Vonandi búnar að byrgja sig upp á Akureyri.

Sko búðirnar, erum að koma. Ég hef ekki komið til Akureyrar
síðan í byrjun Des. og það er sko of mikið af því góða, en
svona er að vera á hækjunni er reyndar á henni enn mun
samt láta mig hafa það, ætla ekki að missa af öðrum hitting.

Sannleikurinn er nú samt sá að ég fékk grænt ljós hjá mínum
góða þjálfara, ég má fara, en verð bara að gera mér grein fyrir
því að það kostar mig verri verki næstu daga.
Skitt með það er að fara til að hafa það skemmtilegt og svo ef
ég er að drepast þá get ég hvílt mig hjá bestu stelpu í heimi
henni Ernu bloggvinkonu, en hún er nú meira en það því hún
og Dóra mín eru búnar að vera vinkonur í Uss ekki segja það,
svona 50 ár eða þannig.

Verð að drífa mig í sjæningu, uff allar eftir að fara í slíka.

Eigið góðan dag elskurnar mínar.
Milla og C/O

Fyrir svefninn.

Jæja fæ víst frið til að setja inn eina færslu þær eru ekki
komnar heim mæðgur, við vorum í mat heima hjá Millu
og útbjuggu þær saman pizzur, systur og þær ekki af verri
endanum, mikið á og vel sterkar.

Kaffi, kókósbollur og buff á eftir þið vitið svona sem maður
kaupir blandað í kassa, þvílíkur vibbi svo ég fékk mér bara kex.

Í dag fóru tvíburarnir og afi að ná í Aþenu Marey á leikskólann
og var hún mikið glöð er hún kom hér heim með þeim.
Þegar þær fóru allar að versla fengum við okkur kaffi og hún mjólk
og ristað brauð.

Nú eru mæðgur komnar heim með tilheyrandi látum.
Og Neró minn alveg æfur af gleði.

                 ************************



                 

              Gamall Húsgangur:

           Sjálfs manns höndin hollust er.
           Hér er sönnun fengin.
           Lekanda úr lófa sér
           liðið hefur enginn.


Hinn kunni hagyrðingur Jón Bergmann
orti af gefnu tilefni:

           Karlmenn þola skammaskúr,
           skvetti þeir í sig tári,
           en konur mega taka túr
           tólf sinnum á ári.

Góða nótt kæru vinir

Er leikritið ekki á enda?

Ég hefði haldið að Davíð væri búin að fá nóg og hefði haldið að
hann mundi nú bara slappa af með sinni konu, fara svo í eitthvað
sem skemmtilegt væri er tilbúin til þess hann væri.

Eða er það þannig að hann geti ekki hætt eins og sumum mönnum er
er tamt?


Hvort sem hann fer í framboð eða ekki þá hef ég alltaf sagt að
næsta ríkisstjórn verður Sjálfstæðið og Framsókn bíðum og sjáum.

Davíð í framboð á Suðurlandi?

Fyrir svefninn. Æi, nei það er víst kominn morgunn.

Já það er svona að vaka fram eftir öllu maður verður hálf
ruglaður
Eins og ég sagði frá í gær eru mæðgur frá Laugum hjá ömmu
og afa núna. Dóra eldaði úrvals hammara í gær með frönskum,
ekki hef ég nú etið slíkt síðan síðastliðið sumar og smakkaðist
þetta afar vel.

Nú svo fengum við góða heimsókn frá norðanmanni sem býr
reyndar í Mosó, honum Einari Áskels bloggvini mínum.
Eins og allir vita er fólk hittist sem er á líkum basis, þá er bara gaman
Dóra mín hellti endalaust á könnuna mikið var spjallað og skipst á
skoðunum Einar er frábær strákur sem hefur áhuga á mannlífinu,
þannig að við höfðum um margt að spjalla.

Takk kærlega fyrir komuna Einar það var virkilega gaman að kynnast
þér og hlakka ég til að hitta fjölskylduna þína í sumar.

Í dag ætlum við bara að dóla okkur, allavega ætla ég ekki að gera
mikið, en þær mæðgur ætla að gera ymislegt fyrir þá gömlu, en
þær hafa nú góðan tíma til þess fara ekki aftur fyrr en á þriðjudag.

Eigiði góðan dag í dag kæru vinir.
Milla.

Pissað á útrásarvíkinga.

Hef nú ekki heyrt annan eins dónaskap.
Eru íslendingar virkilega svo dónalegir að þeir pissi
á fólk þó það séu bara myndir, en í pissuskálum á
herraklósettum einhvers skemmtistaðar í Reykjavík.

Hvað hafa menn út úr því og selur þessi heimska
fólki, kemur það á þennan stað?
Það er, er hann verður opnaður, sem er í bráð.

Ég mundi álíta að svona gjörningar kynntu undir
múgsefjun, blindfullir vanvitar, pissandi á þetta fólk
tautandi fyrir munni sér þú gerðir mig öreiga, þú ert
villidýr, pissa bara á þig, en hvað svo ef maðurinn
sem á í hlut mundi nú birtast, 'o my þá yrði nú fyrst
allt vitlaust.

Ef að við ætlum að fara að haga okkur svona lágkúrulega
þá erum við engu betri en þeir sem pissað var á það er
að segja ef hann er sekur.

Getum við sest í dómarasæti og dæmt einhverja menn
fyrir eitthvað sem við vitum ekki hvað er því við höfum
ekki hundsvit á því sem er að gerast.
Allavega hef ég það ekki á þessu stigi málsins, en þeir
mega svo gjarnan vita að engu er hægt að ljúga í mig
ég trúin engum, en þar til að sannast hefur, hvað og hver
þá eru við engu betri ef við högum okkur eins og skríll.

Eigið góðan dag
Milla

Fyrir svefninn.

Jæja þær eru komnar elsku englarnir mínir og þær fóru
aðeins að hitta ljósin mín áður en sú litla sofnar, þær eru
örugglega þreyttar eftir daginn, búnar að vera að maska
síðan í morgunn endaði á balli í Íþróttahúsinu undir kvöld.
Sælgætið hefur náttúrlega flætt ofan í pokana hjá börunum
svo núna eru þau bara í sykursjokki, bót í máli að í morgun
fengu þau pulsur og svala hjá norðlenska.
Svaka fjör á öllum vígstöðum.
það hljóta að koma myndir seinna.

Það er nú munur að vera barn í dag og fá allt þetta sælgæti,
og þó ég man nú hvað maður var lukkulegur með sína
öskupoka sem maður læddist til að hengja aftan í þá sem
fram hjá gengu, auðvitað þóttist fólk ekkert vita og við
flissuðum yfir því hvað við vorum klár.

Gaman að segja þessa, því bráðum eru kosningar.

Tíu ára gömul stúlka sem setið hafði og horft á svonefndar
hringborðsumræður kvöldið fyrir síðustu Alþingiskosningar
orti um það bil er umræðunum lauk:

               Og grátbólgnir karlar kalla
               " Æ kjósið þið mig.
               Því ég geri allt fyrir alla
               og allt fyrir þig".

Og kynni nú einhver að segja að bragð sé að þá barnið finni.

Góða nótt kæru vinir

Fjör í mínum bæ næstu daga.

Þær eru að koma mæðgur frá Laugum í langt helgarfrí,
afi er að sækja þær englana mína, síðan kemur Dóra á
morgun. 'Eg hlakka svo til því það er svo mikið líf í
kringum þær og svo kemur Ljósálfurinn minn og litla
ljósið yfir til okkar. Gaman gaman.

Þetta eru englarnir mínir Sigrún Lea og Guðrún Emilía.



Og þetta eru Viktoría Ósk og Aþena Marey
Ljósin hennar ömmu sinnar.

Leyfið kærleikanum að flæða.

Hefði sko millifært þá strax.

Og svo aftur og aftur og engin hefur leifi til að fara inn
á reikning til að taka út peninga, en svo er þetta þannig
að þú skuldar alltaf tæknilegu mistökin.
Ég hefði nú samt viljað verða gjaldþrota fyrir 130 miljarða kr.

Svo er það afar hlægilegt, þegar talað er um tæknileg mistök
þetta heita á réttu máli mannleg mistök og við þurfum ætíð
að greiða þau sama hvað þau koma sér illa.

En af því að til eru útsmognir glæpamenn, þá var nú víst best
að láta peningana vera, annars hefði henni kannski verið kálað.

Óhuggulegur heimur sem við búum við í dag.

Milljarðar birtust á reikningnum

Fyrir svefninn.

Dagurinn í dag er búin að vera nokkuð góður, dandalast
hefur gamla settið  svo sem að vanda.
Gísli minn fór aðeins í búð og til að ná í blaðið.
Snarlast var í dag, en í kvöld vorum við með steiktan karfa
í rúgmjöli blönduðu í hveiti, gljáð grænmeti með. Æði.
það er komið frekar leiðinlegt veður, en hvað með það?

Ég ætla að setja hér inn eitt eftir uppáhaldið mitt hann
Gústaf Froding.

                Gamalt formannsljóð.

          Vor gæfa er léttvæg, af gleðinni logið,
          menn gera ekki rétt það, sem skapað var bogið,
          en iðrunarstunur og amakvein
          bæta engin mein.

          Mitt yndi er lítið, en mótlætið mikið,
          í mannsöngva-gítarnum efnið var svikið,
          og hamingjufleytan er held á við laup.
          Róið hingað með staup!

          Svo forherði ég hjartað og flöskuna spenni
          og flýt gegnum svartnætti lífsins á henni,
          les bólrúnir mínar í botnsins dregg
          og brosi í skegg.

          því nú skal ei deila við dómarann lengur,
          en drekka upp í veilurnar, meðan það gengur,
          uns sálin nær höfn eftir hrakning og sút.
          Róið hingað með kút. 

Tel víst að Magnús Ásgeirsson hafi þýtt þetta ljóð eins og
svo mörg önnur eftir Gústaf Froding og fleiri.

Góða nótt kæru vinir

                 

Hugum að heimahögum.

Hinir handteknu störfuðu í alls 29 borgum í Bandaríkjunum.

// Erlent | mbl.is | 23.2.2009 | 20:50

Uppræta barnavændi

Bandaríska alríkislögreglan, FBI, hefur handtekið hátt í 600 manns í þriggja daga aðgerðum gegn barnavændi í Bandaríkjunum. Börn allt niður í 13 ára aldur hafa verið seld af misindismönnum í vændi.

Yfir 570 manns í 29 borgum hafa verið teknir höndum vegna gruns um aðild að vændinu og segir lögreglan nú allt kapp lagt á að hafa hendur í hári 16 ára stúlku sem plataði ung börn til fylgilags við dólgana.

Það þarf að þyngja dóm þessara manna svo að þeir hugsi
sig tvisvar um áður en þeir fara að græða peninga á börnum
á svona viðbjóðslegan hátt sem að selja þau til vændis.

16 ára stúlka sem platar ung börn til fylgilags við þessa menn
er að sjálfsögðu heila þvegin, dópuð eða bara alin upp í algjöru
siðleysi og gerir þetta fyrir peninga.

Afar sorglegt og ekki mikið að gera úti í hinum stóra heimi,
en við getum gert heilmikið hérna heima því að sjálfsögðu
er þetta til hér og það allt niður í mjög ungan aldur.
Ætla ég ekki nánar út í þá sálma, en hugsið um það og
verið ekki svona fjandi lokuð inni í ykkar glerhúsi.

Lögreglukonan Melissa Morrow hjá FBI sagði eldri vændiskonur hafa veitt ábendingar um stúlkuna sem talin er hafa leiðst út í vændi 13 ára gömul. 

Börnin sem bjargað hefur verið úr höndum vændishringjanna eru á aldrinum 13 til 17 ára.

Þið hugsið örugglega að það sé alltaf verið að tala um þetta
og að það þurfi ekki alltaf að vera að tönglast á þessu.

það er akkúrat það sem þarf þar til allir vakna upp og taka
þátt í því að vaka yfir og láta vita.

Eigið góðan dag.

Uppræta barnavændi

Fyrir svefninn.

Má til með að segja ykkur sögu af henni mömmu minni,
þessi elska er á hjúkrunarheimili og það væsir ekki um
hana þar, en þið vitið nú alveg hvernig gamla fólkið
hugurinn er miklu duglegri en getan.
Hringdi í hana í dag, hún var bara fúl og ég sagði voða
hress, er ekki allt í lagi mamma mín, JÚ hvað fékkstu að
borða mamma mín? Fiskibollur voru þær ekki góðar
jú mjög góðar.
Hvað er að frétta? Ekkert jú annars það var brotist inn
hjá L.... frænku þinni, og öllu stolið bara hreinsað út.
Það var ekki gott hvernig hafa þau það?
Heldurðu að þeim líði vel, það er búið að ræna þau?
Nei nei auðvitað ekki.
Þögn, ekkert svar, ég spurði ert þú þreytt mamma mín?
Já allt í lagi heyrumst bara seinna. Bless.

Allt sem er undirstrikað var sagt með ólund.

Rétt áðan hringdi síminn það var hún elsku mamma mín,
auðvitað að drepast í samviskubiti yfir því að hafa verið
leiðinleg, það er ekki í fyrsta skipti, svo maður er vanur.

Sæl elskan, ég gat ekki talað við þig í dag Milla mín, nú segi
ég já sko ég var að æla þessum ógeðslegu fiskibollum sem
ég borðaði í hádeginu, skil ekkert í þeim að bjóðamanni upp
á þetta. Nei það er alveg furðulegt, en hún var búin að hæla
þeim við eftir hádegið.

Síðan fór hún að segja mér fréttir af frænku okkar sem er svo
ánægð með að ég skildi senda henni  myndirnar, hvaða myndir
spurði ég nú þú sendir henni einhverjar gamlar myndir.

Mamma mín ég veit ekkert hvað þú ert að tala um, nema að
þessi frænka mín fari inn á bloggið mitt og skoði myndirnar
þar. Nei þú sendir henni myndir.

kannist þið við svona yndisleg heit?
Ætla bara að biðja þessa frænku mína sem ég á að hafa sent
myndir að gera vart við sig ef hún droppar inn aftur, bara svo
ég viti hver hún er. Verð að setja inn eina frábæra mynd, stel
henni frá Dóru minni á facebokk. Er hún ekki mikil dúlla.

                  ******************************

Séra Bjarni Jónsson Dómkirkjuprestur var mikill sjálfstæðismaður.
Eitt sinn fyrir borgarstjórakosningar er sagt að  sr. Bjarni hafi
stígið í stólinn og haldið mikla og góða ræðu og beðið Sóknar-
börnin sín að vera á verði gagnvart hinu illa í heiminum.

Ræðuna hafi hann endað á þessum orðum:
Kjósið D. - Kjósið D.- Kjósið D.- kjósum drottinn.

Hann mundi nú örugglega ekki predika svona í dag, hefði hann
verið meðal vor.

Góða nótt kæru vinir

Tóm, tóm, tóm.

Er það nokkuð merkilegt þó maður sé tómur á svona degi,
Bæði er skítaveður úti, það er bolludagurinn og eigi má maður
borða þær svo er ekkert að gerast bitastætt að mínu mati í tíkinni
nema ef vera skildi að Valgerður Bjarnadóttir ætlar fram,
hún fer fram á eitt af efstu 4 sætunum og það er að sjálfsögðu
bitastætt.
Valgerður er nýtt blóð, frábærilega vel gefin og vel inni í öllum málum.
Við þurfum fólk eins og hana sem mun taka á málum af skynsemi.

Ég var að tala við Benedikt Sigurðsson framkvæmdastjóra Búseta
á Akureyri í morgun reyndar átti það símtal eigi að vera um tíkina,
en fór smá út í það einnig, Óskaði ég honum til hamingju með
þá ákvörðun að í prófkjör að fara.
Benedikt er maður að mínu skapi hann er ekki að dandalast með
málin hann leysir þau.

Það vantar nýtt blóð, út með þetta gamla og við verðum að þora að
breyta til.

Ég var þá ekki alveg tóm eftir allt saman.

En ég meina það sko karlinn að horfa á einhverja eldgamla mynd
á DVD og kúra þeir saman í gestarúminu Neró og hann, verð nú
að fara að stjórna eitthvað í þessu, það er nú lágmark að það sé
hellt á kaffi á þessum bæ eða kannski ég fái mér bara te.

Er hann ekki flottur þessi? hann býr á bílasafninu
í Kinninni S. Þing.

Sigurlaug Brynja, Halldór Örn og Gunnar Smári eru barnabörn
Gísla míns. Þau búa á Ísafirði svo við sjáum þau ekki oft,
en þau eru yndisleg.

Þessi litla dúlla Heitir Katrín Björk og er langafastelpan
hans Gísla míns.

Eigið góðan dag í dag
Milla

Fyrir svefninn.

Elskurnar mínar er ekki búið að vera gaman hjá ykkur
í dag, yndislegt hjá mér.
Vaknaði að vanda snemma og fór í morgunsnarlið mitt
og síðan í tölvuna er ég var búin að fara yfir allt þar tók
facebokk við.
Á endanum þurfti ég nú að fara í sjæningu. þá var Gísli
minn búinn að sjæna sig. nú er ég var búin var mér boðið
upp á kaffi og smurt brauð.

Hann gaf okkur heilsusúpu í Hádegismat, þá datt mér í
hug að sauma nýtt kófer á pullurnar á eldhússtólunum,
hafði nú ætlað að vera löngu búin að því.
Var með efni og sneyð það niður, fór aðeins í tölvuna ,
en viti menn koma ekki tvær vinkonur mínar í heimsókn
önnur þeirra býr hér en hin á Ísafirði og var hún með
dóttur sína með sér.
Það var mikið spjallað og hlegið.

Nú þegar þær fóru saumaði ég kóferin og það er allt
annað að sjá stólanna, það var nefnilega orðið lélegt
áklæðið.

Síðan var matur hjá Ingimar og Millu. það vað gormet
lambalæri, bakaðir kartöflubátar+ sætar með dassi af
osti yfir, gljáð grænmeti og sósa að hætti Ingimars það
gerir enginn sósur eins og hann.
Á eftir fengum við  franska súkkulaðiköku með jarðaberjum
og rjóma og var hún bara dásamlegur draumur.
Takk fyrir okkur elskurnar mínar.

Smá úr Íslenskri fyndni:

Þekktur lögfræðingur í Reykjavik, vildi koma konu sinni
og dætrum að óvörum á aðfangadag.
Hann læddist óséður heim til sín og inn í svefnherbergi.
Þegar konan og dæturnar tvær voru sestar inn í stofu,
birtist hann með fangið fullt af gjöfum í jólasveinabúningi
og kyssti konu sína rembingskoss.
Yngri dóttirin horfði undrandi á og sagði svo: "Það er aldeilis,
fyrst var það rafvirkinn, svo málarinn og núna jólasveinninn."
Mamman reyndi að segja uss, en hún sá það ekki.

Góða nótt kæru vinir

Í plastpoka.

Hvað var maðurinn að gera með þessa peninga í plastpoka,
hélt að maður væri með svona fúlgur í tösku eða kannski
eru þetta bara smápeningar hjá sumum, en samt elskurnar
mínar þeir sem eru virkilega ríkir ganga bara ekki með peninga
á sér annað hvort eru þeir með kort eða fólk sem borgar fyrir það.

Get nú ekki annað en hlegið að þessu, á klósettinu, skyldi það
hafa verið svona erfitt hjá honum að hann hafi bara gleymt
 1,5 miljón króna. Guð hvað ég vildi að ég ætti svona pening.

Vonandi hafa þeir komið sér vel hjá þeim sem tók þá.

Gleymdi einni og hálfri milljón á klósettinu

1, 2, og 3, hvað svo?

Þegar hrunið gerðist og ríkið tók yfir Glitni, sátum við
Gísli í bílnum okkar fyrir utan kringluna og hlustuðum
á Ræðu forsætisráðherra.
Dóttir mín og hennar dætur höfði skroppið aðeins inn
til að breita símunum sínum fyrir Ameríkuferðina sem
þær fóru í daginn eftir.
þetta var að sjálfsögðu sjokk, ekki vitað hvort bankarnir
yrðu opnir daginn eftir, en þeir voru það.

Í þá daga, ÞAÐ ER SVO LANGT SÍÐAN. voru fyrirsagnir
blaðanna svona hikandi engin vissi í raun hvað ætti að
segja eða hvað mætti segja, ef allt mundi nú falla í gírinn
þá var ekki vert að stjaka við mönnum.

Síðan varð vissan alltaf verri og verri fyrirsagnir pistla
agresífari og meinfísari þó Geir segði að þetta mundi
allt lagast.
Held meira að segja að hann sé að segja það en
sko ef hann hefði fengið að???

Allir vita nú meðgönguna í þessum efnum, sorapistlar
og ásakanir hafa gengið yfir menn og mýs.

Komin er einhver stjórn sem að mínu mati er bara ekki
að öllu leiti að vinna vinnuna sína, það er ekki nóg að
segjast ætla að gera þetta og hitt, en það er ekki að
gera sig, fólk er að missa húsin sín, bílana og á ekki
fyrir mat.

Í dag eru fyrirsagnir blaðanna þannig að skín í gegn
að um kosningaáróður er að ræða.
Margir pistlar eru góðir en allir segja þeir okkur hvað
er best að gera, sem sagt kjósa.
Það segir mér engin í dag hvað ég á að kjósa.
Maður er hættur að vera í já hópnum.

Ég spyr hvað ætlar fólk svo að gera núna?
Halda áfram að mótmæla og heimta þjóðstjórn eða
bara setjast niður og segja: ,,Við kjósum bara það sama."


                   ********************

Til hamingju með daginn allar konur.

Sko það er konudagurinn í dag, við höfum nú ekki
farið varhluta af því í auglýsingaflóði bæði í blöðum og varpi
þó hefur það verið með minna móti en áður, sem betur fer.

Ég hef nú aldrei verið mikið fyrir þessa aukadaga, mér
finnst samt allt í lagi að gera sér dagamun í mat og svoleiðis,
en þar sem minn maður eldar ekki og ég á hækjunni þá hefði
ég sjálf þurft að elda nema fyrir það að Milla mín bauð okkur
í mat, en Ingimar eldar að sjálfsögðu, enda er hann listakokkur.

Já ég ætlaði að tala um þessa daga, það er nefnilega hægt að
gleðja hvort annað með öðru en blómum fyrir morðfjár og eða
gjöfum. Ein rós eða einn koss dugar er fólk á ekki til
peninga.
Gerið eitthvað skemmtilegt með fjölskyldunni, það gefur
allavega mér mest.

Kærleik til allra
Milla.

Fyrir svefninn, martröð fólks.

Ef satt reynist og bankarnir eru að selja þessar eignir
langt undir markaðsverði, þá er það ekki gott.

Ætíð hefur það tíðkast að fólk hafi getað keypt á ágætis
verði af bönkunum og með frábærum skilmálum.
fólk hefur slegist um þessar eignir, það er að segja þeir
sem minna hafa haft á milli handanna.

Ef um fínni eignir er um að ræða þá hafa þær kannski
komið á söluskrá einn dag eða svo, en eru seldar ef einhver
spyr um þær.

Ég sel þetta ekki dýrara en ég keypti það.

En ef satt reynist með þessar sölur sem eiga að fara fram
sama hvað það kostar þá er gróflega verið að mismuna fólki.

                    *****************************

               Smá grín í endann.

Kona úr Þingeyjarsýslu kvað þessa vísu til Hermóðs í Árnesi
um það leiti er Miðkvíslarmál og deilurnar um laxárvirkjun
stóðu sem hæst.

               Hermóður með himneskt skap
               hallar sér að konum.
               Ekki myndast mikið krap
               í miðkvíslinni á honum.

Sigurður Ívarsson kvað:

              Nú lifi ég þessu lífinu fríða,
              um lauslæti hugsa ég ekki par.
              Fer snemma að hátta, er hættur að ríða
              og hugsa um dyggðir og þess konar.

Góða nótt kæru vinir

Eignir á „góðu verði“

Þær eru til yngri.

Þetta er óhugnaður sem verður að stoppa.

Þrettán ára selja sig fyrir fíkniefni

Rannsóknum vegna vændis ungra stúlkna allt niður í 13 ára hefur fjölgað undanfarin tvö ár þótt rannsóknirnar hafi ekki verið margar, að því er Björgvin Björgvinsson, yfirmaður kynferðisbrotadeildar lögreglunnar á höfuðborgarsvæðinu, greinir frá. Að sögn Björgvins hafa stúlkurnar oftar en ekki selt sig fyrir fíkniefni eða áfengi.

En af hverju eru þær ekki margar?
Jú að því að stúlkan sem í hlut á vill ekki kæra.
Hún er föst í neyslu.

Björgvin Björgvinsson kveðst ekki minnast þess að málin hafi leitt til kæru eða ákæru á þessum undanförnum tveimur árum. „Í þessum málum sem við höfum haft til rannsóknar hefur þolandinn, það er að segja barnið, ekki verið mjög samstarfsfús þannig að við eigum erfitt með að ná í þá sem hafa notfært sér stelpurnar," segir Björgvin og bætir því við að lögreglan hafi áhyggjur af fjölgun þessara mála.

Það verður að vera með sterkar forvarnir alveg frá unga aldri,
en þannig að börnin verði ekki hrædd heldur að þetta sé
bara liður í siðferðislegu uppeldi, ef börn eru alin upp í því
hvað er rétt og rangt þá fara þau síður þessa sorglegu leið.
þau verða auðvitað fyrst og fremst að bera virðingu fyrir
sjálfum sér.

Nú eru til rannsóknar hjá kynferðisbrotadeildinni mál tveggja unglingsstúlkna, 13 og 14 ára, sem taldar eru hafa selt sig fyrir fíkniefni og áfengi. Þeir sem vekja athygli á slíkum málum eru yfirleitt skólayfirvöld, að sögn Björgvins.

Sem betur fer eru skólayfirvöld orðin það þroskuð að þau
gera sér grein fyrir því að það er í lagi að láta vita,
það er sko ekki þeim að kenna og þetta er ekki blettur á
skólanum.
Það er blettur að láta ekki vita.

,,Þeim finnst kannski barnið haga sér öðruvísi en gengur og gerist og skólinn lætur barnayfirvöld vita. Málin koma ekki alltaf til rannsóknar hjá okkur en þau gera það þegar ástæða þykir til. Það fer eftir alvarleika málsins og hversu langt þetta er gengið," segir Björgvin.

Díana Óskarsdóttir, ráðgjafi í Foreldrahúsinu, segir nokkur tilfelli um vændi mjög ungra stúlkna hafa komið upp á yfirborðið í viðtölum þar á undanförnum árum.

Stígamót fá í hverri viku nokkur símtöl sem tengjast einhvers konar kynferðislegu ofbeldi gegn börnum, að því er Þórunn Þórarinsdóttir ráðgjafi greinir frá.

Eitt er sem allir verða að gera sér grein fyrir að við foreldrar,
leikskólakennarar, kennarar og aðrir þeir sem umgangast
börnin okkar hafa alla ábyrgð.

það var verið að tala um að allsherjar endurmenntun vær
stærsta verkefni þjóðarinnar.

Hvernig væri þá að byrja á unga aldri og leggja sérstaka
rækt við þá sem erfitt eiga með að læra, ekki sleppa af
þeim hendinni eins og gert var hér áður fyrr, hjálpa strax
þá mundu kannski færri börn lenda í þessum málum.

Vöknum öll til lífsins og verum með því þetta getur
gerst hjá okkur.

Þrettán ára selja sig fyrir fíkniefni

Fyrir svefninn.

                        Öðruvísi fólk


Fyrir mörgum árum síðan og fólk það sem hér um ræðir
löngu farið handan glærunnar, var ég á sjúkrahúsi.
Gisti ég þar 6 manna stofu með vel hressum konum.
Um hádegisbil einn daginn sáum við að mikið gekk á frammi
við vaktina og var þar fólk að bera að garði, er nánar var að
gáð var þetta fólk ekki eins og formið sagði til um að fólk ætti
að vera, eða þannig.

Konan grét og sagðist vilja vera í herbergi með manninum sínum
henni var tjáð að hún gæti ekki fengið það fyrr en þar næsta dag.
Sættist hún á það og átti hún að koma inn til okkar, við tókum vel
á móti henni, pinklar og pokar voru út um allt og sögðust nú
hjúkrunarkonurnar taka fötin hennar til þvotta, hún sagði þið
þennan poka takið þið eigi frá mér.
Allt í lagi með það hún tróð honum inn í skáp og stakk einhverju
undir dýnuna.

Síðan hvarf hún er hún kom til baka þá var búið að baða og gera
hana fína. Meðan við biðum eftir kvöldmatnum töluðum við til
konurnar og var hún skrafhreifin mjög.
Morguninn eftir grenjaði hún og æpti að það væri ekki hægt að vera
með okkur í herbergi við værum rekandi við, hrjótandi og ég man
ekki hvað. Hún vildi fara til mannsins, hún fékk það.
Sagði bless og fór.
Reyndar voru það við sem eigi sváfum fyrir látum í henni
blessaðri, þó eigi sögðum við neitt um það.

Er við vorum allar búnar að fara í sturtu og löbbuðum fram í
setustofu kallaði hún úr einu herberginu: ,, Stelpur komið ég
ætla að gefa ykkur koníaks-staup." það var þá ástæðan að
þessi elska þurfti að hafa svolítið prívat fyrir sig og sitt fólk.
Hún var ekki alkóhólisti þessi kona, það tíðkaðist bara í sveitum
hér áður og fyrr að gefa einn snaps.
Flaskan var það sem hún stakk undir dýnuna.

Þau voru ekki alltaf að baða sig það var óþarfi.
Að laga til var einnig óþarfi,
Að vaska upp var einnig óþarfi.
Að borða var gert bara svona þegar þörf var á
enda horuð mjög.

En hvers var það að dæma hvort
þau voru öðruvísi en við hin, eða við öðruvísi en þau?
fólk lifir eins og það hefur vit og kunnáttu til og engin á að
dæma eða setja út á það.

Það eru ekki svo ýkja mörg ár síðan þetta var og fólk skal
gera sér grein fyrir því að þetta er til enn þann dag í dag
þó fólk búi í góðum bústöðum í dag.

Verum góð við hvort annað.
Látum ekki rammann stjórna okkur, brjótumst út og
leitum leiða til að allir geti notið sín í þjóðfélaginu.

Góða nótt

Detta nú ekki af mér allar dauðar.

Já er það? Á það virkilega að vera stærsta verkefni
okkar að mennta þjóðina til þess að þeir verðir hæfir
til að taka þátt í að virkja lýðræðið, sem talað er um.
Ef að við Íslendingar erum ekki nægilega menntaðir
þá held ég að menntamálaráðuneytið ætti ekki að
draga úr grunni menntunar sem eru grunnskólarnir
og upp í Háskóla.

„Allsherjar endurmenntun nauðsynleg"

„Það var mjög afgerandi skoðun fólks á fundinum að stærsta verkefni Íslendinga á næstunni sé að hér þurfi allsherjar endurmenntun þjóðarinnar til þess að ná fram því virka lýðræði sem talað er um," sagði Sigurborg Kr. Hannesdóttir hjá fyrirtækinu Ildi, sem stóð í gær ásamt Háskóla Íslands og fleirum, að samræðufundi um þróun lýðræðis á Íslandi í átt til virkari þátttöku almennings og hagsmunaaðila.

Samkoman var á Háskólatorgi HÍ með fyrirkomulagi sem kallað er Heimskaffi (World Café); slíkir fundir eru ólíkir venjulegum fundum að því leyti að samræður fara fram í litlum hópum og þykir aðferðin vel til þess fallin að ná skýrri niðurstöðu með lýðræðislegum hætti.

Mikið rétt svo koma hóparnir saman og setja fram sýna
skoðun og sýn á málefninu sem rætt er um hverju sinni.

Rædd var spurningin: Ef Ísland vildi verða til fyrirmyndar í því að auka þátttöku almennings og hagsmunaaðila í „nýju lýðræði", hvaða afgerandi skref gætum við stigið?" Og svarið var afgerandi, eins og
Sigurborg benti á. „Jafnvel að byrja þurfi frá grunni, í skólakerfinu; á gagnrýnni hugsun, siðfræði og heimspeki - til þess að við verðum öll hæf til þess að taka þátt í lýðræðinu.

Hvenær á að byrja á því er það er verið að skera niður á
öllum sviðum fjölga á í skólastofum og minna námsefni
jafnvel í boði, en það á eftir að koma í ljós, skal ekki
fullyrða um það.

Að fundinum stóðu Stjórnmálafræðideild Háskóla Íslands og Stofnun stjórnsýslufræða og stjórnmála við HÍ, ILDI þjónusta og ráðgjöf, Endurmenntun HÍ og Morgunblaðið.

Það er svo langt frá því að ég sé á móti menntun
og er afar   hlynnt henni í alla staði og mundi ég segja
að menntunarkerfi það sem býður upp á að börn fari á
sínum hraða í gegnum skólakerfið sé meira í hávegum
haft. Nóg um börnin.

En að lesa það að það sé brýnasta verkefnið að
endurmennta þjóðina sem er bara ágætlega menntuð
finnst mér frekar benda til virðingaleysis við aðra en þá
sem í háskóla hafa gengið.

Þetta fólk skal athuga það að fólk hefur allt annað að hugsa
um heldur en að setjast á skólabekk , en ríkið ætlar kannski að
borga þeim mannsæmandi laun á meðan það er að mennta sig.

Tel flott að fólk fari í það að mennta sig, en það er ekki brýnasta
verkefnið að endurmennta fólk við erum bara ágætlega menntuð
úr skóla lífsins.

Góðar stundir.

 

„Allsherjar endurmenntun nauðsynleg“

Fyrir svefninn.

Datt þessi í hug er ég las hjá vinu minni áðan um
framkomu við fólk í þjónustustörfum.

Var mætt í mína vinnu að vanda kl 5 hafði allt til og
opnaði síðan með fyrsta manni upp. Ég vann nefnilega
á barnum í flugstöðinni.
Maður á miðjum aldri  kemur í fylgd með syni sýnum svona
rétt um tvítugt, hann bað um kók fyrir strákinn eins og hann
sagði og tvöfaldan vodka í seven fyrir sig, ekki málið var nú
ekki lengi að afgreiða þetta.
Síðan var ég eitthvað að dúlla mér þurrka af og svoleiðis
hann kallar og segir: ,, það sama" og ég kem með það, en það
var nú víst ekki rétt hjá mér því hann sagðist hafa verið með
appelsín fyrir strákinn, fyrirgefðu segi ég og tek glasið og læt
hann hafa annað með appelsíni í.
Stuttu síðar segir hann: ,,Þú ert alveg eins og konan mín! ég
svara ekki,  aftur, þú ert alveg eins og konan mín!"
fyrirgefðu ert þú að tala við mig? Já þú ert skapill eins og konan
mín, úrill og skapill. Aumingja strákurinn varð hálf kindarlegur.
Ég brosti til hans og bað hann að hætta svona talsmáta,
hann héllt áfram.
Þetta pirraði aðra kúnna sem komnir voru á barinn.
svo ég tjáði honum að ég gæti látið taka hann vegna dónaskapar
hann ónáðaði aðra farþega með þessu.
Þá sagði hann og skellti glasinu í borðið, það tekur því ekki að
taka mig ég er að fara úr landi, síðan fór hann og strákurinn
á eftir.

Þetta var samt svolítið hlægilegt því ég var og er þekkt fyrir kátínu.

Ein góð.

Gamlar vinkonur sem búið höfðu í sitt hvorum landshluta og
ekki hist í 15 ár, hittust óvænt á Laugarveginum.
"Guð, ég ætlaði ekki að þekkja þig," segir önnur. " Þú hefur elst
svo mikið." "Ég hefði nú ekki þekkt þig nema bara af kápunni,"
svaraði sú sem fyrri varð til að heilsa.

Góða nótt kæru vinir