðkaup, og að sjálfsögðu til að hitta kærustuna,
skildi hún ekki hafa verið ánægð með þessa yfirborðsmennsku?

Í Bretlandi er mikil fátækt, eða mikið af fólki sem hefur frekar lág laun
það hefði nú verið nær að nota þessa peninga í annað en
sýndarmennsku leikaraskap fyrir prinsinn.
En er þetta ekki sama sagan allstaðar?

Ferðir prinsins kostuðu átta milljónir

Hamingja eða Óhamingja á Hólmavík.

Frétt af mbl.is

„Óhamingja“ á Hólmavík
Innlent | Morgunblaðið | 29.6.2008 | 5:30
Mikil ölvun var á Hamingjudögum á Hólmavík aðfaranótt laugardags.
Lögreglan hafði í nógu að snúast og nokkuð var um slagsmál.
Lögreglan þurfti meðal annars að hafa afskipti af unglingasamkvæmi
þar sem ungmenni undir aldri höfðu áfengi um hönd.
               ------------------------
Þetta ritar Morgunblaðið í gær 29/6 2008.
En eftir hverjum er svona frétt höfð?
Ég spyr vegna þess að blogg mitt um þessa hátíð,
Hamingja á Hólmavík, vakti upp þörf hjá fólki til að upplýsa mig um
sannleikann í málinu. Vitaskuld.

Síðan kemur þessi frétt sem mér hugnast öllu betur.

Innlent |mbl.is | 29.6.2008 | 15:36

Vel heppnuð hátíð á Hólmavík.

Hátíðin Hamingjudagar sem haldin er á Hólmavík núna um helgina
hefur gengið mjög vel, segir framkvæmdastjórinn,
og voru gestir alls um eitt þúsund.
Að loknum dansleik í gær var allt með kyrrum kjörum, og fengu
skipuleggjendur hátíðarinnar hrós frá lögreglunni fyrir öfluga gæslu.
Flytja þurfti dagskrána undir þak í gær vegna veðurs,
en það kom ekki að sök.

Dansleikur var haldinn í gærkvöldi og fram á nótt,
en að honum loknum fóru gestir til síns heima og 
allt datt í dúnalogn í bænum,
segir Brynja Bjarnfjörð Magnúsdóttir, framkvæmdastjóri hátíðarinnar.
Hún segir ennfremur að gæsla hafi verið ströng
„og við gerðum ráð fyrir að geta gripið inn í ef eitthvað færi úrskeiðis.“

Ég spyr hvað er rétt og satt í þessu máli?
Ef að fyrri fréttin er röng, á þá ekki að leiðrétta hana?
Eigum við lesarar hins virta blaðs Morgunblaðsins
ekki að geta treyst því sem þar stendur?

Síðan bið ég alla þá sem komu að þessari hátíð, "Afsökunar"
ég veit að þessi fyrri frétt kom illa við heimamenn og aðra.
Ekki var það meining mín að særa neinn, ég hef notið
gestrisni þeirra í áraraðir, því iðulega kom maður við á
Hólmavík til að borða á leið suður eða heim.
Vona að ég fái svör við þessu öllu.
Ég fékk vinsamleg tilmæli um að taka ekki mark á svona fréttum,
ég
                                 Eigið góðan dag í dag                                       
                                 og alla daga.                                                     
                                 Milla                                                                  

Fyrir svefninn.

Gísli Jónsson hreppsstjóri á Eystri- Loftsstöðum
var orðhvatur og hnyttinn.
Einu sinni var nágranni hans að járna hest.
Þá ber Gísla þar að, og segir hann:
,, Öðru vísi járnar þú en ég."
,, Hvernig þá?" spyr maðurinn.
,, Ég slæ alltaf á hausinn á naglanum," svaraði Gísli,
,, En það gerir þú aldrei."

           Er Íslensk erfðagreining þörf?

           Eflaust væri gott að geyma
           genin okkar hagyrðinga.
           Og aldrei má um eilíf- gleyma
           arfi vorra Þingeying.

           Hvað gleður þig met?

           Það að yrkja allra best.
           Aldrei verða smeykur.
           En gamla konu gleður mest
           góður ástarleikur.

           Hvaða hæfileika vildirðu fá í viðbót?

           Hlaut ég flest sem hugur má
           af himnaföður panta.
           Ég kem ei núna auga á 
           eitthvað sem mun vanta.

Eftir hana Ósk.
                                  Góða nótt.

Hver þremillinn!

Fjandinn hafi það er ekki hægt að hafa hamingjudaga
í friði fyrir brennivíns-ofdrykkju? Hvað er að ykkur kæru
landsmenn, haldið þið virkilega að brennivín sé ætlað til
skemmtunar?
Ef þið haldið það er það hinn mesti misskilningur.

Brennivín er til vansa fyrir alla þá sem ekki kunna að
umgangast það með vitsmunina í lagi.

Hvenær ætlið þið, slána, kjána, bjánar þessa lands að
skilja að þið eruð að skemmaleggja fyrir öllum þeim sem
vilja bara hafa gaman og njóta lífsins í faðmi fjölskyldunnar
Grilla, leika sér og hlusta á góða tónlist.

„Óhamingja“ á Hólmavík

Baugsmenn og Baugsmenn.

þegar loka dómur féll í Hæstarétti í Baugsmálinu svokallaða,
Óskaði ég Jóni Ásgeiri og hans mönnum til hamingju með
lokin á sex ára fjanda.
Þá var ég svo meinlokuð að mér datt ekki í hug að hann þyrfti
að víkja úr stjórnum sinna fyrirtækja.
Taldi það bara gott fyrir þeirra hönd að málinu skildi lokið,
en eigi var það svo.

Þetta ógeð er búið að taka 6 ár, ekki ætla ég að fara að rekja
allt sem var ákært fyrir, en ef baugsmenn hefðu gert eitthvað
saknæmt, væri þá ekki löngu búið að ljúka þessu máli?
Til að gera sig ekki að enn þá meira fífli en þeir voru þegar
búnir að gera," það er að segja ákæruvaldið" þá urðu þeir að
finna eitthvað.
Það var byrjað að grafa og grafa og grafa þar til þeir þóttust vera
búnir að finna nóg, en ekki reyndist það vera nægilegt,
það var ekki sá feiti biti sem menn héldu að þeir væru að bíta í.
Endirinn er sá að þeir gerðu sig endanlega að atlægi fyrir framan
alþjóð og þótt víða væri leitað.
Og ég undrast það afar, að æðsta dómsvald landsins skildi taka
þátt í þessari aðför að einni fjölskyldu hér á landi.

þetta er búið að taka mikið á í lífi þessa fólks, það er engin vafi.
Það á að fara með þetta mál til mannréttindadómsstólsins,
ekki að það sé farið svo mikið eftir hvað hann segir, en þessir
frábæru baugsmenn fá þá kannski uppreisn æru, ekki að það
þurfi að sannfæra okkur fólkið í landinu um heilindin, nei nei,
heldur þá sem hófu þetta mál,
en að sjálfsögðu eru ætíð til hrokagikkir sem engu trúa nema
sinni eigin málastefnu.

Svona kemur þetta fyrir augu leikmannsins, eins og mér.

Heyr fyrir ykkur Baugsmenn og gangi ykkur vel með allt sem
þið takið ykkur fyrir hendur.
                                                   Góðar stundir.

Mun flytja einhver félög Baugs til annarra landa

Fyrir svefninn.

Í morgun er við gamla settið vorum búin að fara í bað og snyrta
okkur að vanda fyrir hvort annað, hringdi dyrabjallan, varð hissa,
engillinn fór til dyra og heyrði ég eitthvað gleðital um að sýna mér
eitthvað,
ég stökk upp, skildi nú ekki hvernig ég gat það ,
er víst svo hægfara, allavega fæ ég að heyra það á stundum. 
sína mér hvað?
Þá heyrðist í ljósálfa-rödd, nýa hjólið mitt, hvað segirðu, 
ert þú búin að fá hjólið?
Já sagði svo glöð og hamingjusöm rödd og hún var á nýa
gírahjólinu sínu.
Það var nefnilega þannig að hún átti að safna fyrir hjólinu,
samdi við ömmu sína um að vinna hjá henni í garðinum,
Óda amma á nefnilega stóran garð.
Allir vissu að hún yrði lengi að vinna fyrir 25.000 kr hjóli.
Þó hún ætti 9000. kr. Alli besti frændi ákvað að gefa henni smá
og Óda amma borgaði rest.
Svo sagði litla ljósið, ég vill líka nýtt hjól, en hún á nýtt hjól.
Ídag er búið að vera ekta letiveður og hefur maður hagað
sér samkvæmt því.
                     -------------------------------------------
Hér kemur smá til að hlæja að.

Guðrún Gísladóttir á Hæli var einu sinni spurð að því,
hvernig henni litist á mannsefni stúlku einnar,
sem þótti mjög myndarleg, en pilturinn var álitinn lítt af manni.
Guðrún svaraði:
,, Ef hann væri vetlingur og ég hefði prjónað hann,
þá mundi ég rekja hann upp."

Kommúnisti, er var í framboði í Rangárþingi,
kom á bæ einn í Fljótshlíð og snæddi þar miðdegisverð.
Hann spurði húsfreyjuna,
hvort hún keypti ekki Þjóðviljann.
,, nei, við notum klósettpappír," svaraði hún.

         Hvernig á að lynda við ráðríkar konur?

         Kvartaðu aldrei um kröfur né vos,
         hvettu þær ávallt til dáða.
         Leitaðu uppi þitt ljúfasta bros
         og leifðu þeim bara að ráða.

         Hvernig eiga karlar að sinna um konur?

         Ég held að ég geti ef ég hugsa mig um
         þér heilræði gefið.
         teldu ei víst að hún tilbiðji þig
         né taktu í nefið.

Að sjálfsögðu eftir hana Ósk.
                                                    Góða nótt.

Ósanngirni skilnaðar.Koma nú konur og menn.

Það er ýmislegt sem gerist er fólk skilur. hver ósanngirnin
á fætur annarri dúkkar upp.
Sorgin, hatrið, reiðin, sjálfsvorkunnin og bara allur pakkinn
kemur í öldum yfir fólk, en hver tapar eða græðir á svoleiðis
framkomu, engin græðir, allir tapa og þá mest börnin.

Ég tala nú ekki um tengda-fjölskyldurnar, sem vilja leggja orð
í belg, með, hverjum var um að kenna, það er náttúrlega aldrei
þeirra eigin börnum að kenna.
Skítkastið byrjar á báða bóga, og hver skildi fara verst út úr því
þegar fullorðið fólk hagar sér eins og óvitar og vanþroska fólk.
Jú það eru börnin þeim þykir vænt um mömmu og pabba,
og vilja ekki hlusta á svona skítkast, og hvert eiga þau að leita
þegar ömmur og afar taka líka þátt í skítkastinu og jafnvel tala
um það við börnin og spyrja þau stórum.

Að mínu mati er málið það, ef fólk vill skilja þá gerir það rétt í að
framkvæma það fljótt og vel. það kemur engum það við nema
hjónunum sem eru að skilja og börnum þeirra.
Tengdafólk á að taka sig saman um að styðja við bakið á þeim
ef þau biðja um það, "takið eftir" ef þau biðja um það.
Og hlú að börnunum eins og hægt er.

Hefur einhver eitthvað um þetta að segja?

GOTT AÐ EKKI FÓR VER.

Eins og ég hef oft sagt áður, þá verðuð mér afar brugðið
er ég heyri eða les um bruna.
Auðvitað gerist ætíð eitthvað slæmt, við bruna, oftar en
ekki er það reykurinn og hitinn sem skemma mest,
það er að segja þegar eldur er ekki mikill.
Margir munir glatast sem ekki er hægt að bæta.
Í þessu tilfelli er ég að meina,
þau listaverk sem nemendur hafa unnið að í langan tíma,
ekki er möguleiki að bæta þau nema
endurvinna verkin sem er oft ekki auðvelt.
Það er nefnilega afar erfitt og jafnvel illmögulegt að ná
reyklyktinni úr til dæmis efnum og garni.

En það sem allir þakka fyrir er að engin skyldi slasast
eða deyja.
Gangi ykkur vel að byggja upp það sem aflaga fór.
                              Góðar stundir.

Bruni í Myndlistarskólanum á Akureyri